富臨皇宮

營業中

休息中

沙田石門有好多酒樓， 今日午餐就揀咗富臨酒家試吓。我最怕麻煩，見到有個午餐＄218， 包三個點心 、一個小食、 一個炒粉麵同一個甜品， 就試試佢。叫咗鹹水角、棉花雞、釀茄子，小食叫咗鹽水豬手， 甜品桂花糕，同一碟福建炒飯。所有食物都一般水準冇驚喜，除了特別推介鹽水豬手，豬手爽滑彈牙，真係可以食唔停。呢間酒樓優點係夠大樓底高， 所以唔太嘈，亦唔會搭枱搵位易，服務員反應快，坐得舒適。但燈光較暗裝修一般。最後三個人食飽飽，埋單每人約＄90， 不過不失。