富臨皇宮

-又到食蟹既季節啦⋯今次來左石門富臨 試下呢到既🦀大閘蟹放題🦀除左任食大閘蟹 仲有好多款菜式及甜品都係任食😍———————————————————————————‼️2小時大閘蟹放題‼️星期一至五$528 / 星期六、日及公眾假期 $568入座每位免費附送珍味定食（黑魚子、鮑魚、叉燒、溏心蛋拼話梅紅茄）凡訂位再附送蟹粉三重奏撈 超大碗😱（配上 多士、炸饅頭、伊麵）🦀大閘蟹🦀 帶3款口味選擇 - 鹽焗｜花雕｜清蒸⭕️金陵片皮鴨 、蟹粉湯小籠包、6款小菜都係任食✅柚子蜜蝦球 ✅回味欖角骨 ✅豉油皇鵝腸✅欖菜炒四季豆✅淮香椒鹽豆腐✅蒜茸炒時蔬⚠️小菜份量唔系細細碟 好足料😋食得哂先好叫啊⭕️主食干燒伊麵、生炒糯米飯⭕️小食涼拌貓耳朵、手拍青瓜⭕️甜品楊枝甘露、椰香黄金糕、薑茶芋圓香芒凍布甸、養顏紅棗糕、杞子桂花糕香麻流沙包、五穀粗糧糕…查看更多

今晚與家人一行四人到石門富臨漁港食晚飯，由七時入座起叫菜至八時半左右離座，原本各人心情大致良好，因為幾款小菜味道不俗， 幾個服務生招待亦算到位殷勤，直至八點半左右埋單步往收銀櫃，由有一位年紀大約六十附近，身型略瘦及佩戴眼鏡的女士為我們埋單結帳，期間佢嘅態度傲慢冷傲， 全無笑容並且附上一幅毫不友善的嘴臉服務我們，完成埋單多謝都冇句加埋短短幾分鐘差劣互動嘅感受，就直接打跨咗今晚我哋四個人對食店嘅良好的印象改變為差劣！諗起今時今日阿姐咁嘅服務態度仍然仲可以存在喺服務業界，就容易解釋到點解香港人咁多會選擇返大陸吃喝享樂，性價比已經唔夠人比，連服務態度都俾客人受氣難平，個人認為富臨漁港應該對呢位阿姐進行再培訓，往後未有改善嘅話，換走此人方為上策！…查看更多

前幾日去咗沙田石門嘅 富臨皇宮，試咗佢哋嘅大閘蟹放題餐，限時兩個鐘，$528 起（兩位），任飲任食。成個體驗都幾滿意。酒樓環境幾寬敞，座位坐得舒服，樓底高無壓迫感。今次最期待嘅梗係大閘蟹啦！每隻蟹都幾新鮮，蟹膏夠飽滿，入口香濃。佢哋有三款口味：清蒸、花雕蒸、鹽焗。最好食係鹽焗，由鹹香帶出蟹肉鮮味，正！片皮鴨以以位上，叫一位份量可以兩個人分享。蟹粉灌湯小籠包包滿蟹粉汁，滿滿幸福。隨餐每位敬送蟹粉三重奏，包括蟹粉伊麵、蟹粉小籠包同炸饅頭配蟹粉，三款都夠足料，蟹粉香濃，幾有層次感。珍味定食就有黑魚子、和味鮑魚、蜜汁叉燒、溏心蛋，夠豐富～除咗大閘蟹，小菜都係任食，柚子蜜蝦球，酸酸甜甜，加埋脆口蝦球，好開胃。 豉油皇鵝腸、欖角骨就夠惹味，值得一試。任食甜品選擇都多，香芒凍布甸入面粒粒芒果肉好足料，讚！大閘蟹當造季節得秋季㗎咋，要趁機食多幾次～…查看更多

終於等到．一年一度大閘蟹嘅季節啦買隻三兩重大閘蟹．閒閒地都要幾十蚊/隻唔想又煮又洗 搞一大餐每年我都會嚟食大閘蟹任食放題即蒸熱辣辣▫️清蒸▫️鹽焗▫️花雕蒸三種口味選擇隻隻都爆膏勁鮮甜除咗無限追加大閘蟹．金陵片皮鴨仲有多款小菜．主食．甜品．任點任食每位都免費送精緻前菜✨真味定食．賣相吸引▫️黑魚子▫️和味鮑魚▫️蜜汁叉燒▫️溏心蛋拼話梅紅茄提早訂位．仲免費送✨蟹粉三重奏撈金黃嘅蟹粉配上 多士．炸饅頭．撈麵味道濃郁．口感豐富主菜同小炒 有水準✨蟹粉湯小籠包✨柚子蜜蝦球✨回味欖角骨✨欖菜炒四季豆✨蒜茸炒時蔬✨生炒糯米飯仲有多款甜品都好吸引✨香芒凍布甸✨楊枝甘露食完大閘蟹．店員最後仲送上薑茶．服務貼心今餐非常滿足．趁呢兩個月蟹季要嚟食多幾轉…查看更多

