山見台式火鍋 (雅蘭中心)

營業中

休息中

今次邊爐放題，🥩除咗可以任食和牛之外，仲試咗好多唔同嘅特色小食！😚其中臺灣嘅滷水，炸芋泥球，芋圓小丸子糖水都非常特色！饌和牛，無骨牛小排，月見封門柳，卡樂BEEF(牛五花)。必試招牌饌和牛😍油花均勻，落咗之後，🥢都唔會感覺到油脂肥膩感，而且入口好滑。羊肉卷味道好香~好似係出邊食過嘅羊肉火鍋專門店。唔食牛嘅屋企人，🐑都可以食得好開心好享受。原隻駅前海老，🦐鮮蝦勁大隻，而且非常新鮮。陳皮鯪魚滑，松露墨魚滑，🍄墨魚滑都好好食，加埋松露好彈牙，有特色。

啱啱係台灣返嚟香港，隔離咗7日有少少掛住台式火鍋，就同朋友嚟食山見台式火鍋放題。自助餐選擇多，食物睇落新鮮。仲要三百幾蚊就有和牛set。佢嘅白桃烏龍超級好飲，極香鮮甜桃味同茶味配合得啱啱好各自有特色。

旺角出名食物種類多的地區，難得比我遇見一間有驚喜的台式火鍋，一開始已給外面吸引著，外面很多台式的精心設計，很多種類小食可以選擇，炸鹽酥雞香芋丸鹵水蛋牛筋豬大腸都覺得好好食，突然令我好掛住台灣，令我想起台灣的夜市☺️牛肉方面我選擇左最高級的和牛，牛肉脂肪分佈平均，好有牛味，另外無骨牛小排牛爽腩黑毛豬都好食😋呢個餐會送一杯手搖飲品😍湯底撰擇左美人鍋和麻辣湯，鴨血炸油條加入麻辣湯正！另外外面有多種菜和丸的配料，推介芋頭貢丸，糬來寶正👍滷肉飯台灣必食，滷肉面層不會好多油，肉夠香，咸道適中，配飯一流。甜品方面有幾種雪條，亦都有芋圓甜品。值得一試，推介👍3

今晚同啲舊同事一齊去咗新開無耐嘅山見食～本身諗住都係同平時啲任食火鍋差唔多，但係呢間真係俾到驚喜我！一入到去職員就提我哋講用QR CODE落單，仲同咗我哋講個WI-FI密碼，驚我哋電話收唔到。跟著當然係嗱嗱臨落單啦，啲選擇真係多，啲肉類有唔同部位揀，緊係個個都試啦。除咗肉，仲有其他係平時少見的，有花膠、松露墨魚滑等等，仲要有啲台式炸物，鹽酥雞、蔥油餅等，真係超多嘢揀，係咁叫都試唔晒！😆喺電話落完單，就走出去望望有咩可以夾，有菜啊～菇啊～腸啊～有咖啡、茶嘅嘢飲啊～仲有滷肉飯之類嘅台灣嘢食。啲台灣嘢食真心幾正宗，啱晒我呢啲中意台灣嘢食又無得去到嗰度食嘅人！行咗一陣翻埋位，啲嘢食都到晒咁濟，上菜真係幾快！😚講到啲嘢食，啲肉類唔會太老太韌，又有啲咬口，真係好好食，啲海鮮類嘅又幾新鮮，炸物上到嚟都仲係脆，唔會凍晒咁，真係好可惜嘅係個胃唔大，試唔晒啲嘢，所以下次一定會再去試埋佢😤最後緊係要叫甜品啦，除咗有得攞雪條，仲有我最中意嘅芋圓，佢一碗唔大，啱晒最後食，而且仲可以試晒仙草、愛玉，真係好滿足🥰最後嘅最後因為有同事生日，仲送咗壽包俾我哋（要食之前兩三日訂枱嗰陣同埋職員講），真係超好💕下次一定要再幫

