寿司の神 (已結業)

山長水遠，攀山涉水咁入到黎元朗，就係為左一試廚師發辦界好出名既壽司之神。-廚師發辦就係由廚師根據當日最新鮮既材料決定個食食咩，你可以之前同廚師講明有咩唔食，咁佢就會用其他材料代替。-今次揀左中午黎試，原因好簡單，因為真係平好多，廚師發辦只需要$450，夜晚要$1800，差太遠了吧😂。-我地2個人，一個人揀左$450，一個揀左$290，分別於$290係13件壽司，$450就有3款刺身，7件壽司，和食同魚生飯，前菜，湯個d就所有set都有，但廚師可以幫我地做到share食，即係每人會有10件壽司同3款刺身，其他野就share，我都好建議大家咁樣叫，因為可以試到更加多款式。-食物質素真係好高，壽司樣樣食材都好新鮮，有拖羅，海膽，松葉蟹等等，拖羅好大件好肥美，海膽鮮甜，每件壽司都好足份量，好好食😋😋😋

今日相約好友飯腳入咗元朗呢間幾出名嘅日本料理店聚下食好西我哋點了呢個餐，再由師父即席製作各款料理坐下後侍應奉上熱茶後就先上前菜叫沙律，今日係沖繩苦瓜沙律，味道清甜爽脆，食食下仲有少少回甘，好清新開胃之後就刺身出粗場了，係新鮮響螺配上岩鹽，口感爽身脆口，味道非常鮮甜薄切左口魚好晶瑩剔透，點少少跟上的柚子薑蔥汁，更清新提鮮，口感爽中有咬口一到秋冬時節秋刀魚刺身就出場了，肥美濃郁，點上薑蔥豉油可避走一點腥味更濃香竹籤魚經火灸過啲油脂迫哂出嚟，好香魚油味，食落有火灸香氣仲帶少少汁料的辛辣白子我都食過好幾次，多數配醬汁食，但今次用咗煎去做還是第一次，望落似豆腐，兩邊煎得好香幾乾身，但入口就不得了，中間好嫩滑又甘香深海池魚口感爽勁，魚味較濃，我幾鍾意呢鍾魚鮮香箱蟹係雌性松葉蟹，蟹肉面仲有好蟹膏同蟹籽，食落好鮮甜香濃針魚好嫩滑，魚油香不斷野生油甘魚一樣好香魚油燒吞拿油脂一瞬間在口腔爆發北海道鹽水海膽手卷，滿滿我的海膽味道鮮甜，食落有一點海水味感覺，紫菜好脆身飯又有口感一碗熱魚湯，好幸福耶最後係山梨縣富有柿，剛剛熟爽腍之間好香甜

🐟廚司發辦壽司 (10貫: $240) (13貫: $290)九月最後一日喺元朗(十月都無機會了)，終於同同事試到寿司の神 😍😍先說廚司發辦壽司❤️ 每個餐都配左前菜,蒸蛋,麵鼓湯同甜品❤️ 等侯時間有點長🙈 不過味道是滿意的👍🏼😍每一舊已配上適當醬汁和wasabi，不用好像平時食壽司咁點好多鼓油🤦🏻‍♀️最欣賞的是Toro, 海膽, 和筋子!! Toro肥美不用再說😍 這裡的筋子還真的是非常鮮甜!!!第一次食到這種味道!🤤另外有五色丼 $250 海膽，筋子，甜蝦，帆立貝，三文魚💕🐟就係咁簡單又好食❤️P.S. 本身心郁郁想食$450 Omakase, 不過lunchtime得一個鐘🤦🏻‍♀️唔夠時間><P.S.S. 可是我們在店裏遇見了小強😱😱

第一次打食評（朋友講 會打上癮 食乜影乜再打食評 係咪尼）尼間好評多 信你喇 需早一天預訂位 人較多 厚厚的刺身新鮮 賣相比味道更好 壽司出色 飯有微溫 價錢相比下較同區高 質素當然較好 可惜期望過高又或是剛從日本回來有比較吧

