富寶會所私房菜

富寶會所私房菜屬於那種一坐低就安心的地方：燈光柔和，服務不搶戲，讓你專心同食物相處。這晚由海鮮打頭陣——蒜蓉粉絲蒸龍蝦一上桌就香到不行。蒜蓉炒得起沙，熱油澆下瞬間把香氣推到位，粉絲吸滿龍蝦汁同蒜油，入口先是鮮甜，跟住是一點點蒜辣，愈食愈上癮。龍蝦殼易起肉，彈牙但不韌，配粉絲啱啱好，特別下飯。順帶提醒：這裡的時令海鮮人氣高，海鮮最好提前預訂，尺寸、新鮮度都更有把握。招牌炸子雞是另一個亮點。外皮色澤像擦過蜜糖的銅，薄脆到像玻璃一樣碎裂，裡面卻鎖住了雞油芬芳。腿位肉汁四溢不用說，連胸位也不見乾柴；鹹香平衡得宜，不用蘸椒鹽已經夠味。這道菜有那種「一人至少兩件」的魔力。清蒸紅瓜子斑吃的是火候和刀工。魚身蒸到剛好定形，筷子輕挑即分片，肉質帶微微彈性；蔥絲、薑絲和熱油，把豉油的甜與魚本身的鮮引出來。魚腩位充滿膠質，魚鰭邊更是啖啖黏唇的滿足。這種克制的清簡，往往最考功夫。環境配套也值得一提：餐廳提供包場包房服務，無論是慶生、公司聚餐，還是朋友團年，都可以按人數出套餐或度身訂菜單。場內更有麻雀檯供娛樂用途，食飽打一圈，笑聲自然多幾度。如果有特別日子想搞點儀式感，可聯絡餐廳自訂語句展示於餐廳大型屏幕🖥，由入門那刻已經有驚喜，「Happy Birthday」或小情話都可以。…查看更多

【📍九龍城｜一家人溫馨聚餐之選】🐨清蒸花尾龍躉 $398推薦度：⭐️⭐️⭐️⭐⭐️食海鮮最緊要新鮮，清蒸就已經可以帶到最美味的感覺~~ 哩條龍躉啖啖肉，淨係以哩個重量計已經性價高好高!! 食落就肉質細緻又少骨，簡單以蔥絲、豉油調味，已經可以送到幾碗飯食.🐨魚頭豆腐湯 $138一家人食飯一定要飲碗湯先夠完滿，魚湯工序最難梗係揀出去餐廳先飲啦！！上枱見到個湯係奶白色就知冇得輸，飲到魚肉的鮮甜味，滿滿骨膠原而且唔會有腥味。豆腐煮到好嫩滑，仲有大量白菜仔係湯入面，飲落健康滿分。.🐨蒜蓉粉絲蒸琵琶蝦 $438蒜蓉粉絲蒸琵琶蝦就係相對惹味之選，同埋都係功夫菜之一，睇落好簡單但又唔係間間煮得好食。琵琶蝦好新鮮食到彈牙，係個底食盡蒜香，蒜香味濃... 哩到既粉絲煮到好淋身入晒味，上面仲有少少芫茜，多左一份香料香。——☼——☼——☼——☼——☼——富寶會所私房菜📍地址：九龍城侯王道28號1樓🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB九龍城.#九龍城美食 #九龍城 #港式美食 #港式 #海鮮 #美食推介…查看更多

中秋節去咗我最鍾意嘅私房菜度食飯每年中秋都會一家人過嚟團聚，真係好溫馨🥹🛎️ 酥炸生蠔 小朋友最鍾意食香口嘢～呢個炸生蠔外脆內嫩，啲肉勁肥美🥰又鮮美，口感真係一流！🛎️ 冰鎮鮑魚 鮑魚超大隻😍新鮮又彈牙，搭配清爽嘅醬油，真係好正！咁熱嘅天氣食真係一流～～～🐚❄️🛎️ 古法鹽焗雞 過時過節梗係要有雞啦呢隻鹽焗雞香氣四溢，雞肉鮮嫩多汁😘鹹得來又有啲芝麻香，好惹味🍗✨🛎️ 清蒸東升斑 一望就知魚肉好滑嫩🥹點少少豉油或者唔點都得～清蒸完美保留咗魚嘅鮮味，簡單又好味🐟🥢…查看更多

