居食屋「和民」 (皇室堡)

營業中

休息中

🧀和民自慢！香脆炸雞芝士味3個🐥（$45）🍗芝士味炸雞🍗滋味滿滿👅.💡新登場💡：🔅夏之冷麵🍜❄️刺身冷麵🦐（$78）🌶帶有辣味嘅麵質爽口嫩滑😋配埋刺身配搭夠曬新鮮👍🏻.🍲豚骨湯擔擔鍋（$88/小）🍜火鍋追加烏冬250g ($35)🐷超濃厚嘅豬骨濃湯 配埋烏冬好正😍.🥘石鍋鮭魚&帆立貝蒜蓉牛油飯🐟（$78）🔥石鍋熱辣辣🔥聽到「炸炸聲」夠曬吸引😍👍🏻食落仲好鮮味🐟.🍹鮮芒果乳酪沙冰（$38）❄️大大杯芒果乳酪沙冰 冰涼透心😍

琴晚帶阿囡同埋我阿爸，阿媽去咗大坑探哥哥， 行完維多利亞公園之後諗住搵嘢食點知經過皇室堡樓下派50蚊和民現金券， 帶住個囡，諗住坐得舒服啲就上咗去食。嗌咗個豚肉拉麵， 點知嗰拉麵硬到不得了忍唔住叫佢地換就過碗畀我 因為真係食唔到。鰻魚拼牛肉飯， 一般嘢.....石頭飯，呢個稍為好少少！仲有軟殼蟹反卷， 啲軟殼蟹好瘦一口芝士，配個 醬料 非常怪， 一啲都唔夾！最後嗌咗 火焰娃魚壽司，好油和民真係越做越差，如果唔係帶住個囡，樓下又派現金券，我係真係唔會上去整體嚟講啲嘢食一般味道，偏鹹。不過侍應服務幾好

今天晚餐，好失望，燒牛舌有怪味兼鞋口，壽司飯松散兼包魚子的紫菜係濕軟,好少食到咁難食的日料，其實和民係香港好多年，唔明點解會越來越差，咁嘅價錢服務又晤好，唔會有下次

皇室堡地點交通十分方便，坐位十分舒適，今次沒有點套餐，可以有多些食物的選擇，今次食燒雞加少少醬汁，十分好味，下次可以再試試，叫雞肉沙律，椰菜芝士玉子，都不錯，還有叫2個石頭鍋飯，壽司，串燒等等。最驚喜係青檸梳打，分量十分好/大，實物原大，下次一定再叫。唔....失望係番薯雪糕，叫2份，實在太細分，番薯係好食，不用太細件雪糕等1/4球，一啖都無咗。

以前最鍾意去和民，因為食物多選擇，豬扒窩同壽喜燒仲係必點item，但而家嘅和民已經唔同晒，小食同主食款式都好少，所以都好少同朋友嚟呢度gathering，不過今次因為人少、有coupon同有卡位，所以先再嚟幫襯。大阪椰菜燒 $58 因為有芝士做饀，所以好想試，但醬汁非常咸，而椰菜絲又有少少燶咗，影响晒成個味道，no good囉！炸雞軟骨 $38粒粒都係軟骨，唔硬好爽口，炸漿又炸得唔太厚，口痕友必叫！牛肉壽喜燒(大) $98，追加烏冬 $28湯底濃郁中帶點甜，係我愛既味道，牛肉超多每人起碼分到4塊，豆腐又滑又夠豆味，追加烏冬又夠煙靭，好味、必叫！日本南瓜蕃薯天婦羅 $48我唔鍾意食南瓜，但呢度南瓜又腍又甜，食落同一般南瓜唔同味；而蕃薯同樣又綿又甜，炸漿又夠薄夠脆，不錯既小食！三人共消費 $222 (和民咭95折+會員coupon $50)

因為匯豐信用卡有得平50蚊,3個人叫左個2人豪華餐,本身個餐太豪華,2個人真係食唔哂,3個人就岩岩好。雞肉沙律,菜新鮮爽口,沙律汁應該係南瓜醬打出黎,酸酸甜甜都ok.仲有塊雞肉添豪華壽司盛合,壽司大大舊,有蝦,鮭魚同帶子。蝦肉爽脆,鮭魚都ok,肉質唔會一pat pat,帶子鮮甜。刺生有5款,蝦就中規中矩,其他魚都ok,合格。天婦蘿有炸蝦,冬菇,南瓜,番薯。外層都算脆,似係炸左唔係好耐,唔多粉。照燒雞,個汁ok唔錯,雞肉大份,係個棷菜唔食得,硬到呢....最後係和牛鍋,牛肉其實都唔錯,牛味有,幾滑身,脂肪比例都ok,咁既價錢食到呢隻牛都ok啦,下面d配菜都份量都好夠

早排同同事去左銅鑼灣皇室堡4/F果間和民食lunch, 發現佢lunch menu 都唔錯, 望落都坐得舒服就入左去試下.環保方面, 裝修唔算好高級,但整體舒服. 坐位唔逼, 空間感都OK食物品質方面, 叫左個滑蛋吉列豬定食,味道都唔錯, 蛋整得幾滑, 豬唔會太chewy( easy to crush with the teeth) 總體黎講係幾好, 但lunchtime時段就要等位. 要留意一下

