容記小菜王

榮獲米芝蓮推介嘅容記小菜王，最出名就梗係「燒腩仔」，今次冒名而嚟，出乎意料之外！容記小菜王出名選材上乘，出品用心，嚟間經典中菜館曾獲米芝蓮推介，價錢合理、份量足又好味，難怪深受客人歡迎。今次我哋飲午茶，款式夠多，全部即叫即整。招牌脆皮燒腩，燒得啱啱好，外皮香脆，肉質軟嫩，而且肥瘦適中，真係完美比例好有層次感，果然名不虛傳。蜜汁叉燒，肉質鬆化，啖啖都掛滿醬汁。蟹籽燒賣皇，豬肉同蝦肉比例完美，面頭嘅蟹籽卜卜脆，掂！容記蝦餃皇，大大隻，蝦肉新鮮，夠哂彈牙。 X o 醬炒蘿蔔糕，外脆內軟嘅蘿蔔糕口感，XO醬帶嚟豐富嘅香辣滋味同多層次嘅味，好有風味。鮮竹牛肉球 ，比平時食嘅大粒，加入咗馬蹄好爽口，肉味濃。豉汁蒸鳳爪 ，香濃嘅醬汁夠哂入味，我鍾意。潮州蒸粉果，粉果皮一啲都唔厚，真係皮薄餡靚。黃金煎堆仔，炸至金黃色，入面仲有流心奶黃，食落去外脆內軟，暖笠笠。星洲炒米炒到好乾身，好香咖哩嘅香氣，彈牙嘅米粉配上豐富嘅蝦仁、芽菜、紅椒和韭黃，並帶有微辣嘅口感。…查看更多

🧮熊妹成日都食西式下午茶，今日想食返中式味道。食中式下午茶就梗係要食返中式點心啦，要食經典嘅味道當然就搵返間酒樓就最原汁原味。熊妹行過太子，成日見到《容記小菜王》大大個招牌，估計都係最原始風味的小菜茶館。📌一撘𨋢上一樓，沿途都見到好多優惠海報。下午茶優惠，大中小點一律$18.8一款，假期就款再加$3。📌另外，仲有好多精選小菜，晚上8:30後宵夜時段仲有8折，可以晚餐大夥兒來聚餐。容記蝦餃皇，$14.8蝦餃王大大隻，又真係皮薄餡靚，夠哂彈牙，最主要係茶巿優惠價真係抵到爛，平日$9.8，假日加多$5，都仲係好抵。點心孖寶，$36.8點心孖寶入邊嘅點心多數都係中點及大點，就揀咗鮮竹牛肉球同埋豉汁蒸鳳爪。鮮竹牛肉球牛肉球size超大粒，主要加入咗馬蹄爽口啲，點喼汁係典型食法。豉汁蒸鳳爪一籠鳳爪都有四至五隻，香濃嘅醬汁夠入味，真係會撰埋啲骨。薑蔥牛柏葉，$38牛柏葉嘅醬汁調味都好唔錯，有少少辣又夠濃味，索哂啲味食一流口感。蟹籽燒賣皇，$21.8燒賣王加入咗冬菇粒調味，肥豬肉又軟淋，點豉油辣椒油食係熊妹認為最佳食法。四寶滑雞扎，$34.8豆腐皮包裹住或雞肉、厚切火腿條及豬皮去蒸，一口食晒四款材料，滋味無窮。素翅灌湯餃，$21.8真係有一條條素翅，好有咬口，一啖啖灌湯餃肉連湯一齊食，夠哂濕潤。韭黃鮮蝦腸，$34三大條蝦腸好滑溜，𠽌一聲入口，滑嘟嘟的米漿配合彈牙蝦肉，荷香珍珠雞，$21.8兩隻珍珠雞蒸到啱啱好，內裡有叉燒肥肉緊饀料，醬汁濃味滲入糯米飯食。潮州蒸粉果，$21.8一籠粉果有四隻，粉果皮唔算好厚，饀料亦唔算好多，細細地一件易啪入口。虎皮尖椒，$51廚房小菜虎皮尖椒竹得好乾身，尖椒本身好夠辣，加點豆豉同蒜蓉去炒夠哂惹味。大師干炒牛河，$61樹熊最愛的干炒牛河，下午茶價都份量大足大大碟，穫氣夠重，河粉乾身，好多片嫩滑牛肉，果然係大師級水準。蓮蓉蒸布甸，$21.8最後，甜品點了招牌蓮蓉整布甸，西米布甸調味唔係好甜，筆到底部綿綿嘅白蓮蓉撈埋一齊食，口感滑溜，每一啖的幸福真係滋味在心頭。茶位，$12📌《容記小菜王》環境場地好大，典型的酒樓格局，有卡位，有好多張多人圓枱，牆身又掛上電視機，好多老友記就係鐘意去酒樓飲茶🫖睇下電視📺打下牙較。📌《容記小菜王》推出的下午茶優惠真係抵到爛，難怪吸引咁多街坊街里下午茶時段過嚟飲啖茶食個包，都平過茶餐廳，希望呢個優惠可以持續長久，相信大家都會繼續支持🦾。…查看更多

