容記小菜王

與好友太子站《容記小菜王》嘆茶，因點心超級抵食，午市蝦餃、蘿白糕$9.8，下午茶2點-4點大中小點$18.8，裝潢復古懷舊風大玻璃窗自然採光環境舒適，我們點左🥢容記蝦餃皇$9.8（每位可選一籠）：頗大隻蝦餃蝦仁爽口，蝦餃皮晶瑩剔透，超抵食值得推介。🥢化皮燒腩仔$68 ：五花腩層次分明，肥瘦適中，外皮勁鬆脆肉味香，十分好食。🥢乳鴿$38.8 ：表皮炸得香脆，肉質嫩滑入味好食。🥢螺頭瑤柱火腿准山雞腳燉瘦肉湯$38 ：好足料湯底清甜，飲得出無味精超級正👍早晨孖寶$36.8🍴鮮竹牛肉球：有牛肉味、馬蹄爽脆，口感軟滑。🍴時菜鯪魚球：口感爽彈，味道不錯。🥢蟹籽燒賣皇$18.8：豬肉軟腍味鮮，蟹籽增添鮮味。🥢蜜汁叉燒腸$18.8：腸粉皮薄很滑，叉燒肥瘦適中，夾生菜🥬爽口清新口感，腸粉軟糯帶點煙韌。🥢四寶滑雞扎$31.8：大件雞髀肉、魚肚、火腿、叉燒，好美味。甜品：薑汁糕：薑味濃香煙煙韌韌微甜。芝麻卷：芝麻味香濃，兒時回憶。…查看更多

🧮熊妹成日都食西式下午茶，今日想食返中式味道。食中式下午茶就梗係要食返中式點心啦，要食經典嘅味道當然就搵返間酒樓就最原汁原味。熊妹行過太子，成日見到《容記小菜王》大大個招牌，估計都係最原始風味的小菜茶館。📌一撘𨋢上一樓，沿途都見到好多優惠海報。下午茶優惠，大中小點一律$18.8一款，假期就款再加$3。📌另外，仲有好多精選小菜，晚上8:30後宵夜時段仲有8折，可以晚餐大夥兒來聚餐。容記蝦餃皇，$14.8蝦餃王大大隻，又真係皮薄餡靚，夠哂彈牙，最主要係茶巿優惠價真係抵到爛，平日$9.8，假日加多$5，都仲係好抵。點心孖寶，$36.8點心孖寶入邊嘅點心多數都係中點及大點，就揀咗鮮竹牛肉球同埋豉汁蒸鳳爪。鮮竹牛肉球牛肉球size超大粒，主要加入咗馬蹄爽口啲，點喼汁係典型食法。豉汁蒸鳳爪一籠鳳爪都有四至五隻，香濃嘅醬汁夠入味，真係會撰埋啲骨。薑蔥牛柏葉，$38牛柏葉嘅醬汁調味都好唔錯，有少少辣又夠濃味，索哂啲味食一流口感。蟹籽燒賣皇，$21.8燒賣王加入咗冬菇粒調味，肥豬肉又軟淋，點豉油辣椒油食係熊妹認為最佳食法。四寶滑雞扎，$34.8豆腐皮包裹住或雞肉、厚切火腿條及豬皮去蒸，一口食晒四款材料，滋味無窮。素翅灌湯餃，$21.8真係有一條條素翅，好有咬口，一啖啖灌湯餃肉連湯一齊食，夠哂濕潤。韭黃鮮蝦腸，$34三大條蝦腸好滑溜，𠽌一聲入口，滑嘟嘟的米漿配合彈牙蝦肉，荷香珍珠雞，$21.8兩隻珍珠雞蒸到啱啱好，內裡有叉燒肥肉緊饀料，醬汁濃味滲入糯米飯食。潮州蒸粉果，$21.8一籠粉果有四隻，粉果皮唔算好厚，饀料亦唔算好多，細細地一件易啪入口。虎皮尖椒，$51廚房小菜虎皮尖椒竹得好乾身，尖椒本身好夠辣，加點豆豉同蒜蓉去炒夠哂惹味。大師干炒牛河，$61樹熊最愛的干炒牛河，下午茶價都份量大足大大碟，穫氣夠重，河粉乾身，好多片嫩滑牛肉，果然係大師級水準。蓮蓉蒸布甸，$21.8最後，甜品點了招牌蓮蓉整布甸，西米布甸調味唔係好甜，筆到底部綿綿嘅白蓮蓉撈埋一齊食，口感滑溜，每一啖的幸福真係滋味在心頭。茶位，$12📌《容記小菜王》環境場地好大，典型的酒樓格局，有卡位，有好多張多人圓枱，牆身又掛上電視機，好多老友記就係鐘意去酒樓飲茶🫖睇下電視📺打下牙較。📌《容記小菜王》推出的下午茶優惠真係抵到爛，難怪吸引咁多街坊街里下午茶時段過嚟飲啖茶食個包，都平過茶餐廳，希望呢個優惠可以持續長久，相信大家都會繼續支持🦾。…查看更多

