小曼谷海鮮燒烤屋

營業中

休息中

呢間餐廳裝修充滿泰式風情，一入到去已經聞到好濃嘅泰式香料嘅香味🤤✨牛肉，雞軟骨，冬菇沙嗲串燒叫左3串串燒，食嘅時候點埋佢嘅沙嗲醬，味道更上一層樓，佢嘅沙嗲醬香口濃郁，但一啲都唔膩✨明爐香檸汁蒸桂花魚店內好多枱都叫咗盤魚，都忍唔住叫一盤嚟試下。呢條桂花魚肉質滑嫩，湯汁辣辣地，仲有青檸酸味，配合下面嘅火焰，好啱冬天食✨泰式飛天炒通菜通菜爽口，加入泰式豆醬，炒出通菜甜味✨蝦膏豬肉碎炒飯豬肉碎炒到焦香，加入蝦膏，味道好有層次，飯粒粒粒分明，有咬口✨泰式鮮蝦炒金邊粉呢碟金邊粉好高質，有鍋氣，金邊粉表面保持微微濕潤。食落海鮮既香味滲出，好開胃👍🏻👍🏻✨小曼谷原隻芒果糯米飯椰汁唔會太甜，糯米飯溫熱，飯有咬口，芒果亦都香甜，唔酸，好解膩✨珍多冰呢杯特式野飲椰汁香甜，下面放咗好多生果粒，仲有綠豆粉條。最特別係食到唔少大樹菠蘿果肉，估唔到放喺椰汁度食都幾好食。

食泰菜當然去九龍城 九龍城首選泰菜當然係小曼谷☺️ 餐廳好有泰式風情 仲有歌手註場唱live 可惜當日冇😢 當日叫既野食都好好味 食泰國野當然要飲冬蔭公湯 個湯用料十足 仲有2隻巨型虎蝦🦐🦐爽口彈牙 蝦肉扎實 食野前先飲個湯 酸酸辣辣 非常開胃 小曼谷炒米粉炒得非常乾身香口 令人忍唔住係咁食 一啖接一啖🤭🤭🤭最後當然唔少得豬肉碎生菜包 豬肉碎睇落平平無奇 但食落都幾夠酸辣 就咁食酸左啲 但用生菜包住食 生菜🥬中和左個酸度就岩岩好😋

好耐都無食過泰國野🧸好挂住泰式炒金邊粉同千層糕，所以我就上網揾做依間燒烤屋🍖我見入面嘅選擇都好多，又有我想食嘅菜式，價錢有合理，又近地鐵站，再加咪都好多人推薦💪🏻我地就揀左呢間，估吾到係好食😋真係要同大家分享下🌟泰式燒羊架一拎起個羊架🐏就聞到濃郁嘅香味！肉質嫩滑彈牙，火候岩岩好🔥最驚喜嘅係羊羶味吾重！配上特別調製嘅甜辣醬，好開胃同咪增加左羊架的口感😋好推薦🌟泰式鮮蝦炒金邊粉個金邊粉好大份，入面的材料都係比較多，有蝦🦐豆乾，蛋🍳櫻花蝦等😋呢間嘅金邊粉炒得好入味同咪好正宗，性價比又高。用櫻花蝦炒金邊粉係會變得更香口，加咪花生碎🥜增加左金邊粉嘅口感，金邊粉係酸酸地又好香，真係好好食，一d都吾會差過係泰國食嘅金邊粉😋🌟泰式原味烤薄餅呢個薄餅一黎到已經聞到佢嘅香味🌮一食落去係脆脆地，個外皮感覺好似食緊薯片甘，入面就熱熱地又有勁大的牛油味🧀勁香口🌟泰式千層糕個千層糕係超好食😋佢係以斑斕汁和椰汁製成，有勁濃厚的椰汁味，好清香又鮮甜🥥再加咪斑斕的香味，個千層糕的顔值變得好高，而且又有斑斕獨特香味，令個千層糕變得更好食又彈牙，QQ彈，個口感係小朋友都會中意，真係超推薦😆🌟椰青個椰青好大一個🌴入面嘅椰青水

