容記小菜王

營業中

休息中

呢隻色澤鮮豔、肉質Q彈、惹味香口嘅蝦，見到都會流哂口水，係咪好想一淡咬落去呢！想食就要去太仔道西 米之蓮 1⭐️ 嘅 "容記小菜王"。(Refer to Page. 2 Video)雖然是米之蓮級數嘅菜館，但是不時會推出一 d 抵食套餐。最近，我就嚟到食左一個特惠海鮮套餐 ~ 原條虎斑三寶。三寶包括有：✨️清蒸原條沙巴虎斑 🐟 <約1 斤> 虎斑烹調時間拿捏得宜，肉質嫩滑，配以鼓油和大量青葱來吃，毫不覺得有腥味。✨️鼓油皇大海蝦 🦐 <半斤> 採用傳統醬油調味，再經蒜蓉和香葱炒過嘅蝦，滋味無窮，無瑕地呈現經典港式菜。加上，蝦嘅本身肉質鮮甜並富有彈牙質感，見到咁靚嘅蝦仔，令人按捺不住、垂涎三尺。✨️蜜汁义燒 🐽 <例> 秘制清甜嘅蜜味醬汁顯然與眾不同，义燒肥瘦相間，肉嫩鬆軟。未入口已經聞到陣陣焦香嘅味道，食落有嚼勁且不會覺得太乾硬，果真係令人趨之若騖嘅黯然銷魂「义燒神」，不愧作為鎮店招牌菜！咁豐富嘅一餐都只係 ＄398/份，慳到嘅$，仲可以食埋甜品。今次我 order 左 蓮蓉西米焗布甸 $28。Tips: 呢個布甸係即叫即焗，需時約20分鐘，如

酒家態度很差，不停推介貴價海鮮，叫其他小菜時態度好差，本來想4人一齊走，但已坐下，所以有一人氣到先走。無生意？ 為你想街客食貴野？但其實小菜唔錯，俾貴咗少少，e.g 螺湯約200補／3碗仔

我們3人點了3個小菜包括酒焗白鱔，欖菜四季豆及洗衣機蒜骨。前2個味道不錯，後者一般。最後點了甜品西米?焗布丁，熱呼呼，很香也不太甜。全部菜式整體份量也較一般大。我下次會再來😁

服務態度差劣,一座落就不停催你落單, 其實我第一次黎,見佢有海鮮都想睇下食龍蝦定蟹, 同埋有d 懷舊小菜,出邊都少有,所以想睇真d 先落,但d 伙記不停咁問你落單未, 好似你欠左佢錢咁,想諗下有乜食都唔俾時間你諗!幾個人不停咁輪你! 價錢又唔係抵, 講小菜好食,附既愛民生,小菜王都好好食,講抵食,阿翁我上星期一千二蚊有海鮮有燒鵝有魚五個人食到反肚!呢間野,呢家仲要咁既服務態度, 四個人千幾二千蚊食到背脊骨落,下次請都唔會去!

今日黎到想試好耐既容記小菜王，7點都未到已經相當爆滿！望到餐牌樣樣都想食，不過我地得兩個人始終食得唔多，最終叫左個例牌叉燒，黃金脆蝦球，虎皮青椒炒牛仔肉。叉燒例牌但份量都好多，大大舊肉但一咬落去肉質超乎想像地霖，而且好有肉味，個蜜汁甜味適中，係相當出色既港式叉燒！黃金脆蝦球每粒都有好大隻鮮蝦，好彈牙，代表啲蝦新鮮！外面果層鹹蛋黃黃金脆皮唔會太厚，為鮮蝦帶來一點鹹香！最後係青椒炒牛仔肉，走油爆香過既青椒肉厚並透出豆豉醬既風味，牛仔肉相當嫩口，送飯一流，食到好飽，好在有壺普洱茶解解膩，最終都食得曬！已經諗定下次叫咩餸啦！