九龍城，一個從來都唔會令食家失望嘅地方。除咗泰國菜，呢度仲收埋好多隱世嘅中菜高手。所謂私房菜，食嘅從來都唔係金碧輝煌嘅裝修，而係師傅幾十年功力嘅沉澱，同埋一份喺連鎖餐廳搵唔到嘅人情味同心機。今次嚟到「富寶會所」，就係為咗一嚐傳說中嗰種「有料到」嘅住家式手功菜。 先聲奪人：奶白魚頭豆腐湯 🍲食中菜，一碗靚湯絕對係成餐飯嘅靈魂。當呢碗「魚頭豆腐湯」一上枱，我已經心裡有數——呢餐應該穩陣。碗湯呈獻完美嘅奶白色，唔係靠花奶或者其他添加劑「裝假狗」，而係實實在在用足料、夠火候長時間熬製嘅證明。一睇就知個魚頭肯定係先用猛火煎香過，鎖住魚油嘅甘香，再同豆腐、薑片一齊熬煮，先可以逼出呢種天然嘅乳白色。呷一啖落口，嘩！個心即刻暖晒。🤤 湯頭鮮甜到不得了，魚嘅鮮味完全融入湯入面，但又完全冇一絲腥味，只有淡淡嘅胡椒香氣吊起個鮮味，恰到好處。豆腐滑嫩，索晒湯嘅精華，成件事就係一個字：「順」。喺呢個好多餐廳都用味精、雞粉開湯嘅年代，飲到一碗咁有誠意、咁足料嘅老火湯，真係會感動㗎。呢個頭炮，打得非常響亮！霸氣登場：上湯龍蝦伊麵底 🦞🔥如果話頭先碗湯係溫文儒雅嘅前奏，咁呢道「上湯龍蝦伊麵底」就係氣勢磅礴嘅主角！成隻開邊龍蝦大大隻咁趴喺金黃色嘅伊麵上面，淨係個賣相已經贏咗九條街，相機食先是常識吧！我哋先嚟處理隻龍蝦。師傅對火候嘅掌握堅係冇得彈，龍蝦肉啱啱熟，肉質爽口彈牙，一啲都唔會韌。每一啖都食到龍蝦本身嘅鮮甜味，證明用料夠新鮮。最緊要係，啲肉好輕易就同個殼分離，連龍蝦鉗都啖啖肉，食得非常過癮。不過，呢道菜嘅真正精髓，其實係個「上湯伊麵底」。伊麵本身係好考功夫嘅食材，煮得太耐會腍，唔夠時間又唔入味。富寶嘅師傅就處理得完美！伊麵底吸盡上湯同龍蝦嘅所有精華，每一條麵都掛住濃郁而鮮甜嘅芡汁，但又唔會糊成一pat嘢，依然保持到條條分明嘅口感。個上湯底鮮味十足，唔係死鹹，而係充滿層次感嘅鮮。再加上鑊氣十足，一上枱就聞到嗰股誘人嘅香氣，真係令人食到停唔到口！呢個組合，可以話係天作之合，冇得輸！💯…查看更多

