容龍海鮮酒家

營業中

休息中

本人在些酒家已食了很多年, 但這一次實在另細佬我掉面, 當晚因為招待一個大陸的人客, 他本身就是一個有錢的食家; 身份不多提了. 當晚在老鼠洲買了海鮮, 一條600幾呅的象拔蚌, 500幾呅條老虎, 聖子王,賴尿蝦, 鮑魚及花蟹. 真囉命, 比佢地落x面! 你地見過象拔蚌切到成1cm 厚做刺身未, 刃到食唔到, 當然投訴部長啦, 佢話廚房唔夠人woo, 咁就走咗去, 個海鮮湯又無人裝, 要自己來, 當晚最多8成幾滿, 個聖子王用蒜容蒸, D粉絲又乾又刃, 又無味. 只有條魚可以食, 阿婆蒸都得啦, 你地睇吓食剩咁嘢就知D嘢好唔惦, 個大陸朋友話以後都唔好再去啦, 真掉面! 今時今日的服務態度, 實在.........

2星期前先黎呢度食完生日飯, 今次就係一家大細黎做冬... 買完海鮮之後, 7點多d上到黎已經坐左好多人...我地首先同個waiter講好d海鮮點煮...跟住等齊人就叫佢可以煮 ... 未食得飯, 我地先叫佢開支上次千辛萬苦喺法國帶返黎嘅紅酒...(開瓶費$40)我地叫左以下嘅野:象拔蚌刺身/堂灼 - 我本身好鍾意食象拔蚌, 所以覺得超好味. 灼蝦- 呢個都好味, 不過簡直毫無難度呀..鹽焗雞 - 呢度d鹽焗雞好好味, 不過如果唔pre-order就要等得耐d... 乳鴿- 喺呢度叫乳鴿真係好唔抵, 不過有小朋友鍾意食, 冇計西蘭花墨魚 - 第1次喺呢度食呢樣, d墨魚好新鮮, 好好味... 缽酒焗生蠔 - 呢樣係全家都咁鍾意食嘅, 每次都保持水準賴尿蝦- 我本身唔鍾意食賴尿蝦, 覺得多殼少肉, 好唔抵...不過佢地話好好味... 薑荵炒蟹- 炒得幾好, 不過我鍾意食膏蟹多d... 辣酒煮花螺- 好好味...不過食到尾對我黎講太辣豆苗+白菜- 喺呢度食菜好唔抵, 差不多成舊水一碟...最後埋單三千幾，連埋買海鮮就大概六千, 咁多野食都唔算貴。。身為屯門人，食海鮮我哋仍然會繼續幫襯容龍

少年時代父母常帶我去屯門容龍別墅吃海鮮，依稀記得要坐很遠的車才到，為尋回兒時記憶，今天一家大小浩浩蕩蕩殺入屯門，有了3號幹線，才半小時已經到達關財記，買好海鮮(價錢真的超實惠)，就直奔容龍。姐夫是熟客，招呼簡直一流！1.砵酒焗生蠔：蠔邊焗得脆脆的，蠔身又肥又濃味！2.鹽水浸蟶子皇：第一次食這種煮法，有驚喜！3.芝士焗大蝦：容龍招牌，煮法與別不同。4.清蒸老鼠斑：最正一道菜。一斤半的老鼠斑蒸得剛剛熟，好味！魚皮帶有脂肪，黏到「痴」咀！5.上湯龍蝦生麵底：個人對龍蝦「麻麻地」，生麵又不是兩面黃，我幾乎沒踫…6.蕃茄薯仔龍皇海鮮湯：材料是關財記送的，有18隻小賴尿蝦，可以想像那十幾碗湯鮮甜到什麼程度了。7.清蒸花蟹：這個大花蟹去潮州酒家食，最少收$1000+！8.籠仔蒜茸羔蟹蒸糯米飯：蒜茸味霸道仍難敵爆羔肥蟹，蟹膏沁透入糯米飯內再加上荷葉香，層次複雜而有序，好味 x 100！大家都吃得飽飽，還要打包很多回家，買單才三千多(已包括海鮮)，實在超值！

