居食屋「和民」 (皇室堡)

營業中

休息中

一向很喜歡到和民用膳，可能是因為它是日式連鎖店🏮，食物質素一定有保證。今晚到了這間位於皇室堡的和民，環境十分舒適開揚，坐得非常舒服，而且服務周到。大阪椰菜燒：有豐富的蛋香、濃濃的芝士、足料的椰菜絲，切開時中間的蛋黃幾乎想湧出來呢！芝士香脆炸雞🍗：半熔的芝士配合熱辣辣的炸雞，香脆無比，雞肉鮮嫩！牛肉壽喜燒：肥牛的脂肪和比例均勻，牛肉經烹調後，肉汁遍布在整個湯底，而且蔬菜能完全吸收湯的鮮甜，所以最後忍不住再追加了一個野菜盛。另外，由於餐廳正在做推廣，吃滿$200便可以半價享用，半價後牛肉壽喜燒只需$39.5，性價比極高！只可惜我們二人吃不到太多食物，如果吃滿$400，還可以再以半價享用多一款小食！例如日本産有機蕃薯條（半價後$24.5）、豚骨醬油拉麵（半價後$44.5）、日本產原條魷魚燒(半價後$44.5），全都非常吸引啊！

鍾意食日本野既我係唔知食咩好既情況下都會去d日式連鎖店食飯，貪佢方便同平。和民都算係幾唔錯，環境大、上菜快，而且味道唔差。由於時間尚早既關係，餐廳人未算多，我地都好好彩被安排係窗邊既位置，可以望到維園。2-3人份量既牛肉壽喜燒要+39追加先有烏冬同雞蛋，基本上係必加。牛肉同圖片一樣都係咁多，肉質都算唔錯，唯獨係一開始d牛肉已經係個鍋入面，所以要食快d，不然會好快韌。另外不得不提個烏冬，好彈牙！豪華刺身盛合因爲去果日金槍魚無曬，所以就免費轉左帆立貝。帆立貝好鮮甜，突然覺得有得免費轉係好lucky。其餘赤蝦三文魚都係水準之上，但帆立貝係當中最出色既。鐵板餃子皮薄，一咬d肉汁會出曬黎，都係好食既。總括而言，和民d食物質素都唔錯，性價比都算高，不過如果上菜慢返少少就更好了。

用 open rice 订位，方便快捷。餐厅的食物对我们来说虽略咸，但还是不错。卖相不错，食材也新鲜。服务员很细心，态度也好。当日虽是周六繁忙时间，但上菜时间也算快。

睇戲之前就見到和民，朋友提議既然好耐冇食就入去試一試啦！因為唔算太肚餓既關係，所以就只係叫左一個壽喜燒牛肉火鍋，另外配野菜盆同埋一個白飯，再加左一個野菌pizza一齊開心share！先講呢個壽喜燒牛肉火鍋，湯底壽喜燒汁都幾清甜，忍唔住就咁飲左幾啖！牛肉份量都多，不過超多肥肉位😆，但食落都有牛香！但肉質唔算滑！再講下個野菌pizza啦，一上枱嘅時候同朋友都有啲驚訝！個Pizza底係超薄餅底，另外佢嘅醬汁唔多，而材料呢亦都比較求其，亦好似焗唔夠咁既顏色！有d失望！

連鎖店來説，套餐$409 包前菜、沙津、刺身、飲品，再從下面ABCD各選一款，二人餐真係非常豐富！前菜、沙津和刺身一次過奉上前菜是迷你關東煮，非常入味。沙律菜新脆爽口，仲有隻温泉蛋係面，另附上凱薩沙律醬自由調製！新鮮刺身每款兩客，過過口癮鐵板肉野菜炒出街食飯多肉少菜，難得有野菜炒當然要一試！石鍋粟米牛肉飯熱辣辣嘅石鍋飯，跟牛肉和粟米撈下撈下，香味四溢！不用加醬汁都好香好濃味，豐富口感！泡菜豚肉鍋豚肉份量很足，加入泡菜和辣醬，不會太辣，鍋肉仲有菜、金菇同豆腐，如果加埋個烏冬就更完美喇！原隻蒜味雞腿燒原隻雞腿已是切件捧上，唔洗怕太大隻會切唔到，雞肉本身已調味，沾上蒜汁更香口！

