容龍海鮮酒家

營業中

休息中

我年年有大日子都會嚟這裡食飯，今日同老竇慶祝生日，所以我一家五口和兩個親戚去咗三聖海鮮街買咗八樣海鮮比佢整，雖然今次有D貴，但係就唔係太好食，不過都唔錯，每人今餐平均都洗咗超過400蚊。椒鹽炒海蝦：一般，但係D蝦自已買上嚟的，所以都好鮮味。豉椒炒聖子：好好食，D鮮味和豉椒味完美結合。砵酒焗蠔：掂！連唔鐘意食蠔的人都贊。芝士開邊龍蝦：唔錯，但係D芝士味濃過龍蝦的鮮味，所以我比較喜歡上湯龍蝦。蒜蓉蒸蟹糯米飯：招牌菜，我每次嚟都會食，但唔係次次都好食，好食的時候係蟹的鮮味融合在糯米飯內，今次就食唔到這個味道，不過都值得一試。清蒸老虎斑：Very Good! 有埋碗白飯送就更Good 蒜蓉蒸元貝：好得！我建議一定要連粉絲及蒜蓉一齊食會超好食。清蒸大連鮑：超好食，佢蒸得軟綿綿，點咗蠔油會更鮮味。

上網見到呢間舖口碑唔錯，於是上星期日同王sir跟一眾兄弟、女友食海鮮，叫左9個餸，樣樣都好味。白灼九節蝦。我地買d蝦略為細隻，但勝在夠多同埋夠鮮甜，所以都食得幾開心，尤其係個豉油，甜甜地辣辣地，蘸蝦食非常好。辣酒煮花螺。比較辣，而且要等佢煮一段時間先好食，不過都算幾好。蒸紅瓜子魚。我地貪平買左條訓左既魚，肉質果然無咁好，不過價錢平一半，都ok。蒸鮑魚。大連飽，都幾好味，份量唔多，但岩岩好，點蠔油好食。豉椒炒蟶子。呢個最麻麻，因為煮到d肉脫晒出來，而且比較咸，要餸飯才好吃。羔蟹蒸糯米飯。呢個真係極品，一定要試。砵酒焗蠔。呢個都有非常好吃，一d都唔腥，我諗佢炸完先焗，非常正。京都骨。呢個係海鮮鋪老細推介，都ok好味。蒜蓉炒白菜仔。好味非常好食，又唔太貴，值得一試。

同朋友約左係呢度食飯, 原先聽到果名, 同埋係屯門, 就以為係舊式酒樓, 點知搭的士去到, 嘩, 好新wor.... (雖然LIFT同埋大堂位的地下有水, 要注意)朋友們買哂海鮮黎, 就叫佢地煮, 過黎落單的經理好PRO, 一早了解左我地買左咩野黎, 逐樣食物問點煮, 唔會呆呆地等你講你有咩食物~食物出場, 嘩~~~~ 煮功一流, 真係得, 唔會有好多油, 魚蒸得岩岩好, 豉椒子十分好味, 即時要落一碗白飯~芝士焗龍蝦, 賣相好得意, 以為個面唔好食, 點知又得wor, 真係估佢唔到~~~~總而言之, 我們所點的每一道菜都好好食, 價錢又合理, 真係好好食呀~~~~

朋友生日豪食一餐，首先去咗三聖關財記買海鮮，由於有朋友認識老闆，所以由老闆介紹有咩抵食，最後我地買咗檉子、捅蠔、龍蠆、龍蝦、瀨尿蝦、奄仔蟹，佢會幫你攞去酒樓。豉汁炒檉子-夠入味不錯砵酒焗蠔-招牌菜必食話梅薑蔥蒸龍蠆-舊魚好肥好多骨膠原朋友鐘意食芝士龍蝦開邊焗-外脆內香椒鹽瀨尿蝦-不過不失奄仔蟹蒸糯米飯-蟹多糕飯夠淋冇得頂叫咗碟菜。很滿足的一餐，六個人食蒸蟹仲食唔哂包走