今日同女朋友屋企人出去食飯，本身想食日本燒肉。行經過見到山見台式火鍋裝修咁似去咗台灣，不如試吓心態。入咗去叫了「食到飽」套餐，好多款式可以叫抵食。湯底叫左鴛鴦底，麻辣同清湯。真係冇諗過好多款野飲品同食物🤣🤣心諗個老闆真係唔怕蝕本太多台灣特色飲品，不斷叫和牛同其他台灣當地食物甜不辣同鹽酥雞。個鹽酥雞真係比個like，佢哋真係用心炸。唔似其他任飲亂嚟。個珍珠奶茶既奶茶真係好當地，不過個珍珠真係要改善。

一個人無聊放工出旺角，行過雅蘭中心見到呢間係牛角隔離，係台式嘅放題～於是望吓幾個plan決定試吓🙌🏻開頭諗住食極品，但係見到$298殿堂plan多啲嘢食，最後揀咗298我選擇咗佢個豚肉湯底，個人覺得牛爽腹幾唔錯，其次是試左啲熟食，地瓜薯條我覺得幾好食😋滷水嘅都唔錯～覺得最難食嘅係魚皮，鹽酥雞，七里香，個人覺得食極品已經OK！湯底都唔錯，好多嘢飲，都幾多種類，食開其他放題火鍋～呢間都👌🏻~要讚嘅係有芋圓食～可能閒日夜晚黎唔算爆場～所以我坐到過左時都無趕我走～時間唔算太夠，因為種類好多，好多面我都食唔到～但係可以下次再食😻位置都算唔錯同埋環境有d嘈@@ 但係整體來講都算幾好！唔知點解冇豬血糕～美中不足！

喺旺角行街諗唔到食咩，驚朋友介紹去食呢間台式火鍋放題 搭lift上到餐廳好彩Walk in有位，喺門口就揀埋湯底同餐，我哋揀咗青花椒麻辣拼酸菜白肉，牛肉方面我哋揀咗饌·和牛😋坐低就可以用電話QR code揀嘢食食物種類都非常之多👍🏻😍三百幾有呢個質素超抵食

之前同老公去旺角行街，見到呢間台式火鍋店，係呢個疫情時期，真係太耐太耐無去旅行，好掛住台灣，所以見到都即預約今星期食。一入門就見到好多種類既台灣小食，係食火鍋既同時仲可以嘆住啲鹽酥雞，炸地瓜條，炸油條，炸香芋丸😋我地選擇左最貴個款和牛，果然無失望，和牛套餐除了包出面各款台式飲品外，仲送一杯手搖飲品，如果想再飲都係另加＄6，真心平😂我地叫左各款肉，和牛肉質鬆軟不會太油膩，牛爽腩牛味重，豬肉唔so好香👍另外個湯底我地撰擇左美人鍋，入面本身有好大舊雪耳，同其他配料。麻辣湯都有台式風味，配油條鴨血一流😋外面仲有好多丸，菜可以夾，仲有滷肉飯好味唔會好油，滷味好好食，滷蛋滷大腸滷牛根等等…甜品環節有芋圓，台式雪條等等。飲品方面，桂花烏龍白桃烏龍都好好飲，有驚喜，必試🤩

原來香港都有質素不俗的台式火鍋！一直好喜歡到台灣品嚐美食特別係麻辣火鍋，不過疫情下出國都唔係咁易。最近得悉雅蘭中心新開了一間台灣火鍋放題名為「山見」，之前見屯門店口啤不俗，宜家市區有分店梗係即刻同幾位老友一齊前往大快朵頤😊店外裝修甚有台灣特色，顏色鮮艷的郵筒加上仿製台鐵火車頭裝飾，可以供顧客打卡影相猶如置身台灣當地，好有親切感！店內裝橫簡約時尚，空間感廣濶；配上台式夜市特色招牌設計，真係以為自己飛咗去台灣✈️！既然係火鍋放題當然先選擇湯底啦！我哋點選了花椒麻辣火鍋拼美人鍋雙拼，前者辣度十足且有層次，椒麻獨特的香味令人印象深刻；後者鮮味濃郁加上花膠等具美顏功效，大家都忍唔住先飲咗一碗，抵讚👍肉類包括牛肩胛，牛爽腩等肉味香濃，梅花肉、豚五花等質素亦見平均；少量海鮮包括水魷、墨魚仔、鯇魚片及鯪魚滑，質素亦見新鮮！另外山見亦供應多款台式美食如鹽酥雞、蔥油餅、柯仔煎、炸雞扒、口水雞、藥膳雞翼等，特別一提佢嘅蔥肉餡餅口感不錯，如果再熱啲就更好！大部分食品味道竟然同台灣當地差唔多，可見大廚有一定水平。最喜歡係台式滷水，味道濃郁而且層次豐富，特別係豬手好入味軟淋，質素嚴格來說更勝某些滷水專門店。甜品點選

