富寶會所私房菜

營業中

休息中

我阿媽自從嚟過食後，簡直愛上左，陣間中就帶埋我啲仔女嚟食好嘢。今日下晝佢響道雀局完，話一早訂左龍蝦，就叫我湊要粒孫落去搵佢食晚飯。芝士花龍蝦配伊麵底:呢道菜一上枱已經香到爆炸，芝士焗得啱啱好，唔會膩，又唔會遮蓋晒龍蝦嘅鮮味。花龍蝦啖啖肉，爽口彈牙，好有咬口。底下鋪咗伊麵，吸晒啲芝士醬汁同埋龍蝦嘅精華，成個combo真係正到冇朋友。食到最後碟底都唔想放過，攞匙羹刮多兩啖先甘心。😋青紅蘿蔔排骨湯:一入口，真係有返阿嫲煲湯嗰種味道。湯色金黃清澈，飲落去夠晒清甜，青紅蘿蔔煲到腍晒但又保留到口感，唔會腍到散晒。排骨好入味，有啲黏嘴感，明顯係火喉掌握得好。飲完一碗，整個人都暖晒，好有屋企Feel。豉油王乾煎大蝦:簡簡單單，反而最考功夫。啲大蝦好新鮮，乾煎得脆脆地但唔會過火，蝦殼略帶焦香，食落鹹香中帶少少甜，個豉油王調味好Balance，唔會死鹹。成隻蝦都吸晒醬汁，連蝦頭都好惹味，啖啖都係精華。

前排父親節帶左屋企人黎食呢間都有唔少評價既富寶會所私房菜到食下啲小菜，因為感覺私房菜既食物係更有質素保證，而且私隱度感覺都會高啲👍🏼。🐷枝竹火腩炆骨腩🐟清蒸蘇鼠班🐔蔥油雞(一隻)。我地一行5個人都食得唔多野，所以就嗌左啲餸一齊share，另外仲有嗌左啲酒水，成件事都幾有儀式感😛佢地價錢上完全對得住個份量，因為係勁大碟，好彩無嗌多幾個，如果唔係都食唔哂，火腩肥瘦平均，而且啲枝竹索哂啲汁，用黎醒飯真係好正，條斑既時間都蒸得岩岩好，同食得出係新鮮，而雞方面本身以為係綠色嘅蔥，點知原來係油蔥，所以食落會更加香口，同埋隻雞都幾滑環境方面其實都好似普通酒樓咁，但我覺得無咁亂同埋職員都幾nice同helpful，即使係比較忙碌但佢地反應都好快👍🏼當日因為係節日，所以都大部分坐滿，如果係想大時大節過嚟最好都係book定位，咁就萬無一失😂有時最怕真係諗住唔使book，結果去到要等位就真係大失預算啦

昨晚我去咗富寶會所食私房菜，真係享受到一場美食盛宴！叫咗啲平時少點嘅菜式，驚喜一籮籮！餐廳環境好寬敞，啱晒朋友聚會🥰一開始上嚟嘅係*冰鎮鮑魚，呢道菜呈現得好靚，鮑魚表面閃閃發光，色澤真係好誘人😝每片鮑魚切得好適中，肉質鮮嫩，冰冰冷冷咬落去，真係好似感受到海洋的清新。搭埋特製嘅醬油，仲有一絲微甜，鮮味更加突出，回味無窮，真係一個字：正💯接住而來嘅豉油王乾煎大蝦，蝦蝦肉彈牙，外脆內嫩，豉油嘅香味真係好吸引，令人食到停唔落口 😚而龍躉兩味之椒鹽骨腩，椒鹽嘅味道啱啱好，骨腩肉質軟滑，搭配龍躉嘅鮮美，真係好滋味😜翠綠炒斑球色澤鮮艷，斑球滑嫩，搭配新鮮蔬菜，口感清脆，真係令人大滿足😋整體嚟講，呢間私房菜餐廳嘅用餐體驗唔錯，期待下次會帶埋啲friend再來🤓