今日男朋友簽到project，近近地去佢返工附近慶祝，由於我都幾鍾意食日本野，可以直接去咗皇室堡和民，記得以前中學都成日去和民食lunchset haha 我就叫咗個鰻魚飯，$109係一般鰻魚飯一般牛肉飯，估不到佢啲飯幾好食因為飯粒都好煙銀，鰻魚唔算話太厚肉，不過勝在唔係太多骨，咬落去都幾滿足。牛肉都唔錯啦用嚟撈飯幾正。另外我哋都叫咗個三文魚牛油果壽司，呢個壽司嘅飯粒就整得唔太好不過牛油果味同三文魚好食。另外叫咗個椰菜大阪燒，椰菜大阪燒整得唔厚粉，推介。另外都叫咗個Pizza$49，叫咗個照燒雞肉pizza餅底薄薄地不錯。

和民 今日去銅鑼灣見客，皇室堡超級多人，想簡簡單單搵個安靜小小嘅地方一齊食飯，所以上到去4樓見到和民，又唔使排隊排好耐，就入去食。我哋叫咗個和民沙律，呢個沙律都幾唔錯，我幾鍾意佢嘅醬汁，酸酸甜甜，沙律入邊仲有幾塊牛肉呢個配搭都唔錯。另外我哋都叫咗個燒牛小排，牛小排嘅質素都唔錯，好似係$120左右， 不過呢由於唔係職員幫我地燒所以我哋燒得太窿浪費左幾舊，但係如果笑得好嘅話佢嘅牛味好香油脂分布都OK。另外我哋都叫咗個牛肉壽喜燒，我最鍾意入邊有一舊類似麻薯嘅嘢，考落去好似年糕仲嗦啲湯汁。最後都叫咗六隻餃子$35兩個人即刻飽晒。人均大概150

星期六夜晚 同朋友兩個人食飯周圍都好難搵位 去咗皇室堡搵食 食咗燒牛肉 三色飯卷 日式甜品 仲有塊超好食嘅雞扒 雞扒十分加分 食完之後仲叫咗杯珍珠奶茶同綠茶甜品 三色飯卷芒果味有驚喜芒果好甜 三文魚牛油果配搭好好 燒牛肉略嫌份量有啲小 不過都唔錯自己燒有時玩玩下會搞到好大煙 餐廳環境都唔錯兩個人可以坐到四人為好闊落珍珠奶茶略嫌有啲甜 如果大家叫一定要叫佢少甜 甜品唔錯都有驚喜鍾意底嘅脆脆 兩個人叫咗四樣食物加一杯飲品同甜品都已經好滿足好夠飽整體都好滿意 下次要試吓其他嘢食先

睇完戲同朋友係銅鑼灣食和民，叫左3樣野，鐵板椰菜燒，牛肉鍋加25%份糧同烏冬，我地叫左壽喜燒湯底，同埋日式餃子，鐵板椰菜燒入面有芝士同雞蛋，面頭有啲燒汁漿，賣相十分吸引，好重芝士味，朋友覺得有啲漏，我覺得岩岩好，好好味。牛肉鍋料好多，不過黎到啲料已經係哂個鍋入面，煲左好耐都唔滾，啲牛黐埋一舊，好彩味道唔錯，啲料都新鮮。餃子好味，有啲汁，點左醋食，配合得好好。餐廳服務唔錯，兩個人食都係二百幾蚊，價錢適中。

係銅鑼灣唔知食乜好，就同朋友隨便嚟到呢間餐廳😅。🐟石鍋鮭魚&帶子蒜蓉牛油飯（$78）上菜嗰陣時啲三文魚同埋帶子係未熟嘅，所以要撈埋啲飯，一齊煮熟佢。反而覺得呢個抵食過天婦羅，起碼有四片薄嘅三文魚同埋三粒薄嘅帶子。個人覺得加得太多燒汁，蒜蓉比較重口味，所以我拎走咗個舊蒜蓉牛油調味料。拎走左之後仲有好大陣蒜蓉牛油味。🍤盛滿天婦羅盒子飯（$108）都有兩隻大蝦，但係其他全部都係蔬菜😓皮太厚同埋炸得好油膩，食到好滯。侍應嘅服務態度唔錯，環境都👌🏻。係一間晚餐比較唔貴嘅日本餐廳，我就唔會特登嚟啦。