疫情這麼久了，封關哪裡都不了。人悶在香港，就想出去透透氣，但是疫情一直反復，也沒辦法，唯有在香港找點樂趣...網上最近蠻火的一家台式火鍋店，竟然在旺角這個旺區開了分店，之前屯門太遠去不了打卡，一看見這消息，第一時間約人試試，騙騙自己去了台灣吧..在門口的打卡位許願墻上，才發現大家的願望都非常一致，不外乎中頭獎，升職加薪，減肥成功 (來吃火鍋希望減肥成功？哈哈)店內設有明信片投寄服務，明信片還有80塊的優惠券，收到的朋友下次來吃就可以有優惠了，真是個可愛的宣傳方法..平時台灣常見的地道小吃都有提供，味道蠻不錯的，特別是滷肉飯，一定要試試！！是在台灣吃到的味道，有肥肉的滷肉飯才是正宗的滷肉飯，太感動了..惡魔雞扒還有豬扒也要嚐嚐，剛剛炸好端上來，很酥脆..芋丸甜品也不錯，Q彈又不太甜。蝦子大隻又飽滿彈牙，可以一直安可..食物豐富，90分鐘好像不太夠，還多好多小吃都沒嘗試到，那些鹵水，丸子，蔥油餅好多好多...唯有下次再來..

星期六行完街餓餓地搵野食，見到有間新開既台式火鍋就試下，入去之前見到D裝修，已經好有台灣味同幾有特色。坐底左，我地揀左$358個餐，湯底揀左椰子同美人鴛鴦鍋，椰子湯底較為清淡，適合唔鍾意重口味既朋友，美人湯底都唔錯。同一般既台式火鍋唔同，呢間有較多台式小食，有鹽水雞，蚵仔煎，惡魔雞排，藥膳雞翼等不過黎到就緊係食和牛啦，所以都只係出面拎D有興趣試既小食就算。出面都有大路既火鍋配料拎，但最特別既係呢度有花生芽，其他火鍋店真係未見過。至於野飲都有D特色，有幾款台灣野飲係其他店都係未見過值得一讚既係上菜速度真係快，手機落完單3-4分鐘就開始送D肉出黎，拎完野返埋位就已經可以準備淥和牛食，和牛好有牛味對比起其他店D牛味更重，不過如果再多D雪花就再正D，另外封門柳都值得一試。係咁食和牛同封門柳，中間食肉太膩，就再去出面拎D蟲草花同花生芽等冇咁膩。食到最後一人可以落一個甜品，我揀左芋圓，D芋圓夠煙韌，配搭花生同仙草，最後一定唔好錯過!食埋個甜品真係好滿足，食到好似有左三個月咁。總括黎講比其他火鍋店出色，有和牛食，性價比中等，10分滿分我比8分。

今日同同事食生日飯，去咗位於旺角雅蘭中心新開嘅山見台式火鍋，當去咗一次台灣旅行😋我哋6點去到發現有好多人排緊隊，好彩一早訂咗枱可以揸揸林入去食。我哋試咗個90分鐘火鍋<殿堂.吃到飽>套餐。如果食生日飯仲會送壽包，不過要提早預訂。湯底方面我哋就叫咗個鴛鴦湯底，揀咗蕃茄同麻辣除咗用QR code落單之外出邊仲有好多熟食可以自己揀，有好多台灣小食例如滷水大腸，甜不辣，豬手，芋泥波波同埋甘薯等等。當中用QR code落單嘅蚵仔煎相當出色，推薦大家一試！除此仲有魚皮，糯米腸，鹽酥雞都唔差。食到差唔多飽嘅時候仲可以叫台式甜品，仙草芋圓入面有花生，紅豆，芋圓同仙草，相當之清涼嘢飲就梗係唔少得要叫台式飲品，我哋試咗珍珠奶茶。如果怕太甜嘅話，出邊雪櫃仲有佢自家嘅茶，例如桂花烏龍，白桃烏龍

