小曼谷海鮮燒烤屋

營業中

休息中

九龍城係最多泰國餐廳既地方，加上依家有埋屯馬，交通方便左好多🚇係咁多泰國餐廳中，最高人氣都會係小曼谷，係Openrice一睇原來仲入選埋熱門餐廳🔥既然係熱門，當然要一試究竟，一於帶埋媽媽去踩踩場先😎。🐒燒安格斯西冷牛扒 💰$268泰國既燒牛肉果然係唔同啲🥓燒得唔會好乾柴，配埋特製調配既醬汁，除左可以帶出牛味，仲有一股特別既泰式風味，啖啖肉好滿足☺️。🐒泰式炸芝士蝦丸 💰$118原本想叫蝦餅，見到呢個芝士蝦丸就岩哂，本身以為係好似蝦餅既size，好似打邊爐既芝士丸🧀但結果有驚喜🤩黎到見到好似拳頭咁大粒都幾興奮👊新鮮炸起熱辣辣，切開好多芝士，仲可以拉絲😍。🐒鐵板豬頸肉炒椰菜苗(馬拉盞)💰$118鐵板上既炒椰菜苗夠哂熱，份量都好多，椰菜苗都夠林🥬豬頸肉肥瘦適中，食落好爽👍。🐒香葉辣椒海鮮炒米粉 💰$108平時就一定會食Pad Thai，但今次媽媽話想試炒米粉👩🏻之前食過啲米粉炒到好乾身，痴埋一舊，所以都驚中伏🙈但又估唔到咁岩食，除左海鮮份量多，配料都好豐富，有洋蔥🧅青椒🫑青豆，而且乾身得黎唔會痴住哂

今日又有泰國菜食喇 我哋兩個人嚟咗九龍城食因為事前已經食咗飯 所以就叫得好少嘢 不過樣樣都好出色泰式柚子沙律 $78呢個天氣梗係食個沙律最適合啦 清新+消暑柚子肉超級多 而且新鮮清甜 大蝦口感彈牙爽口 另外有花生碎 非常開胃蝦醬肉碎炒飯 $98蝦醬味道濃郁 炒飯有好多肉碎 炒蛋加咗蝦醬落去一齊炒飯香噴噴惹味 賣相吸引 而且炒到粒粒分明 口感豐富

九龍城出名食泰國野，而泰國野都幾出名既小曼谷原來都有唔同名，今次黎左小曼谷海鮮燒烤屋，係門口有隻好大隻揮手既公仔。泰國燒牛肉係幾吸引，於是叫左燒安格斯西冷牛扒，有得揀熟既程度，怕太靭所以揀左生小小，叫左六成熟。黎到唔會好血林，六成都幾岩食，佢仲配左個醬汁，相信係自己調味出黎，幾特別同帶到個牛味出黎。叫左個飯，菠蘿炒飯係泰菜都幾出名，所以成日去泰國鋪食嘢都會嗌，佢呢個炒飯都幾乾身，重點係有一大堆肉鬆，菠蘿炒飯係要有肉酥先係好食，而且佢雞肉嘅份量都唔少，如果想叫個飯類，呢個係我好選擇。最後叫咗個蠔餅，聽日返去比我想像中多，之前食過其他好驚啲蛋漿過多，但係呢度就唔會，蠔嘅份量都多同個蛋嘅份量啱啱好，而且個底有好多芽菜所以感覺冇咁油膩。今日行一嚟到都坐滿咁滯，就知啲間係出名同埋食物有質素，雖然九龍城有好多泰國菜館，但係有質素嘅都要細心咁發掘一下。

今日同朋友嚟呢間慶祝生日，食物性價比唔算高，但有幾樣嘢都幾好食，值得再嚟，例如辣椒蒜蓉蝦，食到停唔到口要encore，仲有蟹包，店員都會好貼心幫你開咗個椰青，方便你食，好貼心

九龍城有咗港鐵之後，想食泰國菜話去就去，今晚突然有點餓，所以就去咗《小曼谷泰國海鮮屋》🇹🇭🇹🇭泰式生蝦刺身 $128一碟有六隻，晶瑩剔透大大隻，食落肉質厚實，沾上特製醬汁，鮮甜又惹味😋！風味燒豬頸肉 $128見到每枱都有點豬頸肉，當然唔會錯過啦！肉質淋身油脂均勻，唔乾身之餘重帶焦香味，沾上泰式酸辣汁，風味十足👍🏻👍🏻！泰式濕炒海鮮米粉 $118估唔到濕炒都可以咁有鑊氣，超多海鮮，蔬菜又夠爽口，米粉吸收晒所有材料的鮮味，特別滋味😋！芒果糯米飯 $88原隻芒果酸酸甜甜，配上熱辣辣軟綿綿既糯米飯，再加埋椰漿一齊食，每一啖都充滿泰國風味😌！