最近喺九龍城發掘到一間抵食又有驚喜嘅餐廳，食物質素高之餘，仲有麻雀檯可以同朋友邊食邊玩，非常適合聚會！餐廳仲提供包場包房服務，甚至能自訂語句展示於大型屏幕，搞生日宴或公司活動都夠晒體面～ 必試招牌菜肉片炒烏冬烏冬炒得夠鑊氣，口感彈牙唔會太淋，肉片嫩滑入味，加埋蔬菜絲同醬汁翻炒，鹹香得嚟又唔會過油，份量十足，絕對係飽肚之選！ 枝竹火腩炆骨腩呢道傳統粵式風味菜做得非常出色！火腩皮脆肉香，骨腩魚肉鮮嫩無腥味，枝竹吸盡湯汁精華，濃郁得嚟帶微微甜味，送飯一流～ 鮑魚雞粒炒飯豪華感滿分嘅炒飯！鮑魚粒爽口鮮甜，雞粒嫩滑，飯粒炒到粒粒分明，仲有蛋香同蔥花提味，食落完全唔油膩，誠意推薦！ 小貼士，想食海鮮記得提前預訂，保證新鮮到貨！ 飯後可以同朋友打番幾圈麻雀，輕鬆 chill 一晚～ 如果包場或節日慶祝？聯絡餐廳自訂屏幕訊息，即時提升氣氛！ 無論係家庭聚餐、朋友 gathering 定公司活動，呢度都係個唔錯嘅選擇，下次經過九龍城不妨試吓！

🍽️【九龍城隱世私房菜】富寶會所｜海鮮控必試！麻雀耍樂+包場派對首選🎲.📍 私房菜x娛樂一站式體驗九龍城呢間「富寶會所私房菜」絕對係聚會首選！除咗有高質海鮮，仲有麻雀檯俾大家食完飯耍樂～最正係可以包場開Party，仲能自訂語句放上餐廳大屏幕，生日、公司聚餐都啱晒！.📌 溫馨提示：✅ 海鮮最好提前預訂✅ 包房服務適合10人以上聚會✅ 麻雀耍樂需提前book檯.🌟 必食招牌菜.1️⃣ 冰鎮鮑魚 🧊👉 口感：鮑魚爽脆彈牙，冰鎮做法鎖住鮮味！蘸少少wasabi豉油，海洋鮮味瞬間爆發，清新又開胃～2️⃣ 清蒸三刀 🐟👉 口感：三刀魚肉嫩滑到不得了！簡單清蒸最能體現魚鮮，魚油香而不膩，連魚皮都滑溜，老饕至愛！3️⃣ 蜜汁叉燒 🍖👉 口感：叉燒半肥瘦剛剛好，外層蜜糖焦香，肉質鬆化多汁！甜度適中，送飯一流，一個人可以KO半碟～📌 餐廳資訊📍地址：九龍城侯王道28號1-2樓.#九龍城美食 #私房菜 #海鮮盛宴 #香港美食 #麻雀耍樂 #包場派對 #朋友聚會 #隱世餐廳 #叉燒控 #香港探店.👉 貼士：想食招牌三刀記得早一日預訂，保證新鮮到貨！🎣

四人打牌ABCD餐，食物質素很好，有火喉，大家很滿意，仲要鋪舖大牌抽水抽到暈. 樓茶水任添，環境優美，冷氣充足，間舖頭又易搵，廚師也出來招呼，打到12點幾都唔捨得走！

第二次嚟呢度食飯啦今次又係同屋企人嚟上次佢哋食過都覺得幾好🩷沙薑大雞腳啲雞腳真係好大隻，仲要煮得好腍沙薑味道都濃郁🩷椒鹽骨腩好多椒鹽，雖然有骨腩都啖啖肉食落口唔會好韌🩷西蘭花炒球西蘭花好新鮮，有啲斑腩好夾好好味🩷鮑汁雞粒炒飯好大碟炒飯，鮑汁一啲都唔少每啖都有包汁味，而且雞粒都好多🩷蜜汁叉燒叉燒肥瘦適中，嚟到熱辣辣食落又好香嘅蜜汁味🩷金針云耳蒸雞蒸雞都好大碟，金針同雲耳蒸到好入味🩷涼瓜炆倉魚倉魚大大條，原來加埋涼瓜有幾夾