價錢公道，午餐廚師發辦450元位，質素不算很高，但將貨就價，元朗之神還是可以的！驚喜欠奉，尚算滿足！預先訂了位，全院滿座，應可座25人左右吧！吧台約座八人，近門口坐了四位似是熟客，嘈喧巴閉！🤬另兩個女仔也好似不甘示弱，鬥大聲，我其實唔係好想聽她們說什麼！😒壽司定食200元，都幾抵！試過一次算了😏

元朗元祖級鮨店，今天終於有機會來試試。看到菜單上$240有10件壽司，$290有13件，$450則是壽司加刺身和食的套餐，還有其他價錢相若的選擇，比起其他鮨店均來得划算。(而且結賬時更不收加一哩！)早一天預約，店家說12pm和1:45pm也可，但各時段吧枱只餘2位，要盡快覆。我和友人選了1:45pm，翌日到店，上一場剛好吃完，到我們，兩場均滿坐。我們分別點了10件和13件餐，侍應姐姐捧上綠茶。首先是蒸蛋，水準正常，內有蟹柳、冬菇和鳴門卷片，冷天有碗熱騰騰的蒸蛋，已不錯吃，如果晚市可能有鮮蝦呢。接著侍應姐姐給了一小碗松露薯蓉沙律，很香松露味。旁邊的小缸蟹仔很得意，友人即拿起相機拍照，「是甚麼蟹？」友人問。「是澤蟹！」師父答。「吃得的嗎？」「不好吃的！」「椒鹽應該也好吃吧！」「…」師傅無言。漬物有牛蒡、酸蘿蔔和酸薑，味道醒胃而不太強，牛蒡爽口有芝麻香。終於吃第一件壽司了。第一件是鱸魚壽司，清清的，配上師傅少許調味，散發微微魚味。友人說鹹鹹的，她未吃過廚師發辦，仍停留在吃爭鮮要點豉油芥末的層次，我一早說過不用自己點的，她終於相信了。第二件是凡立貝，表面有海鹽調味，凡立貝不算很甜，普普通通。接

身為元朗人，壽司之神開左咁耐從未幫襯過，朋友試過評價甚高，所以期望都好高！紀念日老公book左lunch 1:45 order 枱，我地叫左$450同$290 兩個omakase set首先黎前菜同茶碗蒸，前菜係沖繩苦瓜，爽口唔苦，仲有黑松露薯泥，茶碗蒸𥚃面啲料都好足，有幾粒細元貝$290個set有13件壽司，先黎6件，侍應會每件介紹同話比我地知食嘅先後次序。本身自己麻麻地有皮嘅魚生，但呢度啲貨真係好新鮮，就算有皮嘅都完全唔腥！仲好鮮甜跟住就上貴set嘅魚生，白身魚點佢地自己調嘅醋食，有柚子味，非常清新其餘兩款都好味再上另外7件壽司，蝦壽司好爽同甜，火炙嗰件超香口，三文魚子同海膽係我嘅最愛，質素非常高！仲有個和食吉列蠔，𥚃面超juicy再上埋個丼，呢個真係不得了，有蔥吞拿魚蓉、海膽同三文魚子，份量足，很豐富的感覺最後有湯同甜品完美嘅一餐價錢雖然有點貴，但食物質素成正比！

星期五晚同一位好友去左呢間壽司之神，朋友預先2小時竟然成功訂位⋯⋯唔⋯⋯然後呢第一次試所以點了一個900元餐和1000元餐。首先餐廳環境比較簡陋，餐具和碗碟都是隨便可以在商店買到的那種⋯⋯唔⋯⋯一點正宗日本風味也沒有。<看圖>前菜是很苦的日本苦瓜，我和好友都沒有吃完⋯⋯因爲太苦了。然後就上壽司，上前店員問我們醬酒需不需要芥末（貼心），我清晰地說明我不要，朋友要，店員也double confirmed我們的意思。然後悲劇就來了，第一round一次上5件壽司，碟上有油漬油印然後店員又細心講明壽司要從右到左食的由輕吃到重(仔細加分)，當我放第1件壽司落口，發現都有芥末⋯⋯然後打開每塊魚生底下原來都有芥末，心裏實在難以接受omakase即是㕑司發辦會犯這種低級錯誤。我是吃不了芥末的人，這樣是嚴重影響我對食物的期望。然後店員提出說要不要幫我把芥末拿走，還是你想繼續吃，之後的5件幫你走芥末。？？？當場驚訝，因為如果別的正宗omakase，師傅會過來道歉，而會免單重新再做過的。最後，4件拿回去，把芥末挑走了再送翻過來⋯⋯還有芥末殘留在飯團上⋯⋯唔⋯⋯飯是鬆散的。4件壽司次序又放亂了，