同朋友試試旺角新開嘅台灣火鍋放題，自助款式選擇多，亦有不同種類嘅台灣地道小食選擇；鹽酥雞.手抓餅，豬手等等，未打邊爐已經食小食食飽。火爐方面，選擇咗和牛套餐、和牛肉質新鮮，脂肪比例正常，放題嚟講質素唔差，飲品選擇亦都好多，食飽最尾仲有台灣芋圓食，不錯..推薦！

星期二晚與眾老友聚舊 見到新開嘅台式火鍋 緊係要試一試 裝修充滿台灣氣味 真係懷念！雖然間餐廳都幾大 但因為都人多 等左一陣先到我地，門口已經有哂menu 見到好多夜市小食，真係好掛住可以去旅行嘅日子，呢度可以滿足到你想去台灣掃街嘅一時之癢。入到去，裝修都幾靚，特別鍾意門口個火車頭。坐底好口渴，好多野飲揀，推薦白桃烏龍茶，清清地幾岩打邊爐，如果想飲珍奶都可以，加$6/杯，但好多飲品選擇，所以我地都無叫。之後揀湯底，叫左美人湯底同麻辣，兩個湯底都好足料，食得辣嘅朋友可以試下麻辣，唔係好食得就唔建議叫，因為真係幾辣。出去行個圈拎醬油，原來仲有日式前菜螺肉,又有滷水牛筋，豬大腸之類，全部都好入味。我地叫殿堂餐，已斯經差唔多可以食哂店入面所有產品。餐廳會先黎牛肉，唔夠可以再order，有好多款牛肉選擇，全部都幾新鮮。但我更鍾意其他配菜，特別推介鬼馬油炸鬼，水餃，水魷同牛栢葉。當然，台式小食都係呢度重點推介，鹽酥雞，台灣腸，柯仔煎，炸雞扒，全部都好有台灣風味。食到差唔多再整個刀削麵，大滿足。最後甜品有芋圓，真係台灣風味到味，唔鍾意嘅可以試下西瓜雪條。埋單一人$300，抵到爛。可以一試！

今日喺雅蘭中心行街，比卡台灣火車頭吸引咗，行近啲仲見到十分老街嘅室內設計。原來係標榜台灣地道湯底同美式嘅吃到飽火鍋🍲，睇到個餐牌已經肚餓（定係餓旅行？ ！ ），即刻想入去坐低試一試，但都要揀咗湯底同套餐先👏。淨係火鍋湯底已經有好多款，除咗台灣地道湯底同埋藥膳湯底，唔少得愛靚女士最鍾意嘅「杜丹美人鍋」！今次就揀咗鴛鴦鍋，除咗美人鍋，就搭多個鳳梨蕃茄湯。套餐就有四款，有平有貴，任君選擇。「饌。和牛。吃到飽」(💰$368) 識食嘅就梗係叫「饌。和牛」。淨係食呢啲牛都已經回本，睇相你可以見到質素好高。唔同部位，唔同質感，肥瘦剛剛好，一個餐食得晒。豬都有四樣可以揀！而且點少得雞羊。仲有十幾樣其他小菜。特別一提，仲有清境鮮雞子、鵝腸、白鱔片，都幾新鮮，夠晒台灣。除咗自己烚吓烚吓，仲有好多煮好嘅即叫即食。滷水、蔥油餡餅、柯仔煎、椒鹽菜式、台灣炸物、台灣餃子…… 真係要拎多兩個胃嚟先搬到個台灣返屋企。嘢飲仲有兩個大櫃俾你揀，當然梗係有唔少台灣飲到嘅飲品啦。今餐雖然係打邊爐，但真係feel到「好。台灣」。除咗餐廳室內設計好有心機好靚，面積都好大，座位寬闊。就算近期疫情數字上升，都令人食得放心。店員好有禮