因為有friend住係附近，食過覺得性價比高之餘又好味，我地間唔中都會黎呢間餐廳dinner，依加變左熟客仔tim😂。今次叫左幾個送，覺得呢兩個都好yummy ar!!冬瓜炆燒腩仔呢個天氣食冬瓜真係好消暑呀！冬瓜又腍又多汁，好入味！燒腩仔又唔係太肥太乾柴，口感岩岩好。清蒸三刀我真係好中意食魚，清蒸三刀肥美又新鮮，唔會有腥味，落左超級多蔥絲！落埋鼓油再撈埋d魚汁，我真係可以食到兩碗飯😂！好飽又滿足既一餐

琴晚嚟咗富寶會所私房菜享受美食，叫咗啲平時少叫嘅菜式，有意想不到嘅驚喜🤩 餐廳嘅環境寬敞，啱晒朋友聚會🤩一開始上桌嘅係冰鎮鮑魚，呢道菜呈現得好精緻，鮑魚嘅表面有自然嘅光澤，色澤望落誘人🥳每一片鮑魚都切得厚薄適中，肉質鮮嫩，同埋佢係冰冰咚咚嘅，咬落去嗰下好似感受到海洋的清新，搭配埋特製醬油更有一絲微甜的口感，令鮑魚嘅鮮味更加突出，回味無窮，一個字正😋另外值得一讚嘅就係竹笙海皇羹，呢道羹湯嘅香氣撲鼻而來，令人不禁垂涎欲滴😝湯底搭配著竹笙、瑤柱、蝦仁等海鮮，營養好豐富😗竹笙嘅脆口同海鮮嘅鮮美相互融合，湯汁滑順，每一啖都係對味蕾嘅極致享受。其他菜式例如黃金涼瓜、蝦球蒸豆腐(掛住食都冇影到haha)都正常發揮，整體嚟講呢間私房菜餐廳用餐體驗唔錯，期待下次🤓

富寶會所私房菜位於九龍城侯王道28號，是一間隱藏於鬧市中的高級粵菜食府。餐廳主打精緻私房菜，環境典雅舒適，設有獨立包廂及麻雀檯，非常適合家庭聚會或商務宴請。招牌脆皮炸子雞絕對是必試之選，外皮金黃酥脆，肉質鮮嫩多汁，每一口都充滿雞肉的原始鮮味。師傅掌握火候恰到好處，將雞皮炸至薄脆如紙，卻不油膩，蘸上特製醬料更顯風味。蒜蓉粉絲蒸琵琶蝦選用新鮮大蝦，蝦肉彈牙爽口，配上吸滿蝦汁的粉絲，蒜香四溢卻不會蓋過蝦的鮮甜。這道菜最考驗師傅對蒸煮時間的掌控，富寶的出品總是能保持蝦肉的完美口感。豉汁蒸黃立䱽同樣令人驚艷，魚肉細嫩滑溜，豉汁鹹香適中，既能提鮮又不會過於濃烈。特別值得一提的是，這裡的海鮮都是當日新鮮到貨，建議提前預訂以確保能品嚐到心儀的食材。餐廳提供多項貼心服務，包括包場包房、麻雀娛樂，甚至可以在大型屏幕上展示自訂語句，為特別場合增添個人化元素。無論是商務宴請還是親友聚餐，富寶會所都能提供高品質的用餐體驗。記得提前預約

