富臨皇宮

營業中

休息中

今晚去左石門買野，見到富臨有1蚊童子雞，拿拿淋叫媽咪一齊食啦❤️晚飯人流超旺，地方大，環境好👍🏻杏汁燉白肺-不是每間酒樓都有，杏汁香濃，豬肺多，味道濃，唔卦得媽咪都話出去飲仲好😄金陵片皮鴨半隻-簿餅熱辣辣，半隻份量足，鴨肉唔鞋，加上京蔥及甜醬傳統食法更好食上湯龍蝦伊面-一隻大蝦蝦，啖啖肉，美味彈牙，伊麵索入上湯，超正脆皮童子雞-媽咪話價錢真係=請你食，上面有蝦片，新鮮熱辣，皮香肉滑，加小小醬酒更正整體來講不錯👍🏻

今晚約咗老竇媽咪去石門食飯 上到去已經廣場見到有間富臨酒家 出邊門口做緊優惠孖寶套餐見到又平又抵所以就同媽咪老竇入去試一試 入到去見到酒樓又大又光猛 侍應帶我哋坐四人枱 發現個侍應好細心 我哋叫咗普洱茶 我哋坐低叫咗以下食物💕杏汁白肺湯 $188 優惠價💕西澳洲龍蝦伊麵底 我哋叫咗清湯 龍蝦好鮮甜好新鮮大大嚿 好好味 配埋個炸子雞套餐價$388 炸子雞都做到脆 雞好鮮嫩 💕片皮鴨 皮脆肉嫩 配埋啲薄皮好好味💕金銀莧菜 淡淡鹹蛋味 蔡一啲都唔老 炒到啱啱好今晚食飯好滿足攬住個肚走 買單都好抵食七百零蚊

今日雖然打風，天氣都唔算好差，政府出咗消費券梗係要出去振興經濟。位於沙田石門《富臨皇宮》晚飯小菜確實抵食，晚市孖寶、龍躉三寶...... 多款選擇，最近再度推出有阿拉斯加大蟹。店內環境非常闊落，樓底高，面積廣，筵開數十圍都唔係問題。杏汁白肺湯~豬肺好多功夫，杏汁好香，豬肺好好食，呢個湯夠四至六人飲。金陵片皮鴨(半隻)~半隻嘅份量都唔少，片起都幾多塊，鴨肉質地厚實，皮都夠脆，當然唔少得京蔥及青瓜絲，仲有有甜酸汁及甜醬。晚飯堂食孖寶(龍蝦配脆皮童子雞) ～西澳洲龍蝦~上湯跟伊麵底，原隻龍蝦啖啖肉，爽口彈牙，大家食到唔停口。脆皮童子雞~即叫即做熱辣辣，皮脆肉香，正啊！

其實我以前經常會去這間酒樓飲茶！因為都幾近我屋企！不過搬咗之後，已經越來越少在這裡食飯！今日經過諗住尋找一下以前嘅回憶！食物質素：不進變退點心送來已經凍冰冰！又漏單！叫個侍應是沒有反應，只掛住聊天！2個知客門口不是派位，只是叫自己搵位（當時全場滿座）要同人鬥快搵位！鬥快搵位：可能是唯一可以尋找兒時回憶的感覺

今日17／3／2023去石門京瑞富臨食中午飯，一坐低叫咗茶，沒到10秒，係沒到10秒已上茶。正驚訝效率奇快之時，發現D茶係涼的，大概30－40度左右，剛好見到有位著黑色西裝侍應在附近，就同佢講D茶啱啱開就凍嘅，佢好快嘴問我你飲乜茶乜茶，我見佢好唔耐煩的語氣就指一指茶壺蓋(有茶名)。佢一野拎走茶壺走去附近一張工作枱，見佢揭開一塊布，拎過第二壺茶俾我,但都係唔夠熱，大概50－60度左右，又係唔使十秒！我諗到兩種可能，1,就係一早批量沖定D茶。2,就係二手茶。有句說話叫人走茶涼，原來我今日見識到人剛到茶已涼！其他方面，環境乾淨寬敞，食物質素都OK。

今日有啲口痕想食片皮鴨，專程嚟到富臨，皇宮試吓佢哋嘅片皮鴨！一鴨兩食非常出色！片皮鴨嘅份量都幾多 另外鴨Shan我哋用咗嚟做湯成餐飯非常滿足 一隻鴨可以滿足兩個食法Very good!