- 看似普普通通嘅酒樓其實大有來頭～ 容記小菜王喺2018年獲得米芝連車胎人美食推介，最出名係燒腩仔同埋燒鵝🍖網上見到唔少人介紹佢嘅晚市鑊氣小炒，所以我哋今次反其道而行，幫大家試吓佢嘅午市點心/菜式！·優惠孖寶 💰148↳🍖脆皮燒腩仔話明係招牌菜當然唔可以錯過！燒腩仔外皮超脆 (真心每一件都係)，睇相都見到肥瘦均勻，就算瘦嘅地方都唔乾柴，連埋少少肥膏食好滋味😋 另上嘅有甜醬同埋芥末，點嚟食會一舊接一舊咁食，真係比外面嘅出色，值得一試😆↳🍝銀芽肉絲脆麵 肉絲脆麵嘅配料有肉絲、蘿蔔絲、芽菜、韭黃同菇片，款款份量唔少，調味適中～ 但係麵偏淋，得返小部分脆，所以鍾意脆麵嘅我哋就冇咁鍾意，希望佢可以做脆啲🙇🏻‍♀️·🥟金瑤灌湯包(大)💰20.8 灌湯餃聽過，灌湯包就真係未聽過😹 兩者幾唔一樣，灌湯包裏面有豬肉、蟹柳&菇片，然後有啲湯浸住佢，唔係一般食開有魚翅、湯汁鎖喺入面嘅灌湯餃～ 不過佢幾大隻，兩個人share啱啱好👌🏻·🥛大良炸鮮奶(中)💰16.8超好食🤤🤤🤤 炸鮮奶上到嚟熱辣辣，肯定係即叫即炸🔥 外層唔係脆咁簡單，而係鬆脆；裏面嘅鮮奶有少少流心嘅感覺，欣賞佢甜度啱啱好，唔會太甜，所以都係以奶味做主導🥛而且就算放咗一陣變暖都仲好好食，下次會encore🤍·🥟蟹籽燒賣皇(大)💰14.8(特價)裏面有豬肉、菇同蝦，豬肉調味唔錯，特別係以呢個價錢嚟講性價比高👍🏻·🦐原隻蝦餃皇(特)💰27.8 蝦餃皮薄，裏面有好多蝦，同燒賣裏面嗰啲一樣彈牙👍🏻·🫔四寶滑雞扎(特)💰27.8呢款麻麻，雞同菇都唔錯，不過魚肚稍酸、蟹柳得半條同埋偏硬😔 但係因為前者嘅關係，會推薦大家試吓佢同樣係特點嘅北菇棉花雞😉·以今餐嚟計我哋覺得脆皮燒腩仔&炸鮮奶係必點🌟最後我哋兩個人完全清晒、食到好飽、埋單連茶錢加一$299🤰🏻🫃🏻…查看更多

今日（3/1/2022）同朋友來太子，朋友推介一間唔錯的食店食下午茶，店名好似好熟，再睇番食評，原來上月幫襯過新蒲崗分店，有過好回憶，再幫襯，好有親切感。食店在二樓，二點二下午茶時間到，有好多空枱，心感不妙。再睇下張點心紙，午餐同下午茶既點心價錢相差好少，有D還同價，哈。點了蜜汁叉燒瀨及極品燒鵝瀨，叉燒及燒鵝都好食，碗瀨粉超大碗。干蒸牛肉賣，無比喼汁，叫咗2次都拎唔到嚟。娥姐粉果叉燒腸，有好多生菜，爽口蟹籽燒賣皇，料好足鮮蝦炸雲吞，脆口，饀料既蝦好大隻埋單$185，抵食，好飽，食唔晒，燒賣及干蒸牛肉唯有拎走。最唔方便係要比現金，埋單要夠$200才可以以電子支付。…查看更多