九龍城出名食泰國菜就大家都知,原來呢度收埋咗間好正嘅私房菜😽餐廳設有麻雀供娛樂用途,啱晒四五知己食完飯過嚟打返兩圈😹如果大家有特定想食嘅海鮮,最好提前同餐廳預訂,大時大節就唔怕冇想食嘅嘢啦😻椒鹽六頭南非鮑魚第一次食用椒鹽方式煮嘅鮑魚,鮑魚外表經過微微炸過之後好脆,但係依然感受到佢嘅新鮮同彈牙🥰清蒸海東星斑東星斑魚肉質地鮮嫩,鮮味十足,搭配少許蔥絲及生抽,菜品簡單但極具風味🤤鮑魚響螺燉竹絲雞湯呢碗湯用料豐富,湯底濃郁而不油膩,好味到忍唔住湯渣都要食埋😆

今晚同左班朋友試咗呢間隱世私房菜，試咗好多唔同嘅餸菜🫶🏻整體夠飽又夠鑊氣！以下呢幾款就係我最鍾意食嘅餸！🍲 鮑魚響螺燉竹絲雞湯湯頭超清甜！😍飲得出冇落味精，鮑魚同響螺夠厚身，竹絲雞燉到腍晒，飲完喉嚨好舒服～ 😛🦀 懷舊酥炸蟹鉗外皮脆到「咔嚓」聲 😋 入面蟹肉塞到滿滿😚仲有少少蝦膠吊味呀，點埋喼汁真係童年回憶返晒嚟！ 🤩🐟 清蒸海東升斑火候啱啱好！魚肉一啲都唔霉，🐟蒸到離骨又滑溜，豉油唔會太鹹，抵讚師傅功力 💯 好食：❤️❤️❤️❤️🖤抵食：❤️❤️❤️❤️🖤

晚上來到富寶會所私房菜，要了「百花蝦球伴鮮什果沙律」同「碧綠炒海斑球」，兩款菜式都十分出色。百花蝦球伴鮮什果沙律，賣相已經十分吸引，蝦球外層包上一層金黃酥脆嘅杏仁片，圍著中間鮮果沙律，色彩繽紛，蝦球外脆內嫩，蝦肉爽口彈牙，鮮果沙律清新鮮甜，酸甜開胃，為菜式增添清新嘅果香，完美平衡。碧綠炒海斑球，海斑球新鮮非常，魚肉炒得外層焦香，內裡仍然嫩滑，魚肉嘅鮮味完全被鎖住，西蘭花炒得翠綠爽脆，整道菜嘅味道豐富，火候控制得剛好，亦突顯出海斑嘅鮮味。餐廳環境舒適，整體用餐體驗不錯。

冰鎮咕嚕肉$148，唔冰鎮芝士焗龍蝦伊麵，$620，份量極少，龍蝦唔彈牙，上菜直程係暖的，完全唔熱黑松露花枝帶子王，$188，一開始嚟到俾漏咗花枝，帶子過熟，冇乜黑松露味極度失望，完全性價比極低

今次同7個朋友去咗九龍城富寶會所試吓佢哋嘅私房菜，8個人叫咗6個餸，份量啱啱好，最出色嘅係以下3道菜，都幾值得推介👇 🐔炸子雞（一隻）炸子雞係即叫即炸，皮脆肉嫩，咬落去雞肉仲好juicy，完全唔會乾又唔會柴😋雞皮炸到金黃色，脆卜卜，蘸少少淮鹽或者甜酸醬已經好正，係必食之選！ 🧄蒜茸粉絲果皮蒸骨腩呢個蒸骨腩好有驚喜🫨魚肉鮮甜冇腥味，加埋蒜茸、粉絲同陳皮一齊蒸，味道好夾👍。粉絲吸晒魚汁同蒜香，食落好入味，魚腩部位啖啖肉，送飯一流！ 🍄‍🟫金菇肥牛卷肥牛卷住金菇，燒得啱啱好，牛肉唔會太韌，金菇爽口又多汁，醬汁微微甜，食落好開胃😆。呢個菜式雖然簡單，但做得夠入味，大家都搶住食！ 我哋之後都仲嗌咗椒鹽焗鮮魷🦑日式清酒煮花甲🍶豉油皇海中蝦🦐佢哋海鮮質素都幾唔錯，全部都好新鮮😚