這晚與老公的幾位舊同事聚餐，見中式酒樓已買少見少，一定要幫襯下。大部份住新界東, 所以選了這間在石門的酒樓。金陵片皮鴨🦆這道菜可謂是全場焦點。鴨皮金黃香口，肉質嫩滑，搭配多塊薄餅、青蔥、青瓜與甜麵醬，層次分明，既有北方烤鴨的豪邁，又不失粵菜的細膩。鴨肉部分則保持多汁不柴，切片非常薄，刀功一流，令人一片接一片停不下來。酥炸蝦球🍤外皮酥脆，蝦肉彈牙，炸得恰到好處，沒有過多油膩感。蝦球大小適中，咬下去能感受到蝦肉的鮮甜與緊實。海鮮雜菜煲🥘這道煲菜融合了多種海鮮與時蔬，還有幾隻大大隻的鮮蝦，鮮香撲鼻。海鮮新鮮度高，與爽口的粉絲、菇菌、蔬菜等交織出豐富口感。清蒸沙巴龍躉🐟龍躉魚肉質細嫩，蒸得恰到好處，保留了魚的原始鮮味。搭配薑絲、蔥段與豉油，香氣撲鼻，卻不掩蓋魚肉本身的風味，整體吃起來非常順口。這是一道考驗火候的菜色，廚師的功力可見一斑。鐵板牛仔柳🥩牛柳上桌時鐵板滋滋作響，香氣四溢。肉質軟嫩，帶有微微焦香，醬汁濃郁卻不搶味，恰好襯托出牛肉的鮮美。搭配菠蘿、三色椒等配料，酸酸甜甜，既有口感層次，也增添色彩。這道菜既有西式排餐的氣勢，又保留了中式鐵板料理的精髓。酒樓環境相當有氣派, 座位寬敞舒適，服務也不錯。…查看更多

近來多次來這間富臨飲下午茶,發覺接待處的服務員笑容多了, 安排也有改善, 值得讚 (之前的不妥善安排已有改善)! 而令人更滿意的就是多了很多年青的侍應, 每一個都積極進取和有禮貌!當攞了枱號後, 已有多名侍應招呼我入内, 帶領着我, 亦主動的訊問我飲甚麼茶, 這現象在現今香港的茶樓甚少遇上 (其實這是基本的服務)。另外, 只要稍為舉起手, 便立即有侍應為我們服務, 無論入單, 加水或其他要求或詢問, 都立即有回應, 這才是服務呀! 再者, 傳菜的服務員也非常有禮貌呀! 希望以上的服務質素能維持下去! …查看更多

沙田石門有好多酒樓， 今日午餐就揀咗富臨酒家試吓。我最怕麻煩，見到有個午餐＄218， 包三個點心 、一個小食、 一個炒粉麵同一個甜品， 就試試佢。叫咗鹹水角、棉花雞、釀茄子，小食叫咗鹽水豬手， 甜品桂花糕，同一碟福建炒飯。所有食物都一般水準冇驚喜，除了特別推介鹽水豬手，豬手爽滑彈牙，真係可以食唔停。呢間酒樓優點係夠大樓底高， 所以唔太嘈，亦唔會搭枱搵位易，服務員反應快，坐得舒適。但燈光較暗裝修一般。最後三個人食飽飽，埋單每人約＄90， 不過不失。…查看更多

5月11日 星期日，慶祝母親節+生日飯，我地10個人，有長者有小朋友，食左個圍餐3888元，15分鐘極速上晒所有餸，簡直可以破到紀錄大全！其中一道餸炸蝦球拼炸鮮奶，個炸鮮奶變壞左，係酸嘅🫣 除左蒸魚熱辣辣有煙出外，其餘每碟餸送到枱上都只係室温至微暖啫。到了翌日，10個都出事，9個人肚疴爛屎爆星星😵‍💫1個嘔到黃膽水都出埋🤮最慘係三日都未疴清未嘔清😫呢間酒樓衛生程度極差，想請病假，想減肥人士就去試一試🤢🤢🤢…查看更多