同公司同事一起包咗架VAN入去屯門容龍食海鮮,去到三聖先去關財記揀咗海鮮先,買哂所有例牌想食gei都要1100蚊,都幾貴,去到時間尚早,沒有太多人,我們二話不話就即刻叫佢起菜LA,雖然我哋得五個人但係我哋叫左好多嘢食,埋單1400加埋料人頭每人五百左右,都ok la,.1白灼蝦, 2蒜容粉絲聖子 ,3芝士焗開邊龍蝦, 4砵酒焗生蠔5豉椒炒蜆 6蒜蓉蒸羔蟹糯米飯 7,薑蔥抄蟹 8,辣酒煮花螺,9咕嚕肉 10椒鹽賴尿蝦 11.馬拉盞通菜

呢日係家庭聚會 (25大人 + 3細路) ,我地2星期前已經打去book定間房, 容龍有間房，可以坐4檯，好有privacy㗎..加工費就貴返少少，大概$100/斤同埋minimum charge係$2500/檯我地大概6點半去到發記買海鮮, 跟住就去容龍同講點整,我地買左以下10樣野... 杉班 x 3 - 好好味 果皮蒸鮑魚仔 x 28隻 - 好好味上湯龍蝦（伊麵底） x 9斤 - 唔夠味，芝士好D蒜容蒸貴妃蚌 x 28隻 - 好味缽酒蠔 x 4大盒 - 好好味, 出色過其他酒樓好多蒜蓉蒸蟹糯米飯 x 3隻 - not for me, 但係個個都話好味象拔蚌堂灼 x 3隻 - superb 豉油皇竹節蝦 x 4斤 - 好味，不過而家啲蝦好貴椒鹽瀨尿蝦 x 28隻 - okay辣酒煮花螺 x 4斤 - 辣到傻跟住我地喺容龍加左兩樣野: 鹽焗雞 x 3隻 同埋蟹肉扒菜膽 x 3 ....2樣都好好味...餐後送嘅西瓜個樣好紅, 不過唔甜。。。另外紅豆沙都幾好啦! p.s. 服務好好. 嚟親都係果啲waiter, 好nice...

想吃海鮮，諗起佢哋。先去三聖街，習慣行埋去關財記，二個人吃，揀咗四樣嘢，一共520蚊。上到去，將海鮮交俾Waiter，開咗位，Waiter問點整，又係例牌食法，有三樣係必吃嘅︰1) 辣酒煮花螺︰用爐滾住，一滾起，啲酒嘅香氣已經撲埋嚟，辣味啱啱好，我唔吃得辣嘅，都唔會食唔到，啲螺係自己揀嘅，梗係新鮮、鮮味喇﹗2) 開邊芝士焗龍蝦︰同濕煮撈伊麵食果種唔同，我反而鍾意呢個食法，芝士鋪响龍蝦上面，焗到香噴噴，兩種味道出奇咁夾，Good﹗3) 砵酒焗桶蠔︰呢個又係經典，次次食都覺得冇得彈，一切開塊錫紙，淨係聞就已經流哂口水，隻蠔肥嘟嘟，外脆內軟，又Juicy，响其他地方吃唔番呢種感覺﹗最後條魚，唔駛問都係清蒸︰條魚叫花英，係魚檔伙記介紹嘅，十零兩重，火路蒸得啱啱好，好滑，冇介紹錯﹗吃飽，有紅荳沙、生果送，找數300蚊，食得開心滿足，覺得合理。(註︰招呼一般，可能唔係常客)

尋晚, 同屋企人食飯. 去左一間好出名既容龍酒家. 點知去到就 高朋滿座. 好彩我地都有訂位。好既係, 啲野好好食, 招呼好好, 我地一拎袋海鮮上去,就有一位部長走埋黎問我地點整, 跟住佢推介左好多吾同既煮法比我地。坐低左之後, D海鮮好快黎! 野食都好好味! 真係試過番尋味!食完仲有生果糖水送, 跟住個部長仲行埋黎問我地啲野食岩吾岩食, 佢仲比左張卡片我地, 叫我地打電話黎搵佢訂枱. 個位蘇經理真係招呼周到!不足既係, 食食下, 就發覺到原來間酒樓係 無足夠既冷氣, 好熱啊, 希望可以較大個冷氣!