位於九龍城的「富寶會所私房菜」，與其說是餐廳，更像一處懂生活之人的秘密基地。這裡不僅提供精緻粵菜，更設有麻雀檯與包場服務，適合宴客聚會，甚至可自訂語句投射於餐廳屏幕，為場合添上專屬儀式感。荷葉籠仔糯米蒸中蝦荷葉清香隨蒸氣滲入糯米，黏糯中帶有葉脈的草本氣息。中蝦鮮甜彈牙，蝦膏融於米粒間，不油不膩，平衡得恰好。若偏愛清爽口感，這道菜的層次會令人回味。黑松露花枝帶子王花枝片脆嫩，帶子厚實飽滿，火候控制得宜。黑松露醬並非點綴，而是與海鮮交融出溫潤香氣，濃郁卻不掩食材本味，細嘗時能感受松露的深邃與海鮮的清甜交替。鮑魚炆雞煲揭開煲蓋瞬間，濃郁香氣撲面而來，是經典粵式炆煲令人沉醉的訊號。鮑魚炆得軟糯適中，邊緣微微收緊，吸收了雞肉的精華與醬油的醇厚，入口嚼勁與鮮味並存。雞肉選料上乘，經慢火炆煮仍保持滑嫩，醬汁徹底滲入纖理，鹹鮮中帶有淡淡蠔油甘甜。整體調味克制，旨在突顯食材本味，佐飯尤其相宜。預約須知海鮮菜式需提前預訂，以確保新鮮。會所環境私密，設娛樂設施，無論是閒暇搓牌或包場宴請，皆能按需安排。建議預約時說明需求，以便妥善安排。📍九龍城侯王道28號一至二樓🔍 海鮮請預訂・會所服務・包場及屏幕語句定制…查看更多

今次我來到一間環境極之闊落嘅私房菜餐廳，位之間距離適中，唔會覺得擠迫，真係可以輕鬆享受一餐🫶🏻首先上場嘅係蒜蓉果皮蒸八頭鮑魚，鮑魚新鮮無比，肉質滑溜，搭配蒜蓉嘅香氣，真係令人食得開心。果皮嘅清甜亦為整道菜增添咗層次感，味道恰到好處，唔會蓋過鮑魚本身嘅鮮味😆接住嚟係上湯焗龍蝦伊麵底，呢道菜真係令我驚喜。龍蝦肉質鮮嫩，湯底濃郁，搭配伊麵吸收咗湯汁，味道一流，每一口都令人回味無窮🤩最後就係豉油王乾煎大花蝦，煎得金黃香脆，蝦肉彈牙，豉油王嘅醬汁更係為蝦增添咗一層豐富嘅味道🥰整體出菜速度都好快，唔需要等太耐就可以享用到美味嘅海鮮，服務態度亦非常好，令整個用餐體驗更加愉快😎呢一餐真係值得推薦，無論係朋友聚會定係慶祝特別日子，都非常合適🥳#九龍城 #私房菜 #會所 #粵菜 #富寶會所私房菜 #美食尋寶#九龍城美食 #美食推薦 #香港美食 #私房菜推薦 #香港中菜…查看更多

好好食嘅中式私房菜館😍魚翅撈飯成日都好似係成日睇電視劇見到，今日心郁郁叫咗，同屋企人團年食飯，不得不說一上枱就好驚訝，因為超大碟，而且魚翅都好足料，每碗飯不起來都食到啖啖翅，感覺好奢侈🤩🤪蜜汁叉燒同燒味舖有得揮，叉燒鬆軟，仲比甜甜嘅蜜汁包裹住，啖啖都係舌尖上嘅享受，好好食，而且份量都唔少，叫得好啱😎屋企人不嬲鍾意食魚，叫咗龍躉兩味，一條龍躉變兩碟餸，椒鹽骨腩香口，而且啖啖肉🤗翠綠炒球清香又唔油膩，兩碟都勁送飯，停唔到口😗評分：10/10九龍城侯王道28號一至2樓…查看更多

無唸到九龍城有甘高質既私房菜✨🥳超適合一大班人聚會🤩🥳餐廳仲有有麻雀檯供娛樂用途🤓食飽飯就齊齊去打牌🀄️慶祝生日想寫啲字句都可以聯絡餐廳自訂語句展示於餐廳大型屏幕🖥️😏😏～餐廳提供包場包房服務添！正👍👍上湯焗龍蝦伊麵龍蝦大大隻啖啖肉🤩🤩超鮮甜彈牙🤩好中意佢啲汁夠多又惹味，伊麵勁掛汁正👍清蒸東星斑啲肉質好彈牙，蒸得岩岩好！無過到火～🤩啲醬料調得好好 好惹味～ 蒜蓉粉絲蒸琵琶蝦記得海鮮最好要提早預訂！！⚠️⚠️啲蝦係超鮮甜🤩🤩好新鮮！👍👍個粉絲都係重點 吸晒啲蝦既精華同蒜蓉味 超正🤩🤩富寶會所私房菜 (九龍城)九龍城衙前圍道39號金‧御門1-2樓…查看更多