我最喜愛嘅泰式餐廳之一。係海外工作成年無食過泰國嘢，一返嚟即刻幫襯佢。未講嘢食之前，一定要講吓佢嘅氣氛。原來每星期都有駐場嘅歌手，自彈自唱。最犀利係仲可以點唱！令到成個氣氛昇華！好懷念佢嘅咖哩，嗌咗個泰式咖喱炒蜆。啲蜆大大粒新鮮又好食。不過今日個咖哩就粉左少少。後尾走嘅時候同老闆娘傾偈，講起先知原來廚房師傅放假。老闆娘好開明，佢話會同廚房部講吓。海外亦都冇生蝦同埋炸蝦餅食。生蝦大大隻，又新鮮又爽口，加埋蒜蓉片同辣椒片，點埋佢個酸酸辣辣嘅汁，真係好好食！蝦餅大大嚿，好鍾意佢個醬汁。不過呢期唔知點解粉咗少少。老闆話會反映下。

又來小曼谷，還記得第一次發現它的時候的驚喜，如今一樣有那種吃到美食的開心。菜單有了小小的更新，多了好多選擇。串燒拼盤A$81:牛油燒粟米 (1串):翠玉瓜(1串)2冬菇 (1串):雞脾菇 (1串)真心為了這個拼盤點讚，省了我的選擇困難，一次到位，吃到所有蔬菜串燒，新鮮蔬菜配上炭烤的烹飪，超級好吃。雞全翼1$24肥瘦適中，不油膩，肉質鮮美又有營養。板-安格斯牛柳粒串(4$55很精緻，肉質鮮嫩多汁配上車里茄，滿滿的營養和維生素。香葉辣椒豬肉碎燴飯(配1$98荷包蛋)口味:加辣好久沒吃肉碎燴飯了，口感清爽，加辣之後，更加刺激。煎蛋是太陽蛋，叉子一戳，蛋液溢出來，超級滿足。熱龍眼水1$34口味:少甜養生又好喝，適合冬天。蜜糖燒菠蘿1$68今天的最佳甜品，為晚餐畫上句號小曼谷海鮮燒烤屋九龍城太子道西398號御太子地下1-3號舖

晏晝游完水，朋友仔話想去九龍城食泰菜，咁即興？好！奉陪到底！上網搵到哩一間，好好彩我哋早到，所以好快安排到枱。我哋叫咗以下菜式：🎖️泰式拼盤份量十分驚人！每款都大大件！香口惹味，十分有泰國風味。🎖️柚子大蝦沙律沙律汁酸酸甜甜，十分開胃。柚子清甜多汁，好食！🎖️明爐青檸烏頭湯汁清新，青檸味甘香，可去除魚的腥味，魚肉有彈性。🎖️泰式金邊粉略嫌調味較淡，不過不失。🎖️馬拉盞椰菜苗椰菜苗翠綠新鮮，馬拉盞惹味！🎖️泰式青咖哩豬甜味比辣味重，辣返少少的話會更好味！

小曼谷係宋王臺站B出口行幾分鐘就到 位置非常方便 冬蔭公湯（選用原隻虎蝦）（$148）呢份細份冬蔭公湯份量一啲都唔細 3個人飲都非常足夠 裡面仲有2隻超大size 去腸虎蝦 酸辣到位 非常開胃 豬肉碎生菜包 （$118）豬肉碎生菜包幾乎係每次食泰菜必叫菜式 我哋揀咗小辣 上枱時豬肉碎望落好白色 感覺一啲都唔辣 但食落都幾辣同埋偏酸小曼谷炒米粉 （$108）米粉用左幼身靚米粉 裡面有蛋碎扎肉粒洋蔥條 炒得乾爽夠惹味 泰式拼盤 （大）（$218）Menu 話蝦餅/魚餅/春卷/雞棗各3件 我地一行3人 岩哂 點知上枱份量大到有啲嚇親 魚餅手掌咁大塊 蝦餅donut 咁 蝦餅厚肉香口 魚餅帶有濃郁檸檬葉香氣 春卷同雞棗就比較普通