每次食泰菜一定會嚟到位於九龍城小曼谷海鮮燒烤屋，喜歡這裏食物選擇多，味道都好正宗又好好食👍鹽燒東風螺螺肉粒粒都好新鮮爽口，加入鹽去燒已經帶出鮮味。泰式生蝦刺身每次食泰國菜必點的，一碟有六隻，每一隻都啖啖肉，配埋泰式辣醬一齊食，食唔停口！風味燒豬頸肉豬頸肉燒至金黃色，豬肉邊位燒至微焦所以帶點微脆，肉質鮮嫩多汁，再加入特色醬汁一齊食味道更加提升。豬肉碎生菜包豬肉碎加入了紫洋蔥和蔥頭一齊炒所以特別香口，再放入青檸汁酸酸地好開胃，包住生菜一齊食絕配😋

🤤九龍城泰國菜🤤-嚟到九龍城梗係要食泰國嘢 呢間泰國嘢好出名 嗰一日嚟到都好多人 我哋好多菜式都想試 特別推介佢嘅咖喱同埋海鮮🤣- 😍牛油蒜蓉燒蟶子皇(3隻）$168聖子好新鮮好大隻 肉質唔錯 加咗炸白飯魚仔一齊食 另外蒜蓉味好足 好好食同我之前去旅行喺泰國食到嗰啲味道真係十分之似 令到我非常之掛住泰國，好想再去啊- 🐷鐵板豬頸肉菜苗（馬拉盞）$98豬頸肉煮得好入味 好足料 菜苗火候炒得啱啱好 好有鑊氣 同馬拉盞嘅味道好夾-

去朋友仔屋企聚會一定食好多嘢😎今次食泰國野，份量好多好夠食。下次可以食埋咖喱！秘製滷水豬手煲$158美食都知道滷水味好香，好出色😊份量都ok多，豬手唔算好肥所以我都幾接受到😎配有醃菜，酸酸甜甜幾開胃。用來送飯會係一個好選擇!!!!!入面仲有滷水蛋、蘆筍，好豐富。海南雞$192朋友仔話減肥食低碳🫣🫣一隻雞，大大件，朋友好鍾意食，啖啖肉。份量都幾多，直頭2個大盒先放得曬，好多件，價錢好合理！基本上都食唔晒，食淨咗少少。大大件雞肉配埋酸酸辣辣醬汁，好好味。椰汁西米糕拼泰式千層糕 $58聚會點少得甜品🤭椰仔西米糕係我最愛，椰汁味夠香夠甜，下層西米粒粒分明，食落有咬口。千層糕顏色做得好靚，層次分明，咬落去有口感！

生日都唔一定要食蛋糕既！有蠟燭就邊度都可以慶祝生日喇🎊🎉差唔多遲左兩個月既生日飯遲到好過無到呀😌✐ ✎ ✐ ✎ ✐ ✎ ✐ ✎⍥ 冬陰功湯(細) ❙ $136爐仔點住火keep warm👍🏻有誠意喎！有兩隻啖啖肉既大虎蝦🤪仲有好多菇菇，叫左少辣好易入口，飲完唔口渴仲好開胃🤤🤤🤤我要大！開！食！界！！！⍥ 豬肉碎生菜包 ❙ $93呢個生日生菜包，經過我咁有心思既裝飾顯得特別有意思🤣海量豬肉碎食極都有，最欣賞係唔會好多肥肉，微辣但易接受，爽脆既生菜包住食，清新不少 ，減膩成功😆⍥ 黃咖喱牛腩 ❙ $96呢個黃咖哩椰香重偏甜，牛腩薯仔都係重點推介之一😍好夠稔入晒味，撈飯一流，如果著重咖哩香辣就要選擇泰皇系列喇！😉⍥ 泰式鮮蝦炒金邊粉 ❙ $92點少得我至愛😆份量好多，炒得有鑊氣，乾身唔油膩！酸酸咪咪岩晒我地口味🤤👍🏻⍥ 泰式冰奶茶 ❙ $31泰式奶茶一向都係螞蟻人專屬🤭我無飲到，朋友仔話唔錯。

雖然話轉秋，但行出街仲係好熱，最好都係食下泰國嘢，又開胃先黎開胃菜，泰式無骨鳳爪，酸酸辣辣，最岩我呢啲懶人，咬落又夠爽燒豬頸肉，又唔會太肥，食落有少少焦香，少少咬口又唔痴牙當然唔少得生菜包啦，料夠多，我每一片既生菜都可以落勁多肉，口味偏辣，連埋啲乾蔥，芫荽，口味同口感都係滿足既主菜叫左明爐檸檬汁烏頭，連埋個爐上，可以warm住條魚，魚肉紮實新鮮，連埋啲湯一齊飲，鮮甜，酸酸地又開胃仲有香葉辣椒豬肉碎炒飯，真係要啲澱粉質先會飽，呢個就係香辣既，勁惹味，加埋荷包蛋既蛋汁，咬落去又有少量豬肉既油分，炒得好好 仲有收工啤- 泰啤 自己飲一支 爽到呢！