之前都未試過壽喜燒，平時黎和民都係食它既下午茶，今次特登過黎試這個窩，但係幾失望，其實配料特別少，配左兩種日本雞蛋，牛肉都係得個幾片，菜比較多，其實單叫唔太抵，它有d套餐，感覺優惠d，另外叫左個三文魚壽司，無失望，三文魚大片，唔錯食，兩杯特飲，一個奇異果沙冰，唔錯，另一個熱情過茶，酸酸地，幾開胃

午膳，朋友的訂位，靠窗位置，好曬，冷氣明顯不足。看圖選餐，是日精選「貌似」不錯：豚肉天婦羅、野菜配黑醋汁定食($68)，套餐配上白飯、鏗魚湯、湯律、茶碗蒸及飲品。有這麼多配搭，很是吸引。經過漫長的等待，菜終於送上來，跟圖片挺接近的。誰知道，炸物相當的油膩，我熱愛炸物，但我也接受不了！！！因為很失望，不打算拍照。吃了三份之一，就跟它斷捨離了。整個套餐，我覺得最美味的就是鏗魚湯。回到公司，全身油煙味，相當難受。

呢間和民，其實食過咗好多次 食物嘅質素普普通通啦！近呢幾年價錢上脹咗好多，但係因為成日都貪佢坐位係比較舒服，同比較寬闊，所以有時諗唔到食乜，就好自然去咗和民，相信佢都有值得令人欣賞嘅一面嘅！

朋友剛申請左和民信用卡有折，梗係Lunch即刻去食啦 自家製厚燒玉子 $48 小食叫左玉子食，好彈牙， 佢重配左蘿蔔泥，點豉油！ 但個人覺得唔點豉油好味...石鍋鮭魚魚子飯定食 $63凍冰冰要食個熱辣辣既石頭鍋飯暖暖身配菜有沙律同面豉湯.三文魚反有片牛油, 炒既時候有少少牛油味, 好香. 撈飯既時候 - 炸炸聲 - 又香噴噴. 重要有飯焦. 魚子好貼心禁分開上. 撈好個三文魚反先加, 禁就可以原粒吃三文魚炒熟後, 散左一舊舊, 令每啖飯都有三文魚!再加D七味粉, 立刻將成個飯好味情度再提升壽喜燒鍋御膳 (烏東) $88朋友打邊爐, 湯底打左隻雞蛋, 再加埋牛肉既味道, 超濃郁!我試左個烏東, 好煙韌. 連湯吃. 重送左個小甜品, 紅豆蓉菓子, 都OK, 唔錯飲品叫左, 熱咖啡 同 熱柚子蜜

我極少寫食評，因為我覺得餐廳整野好食係應，所以我比較中意報告啲唔好嘅野比大家知，等大家唔好中伏。今次平日晚18:xx去銅鑼灣和民，叫左細牛肉壽喜燒、細雞鍋、吞拿魚腩卷呢幾樣都正常。原本仲有個新出嘅廣島蠔芝士年糕燒，點個一個毫無表情嘅侍應同我講「冇貨」... 我心意，隔離有人食蠔鍋，即係年糕冇貨啦... 但年糕都冇真係啞晒...算啦，再揭下本menu，見到佢有個炸mozzarella 芝士粒，好正咁嘅樣，咪叫嚟試下...一嚟到，「圖片只供參考」即刻浮見腦中...咬開嚟食... 空心咁滯！mozzarella拉到絲架咩？！拉唔到絲都算，我連芝士味都食唔到！$48叫7粒炸粉... 勁伏囉！

細牛肉壽喜燒(一人前)$68大牛肉壽喜燒(二至三人前)$98問過店員，一份大牛肉壽喜燒，等於兩份細牛肉壽喜燒。牛肉煮太耐會變韌，但牛肉沒有分開上菜，唯有先食，不過牛肉肉質不理想：太韌。

午飯時候，和三個同事來和民食午飯。讀書時候，很喜歡吃和民。現在選擇多了，所以很少吃了。座位寬敞，坐得幾舒服。午餐有麵食和飯類選擇。照燒蒜香雞扒定食叫了一份套餐，附送麵豉湯和飲品，凍飲又唔洗加錢，呢個價錢好抵食！而且和民食物質素不差。可以見到雞扒真係好多！雞肉唔乾，軟軟地，腍腍地，容易咬，總之一定食得飽！石鍋黑椒牛肉飯定食牛肉都係好多，足料牛肉醃得幾好食，薯條都係脆脆地。不過又有碗飯，又有薯條感覺幾奇怪。呢餐午餐幾抵食，又坐得舒服，唔洗搭檯👍🏻

Bad service. The restaurant was practically empty but the waiter wouldn’t give us a booth table. We had a baby and want a booth table. Super lazy and unfriendly staff. There are over 10 booths and I said if all the booth are taken then we will give up our booth. The food is below average. We orders scallops and the quality is not fresh and we ordered skewers and the chicken is very dry and over cooked. On top, the service is horrible, which is why I gave a bad rating.