✨太子米芝蓮推介小菜✨樓下有大大個招牌好易認，平日晚市都好旺，多卡位，坐入面會比較嘈。雖然係食小炒，但裝修係酒樓格局，都有海鮮食。碟碟都份量大。💜拔絲鳳梨咕嚕肉 $88 （🌕🌕🌕🌕🌕/5）非常大碟足料嘅咕嚕肉，菠蘿好新鮮，醬汁甜酸度剛剛好好開胃，外皮都好鬆脆，唔會炸到好厚粉。💜蜜椒薯角牛柳粒 $168 （🌕🌕🌕🌕🌕/5）牛柳粒好香口好淋又juice，但唔會好鹹。薯角外皮脆甜，好綿密，勁入味。份量係我食過嘅小菜店嚟講最多，食極都食唔完。💜 鐵板原條茄子 $98 （🌕🌕🌕🌕/5）茄子用鐵板上，jar jar聲，勁吸晴。最欣賞個燒汁加埋洋蔥🧅，撈飯一流。有兩大條茄子，釀左鹹魚香嘅肉係入面，味道及口感層次豐富。💜手拍青瓜海蜇 $58 （🌕🌕🌕🌗/5）餐牌上寫住青瓜海蜇，但上枱唔見有青瓜，問左原來沒有青瓜。可以改第二樣，但想食海蜇，所以冇改到。🍴整體評價：✅CP值極高，餸菜份量大✅服務態度好✅地點方便✅適合一家人👨‍👩‍👧‍👦一大班朋友👫❌手拍青瓜海蜇要改名💰人均消費：$200📍容記小菜王 (太子)太子太子道西123號地舖

🐻今晚朋友聚會8位猛男聚首一堂，係容記小菜王訂左枱食飯聚舊，回顧下往事。🐻一走入小菜王，就感受到老派中菜館既氣息，裝修枱櫈都充滿年代感又不失整潔，一列魚缸滿載新鮮生猛既海鮮，一副不賣弄華麗既裝修擺設，只重視餸菜品質的模樣。🐻前菜先來蜜汁叉燒皇同脆皮燒腩肉，叉燒肥瘦適中，燒得香口，口感一流，蜜汁味又唔會太搶肉味，美中不足係切得太大舊。燒肉做到皮脆肉嫩，肥肉位燒完入口無油膩感只剩下香濃肉香，值得一讚。🐻成班麻甩佬食飯當然要下酒菜，一道七味脆皮豆腐金黃色，做到外脆內軟，而容記第一咀梗係必點，薄薄既脆漿包住飽滿既墨魚咀，真係惹味非常，食完飲啖酒，一個字，爽！🐻之前兩道燒味太出色，所以加點脆皮皇子乳豬同脆皮一品吊燒雞。平時飲宴食既乳豬質素欠佳，今晚既乳豬真係食完番尋味，脆皮配上香濃肥肉加嫩滑既瘦肉，真係三層享受。吊燒雞外表吸引，外皮夠乾身脆口，不過雞肉燒到有啲柴口，略感失望。🐻食左咁多肉當然要整返個菜，翡翠花姿珊瑚蚌配西蘭花，西蘭花爽脆有口感，花姿同蚌就一般貨色。再來個蒜蓉開邊蒸中蝦，中蝦個頭太小，蒜蓉份量多到掩蓋隻中蝦，食落好似食蒜蓉咁。🐻食到咁上下都係要點下酒菜，彈牙鮮蝦餅蝦肉的確彈牙，奇怪

容記小菜王今次要介紹喺太子米芝蓮推介嘅中菜「容記小菜王」，輪椅人士去呢度食飯夠哂方便，除咗門口有斜路之外，入面仲有升降機可以上到一樓，想到去見到似酒樓嘅格局，但價錢係「打冷」嘅價錢，性價比超高！1.前菜：青瓜（7/10）比較淋身，唔夠脆身！2.鹹魚雞粒炒飯$108（9/10）飯底炒得好乾身，飯粒粒分明，鹹魚炒到入口即溶，雞粒肉質嫩滑，呢個炒飯份量超多，多過兩人份量，最後我要打包一半走！3.砂窩紅酒燴牛尾$168（9.5/10）早排我喺Hktvxxxx買牛尾，$50得4舊，仲要喺星期二特價買，但呢度牛尾竟然份量多到有10舊，而且每舊都大大舊，骨大肉厚夠肥夠淋身，仲要用紅酒燴添，零舍好味，其他配料仲有紫洋蔥同蕃薯！4.鮑汁雜菌自家製豆腐$98（9/10）呢碟自家製豆腐份量都相當多，一碟都有8大舊好滑嘅豆腐，除咗好滑仲充滿香濃蛋味，面上仲有鋪滿紫菜，再淋上鮑汁，其他配菜仲有4條菜心、雜菌同紅蘿蔔絲！2人總共價錢$465，茶位每位$15，前菜$15，有加一服務費！個人口味總評分：8.625/10地址：太子太子道西123號地舖