話說我喺優惠訂購平台平台買咗一張$25兌換富臨頭抽走地雞嘅劵，於是我就揀咗喺石門嗰間富臨皇宮攞雞啦。我去到富臨，我就同門口櫃檯女接待員講，我想用鄰住買嘅劵換雞並向佢出示我手機中嘅兌換券。點知佢同我講話要堂食㗎喎！哎呀！好多人都以為係外賣！跟住我話，唔緊要，你咪當我食唔晒要外賣攞走囉，你照計返我茶錢同埋加一囉。跟住佢又話，要計兩位起，兩個人茶錢，仲要揀多一個正價小菜，四十幾五十蚊嗰啲唔揀得，因為嗰啲係小食，唔係小菜！！最後，我揀咗正價68蚊嘅沙薑豬手。點知佢又話唔得，要揀啲78蚊以上嘅！我即時火都嚟！！！簡直係得吋進呎！！亦覺得唔對路！！！成張點菜紙都無寫明乜嘢菜式屬於小菜，乜嘢屬於小食，女接待員只係不停同我講價錢，想叫我揀啲貴嘅嘢！於是我睇清楚兌換券嘅條款，根本就無一條條款寫明要叫一道小菜！女接待員叫我同經理講，於是一個男經理向我出示佢手機中嘅一個群組訊息，關於兌換要堂食點點點。我同男經理講，你嘅群組訊息唔關我事，我同你講緊我買呢張兌換券時嘅條款，而呢啲條款係你公司訂立㗎嘛。男經理同我講話要打上IT部門問，佢講完個電話之後就安排張枱俾我叫我坐低等一等，做返俾我。然後男經理行去附近嘅收銀台叫收銀員打單。唔知以為個女收銀員係酒樓老細，發晒癲超大聲鬧男經理：「點解要我打呢張單呀？」男經理：「我叫你打就打啦！」佢哋嘈咗幾句之後，終於打咗張單，男經理攞住張單行開咗一陣就攞咗隻雞出嚟俾我。我俾返兌換券條款所寫嘅兩位茶芥及加一服務費就馬上離開。由於Open Rice指出在食評內容中不允許包含截圖，所以我未能在此食評展示該兌換券的條款截圖俾大家睇。只可以提醒使用兌換券的人，要清楚知道使用兌換券的條款，唔好淨係聽啲職員講咩你就跟住做！…查看更多

過往到這間富臨飲下午茶的感覺都算OK, 但今次的經歷令我們對它的印象大打折扣! 當吃完兩碗叉燒米粉後, 本想再多叫幾個點心, 怎知侍應告訴我們3時要離座, 因晚上有宴會, 所以不接單了(當時是2:50 pm)! 我們說不知道限時1個鐘,但她說攞飛的櫃枱已張貼告示, 當時我們只好無奈埋單。但令我們嬲爆的是看見那位侍應繼續接其他茶客的單, 原來在近窗的位置沒有安排宴會, 所以他們可繼續入單, 繼續嘆茶至4時半! 這是怎樣的安排呀!? 另外, 我還見到有新的茶客入座! 這等等的安排簡直令我們感到氣憤, 本想問個究竟, 但也知冇用, 只會換來"刁民"一詞! 但是我真想知道編排入座的阿姐是依據甚麼原則去安排座位? 為何同一間酒樓, 竟然有兩種待客的制度?! 難道要靠"好彩", 就可以不受限時, 繼續嘆茶? 大家都是客人, 但為何遭遇不公的安排?…查看更多

由於一早訂定盆菜初三自取，直到進餐前發覺盆菜出了問題，然後立刻打去酒樓方面詢問！酒樓方面了解後立即道歉，再搵了職員將盆菜送到大埔住所，還多送我們幾個生果！由於過年生意比較繁忙，但仍有此售後服務質素！十分感謝酒樓嘅安排和送上盆菜的那職員推薦！…查看更多

多次來石門富臨飲下午茶, 覺得酒樓內的侍應服務態度不錯! 她們會主動指示座位位置, 訊問飲甚麼茶, 亦主動收單。另外, 亦見她們勤奮地清理枱椅, 其他好多酒樓的員工總愛理不理, 甚至喝罵顧客! 再者, 酒樓內傳菜的姐姐也有禮貌, 甚至會說笑, 有正能量! 希望他們堅守這種難得的服務態度 …查看更多