我大學畢業, 細路又中學畢業, 所以一家人吃海鮮慶祝一下首先到三聖村關財記買料, 都見到好多外國人買買左桶蠔, 蟶子, 花蟹, 杉斑, 帶子同瀨尿蝦買了差唔多成千蚊; 之後就去容龍加工了砵酒焗桶蠔: 出奇地比得龍的做得好, 肥肥飽滿的, 酒味濃一點就好了豉椒炒蟶子:　海味鋪教路買小的蟶子炒起來會較爽口, 果真好惹味：爽口　蒜蓉蒸帶子: 這味做得好像過乾了, 味道還好, 一吃帶子就會想起在北海道的鮮帶子了清蒸杉斑: 蒸得剛好, 淋上豉油, 很喜歡吃蒸魚呢！椒鹽瀨尿蝦: 椒鹽瀨尿蝦三大隻, 做一做massage, 個殼炒得很惹味, 最入味就係d腳, 個肉就夠哂juicy!花雕蛋白蒸花蟹: 家姐提出的, 自己本身不太好蟹, 蛋白很滑, 拌著少許酒味, 伴飯不俗籠仔蟹糯米飯: 今次的比上次來這裡好像年失色了, 糯米飯不夠蟹味呢大家都吃得飽飽. 發現在三聖村見到的外國人在這裡吃到好滿意不過這裡的加工費真不少, 都要成千蚊…..><!!!提外話, 吃完的時候見到隔離幾張檯都有糖水, 我們當然問問有無糖水啦點知個staff話送哂啦, 咁無法啦…點知賣單的時候聽到隔離有個staff問要

- 芝士焗半邊龍蝦- 砵酒焗蠔 (最好味)- 竹籠蒸膏蟹糯米飯 (飯都清晒)- 雜錦海鮮湯- 辣酒煮花螺- 椒鹽賴尿蝦- 聖子皇- 粉絲扇貝- 咕嚕肉- 菜- 生果自己買料: $2000煮理費: $2300共: 11人

我食過好多唔同酒家嘅海鮮，有西貢、流浮山同鯉魚門，始終覺得容龍坐得舒服又好食，難怪經常爆滿。推介菜式如下：芝士焗龍蝦仔辣酒煮花螺蒜容蒸聖子籠仔花蟹蒸糯米飯......等等記住去三聖買海鮮(最多人幫襯嗰間)，咁就perfect喇。

好想食海鮮,於是就serch到了很多笑臉的容龍...不愧費差不多90mins的車程, 真係冇介紹錯.菜式如下:- 芝士焗龍蝦-->超正! 從未如止嫩滑過- 缽洒焗桶蠔-->超正! 從未如止juicy過- 蒸彬斑--> 正! 僅熟, 好味- 蒜蓉糯米蟹--> OK啦! 份量大, 糯米飯几好但隻蟹麻麻- 送: 生菓--> 西瓜&蜜瓜甜- 送: 紅豆沙--> 起沙. 正!*亞姐服務好到爆! *料: $5XX; 加工費: $3XX共$9XX天氣凍關係, 沒有親自買海鮮, 下次会自己去三聖買, 睇吓会唔会正D先.

必吃：芝士開邊龍蝦, 蒜蓉蒸蟹糯米飯芝士開邊龍蝦係招牌菜，特別之處係乾身，味道好特別，不過其實本人較喜愛傳統芝士焗龍蝦，但未食過都要食下既．蒜蓉蒸蟹糯米飯略嫌飯硬，也沒有濃烈蟹味

昨晚第一次去光顧容龍(因看到很多人讚正)..而且又是情人節便專誠去品嚐一下..昨晚不是太多人..服務都ok正..環境又不是我從網上看到的裝修特別..只是一般酒家裝潢..並沒有太大之分別..不過一心品嚐美食就無咩失望..咁我地叫了主打菜..芝士開邊焗龍蝦,砵酒焗生蠔,豉椒炒蟶子及籠仔膏蟹燸米蒸飯共四個菜..(但每樣餐牌上也沒有註明價錢..只說是時價)咁我地問侍應生..佢只回答每斤約價是多少但不可作準..咁我地唯有算了吧...第一度菜食了豉椒炒蟶子..味道超正..之後就黎了芝士開邊焗龍..但就無我預期中咁正..或者都是上湯燴好味d..今次只覺得太重芝士味..無左龍蝦本身鮮味..而且太乾了無咩汁可以吃到..差左d..跟住再黎個砵酒焗生蠔同埋個燸米飯..個砵酒焗蠔..又是差了少少(比我預期中差)因為d蠔本身係有濃烈的砵酒味..但有幾隻蠔邊都很難趙到..所以要吐出來(非常浪費)..之後品嚐埋最後的一道菜..籠仔膏蟹蒸飯..d蟹ok好味..而d燸米飯都ok...總括而言..四道菜中只有炒蟶子同蒸飯是好味d之外..其餘兩味都強差人意..比我預期中差..有d失望..最後埋單重好笑..因為d網上食評無講