中秋佳節，同屋企人嚟試下，想試好耐 😋 大家結論味道係唔錯嘅，不過未去到會好想返兜嘅地步，兼略貴些少，再者發生咗啲小插曲，所以暫時不了 😬頭嗰 5 道菜，食完一樣（係食哂計）起碼隔 15 分鐘先嚟第樣，咁碟頭其實又唔算大，所以好快就清碟呆等，後嚟 3 個（炸雞，咕嚕肉，魚）就一次過嚟，係咩上菜法呢？食雞期間，朋友發現點解有一舊係無炸嘅顏色呢？問個侍應，佢問完大佬（唔知係大廚定老細）佢話係炸完甩咗塊皮，但塊皮明明喺到，仲有條毛添 🙄 仲話今日無整過切雞 😱 咁係幾時㗎？我哋當然唔滿意答案啦，叫大佬嚟講下 .... 最後梗係無嚟，侍應姐姐猛 say sorry 再 free 開瓶費 🫣 雖然都麻麻滿意，不過算吧啦，可以點啫後嚟再送咗碟瑤柱蛋白炒飯比我哋，好彩有送，唔係得本身嗰碟真係唔夠食 🤷🏻‍♀️ 另外原來係要比 cash 點解 book 位時無講，好彩全部自己人，要籌旗埋單 🤣🤣…查看更多

估唔到九龍城也有這麼好食的私房菜，今天與朋友聚餐預訂了富寶會所私房菜，（海鮮記得提前先預訂呀！）裡面還有我最中意的麻雀台（（僅供娛樂用途））真係可以舒舒服服食餐飯，原來餐廳都有包場包房服務，下次打算同學會都來！⭐️古法鹽焗雞很少吃到這麼正宗的鹽焗雞，成隻雞唔會好肥，肉質細膩唔會柴，且皮薄、雞肉彈牙好惹味👍⭐️清蒸海東升斑海鮮必備條件就是新鮮，斑最重要的是肉質彈牙，最特別的是佢哋醬料調得好好，帶出魚肉肉質的美味，大獲好評⭐️薑蔥花膠海參煲先用薑蔥下去爆炒後加入花膠和海參，用料十足，花膠嫩滑、海參好彈牙，仲有鍋氣，非常夠味、非常滿足🍽️ 富寶會所私房菜📍九龍城侯王道28號一至2樓☎️23826688…查看更多

呢間餐廳真是一個品嚐海鮮同聚會嘅好地方，有好多唔同海鮮可以選擇，但建議最好提前預訂，確保食材新鮮同有位！餐廳仲有麻雀檯，食完飯可以同朋友一邊打牌一邊chill，氣氛一流！百花蝦球伴鮮什果沙律 $288蝦球鮮嫩彈牙，炸得金黃酥脆，咬落去蝦肉彈牙鮮甜。旁邊嘅鮮什果沙律更加係驚喜，雜果好新鮮，有芒果、奇異果同士多啤梨，酸酸甜甜嘅沙律醬同蝦球好夾，食完一啲都唔膩( ⁼̴̤̆◡̶͂⁼̴̤̆ )荷葉籠仔糯米蒸中蝦 $330呢款糯米飯真是一個功夫菜！荷葉一打開，香氣已經撲鼻而來，糯米蒸得軟糯適中，吸滿咗荷葉嘅清香同中蝦嘅鮮味。整體食落好有傳統廣東菜嘅風味，令人回味無窮！薑蔥花膠海參煲 $368湯底用薑蔥熬得濃郁無比，聞到已經覺得暖笠笠。花膠厚身而軟滑，入口即化，吸收咗湯汁嘅精華；海參炆得夠腍，口感爽滑，每一啖都充滿膠原蛋白嘅滿足感ᰔᩚ…查看更多