難得跟家中長者出來食餐生日飯，千揀萬揀竟揀中呢間 最難食係個豆腐，整碟完完全全冇味，係一啲味都冇！估計應該係用水烚熟所有配料然後埋獻就算，真係第一次見識到完全冇味的食物！！碟菜都有啲老，龍蝦一般般又係比較多獻，相比下乳鴿算最好食但係偏咸些。個男部長態度有啲晦氣，不禮貌地將單據放在枱上，見佢跟其他客人說話態度都冇乜禮貌。三個人食左$706，一肚氣咁走，平時老人家慳慣食剩會打包，但連佢都話唔想攞走，睇見就嬲咁話！

⭐️富臨皇宮(沙田石門)⭐️📍: 沙田石門安群街1號京瑞廣場二期2樓201號舗⏰:08:00am-12:00pm冬天最適宜食羊腩煲，今晚同屋企人去左石門既富臨皇宮食中菜，見到佢地有羊腩煲當然要試下啦😚🌟金銀菜燉白肺湯 ($148/盅)呢排太凍少左食住家飯，最鐘意食中菜叫個燉湯暖胃，佢地既金銀菜燉白肺湯超足料，豬肺洗得好乾淨好好食😋😋🌟古法羊腩煲 ($138)羊腩煲上枱時會連埋Gas爐一齊上，熱住個鍋唔怕攤到凍哂，羊腩都幾大件食落唔會好羶，配料有枝竹、西芹、三色椒等等，枝竹煮到好腍吸收哂羊腩煲醬汁既精華，冬天食完成身暖笠笠👍🏻👍🏻👍🏻🌟京式片皮鴨 ($188/隻)中菜我地必點片皮鴨，店員會先送上原隻鴨，然後席前切片，切好之後層次分明，唔會好肥又有鴨肉，包住餅皮、青瓜條同醬汁一齊食，好滿足🥰🥰🥰

凍冰冰去食羊腩煲暖下身先！依到$38一煲羊腩煲真係超抵🤤仲有好多晚飯優惠套餐。石門呢間分店，之前嚟過～裝修靚，環境唔錯，每張枱之間都好有空間，好好坐好舒服。🔶古法迷你羊腩煲 見到差唔多每枱都有點一煲！只要以正價點一款小菜，就可以用優惠價$38點個羊腩煲，好抵食！用瓦煲盛著，份量來講兩個人share都OK，啲羊好軟腍入味，滿有南乳香。入面仲有冬菇丶馬蹄，同埋索汁一流嘅枝竹，食完暖笠笠。🔶金銀菜燉白肺湯 估唔到個湯份量咁多！係一窩嘅～而且好足料！一上枱，服務生就幫我哋將湯料放在大碟上可以慢慢享用🥳熱辣辣入口清甜滋潤。小碗盛著應該夾埋起碼有八碗。🔶京式片皮鴨 京式片皮鴨半隻大約有10至12片，兩個人食啱啱好！餅皮厚薄適中，配埋甜麵醬丶京蔥條丶青瓜條，皮香肉滑，入口清爽不膩。

很久沒來到石門，本來打算朝聖一下YouTuber介紹的食店，看到實際店面時不禁失望，然後會太太來到2樓，發現富臨晚飯優惠相當抵食，當然不能錯過✏️位置: 8/10✏️環境: 8/10✏️衛生: 8/10✏️服務: 8/10✏️食物: 8/10酒樓位於港鐵站旁商場二樓，地點便利，環境寛敞，可擺大型婚宴。侍應態度友善，上菜亦快，食物份量多且味道不錯🌟金銀菜燉白肺湯 - $148/盅近來沒多少湯水，便選了這款燉湯。湯料有豬肺、雞腳、雞肉、豬肉、大白菜及白菜乾，燉出來相當鮮甜，滋潤味美🌟古法羊腩煲 - $38（原價$138）晚飯優惠竟然只需$38，羊腩大大件，配料除了有枝竹，還有西芹、薑片、大蒜、香蔥及燈籠椒。雖上枱時已熟，經理仍會連煲上一個卡式爐，一直煮住羊腩，羊腩慢慢煮稔，而且越來越入味，食起來味道香濃開胃🌟京式片皮鴨 - $188/隻由於點羊腩煲需要另點一款小菜，我們選了很久沒吃過的片皮鴨。$188有一大隻鴨，酒樓會在給客人看過一隻鴨後，在附近即時切片，鴨肉相當鮮嫩，連同特製醬汁、大蔥絲及青瓜片，夾在熱騰騰的烤餅內，口感豐富滿足，加上有一隻的份量，真的吃到很飽🏠 富臨皇宮 (石門) 📬地址：沙田石