再臨元朗呢間omakase意想不到係仍有驚喜，對食材既處理同表達方式又再令我地大開眼界，真慶幸元朗有呢間omakase！前菜係沖繩苦瓜沙律苦瓜切到薄薄一片，量都幾多，幸好我是不偏食，無浪費到呢款心思前菜，苦瓜不算好苦，咬落好爽口，再加淋上既汁酸酸的，十分開胃！師傅先擺上漬物，有wasabi鮮淮山及味噌蒜頭我特別喜歡wasabi鮮淮山，爽口帶黏既鮮淮山仲有刺激微微既wasabi好過癮。第一道刺身係響螺 師傅附上岩鹽比我地隨意蘸上，底部一片圓圓既檸檬，帶點清爽味道，響螺本身味道清甜，正好點綴一下。左口魚薄切係白身魚一種，味道較為脫俗清淡，但愈嚼魚味會愈滲出來，面頭有柚子皮單食可以享受魚香，佐以師傅調既酸汁就係另一味道口感。另外仲有左口魚邊，比較爽口有嚼勁。有季節限定既秋刀魚刺身砌到花既形狀，好美呢！係視覺既享受！魚身較淋，味道突出，可蘸上薑蔥豉油。竹籤魚，經過火炙魚油香不斷飄盪，食落魚身比以上食既魚結實些少，面頭有啲茗荷帶點辛辣，配搭得好好。完全係驚喜之作，煎白子看上去酷似煎豆腐，但入面係十分軟滑又creamy，係令人難以忘懷既味道同口感！經常會見到既深海池魚，味道依然鮮味。另一頗驚喜的是

老闆完全無理過order枱嘅客人，等左一個鐘先有壽司上，問個侍應點解等咁耐，佢解釋因爲我地係order枱，師傅要一次過整哂所有壽司先會上枱，換言之，由佢整第一件壽司到最果件壽司相差左成個鐘！我地好肚餓已經黑哂面，地方細不得止，坐bar 枱既客又吵又大聲，同老闆談笑風生，講哂粗口！好吵！可能人地係大客，所以老闆不停同佢地講粗囗，但間鋪咁細我真係差點聾了。但我地呢？0服務！無人理我地！我地一件都未食！好啦終於等到壽司黎到既時候竟然完全唔好味，好普通。唔係難食，但唔會用呢個價錢去食。點解omakase 會係咁既味？唔講我以為自己去左旺角食壽司。😡😡就係因為我坐order 枱，就完全無視我地？我俾$1600一個人，$3200兩個人就得呢d 服務同埋咁差既食物？我發誓！以後我俾得起呢個價錢都只會去酒店，靜靜地享受服務同貼心服務。