🇹🇭 想食泰國嘢 除咗去泰國，梗係去九龍城🤣 小曼谷係九龍城都算幾出名，食物種類又多 次次同朋友想食泰國嘢 一定會約呢間！豬肉碎生菜包，朋友唔太食得辣 叫咗小辣，味道酸酸辣辣 作為前菜好開胃！因為我哋三個人食，見到有個泰式拼盤 有四款小食（蝦餅/魚餅/春卷/雞棗），餐牌寫住大Size拼盤每款三件，咁我哋就叫咗個大嘅拼盤！🤯🤯🤯點知一上到枱個份量大到嚇死人🤣真係好抵食！最推介蝦餅🦐👍🏻泰式燒盲鰽🐟 原條燒魚，肉質好嫩滑，雖然魚皮表面用咗鹽去醃，但食落都唔會太鹹，味道啱啱好。小曼谷炒米粉，感覺上有啲似星洲炒米，不過呢間用嘅米粉係屬於靚嘅米粉，好彈牙 唔會林patpat嗰種。冬陰功湯係我哋食泰國菜必點嘅！個湯有兩隻好大隻嘅虎蝦🦐🦐 同埋好多菇🍄 酸酸辣辣。佢係用爐連火酒膏上，一路熱住個湯 唔會凍左，最近天氣凍凍地又真係好啱飲。食物份量真係勁大份！我哋3個人幾經辛苦夾硬食哂🤭🤭 不過餐廳環境都幾好，而且店員好有禮貌，唔會話催你走，可以慢慢坐。

冬陰功湯：哇！果然真材實料，大蝦有四隻，四人分享一流，還有很多配料，包括：秀珍菇、車厘茄等，酸酸辣辣，非常開胃！建議在一開始趁熱先飲！即燒串燒：雞全翼、牛肉、雞腎名列榜首 ！所有串燒燒到恰到好處，外脆內多汁，不會燒到硬硬的！加上秘製沙嗲醬更加令味道提升，雞全翼燒得非常香口！飛天通菜：鑊氣十足，上枱已經聞到陣陣香味，通菜一定要趁熱食，否則會變色減低爽脆度。一定要泰式餐廳才會吃到這個地道口味。炸蝦餅：上枱驚見大冬甩形狀的炸蝦餅，份量真是冇得輸！一件蝦餅可設成4分，蝦餅爽口彈牙，鬆脆香口，當然不少得就是泰式醬汁，酸酸甜甜又一開胃菜式！不想吃太多肉就點這個！

今日同姊妹食個生日飯，突然間好想食泰國嘢，咁就要去最多泰國餐廳嘅九龍城😋😋😋遠距離已經見到個吹氣公仔，keep住揮手，邀請大家入座🤣🤣🤣好啦咁就入去試吓😛因為佢喺馬路邊，所以之前搭巴士經過，都成日見到小曼谷呢個大大招牌😇今日仲要有live ，唱歌表演😋一路食嘢一路聽歌，又幾chill 鐵板豬頸肉者椰菜苗（馬拉盞）$118熱辣辣香噴噴嘅鐵板，送緊菜嘅時候已經吸引咗好多人嘅目光，聽到隔籬枱啲人都話好香😂😂😂有少少辣，但係啲菜炒得好幼嫩🥰🥰🥰豬肉碎生菜包$118今次試咗唔辣嘅生菜包😋😋材料味道非常之香口，加上新鮮嘅生菜，真係配合得好好，不過下次要試吓少少辣，個味道應該會再出啲🤤🤤🤤蝦膏豬肉碎炒飯 $98飯上面嘅蛋絲好出色😇每一粒飯都充滿蝦醬嘅味道，但係又唔會覺得好鹹，反而蝦醬味好出😇好味豬肉沙嗲串燒$22個秘製嘅沙嗲醬好好味🤩🤩翠玉瓜沙嗲申燒$22燒完嘅翠肉瓜係好香甜😍😍😍芒果沙冰$42

每次想食泰國菜就到位於九龍城曼谷海鮮燒烤屋食返餐正宗泰國菜，喜歡這裏食物選擇多夠地道，環境氣氛不錯！泰式生蝦刺身蝦肉大大隻又厚肉，最重要係好新鮮，加入辣椒粒蒜頭同泰式辣醬一齊食，非常滋味！菠蘿海鮮炒飯顏色七彩繽紛賣相好吸引，有菠蘿粒、提子乾、鮮魷魚和鮮蝦等，材料豐富新鮮，鮮蝦同魷魚都好爽口彈牙，菠蘿酸酸地好開胃，加入碟旁邊的豬肉鬆一齊食口感更加豐富！大蝦冬陰功湯（細）我們二人大約飲了兩大碗，一鍋裏邊有兩至三隻大蝦，超大隻又爽甜，湯底酸辣度適中，天氣涼兩地飲完之後好暖胃👍！原隻椰青好清香的椰青味道，飲落好清甜😋