位於太子道西< 𝐏𝐫𝐢𝐧𝐜𝐞 𝐘𝐮𝐧𝐠 𝐊𝐞𝐞 >, 一間米芝蓮推介餐廳, 提供多款小炒、燒味及其他廣東菜式, 鑊氣十足。ᴄʜᴏɪᴄᴇ ᴏꜰ 2 ꜱɪᴜ ᴍᴇɪ (ʙʙQ ᴍᴇᴀᴛꜱ) $²⁴⁸燒味雙併自選了得獎脆皮燒脯肉及蜜汁叉燒皇, 兩款各有千秋, 份量十足。脆皮燒脯肉很有驚喜, 皮邊香脆, 肉質軟腍; 而叉燒非常鬆軟, 十分美味。ʜᴀɴᴅᴍᴀᴅᴇ ᴛᴏꜰᴜ ᴡɪᴛʜ ᴍᴜꜱʜʀᴏᴏᴍ ɪɴ ᴀʙᴀʟᴏɴᴇ ꜱᴀᴜᴄᴇ $⁹⁸鮑汁雜菌自家製豆腐, 意想不到的好吃, 極力推介, 帶有濃重蛋香味道, 質感有點像玉子燒。ʙᴀᴋᴇᴅ ꜰɪꜱʜ ɪɴᴛᴇꜱᴛɪɴᴇꜱ ᴡɪᴛʜ ᴇɢɢꜱ $¹⁰⁸砵仔鬼馬焗鮮魚腸, 懷舊菜式之一, 面層雞蛋焗至金黃色, 內層放入海量魚腸, 香滑甘香。前菜 ⁽⁺$¹⁵⁾茶芥 ⁽⁺$¹⁵⁾容記小菜王 (太子)📍太子太子道西123號地舖

米芝蓮推介嘅容記小菜王環境睇下係一般中菜館睇落餐牌就算中上價錢啦都有少少擔心會唔會又貴又唔抵食點知居然一份錢有兩份貨味道遠超一般中菜館呀！Sweet and Sour Pork with Pineapple Dices $88拔絲鳳梨咕嚕肉, 加入外脆內軟脆黑豚肉和新鮮菠蘿, 帶有酸甜味道。Egg White Fried Rice with Scallop $108金瑤蛋白炒飯, 米飯粒粒分明, 散發瑤柱鮮香, 再加以玉蘭菜粒, 鑊氣十足。前菜 (+$15)茶芥 (+$15/per pp)容記小菜王 (太子)📍太子太子道西123號地舖

港式小炒喺香港好多地方都有，但係真正炒得好味道嘅話，我一定會推薦容記小菜王👍🏻▫️ 麻香海蜇 🪼 $78冰涼嘅海蜇配麻辣醬， 十分開胃嘅一個前菜。▫️揚名國際燒肉 （細份） $128果然係推介嘅菜式，燒肉肥瘦分明，亦都唔會過鹹，好味道我哋只用咗5分鐘就消滅咗整碟🤭▫️小炒皇 $128送酒一流嘅一味菜！韭菜配以蝦乾、魷魚乾等等，香口又好味！▫️ 濃湯海鮮雜菜煲 🍲 $138份量超大份又足料！簡直係愛食菜人士嘅福音❤️除咗唔同嘅菜之外，亦都有粉絲及海鮮料，好味！▫️ 薯角牛柳粒 $168大大碟一上台香氣撲鼻，薯仔表皮煎至香脆，牛柳亦肥瘦均勻好味！💬 主菜嘅幾碟餸都份量超大份，即使係大食量嘅男仔都會好滿足，家人或者朋友聚會就最適合，推薦！

食物一般.服務認真差.個廚房佬着住件白袍行來行去似巡場.笑都唔笑吓.影響食慾.待應服務亂咁來.叫咗個響螺雞湯.其他餸已上.個湯至先上.每人一碗攞個托盤送上來.似例湯.重叫客人伸手攞.跟住送來一碟湯渣.咁就叫一客湯？食呢餐一仟伍佰幾.真係貼錢買難受.