星期日晚同家人黎, 去左容龍食海鮮先去對面三聖忠仔記買海鮮1. 龍蝦仔2. 大蟶子3. 大墨魚4. 象拔蚌5. 膏蟹6. 本地蠔7. 桶蠔8. 大花甲11個人食, 買左$1480海鮮, 算合理啦上到容龍, 家人已經到齊海鮮就係咁整了1. 芝士脆焗龍蝦仔--容龍招牌菜, 超好味2. 蒜蓉粉絲蒸大蟶子--呢個我鍾意, 好有口感, 正3. 西蘭花炒大墨魚--呢個普通一個菜啦4. 象拔蚌刺生加堂灼--唔錯, 好新鮮5. 膏蟹蒸糯米飯--容龍招牌菜, 我無食, 其他人話ok, d蟹膏多到顛6. 炸生蠔--幾好味7. 砵酒焗蠔----幾好味8. 油鹽水大花甲--幾好味飯後仲有糖水及生果送, 加埋酒水, 鮮橙汁 $1500, 都合理啦整餐共$3000大元, 我覺得唔係好貴, 應該比起鯉魚門同西貢平

見Openrice 咁多，外母大人生日即管選擇呢間試下la，一行五人星期六晚照足openrice D 師兄做，在關財記買海鮮，計有芝士鋦龍蝦斤半，豉油皇竹節蝦一斤，西芹抄班片，粉絲蒸聖子皇５隻及砵酒鋦生蠔，另外在容龍加左豆付海鮮羹，蠔油屈乳鴿及竹笙炆羅漢齋，海鮮料價九佰大洋，煮工(加容龍小菜)亦要九佰大洋，價錢可謂適中，到評容龍煮工la :芝士鋦龍蝦 --- 煮得太乾及過火，可以話煮到晒左我隻龍蝦，記住下次去另可食上湯鋦龍蝦豉油皇竹節蝦 --- 煮得一般可以但不是超班西芹抄班片 --- 太熟及味淡粉絲蒸聖子皇 --- 煮得一般可以但沒有跟豉油砵酒鋦生蠔 --- 煮得太差、太乾及淡而無味蠔油屈乳鴿--- 煮得太差、一食就知係雪藏既乳鴿，無味加無texture其餘既小菜都叫做可以既，不過都係一般o即。所以話有時各位都唔好盡信D食評呀，要親身去試下先得，我就祗此一次o勒。

7月香港天氣beautiful！睇OP見到呢間懷舊酒樓D相流曬口水!! 大爺話好想食龍蝦 喎 ，當然同意啦! 5:30pm 來到，部長話要7:30pm 交如果U Turn 買完海鮮再來 就交不到，話有代買龍蝦服務，OK叫1上湯龍蝦依麵底2呠酒蠔3腰果抄肉丁龍蝦好好食，對味，老實講兩個人食呢個份量都幾豐富，好滿足。蠔果然好香酒 味。讚。肉丁抄得好。味道就似細個同家人出街食大茶居。食$970。部長話龍蝦 +加工費要400幾！如果自己買海鮮唔會買太大size，不過算啦錯有錯著！人生有 幾多個十年！咪。

容龍海鮮酒家前身係容龍居. 曾經我問過好多住屯門同埋元朗嘅朋友都唔知有呢間野的存在, 其實呢間酒家已經有好多年歷史. 去食得嘅多數都係熟客仔.容龍海鮮酒家的水準絕對係一流, 價錢唔會比出面貴很多.