九龍城滋味中式私房菜這家會所已中式私房菜而聞名，為食客提供了一個舒適且具有娛樂性的用餐環境～古法鹽焗雞這道鹽焗雞使用傳統的烹調方法，份量十足嘅鹽焗雞，雞肉鮮嫩多汁，外皮香脆。鹽焗的技術讓雞肉吸收了豐富的香氣，口感極佳，絕對是值得一試的經典。魚翅撈飯一大盤魚翅盛在碟中，中間是浸泡在鮮美湯汁中的米飯，飯粒吸收了魚翅的精華，還有蛋絲的點綴，讓整道菜更具層次感。蒜蓉粉絲蒸琵琶蝦琵琶蝦的肉質鮮嫩，配上香濃的蒜蓉與超多的粉絲，蒸製後的味道十分入味。由於海鮮菜品經常熱銷，建議提前預訂，確保能夠品嚐到這道美味！這間餐廳不僅提供美食，還設有麻雀檯供食客娛樂，讓用餐過程更加充實。如果有朋友生日，餐廳提供包場和包房服務，並可以自訂祝福語在餐廳的大型屏幕上展示，為慶祝活動增添特別的驚喜。📍 富寶會所私房菜 (九龍城)九龍城侯王道28號一至2樓…查看更多

炸生蠔佢哋嘅生蠔真係超級大,有成半隻手掌有多🤩咬落去酥脆得嚟又能鎖住肉汁,感受到淡淡嘅海水味,唔使任何醬料都可以好好食🥰清蒸紅瓜子斑蒸魚嘅鮮味保留得好好,而且紅瓜子斑食得出好新鮮,唔係死魚👍🏻搭配埋蔥花、生薑同豉油做配料,令鮮味更上一層樓🥳鮑魚炆雞煲呢個鮑魚炆雞煲十分足料,鮑魚份量足夠多,而且大隻😙雞肉炆到好入味,醬汁都好濃稠,食落好惹味🤤整體嚟講,成個用餐體驗都好滿意,食物素質都唔錯, 十分推薦俾大家🤤…查看更多

香港經濟呢幾年都好蕭條,尤其飲食業,成日都聽到話呢度執笠嗰度執笠,今次經過九龍城見到周圍都吉舖,零零舍舍呢間私房菜都仲開緊,於是就去試咗🥰招牌炸子雞炸子雞外皮金黃酥脆,咬落去個皮好似食緊薯片咁脆卜卜,但係雞肉依然好嫩滑,帶有微微鹹香味,十分惹味💕清蒸花尾龍躉魚肉以清蒸嘅方式烹調,保留咗魚肉最原始嘅味,令肉質更加鮮嫩,入口即溶🤤簡單搭配生薑和蔥花,不僅提升風味,更令魚肉更加清新😙豉油王乾煎大蝦蝦嘅外皮炸到脆卜卜,可以連皮一齊食,配埋豉油作為調味,鹹鹹地幾好味😝…查看更多

Fubo就嚟變咗我seasonal嘅飯堂，今日經過九龍塘，帶埋我朋友上去食，佢哋都話正😍鮑魚花膠螺頭燉竹絲雞湯簡直好飲到一個點，螺頭嘅味道非常之突出，鮑魚同花膠嘅精華都走晒出嚟，每啖頂級嘅享受，足料嘅燉湯，連湯渣都好好食😚荷葉籠仔糯米蒸中蝦都好特別，荷葉香氣好突出，糯米都吸收晒蝦嘅精華，而且中蝦大大隻，肉質有彈牙，食得好上癮🥰豉汁蒸白鱔係朋友都大贊嘅一碟菜式，白鱔好新鮮，魚肉夠滑嫩，鹹鹹香香嘅豉汁再帶出佢嘅鮮甜，好餸飯🫶🏻…查看更多