年廿八與家人黎食晚餐，安排了很適合家人聚餐的位置。叫了一個4人及2人套餐，再加點壽司，食物全部都很美味。那天很多人在外面排隊，但大家都很耐心地等待安排入座。員工做到無停手，見到都覺得佢地做得辛苦，但服務員在咁大工作量的情況下，依然全部都很有禮貌，甚至面帶笑容，我和家人都一至認同員工的工作能力和質素。很開心的晚餐，家人也很滿意，物超所值。推薦食物:5式壽司 (共10件)薄片三文魚壽喜燒和豚肉火鍋鰻魚飯

舊同事在日本旅行完，順便帶了些手信感覺很久也沒有和他們食過飯了想近近地又經濟，便揀了這裡GATHERING帆立貝刺身 $ 68新鮮而且頗清甜，不錯赤蝦刺身 $58蝦刺身而言，未算很鮮甜不過不失三文魚牛油果卷 $78每次來到都必點的壽司牛油果口感幼滑，三文魚沒有腥味不錯芝士凱撤沙律 $58芝士很多，麵包粒很脆沙律菜新鮮，蛋流心度高份量其實也不少，但四人分始終不夠下次應該叫兩份有機蕃薯南瓜天婦羅 $58天婦羅炸得很脆，炸衣厚度可以南瓜和蕃薯但未算很甜，合格厚燒玉子 $38皮有點硬，玉子入口不算鬆軟是頗失色的玉子燒鐵板餃子(5PC) $35雖然沒有日式氤子面的薄脆有點失望但餃子皮勝在夠薄，驚喜的有ENCORE的衝動豚骨湯擔擔鍋(免費追加野菜盛一份 ) $138天氣凍當然是要食鍋物湯底帶微微辣，不錯娃娃菜令整個湯底都很甜豚肉片半肥瘦適中美中不足是豆腐量很少，不夠分檸檬梳打酒 $38沒有酒味，像飲檸檬梳打水感覺寧願收貴點加多少少酒會較好對於酒鬼的本人而言，表現很差總括而言，味道方面就不過不失畢竟這個價位也不可奢望太多晚上滿座，不夠人手的感覺，服務不過不失以價錢而言和民是很經濟實惠點了一大堆野食最

下午茶食小食， 真係好難食首先叫咗一個三文魚牛油卷， 賣相肉酸又乾又細，件件唔同size。唔好食，好失望。叫咗個日式pizza， 唔脆，唔夠熱。串燒冇香味好乾身， 醃得唔好食。天婦羅真係食到一口油。好過份。和民一次比一次差。

好耐無食過和民 所以係openrice 到訂位見佢地換左新menu 所以就叫左d 新野香炸北海道產水牛芝士 $48睇佢menu個圖好吸引 但係黎到就有d失望😔芝士無味 一定要沾ketchup先得剛上枱時仲熱 所以都有拉絲 但係放左大概10分鐘就咩拉絲都無曬 可能真係希望越大失望越大啦😟南瓜&日本有機蕃薯天婦羅 $58 蕃薯同南瓜都好甜 cp值係當日最高金槍魚刺身$58就係普通嘅tuna sashimi 無咩特別串燒盛合(5串) $68以前嘅串燒無分雞腿同雞胸肉食起上黎雞腿肉真係滑好多 所有串燒都有淡淡鹽味 好味😋😋 連個樣最麻麻地免治雞肉都好味👍🏻和民石鍋泡菜飯 $78又係一個睇圖好靚黎到失望嘅食物 😔個飯黎到上面d 料亂曬 d肉碎又鹹 😵拌飯真係要去韓國餐廳食先得🥺

終於和朋友一聚沒甚麽想法於是選了和民左揀右揀，揀咗個二人餐，再加個玉子從前和民嘅印象係唔抵食唔好味經過今日，有少少改觀咁啦玉子麻麻地，好似蒸熱咁，味道少少甜個pizza好求其🙈蜆肉湯烏冬蜆味香，烏冬煮得剛剛好，湯好甜好欣賞個沙律煙三文魚撈咗沙律油沙律菜算新鮮麵包粒脆卜卜番茄牛肉鍋都番茄新鮮煮嘅牛肉都好好味煮埋啲菜，連小朋友都鍾意食