母親節,　問媽媽想去邊, 佢話想去D無咁多人,價錢唔會因節日MARK UP太多，又好味既地方食海鮮...~.~.......諗咗一陣，咁不如去試下容龍食ＬＵＮＣＨ啦，　講完既刻打電話ＢＯＯＫ位，果然，夜晚ＦＵＬＬ　ＨＯＵＳＥ，但下晝兩點零鐘大把位。。。。哈哈，　起行～！首先去三聖村買料，　好易揾啫，　三聖邨總站落咗輕鐵向黃金海岸方向行就係。　去咗關財記。。。。下午兩點零鐘，無乜人，呀叔叔好好心機咁幫我地擇咗一隻龍蝦，四隻大聖子，兩隻大瀨尿蝦，同埋一桶桶蠔，（一共三百五十元正）　樣樣都好生猛，係咁跳。。。之後行上容龍，又係向黃金海岸方向行五分鐘左右，　見到指示牌轉上去就係。。。不過有一段斜路要行上斜坡，有老人家就最好驅車ＮＡ。。。　上到三樓大堂已經係下午兩點四十五分，連ＲＥＣＥＰＴＩＯＮ個部長都落咗場，但係堂內仲係半滿，　即刻入去坐底交帶番整法。。。兩人食咗四樣, 每一碟都被我同媽媽風卷殘雲~! 因為實在太好味喇~!!!! 開邊芝士焗龍蝦 正如相中可見,龍蝦炸到外層卜卜脆(但真係一D都唔油), 中間的芝士處於半融狀態,而龍蝦肉由於新鮮, 肉質爽實嫩滑, 同芝士的香味實是天造地設的一對..

同天使打完羽毛球要大口大口把剛才燃燒的吃回來今晚不是甜品勁食之日變回咸人食海鮮以為會因為不是甜品大而食力減半點知海鮮都可以好好好好吸引！食完容龍海鮮大餐西貢和流浮山立即跌watt了:'P原來容龍不是太遠好近黃金海岸先到三聖村關財記揀海鮮（明顯這兒給財記攏斷喇）食材新鮮接下來交給巧手廚子*v*等待是最興奮的！＊辣酒煮花螺越耐越辣　嘿嘿還有很多蒜蓉和香料　如果可以加個米線落去就更加正正正＊砵酒焗蠔冇得彈　滿星★★★★★煮完都有半隻手掌咁大*0* 豐富口感絕對可以encore＊芝士焗龍蝦嗯這樣的芝士很濃很脆！不是撈汁款更好味呢＊蒜蓉粉絲蒸象拔蚌(仔)好似大粒蜆肉的象拔蚌(仔)，爽口入味，可惜顧住食其他放涼了　害得粉絲變硬喇＊鹽焗蟹仔點解會咁多膏架！＊上湯菜菜子＊紅豆沙起沙名物哈哈哈下次要食埋蟶子　要去多好多次 yumyum

同Friend食飯, 因為有朋自遠方來, 所以食好d係三聖邨買海鮮, 因為有Budget Control, 所以兩條斑(東星, 蘇鼠)都係揀左d啱啱瞓著, 其他都買d曉行曉走個隻1) 白灼九節蝦2) 豉汁炒聖子3) 蒜蓉粉絲蒸貴妃蚌4) 墨魚兩吃 (刺身, 酥炸墨魚鬚)5) 蒸魚6) 果皮蒸鮑魚7) 酥炸生蠔8) 膏蟹糯米飯9) 登登登登...登芝士龍蝦乾身上試過好幾間海鮮酒樓, 芝士龍蝦乾身上都係容龍做得最好其他野中規中矩, 酥炸野麻麻地埋單加工連海鮮 (+少量BeLu) 盛謂每人 HKD370

有日屋企人話好多十年冇去過容龍, 我先知原來屯門有間當年甘high既酒樓. 星期日晚終於去左試. 成棟樓都係佢的, 實在係幾型. 坐低覺得d野又真係幾舊式, 粉虹檯布, 碗牒又有d殘, 加上又好多人, 都幾嘈下. 叫左野後, 要等成半個鐘先有得食.煙醺倉魚: 有成3大舊. 好味, 肉滑, 煙醺味香. 伴碟的沙律係舊式好多mayonnaise 的什果沙律. 都好大pat.蛇羹: 一人一盅都幾飽, 因為非常足料. 唔係特別好味但meet到requirement.砵酒焗蠔: 用的係加拿大桶蠔. 都幾大隻. 好味但砵酒味其實唔重. 因為焗, 蠔邊脆脆地好正.上湯豆苗: 普通. 豆苗較老. 蒜蓉蒸蟹糯米飯: 好大籠下. 好多蒜蓉同油. 基本上個飯係靠d 蒜蓉油既味. 冇就淡. 個人都係寧靜食生抄糯米飯.Service係一般平價酒樓水準.總結: 整體黎講其實都唔抵食. 環境service唔係好. 不過煙醺倉魚同砵酒焗蠔又真係幾好味.