諗住交通方便，近石門站，團年飯去呢間富臨，8:15起菜，乳豬全體，放低唔夠5分鐘，阿姐居然上湯𡙡，重要係分好位上分上轉盆，10分鐘內，龍蝦伊面，三熱薰全上，好壯觀，叫阿姐搵經理入嚟叫hold 1 hold,阿經理啋你都儍。再5分鐘魚雞上埋，45分鐘單尾甜品齊晒。真係唔好意思，過嚟食嘢打擾哂，搞到我幾唔好意思，下次都唔敢幫襯。有一秒懷疑自己入咗澳牛食光速餐。真係冇生意又話冇生意，有生意有話太忙所以咁。…查看更多

呢餐宴會菜式係典型嘅酒樓風格，菜色豐富。但服務方面比較失色，例如加茶水要自己去苦差區，見到啲服務員行來行去都唔會主動幫忙，搞到好多時候要等好耐先有熱茶送到口邊。.燒乳豬：脆皮好食，希望唔好浪費喂Siri第一道係燒乳豬，質量算唔錯，乳豬皮夠脆，肉質細嫩。但我覺得比較浪費嘅係佢收晒啲豬頭，就倒晒落部車度，我問佢想拎返屋企，佢話一個人最多係攞一個，最初頭佢都唔俾，肯定一位同事比多兩個，所以我就見住佢將其他豬頭到晒落垃圾車度，直接白白浪費。.紅燒竹笙海皇翅：湯底濃郁但表現平平紅燒竹笙海皇翅湯底熬得算係有厚度，但味道就冇太大驚喜，屬於一般嘅表現。竹笙同魚翅嘅口感細緻，配料都算足夠。.百花炸釀蟹鉗：味道不錯，但略顯油膩蟹鉗嘅外皮炸得夠金黃酥脆，蝦膠亦算彈牙，但啲油膩感比較重，食多幾件會覺得負擔，如果可以同時有啲燈籠椒或者清爽啲嘅嘢一齊食，感覺應該會平衡好多。.清蒸金花尾班：火候得宜，肉質鮮嫩魚肉質地嫩滑，火候控制得幾好，豉油同蔥油嘅調味都好到位，係當日咁多道菜的其中一個亮點。.當紅脆皮燒雞：實至名歸，雞肉嫩滑呢度菜我諗係酒樓宴會必點的，但真係唔係間間做得好，今次真係算有水準，雞皮脆雞肉唔鞋口已經好難得。.臘味糯米飯：香氣足，但欠驚喜臘味糯米飯係一道傳統宴會飯，但冇特別嘅創意。臘腸油香滲入飯中，米粒分明，但味道比較單一，食完一碟之後未必會特別記得。整體來講，係一碟穩陣但唔會令人回味嘅主食。.蠔皇原隻鮑魚扣玉掌：鮑魚厚實，蠔皇汁過鹹鮑魚本身煮得夠腍，玉掌亦帶有膠質，但蠔皇汁嘅味道過鹹，掩蓋咗食材本身嘅鮮味，令人食完有啲口渴。整體感覺食材質素唔錯，但調味嘅比例未算掌握得好，少咗驚喜嘅感覺。.結論：菜色合格，服務需提升呢場宴會菜色雖然都係穩陣嘅傳統選擇，而且整體嚟講味道都係有水準的同埋份量都啱啱好。但更加值得一提係服務，燒乳豬嘅浪費情況令人不安，加茶水又要自己去攞，呢啲細節影響咗整體體驗。如果未來可以提升服務水平，相信會令客人有更好嘅印象。…查看更多

今天，約了爸媽、姨丈、兩位阿姨去石門飲下午茶，這家酒樓好大，較容易搵位，所以人多時多數相約在這家酒樓。下午茶好抵食，我們叫了很多點心：時菜鯪魚球17.8，鮮竹牛肉球17.8，香麻流沙包19.8，潮州粉果18.8，蜂巢炸芋角20.8，蟹籽燒賣王23.8，醒神仔孖寶- 北菇棉花雞加香煎蘿蔔糕32.8，補腦合桃包加叉燒腸32.8，灼生菜加藥膳浸雞腳32.8，鮑汁鳳爪38，富臨蝦餃王（大大隻、蝦肉彈牙）29.8，鮮蝦腐皮卷29.8，煎釀虎皮椒21.8⋯⋯我們九人已經食到好飽。當中蝦餃王、燒賣、腐皮椒、藥膳雞腳👍🏻👍🏻…查看更多