本人是容龍多年忠實擁護者，每隔幾個星期便會一家人在週日從港島到三聖邨買海鮮到容龍吃午餐。可是近月容龍開始接辦旅行團午及晚飯，週日甚至由上午＋一時後每個多小時便接一輪直至下午ニ、三時，每輪三＋多圍。最近我在週末預約週日午饍一枱，亦被迫在露天茶座處進食(在寒冬及盛夏根本不可能)，而且所有員工都做到筋疲力盡，招呼大不如前，更要命的是食物水準也有下滑趨勢，令人擔心。本人更有友人曾從三聖買海鮮到達後因沒枱而要帶同海鮮返回港島家中自己烹調，可謂掃興之極。謹奉勸容龍執事者檢討一下接團的生意策略是否需要調整一下，例如在週日不接團或只接一場早團，好等以人頭計更高平均利潤的海鮮客能繼續來幫襯？並奉勸有意到容龍用饍者必須訂枱。

去過容龍幾次, 它的砵酒焗蠔, 竹籠膏蟹糯米飯, 沙律煙創魚, 以及龍蝦都非常好食, 幾乎次次都叫, 環境夠大服務亦好.如有車的就更加方便, 否則要搭小巴了.

開左間bar ma, 我無留意bo!又無宣傳, 嘜都無, 唔知入唔入得去, D staff 又無提! 唔出聲真係唔知想點! 唔食飯dry go to 飲野可以ma? 容龍偏貴,如果一定要食反才可去bar 到飲野,我一定唔去!我最鐘意食的就是「籠仔糯米蒸蟹」,其他地方really cannot eat such taste. 另外「砵酒焗生蠔」真的很好味! D蠔唔會焗到好乾!又入味, but remember u must go to buy D 大既蠔, 大既蠔煮起來才好味!還有「炸南瓜餅」, although i dont like to eat pumpkin, but 我都吃了很多, 真是估唔到炸南瓜可以禁好味!招呼就一般la, staff 都忙著看電視! 唔知係唔係佢地果老闆其怪, 令D staff 都怪怪地!

「容龍」這名字一向給我的感覺是…… 一間老牌餐館一間有口碑的海鮮餐館一個想當年粵語長片年代的拍拖勝地–容龍別墅 前日再次重臨舊地，「容龍」卻給了我一些意外驚喜…… 【環境舒適，格調幽雅的新天地】除了一貫高樓底的大廳及露台雅座外，從門口通過大廳一直走到盡頭，推開了木門後竟發現了另一個新天地。原來「容龍」最近增設了數間VIP房及開放式的小酒吧，VIP房的天花主要以竹及復古吊扇組合而成，房門則以通花木屏風作設計，房間內更設有投射電視及電腦選曲卡啦OK設備，而其中一間VIP房則像玻璃屋般，房內更設有籐製梳化，感覺舒適；不可不提，在VIP房及開放式小酒吧之間的走廊以戶外木舖成，頭尾兩端分別有一個雙人韆鞦椅及一部大型投射電視，此外，配上柔和的燈光及燭光更顯得格外有情調及有脫離煩囂的感覺。 【味道依舊，風味一流的海鮮菜式】獨一無二的招牌菜「芝士焗龍蝦」依然香濃，「砵酒焗蠔」依然外脆內嫩，「籠仔糯米蒸蟹」依然甘香，「海龍皇湯」依然鮮味無比，真的很難得多年來仍能保持食物的一貫水準。 相信對於一間這麼老字號及有口碑的餐館來說，已不用在此食評中多提食物質素，而是次令人喜出望外的相信是「容龍」的另一番新的

以前成日係亞爸亞媽口中聽到呢間酒樓既事跡,估唔到有次公司食飯就有機會親身去食下.間酒樓裡面好大,d位都好寬.有室內同室外任君選擇. 我好欣賞佢地個砵酒蠔同膏蟹糯米飯. 個個同事都大讚!其他仲叫左芝士開邊龍蝦, 蒸魚, 蟶子, 蜆等等. 全部都好好食!