大隻仔今次覓食嘅店舖就係💥 容記小菜王 💥大隻仔今次介紹一間米芝蓮推介餐廳，舊店喺深水埗已經大排長龍，而家搬遷太子新店更加乾淨企理服務高級，其中獲獎菜式「脆皮燒腩仔」係大隻仔喺中式酒樓食過最好食嘅燒腩仔，另外，蒜香骨、第一咀、沙拉骨都係必須推介。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 得獎脆皮燒腩仔 $138燒腩仔採用五花腩，層次分明，肥瘦適中，每食一啖都充滿油香，而外皮燒到金黃色，脆卜卜，咬一啖外皮香脆得誇張，驚為天人，非常之好食。🔥 咕嚕肉 $108選用新鮮無骨豬肉，食落口同冰鮮肉肉質分別好大，新鮮豬肉肉質更加鮮嫩鬆軟，咕嚕肉外皮薄脆，酸汁唔會太酸甜甜地啱啱好，選用新鮮菠蘿，十分開胃。🔥 招牌沙拉骨 $108一樣選用新鮮豬肉，啖啖肉，肉質好鬆軟，入口即化，配上沙律醬極之開胃。🔥 麻辣口水雞 $68口水雞肉質比較結實，強勁辣味十分之刺激味蕾，會越食越想食，灑上白芝麻更加惹味。溫馨提示：餐廳需要收茶位 $15 ，酸菜 $15…查看更多

今日同屋企人飲茶🍵，去咗曾獲米芝蓮推薦🌟嘅太子容記小菜王。兩點後大、中、細點統一價$21.8💸，叫多幾籠都唔肉赤💰。加埋叫咗幾味小菜，食到個肚仔好似佢哋隻豬仔流沙包咁圓潤🐷。🐷 豬仔流沙包 & 🍎 蘋果紫薯包兩個包仔放埋一齊，成件事好魔幻✨。隻豬仔流沙包，一啖咬落去，啲鹹蛋黃流沙真係湧出嚟🤤，熱辣辣🔥，個包皮又軟熟，好食到想同佢講聲「早晨呀豬仔」☀️。個蘋果紫薯包，造型得意😍，紫薯餡夠天然，甜度適中，係個健康嘅甜品選擇🍃。🍍 咕嚕肉冇得輸嘅開場！🎉 肉粒外層炸到卜卜脆💥，一啖咬落去酸甜汁同脆皮喺個口入面開演唱會🎤，啲肉仲嫩過我聽朝起身個樣😴。掛汁嘅功力一流，冇搞到成碟水汪汪，收貨！👍🍝 干炒三絲瀨我懷疑個鑊氣係師傅用內功逼出嚟嘅🥷，炒得夠乾身又入味，芽菜、肉絲、瀨粉三者好有默契🤝，你唔阻我我唔阻你。🥟 素翅灌湯餃 & 🦐 鮮蝦菜苗餃灌湯餃好足料，湯汁清甜🍲，飲落暖笠笠❤️。鮮蝦菜苗餃就係點心界嘅清泉💧，蝦爽菜甜，皮薄得嚟又唔穿，手功唔錯👏。🐔 豉汁蒸鳳爪 & 🍃 珍珠雞 & 🌯 叉燒腸鳳爪夠腍夠入味，係老人家嘅最愛👴👵。珍珠雞用荷葉包住，打開陣糯米香撲鼻👃，餡料都幾足。叉燒腸啲叉燒唔會太肥，腸粉都幾滑溜😋。🍃 斑蘭糕 & 🥥 脆炸椰奶卷斑蘭糕食落清甜，有陣陣斑蘭葉香🌿，係解膩良品。椰奶卷炸得金黃香脆✨，入面啲椰奶餡滑溜溜，熱食真係一流🔥。🥬 即灼菜遠食咗咁多肉，都要叫碟菜平衡下嘅⚖️。菜遠夠新鮮🌱，灼得啱啱好，冇過老，簡簡單單已經好夠✅。整體食物水準唔錯，尤其係小菜鑊氣夠🔥，點心亦冇伏。之前睇食評話佢哋嘅避風塘炒蟹🦀同脆炸乳鴿🐦都好出名，今次冇叫到，已經有藉口下次再嚟幫襯😉。Tea time🍰 2點後特價時段抵食，絕對值得翻兜，一家大細開餐好選擇👨‍👩‍👧‍👦。…查看更多

太子站人氣小炒店以鑊氣十足聞名，環境裝潢懷舊價錢實惠，全日多時段優惠，是「抵食」之選。下午海鮮及所有小菜8折、下午茶時段大中小點心18.8，8:30pm後有8折。 螺頭淮山瑤柱金華火腿燉湯- 湯色清澈，味道鮮甜濃郁，用料足螺頭瑤柱精華盡出，暖胃滋潤。蟹籽燒賣皇豬肉餡紮實彈牙，頂部蟹籽增添鮮甜口感，傳統風味，點心有水準真不錯。韭黃鮮蝦腸腸粉皮滑溜，鮮蝦爽口彈牙，韭黃味清香味道鮮美。蜜汁叉燒腸-叉燒蜜汁香甜，生菜爽口，腸粉煙韌與叉燒味道很夾。乳鴿- 外皮炸得香脆，肉質嫩滑，以特價而言，性價比高，值得一試。蝦餃皇$9.8👍🏻皮薄透光，內餡蝦肉大隻爽彈，製作有水準。XO醬蘿蔔糕$9.8 蘿蔔糕煎得香口，XO醬惹味帶微辣。提升了蘿蔔糕的風味層次。蓮蓉蒸布甸-質感軟滑，蓮蓉香甜。飯後甜點選擇，傳統口味。薑味糕-薑味濃郁，口感煙韌。甜度適中，喜歡薑微辣必選。鮮蝦脆皮春卷-外皮非常酥脆，內餡蝦肉鮮美，不油膩。總結：「容記小炒王」是街坊食店，小菜鑊氣足，點心選擇多，下午茶特價、晚市折扣，值得推介。…查看更多