仲未可以去泰國先去到九龍城食返餐泰國菜先，這間小曼谷海鮮燒烤屋無論環境裝修都好有泰國風格，食物質素亦不錯👍入座後用QR code落單快捷方便。泰式干炒海鮮河粉河粉炒得好鑊氣，色香味俱全，炒得好乾身不會太油，材料亦都好豐富，有帶子、鮮蝦、魷魚和芥蘭菜，海鮮樣樣都好新鮮，口感一流👍沙嗲串燒我們點了豬肉、牛肉、雞肉和雞全翼，火候控制得好好，肉質都好鮮嫩，有少少炭焦味，好香口，在配搭沙嗲醬辣辣地好惹味。泰式生蝦刺身生蝦刺身這碟是食泰菜必點菜式，蝦肉彈牙再沾上泰式辣醬，食得好滋味。青檸樂可樂入面加入了海鹽所以飲落特別開胃，解膩一流👍

自從宋王臺站通車, 真係多左去九龍城食野, 因為比起以前真係方便左好多。其實我去黎去去都係個幾間, 小曼谷多數排頭3甲, 佢既環境, 食物水準都好貼緊泰國, 連店員都係9成泰國人, 食野既時候聽到佢地用泰文溝通, 感覺特別有風味~叫左依度既招牌泰皇咖哩炒虎蝦, 叫多份蒜蓉包點咖哩是常識吧!咖哩超大盤, 炒到杰身同蛋融為一體, 加左香蔥芹菜等配料好香! 蒜蓉包咬落去香脆, 咖哩好多唔洗就住食, 一野沾落去索滿咖哩, 正!4隻蝦肉彈牙厚身既大虎蝦。其實依度全名係小曼谷海鮮燒烤屋, 用得黎做招牌, 依度D海鮮一定有D質素, 除左泰皇咖哩既虎蝦, 依度既冬蔭功都標榜用原隻大虎蝦, 又真係一樣咁大隻冇欺場, 而且係有鮮味既添。係香港飲既冬蔭功往往比當地飲既清淡D冇咁刺激, 依度既冬蔭功相對上貼緊泰式口味, 獨特既酸辣味同香茅味都好突出, 有D刺激感!鹽燒東風螺東風螺肉質彈牙帶爽脆感, 味鮮甜, 果然海鮮係有D質素。而家諗番都好回味, 好似只係九龍城搵到依種味道咁, 真係食泰菜好地方黎!

港鐵可到九龍城，去多幾次都冇問題😂冬陰功湯，至愛！酸、甜、辣味剛剛好👍🏻最怕見到黑頭蝦，這湯一上枱，見隻隻蝦🦐🦐都好靚仔，紅卜卜，新鮮，滿分💯黃咖喱牛腩，不辣，反而有點甜味，叫埋薄餅醮咖喱，完全唔使再叫飯。出奇地D牛腩有好多之外仲係軟軟滑滑，好好食，值得推介👍🏻泰式炸蝦餅，份量好多又大件，爽口彈牙，叫細嘅已經夠晒4個人分👏🏻👏🏻泰式蟹肉煲仔翅，今次係食過返尋味，多蟹肉，翅嘅份量真係唔少！$108可以2-4人分享亦得。泰式馬拉盞炒通菜，炒得好青綠！正！串燒：牛肉、雞腎、雞全翼，全部都係我哋鍾意食，絕對冇令人失望😉

之前去九龍城都喺外賣泰菜返屋企慢慢食，今次終於有朋友約我去九龍城食小曼谷😝堂食嘅氣氛果然唔同啲，餐廳仲有駐唱歌手，帶來不同歌曲炒熱氣氛，好不熱鬧<泰皇咖喱法包軟殼蟹> $238咖喱法包軟殼蟹喺餐廳既廚師推介，所以我地都派咗一個嚟試吓。一上枱就見到有好多軟殼蟹🦀外脆內軟，金黃色脆卜卜✨泰皇咖喱醬汁味道濃郁，醬汁多到流出來🤣拎軟殼蟹／法包來點一流～咖喱香而不辣，每一啖法包／軟殼蟹都沾滿咖喱汁，而配料有些青椒紅椒同埋西芹，食完唔會後悔無曬quota !<豬肉碎生菜包> $118豬肉碎生菜包既豬肉碎肥肉比例適中，唔會太油膩，雖然叫咗小辣，但辣度近乎冇咁滯用生菜包住豬肉碎食，感覺清新爽脆，用蔬菜消除肉類嘅肥膩感