呢個名，我好耐之前就聽過！當元朗既廚師發板餐廳開始多人留意之後，大家都會不斷比較幾間既質素，個人食過最出名果間，但感覺名過其實，今日黎一試呢間壽司之神，睇下質素對唔對得住神既稱號。 裝潢：餐廳燈光比較暗，counter位置大概坐到10個人，另外有數張table枱。前菜：先黎一件生既北海道粟米！之前去北海道既時候已經好想食，但太飽既關係錯過左，今日見到北海道粟米我真係雙眼發光！粟米粒粒飽滿多汁，味道清甜。而點左蜜糖既靜岡縣蕃茄就甜中帶點點酸味，幾開胃。 刺身5款：激讚《兵庫縣生蠔👍🏻》蠔好肥美好creamy!味道偏甜而唔係海水既咸味，成隻放入口真係好滿足！《油甘魚》白身魚黎講油甘真係無得輸～味道甘香而富油脂豐富，《深海池魚-柚子胡椒》加左柚子胡椒味道好清新！池魚質感爽口而帶油脂《Baby tuna》洋蔥湯用上新鮮紫菜同菇，夠杰身香甜壽司部分令人好期待！新鮮鯖魚 銀雪魚-好肥美最開心當然係見到拖羅，非常肥美而無筋，油香滿溢海膽真係有好多！啖啖鮮甜！！真係好滿意！最後甜品，我同朋友都大讚好滿足

壽司之神喺元朗都遠近馳名，雖然附近馬田路安興街超多平靚正之選，不過omakase 都係好有市場。今次去食晚餐，由於銀兩不足只能食最平個omakase. 城中有名既omakase, 都幾近1600一位，能夠用一千樓下既價位食到，我覺得已經好佛心。當然，一分錢一分貨，嗰一千蚊既差價除左壽司數量上既變化，就主要喺個食材到。吞拿魚腩唔取最肥美既腹筋位咪食其他部位，冇虎蝦帝王蟹咪食海膽白子，食落係知唔係頂級食材，不過師傅都好俾心機設計個menu, 順住次序食都好有滋味。食完都有七分飽，呢個價值既。不過我記得上青瓜壽司卷嗰刻我係呆一呆既

今日想食壽司所以黎左元朗，本身訂另一間但已 full booking壽司之神其實之前已食過，價錢可接受食物亦可以。所以再食。今次帶埋bb，所以叫左個熟食和牛丼俾個女。d汁真好食，d牛就麻麻地。而老公叫左5件壽司加迷你丼，壽司好食👍🏻👍🏻 我就叫左13件，壽司老ok

作為首間omakase龍頭舖,食材手工尚算可以但感覺不到開首時的專業了,坐吧枱師傅同客人近乎零交流,上食物沒再介紹件壽司只係講名,件魚生係室溫嘅令人有D擔心,仲有好多位其實只要師傅做得細心D就成件事唔同晒,但係佢比人感覺無用心去招待客人,成間舖至少六枱客得兩位師傅去做其中一位應該係學徒,人手非常不足,如果要食omakaes我會選擇番去鮨文或壽司源,壽司之神如果窮窮地又想食好小小既壽司還可以考慮,但如果係想享受日本匠人既風情去另外兩間先做到了

元朗既omakase 暫時最喜歡都係呢間每次都有驚喜！就黎到自己生日，所以係臨飛去旅行前食餐好既今次同朋友兩個人黎，每人點左個$1200既廚師發辦。 $1200一位，包括前菜，5種刺身，5款壽司，海膽手卷，湯同甜品。今次見到menu上唔同價錢既omakase都有海膽手卷！好吸引呀！呢到既omakase價錢由$900至$1400都有，可以按自己選擇揀反。前菜到係靜岡溫室蕃茄同北海道白粟米蕃茄仔放左係蜜糖入面，可以浸一浸先食又酸又甜既感覺幾特別，但小心唔好點甘多蜜糖，點得太多就過甜架啦另外一定要提呢個白粟米，白色一粒粒，外形已經好特別，食落估你唔到甘鮮甜，好正呀，又爽口又鮮甜，食到一粒都冇得剩兵庫県真蠔，好大隻好肥美，愛食蠔既朋友應該好開心，我朋友食得好鬼開心😏之後重有刺身伊左薄切，4片薄切，但食落依然滿足鰹魚刺身係我近來大愛刺身都好新鮮，值得一讚！之後到壽司出場5件壽司最特別既有燒銀雪魚，銀雪魚食得多，做壽司好似第一次食燒左既銀雪魚多左份油香，放入口充滿幸福既感覺，上面重有d沙律醬添另一件我最喜歡既係baby tuna壽司，一向都好喜歡tuna，呢件baby tuna 油脂分佈平均，一啖