今日同家人係太子想食鑊氣小炒，就想起附近嘅容記小菜王。不但鑊氣小炒色香味俱全，而且份量十足，絕無花假。平時約埋三五知己嚟吹大啤，容記小菜王仲有好多款特色美食配大啤，真係人生一大享受😋。今晚點咗幾款精美嘅小炒，真係回味無窮呀！👍🏻容記小炒皇以韮菜，腰果，蝦仁，魷魚，蝦乾同魚仔炒香，送酒簡直係一流；韮菜花爽脆，腰果、蝦乾、魚仔炸到甘香，蝦仁同魷魚又鮮味，送飯都食多兩碗呀！麻香海蜇海哲彈牙爽脆，麻香油惹味微辣，飯前小食之選攞獎燒肉 - 揚名國際未食見到果幾層肉就已經流晒口水，肉質軟嫩，入口即化，皮脆肉香，值得一試再試。薯角和牛粒薯角炸香，和牛肉質軟綿，再以蜜糖炒香，非常入味，薯角及和牛粒切到大細剛好，一啖一口，正呀！濃湯海鮮什菜煲不得不推介這個濃湯海鮮什菜煲，一煲滿足你三大要求。首先，湯料超多，係超多份量，什菜都有幾種不同種類，可以滿足要多食菜嘅要求；第二海鮮有蝦仁、貴妃蚌同帶子，份量都係好多，令到湯底好鮮味；第三配菜仲有粉絲同菇，增添湯底鮮甜味，飲落啖湯真係好正，鐘意飲湯嘅你，都可以同時滿足晒！整體容記小菜王真係值得推介，價錢合理，份量十足，服務態度好，值得大家一試 👍🏻！

啱啱喺一間名叫太子嘅餐廳食咗一頓，真係得！啲容記小炒王，啖啖肉感，佢啲蝦仁同魷魚爽口得嚟又多汁；乳鴿更加唔使講，啖啖滑嫩，簡直好過癮。啲蒜香骨，又香又脆，每一啖都係滿足！食住呢啲，心情都跟住好起嚟。冇得頂口汁，又唔會太咸或者太甜，椒鹽點到好，骨頭啲肉又嫩，軟綿綿又帶少少QQ嘅口感。食得我手停口唔停👅👅！而家講返啲服務，啲阿姐好親切，飲茶時間都唔使等太耐，上菜速度快，仲要好熱情，重點係，呢度既食物真係好過癮，每一樣都咁滋味，有種家傳戶曉嘅感覺。下回一定再嚟試下其他嘢！🥢🥢🤤

響太子睇完中醫，帶住大少、小妹去左呢間朋友都話正嘅小菜館吃過晚餐先。店舖裝修中式，有卡座坐，坐得舒服。薯角牛柳粒:薯角牛柳粒是一道結合了薯角和牛柳的美味菜餚。薯角外層炸至金黃酥脆，內部則保持著軟糯的口感，為整道菜增添了一種特殊的口感。牛柳粒是從優質牛肉中切割出的小塊肉，它們嫩滑多汁並且帶有牛肉的鮮美味道。當你咬下一口薯角牛柳粒時，牛柳粒的鮮嫩和薯角的酥脆交織在一起，為你帶來一種令人滿足的口感。鮑汁金瑤柱炆伊麵:鮑汁金瑤柱炆伊麵有濃郁鮑汁，當伊麵浸泡在鮑汁中時，吸收了鮑汁的香氣，讓爽口的伊麵更加美味。加入金瑤柱，它柔軟的質地和鮮甜的味道。豐富了這道菜的口感和風味。燒腩仔:豬腩肉外層烤至金黃酥脆，內部保持著豬肉的嫩滑口感，嫩滑多汁。餐廳重提供黃芥末同青芥末比你點，增添左腩肉嘅口感。個人比較喜歡青芥末，味道淡一點，清新點，與燒腩仔更配合。