上完堂，行經富臨皇宮見到推介的晚飯優惠有$38的羊腩煲，見咁抵食，一於入去試吓。🥰 近期氣溫急降天氣寒冷，食暖笠笠嘅羊腩煲就夠曬暖胃啦。😋 好耐冇食過片皮鴨，咁又係喎，我哋一於又叫返隻京式片皮鴨。😋再加盅金銀菜燉白肺湯就prefect 啦！😋羊腩煲都幾大煲，用火鍋爐一直加熱保暖，入面仲有枝竹、馬蹄、冬菇，非常入味。 再配埋腐乳醬食就更加滋味！🤤京式片皮鴨講時講又真係好耐冇食啦！ 片皮鴨配上煙韌餅皮+片皮鴨甜醬料+蔥絲+青瓜，一上枱已經接連食咗幾舊。😆金銀菜燉白肺真係去酒樓先會飲，因為知道整豬肺係好花功夫。 呢個湯可以清熱、治氣管弱和咳嗽、補肺益氣，呢一期真係啱曬啦！🥰

之前上網見到富臨羊腩煲做緊優惠，晚市時間都只係$38一煲😍依家天氣凍食羊腩煲就啱晒啦！所以早幾日就拉咗朋友一齊去試😋羊腩煲雖然只係$38但係超大煲！羊腩份量重好多👍🏻配料就有枝竹、馬蹄、粉葛~啲羊腩份量多之餘仲好大嚿，食落冇乜臊味👍🏻片皮鴨食片皮鴨最怕啲皮勁多肥膏同埋冇乜肉，但係呢度啲鴨肉都幾大塊同埋肉都幾多！肥膏亦都唔算太多，加埋配料同埋醬汁捲着食真係啖啖肉咁😋金銀菜燉白肺湯平時去酒樓都鍾意飲湯，順便可以食埋湯渣～呢煲湯起碼夠四個人飲😂職員亦都好好咁樣幫我哋夾埋啲湯渣出嚟👍🏻啲湯因為加咗雞肉同埋豬肉所以有少少雞油喺面，但係飲得出好足料，好滋潤😋

係鄰住買買左2張$38羊腩煲，要5個人或以上先可以一次過用曬2張飛，否則就只能用1張。講返食物，羊腩煲正正常常，冇咩羊騷味，我地再叫左優惠三寶，小菜都ok，不過不失，條魚都好新鮮！

相信大家喺入秋第一件事，一定係諗食大閘蟹，如果有大閘蟹放題就爽喇🤩今次搵到富臨皇宮嘅大閘蟹2小時放題，由即日至2022年11月20日經 Togetda 平台購買優惠仲低至84折起，除咗食蟹，仲有片皮鴨都係放題，人頭都係5百幾，一於去試吓先❤️除咗上面兩位主角之外，每位仲包和味鮑魚伴秋葵一份同花膠響螺雞湯花膠響螺雞湯清甜，花膠都幾大塊，飲完感覺好溫暖！鮑魚伴秋葵嘅鮑魚幾彈牙入味。秋葵爽口，加埋佢哋嘅醬汁味道唔錯。好喇，到大閘蟹喇，有三款唔同嘅任食大閘蟹！清蒸大閘蟹 、花雕蒸大閘蟹 、鹽焗大閘蟹 。雖然大閘蟹嘅size雖然唔大 但隻隻都爆膏，食得非常開心。鹽焗大閘蟹上面會有薑蔥，味道比一般嘅濃郁，有少少蓋過蟹嘅味道🦀 花雕蒸大閘蟹好食到淡淡嘅花雕味，鍾意有酒味嘅人都唔錯🦀清蒸大閘蟹食到大閘蟹嘅原汁原味，我就最鍾意❤️片皮鴨都算唔錯，上枱時都夠熱，一碟有十幾塊片皮鴨，鴨皮充滿油香，而且食落脆卜卜🦆另外仲有幾款唔同嘅小菜，主食同甜品包括，欖菜四季豆、椒鹽豬扒、蒜蓉炒時蔬、手拍青瓜、涼拌貓耳朵、生炒糯米飯、芝麻流沙包、香芒凍布甸、杞子桂花糕同養顏棗皇糕。小菜嘅份量細細碟，方便可以試唔同嘅種類。味道仲

嚟到入秋季節有啲咩一定要早就係要去食大閘蟹！ 喺網上面見到Togetda 平台做緊大閘蟹放題優惠，由即日至2022年11月20日優惠低至84折起，就即刻買咗！ •坐低又點知食蟹咁簡單，一坐低服務員就會為你準備每人一客嘅花膠響螺雞湯同埋和味鮑魚伴秋葵！其他嘢食就可以自己落單包括有三款口味嘅大閘蟹，清蒸，鹽油焗同埋花雕蒸，仲有京式片皮鴨，臘味糯米飯etc…. 就連汽水，啤酒同埋甜品都係任食任飲！yeahhh !! •無論大閘蟹公定係蟹乸，隻隻都爆膏，仲要即叫即蒸，每次落單之後大概等10至15分鐘都一定有得食！ 我自己覺得呢三隻味都好好味，但係都會強烈推介大家試吓鹽油焗，有啲似薑蔥炒蟹嘅味道別有一番風味！