最新鲜的膏蟹到货喽。可遇不可求，满满的膏❤️泰式生腌大大🔥膏蟹，皮皮虾可遇不可求，xxl 🥰🥰🥰新鲜货到哦，季节又弹回来了。不要说我没有准备给你们。😎😎😎不要说我没有留给你们了。货量不多，只有10分。，我们今天帮她定下来了。有兴趣的话记得快点给我们知道哦。🥰🥰想吃sashimi 生腌花膏蟹，皮皮虾，的朋友们看过来。🥰🥰🥰你们准备好了吗？超级新鲜皮皮虾🥰🥰🥰最近老挝🇱🇦泰国🇹🇭中国🇨🇳韩国🇰🇷真的非常受欢迎的，海鲜刺身 （生腌）无论什么海鲜都拿来刺身，但是一定要是最新鲜的哦。老泰私房小厨为你们准备了各种各样的刺身海鲜大餐，膏蟹，花蟹，虾膏，三文鱼，老虎虾，皮皮虾，生蚝🦪海葡萄🍇等等。都是为你们大家定做做的哦。有兴趣的朋友们一定要提早预定哦。🥰🥰🥰

今晚很想吃泰菜，便記起了這裏，不過知道繁忙時間要排隊，所以晚上8:30之後才來到。泰式生蝦刺身，以冰底保持燒肉的溫度，蝦肉鮮甜可口，加上蒜片和辣椒絲的香氣，再配上特製的刺身海鮮醬，味道有點難和酸味，非常惹味。豬肉沙嗲串燒，豬肉外脆內軟，炭燒味道十足，點些沙嗲醬，味道帶點甜，用來送啤酒就更加一流。沙爹醬有花生粒，應該是自家製的。雞全翼沙嗲串燒，雞皮香脆可口，內裏肉汁豐富，生熟程度適中，沒有過熟。泰式鹹魚炒通菜，通菜芥蘭爽脆鮮甜，加上鹹魚的香氣，味道十足，又不會過鹹。豬肉碎生菜包，肉碎部份帶點脂肪，不會過瘦，魚露的香氣，令到肉碎更加鮮味，加上微辣，配上生菜來吃，非常爽口，沒有油膩感。

本來居住在九龍城的日子，可以享受各式美食，不過最近傳來噩耗，九龍城區將大規模重建，未來號稱小曼谷的九龍城，是否會淹沒，實在未知之數，不過九龍城的美食實在太多，趁著未搬遷之前，記下每日吃在九龍城吃的美食。歡迎關注，以便獲得最新九龍城飲食資訊。看到食評，這裏有新款套餐推出。海鮮孖寶：泰式燒盲鰽、燒脆皮白鱔。泰式燒盲鰽，以粗鹽包裹着的盲鰽，魚肉鮮甜可口，肉汁豐富，盲鰽內的魚肚部份，充滿了芫荽的香味，如果點些自家製的酸辣海鮮醬，更可以提升味道層次。燒脆皮白鱔，白鱔的皮香脆可口，魚肉部份不會太乾，非常香脆可口。小曼谷原隻芒果糯米飯，芒果香甜沒有酸味，芒果肉部份足足有一個，糯米飯帶點暖意，加上椰漿份量十足，是飯後的最佳甜品。

冬阴功汤不错，但是我不推荐我点的冬阴功鸡，里面的内容只有鸡和虾皮海鲜炒饭只有咸味猪颈肉把烤的硬的地方去掉能吃，蘸汁蛮好的还有炒通菜，难怪点的时候有减咸这个选项，我没选，菜好咸不如随便进家小店

食泰國野就梗係黎九龍城LA, 而黎呢間小曼谷就一定冇錯LA, 因為食過幾次都好有水準呢間燒烤屋地方比其他分店大, 但都坐滿左人, 好彩早黎排左一陣隊就入到話明係燒烤屋, 呢度同其他泰國餐廳唔同既地方就係多左好多即燒既燒烤食物! 梗係唔少得仲有傳統既泰國食物我同朋友叫左以下食物:椰青: 食泰國野必點既飲品, 超級清甜, 仲有佢既椰肉好容易刮, 用黎解辣一流! 泰式酸辣鳳爪: 呢個係無骨鳳爪夠晒方便, 調味十分好, 酸酸辣辣, 辣味十足牛舌 &泰式燒牛仔骨: 我地點左兩款即燒既燒烤食物, 牛舌切點好有咬口，燒牛仔骨相當JUICY 又夠嫩, 兩款食物都好有驚喜冬蔭雞湯: 呢個又係必點食物, 味道香濃, 揀小辣唔會太辣, 入面仲有雞件, 仲要好嫩滑鮮芒蟹肉炒飯: 食炒得夠乾身, 做到粒粒分明, 相當唔錯辣椒膏炒蜆 + 泰式原味烤酥餅: 蜆份量夠多, 辣椒膏既味比蜆吸收晒! 烤酥餅鬆脆, 加埋一齊食好夾! 果然次次黎食都咁有水準!