家後2.0

營業中

休息中

深水埗依間好出名！仲要價錢親民❤️❤️❤️🤩菠菜豬肉餃（灼）餃子皮薄而有彈性，包裹著豐富的菠菜和多汁的豬肉，每一口都充滿了鮮美的味道。簡單的灼煮方式保留了食材的原汁原味。🤩灼雲耳椰菜豬肉餃餃子的內餡豐富且多層次，椰菜的清甜和雲耳的脆爽相得益彰。🤩小籠包豬肉餃（煎）小籠包以其鮮美的豬肉餡料和薄脆的餃子皮聞名。煎烤的過程為餃子增添了一層香氣和口感😃😃外皮金黃酥脆，內餡鮮嫩多汁。🤩沙薑雞中翼搭配上香氣四溢的沙薑醬，味道更加香濃🤩白水蜜桃汁天然的水蜜桃，帶有微妙的甜味，絕對是一個消暑的好選擇。

深水埗既家後餃子同芝士蛋糕一直都好出名 佢地終於有分店 估唔到會開返深水埗區，新店環境好乾淨 裝潢以木系為主調 是Cafe的感覺星期日下午5點到埗 見人人一坐底就order要留一件芝士蛋糕先，唔執輸 我都留! 可能係weekend 原故...得返原味芝士蛋糕咋餃子餐送是日燉湯 送完即止手工餃子套餐(灼) $40  🥟是日新款餃子🥟芫茜豬肉餃是日新款=麻辣白菜餃，隻隻漲卜卜好足料 有少少似韓國泡菜餃 不過多左份中式獨有的麻香味 辣度唔算太強 岩晒我呢D唔食得辣既人，芫茜餃食落香味濃郁 芫茜都落得幾重手 兩款餃都揀左灼 味道依然惹味 唔需要沾任何醬汁都咁好食手工餃子套餐(煎) $44🥟洋蔥豬肉餃🥟小籠包豬肉餃兩款餃味道上有D相似 但入口就各有特色，咬開洋蔥餃會見到一粒粒洋蔥碎 多一份洋蔥香同清甜，而小籠包餃在一啖咬下時 會有湯汁爆出黎 餡料亦明顯比其他餃更JUICY更多肉汁，餃煎得岩岩好 底金黃香脆又有咬口，餃皮絕唔會太薄攪到變炸餃，又煎得夠晒乾身 唔會有油淋淋感，下次再食 一定全部要煎餃麻辣雞中翼 $30有個麻辣汁浸住上枱，入口時覺得都幾麻香 又唔算好辣咁 點知個後勁都幾凌厲原味芝士蛋糕

手工芹菜豬肉餃（灼）:餡料清新爽口,搭配入口柔軟的餃子皮。這是日新推出的餃子品種,餡料好飽滿，而且芹菜都幾濃味！沙薑雞中翼:雞翼生熟程度啱啱好，入邊有肉汁內嫩,令人難以抗拒。手工餃子套餐（煎）:餃子外皮金黃酥脆,內餡爆多汁，口感層次豐富。韭菜豬肉餃（煎）韭菜超濃味，而且唔算好多肥豬肉！雲耳椰菜豬肉餃（煎）入邊有降血壓嘅雲耳感覺幾健康！紅燒豬手:軟嫩多汁,醬料香濃入味,肉質滑嫩爽口,是極佳的家常菜品。醬汁入味,Q彈的豬手肉質有好多骨膠原！凍豆漿(支裝):清爽順口,濃郁香醇,甜而不膩,是消暑解渴的好選擇。Dessert巴斯克蛋糕best dessert in town!

🏡家後餃子🥟同自家製巴斯克芝士蛋糕仲有冇人未食過💁🏻‍♀️呢間簡直係我深水埗Top3愛店😌好食價錢又貼地🫶🏻舊店就去得多，新店2.0都係第一次幫襯！照舊一湯一煎🥟🫶🏻今次湯餃要左雲耳椰菜豬肉餃，家後的手工餃子都幾大隻，自己食一份都好夠食，餡料滿滿。另外煎餃要左洋蔥豬肉餃，我覺得洋蔥🧅餃要煎會好食啲🤤煎到外皮香脆，咬開仲有少少肉汁，洋蔥粒好有口感，甜甜地好好食🤤如果肚餓仲可以加$16要埋豬骨湯上海麵，好大碗夠我哋兩個share。小食方面要左個日式住家飯團，加左牛蒡、肉碎，係簡簡單單既幸福感☺️沙薑雞中翼都幾入味👍🏻最後梗係要叫埋日式巴斯克蛋糕，有限定開心果口味😍好鍾意佢中間少少軟心的感覺，開心果的果仁香都好出，又唔甜，好滿足😍🔸雲耳椰菜豬肉餃🥟🔸洋蔥豬肉餃🧅🥟🔸日式住家飯團🍙🔸 沙薑雞中翼🐥🔸 開心果巴斯克蛋糕💚📍#家後2.0 (#深水埗美食)#深水埗 汝州街131號地舖

深水埗既餃子、芝士蛋糕大名鼎鼎開咗分店之後 呢間更加企理 坐得舒服啲手工餃子套餐 叫左一個芫茜豬肉餃（灼）湯同埋餃子係分開上嘅餃子粒粒都係一樣大細 包得好正宗好大隻入邊充滿芫荽 啲湯有啲椰子味 熱辣辣幾好味另外再叫咗個煎嘅是日新款餃子，係麻辣餃子+ 雙拼洋蔥豬肉餃麻辣餃子一食或口已經食到花椒味道唔算話超級辣可接受洋蔥就有甜甜香味煎得一式一樣好完美 個皮好脆沙薑雞中翼好有家的味道 雞翼好腍 嗍晒啲生薑汁日式住家飯團🍙充滿香菇嘅味道最後叫咗一個玫瑰味芝士蛋糕同埋原味芝士蛋糕呢度最正嘅就係啲芝士係有少少流心而芝士蛋糕嘅頂就係少少燶咗嘅皮雙重口感

這間餃子店之前食這過，除了價錢平，芝士蛋糕也是相當出色😊沒想到原來了開了2.0，餐牌有少少不同.💠 韭菜豬肉餃+芫茜豬肉餃（灼）$42+$2.0雙拼了兩款，餃子有清新爽口的風味, 兩款也與豬肉的香味融合得很出色，灼的做法可以令餃子肉汁豐富，有嫩滑口感☺️☺️💠芹菜豬肉餃（灼） $42很清爽，餃子皮非常細膩,口感Q彈有嚼勁.肉餡柔軟滑嫩,咀嚼起來有很好的口感😍💠海帶烏冬麵+冷盤小食＋烏龍茶 $30.0海帶的咸香和烏冬麵的勁道質地,湯汁濃味😗💠原味芝士蛋糕 $30蛋糕香醇濃郁,口感細緻綿密，芝士香味濃厚.💠開心果芝士蛋糕 $35有同芝士和開心果的香味,口味非常順口.蛋糕綿密柔軟的,帶有一些微微的絲滑感😋😋

今日放假去深水埗買平嘢，之前見到家後開咗新分店-家後2.0，於是就想再去食，好掛住佢啲手工餃子🥟分店都係一貫嘅簡樸風格店面簡約企理，入到去座位都好闊落，坐得好舒服我哋12點幾去到嘅時候唔算太多人，但一到午餐食飯時間就全場滿座，果然冇嚟錯 家後主打係餃子，餃子款式選擇都好多，可以選擇水餃或煎餃，仲可以揀套餐配麵，怕唔夠飽，仲有飯餐，雖然選擇唔係話十分之多，但因為主打係餃子，所以我哋都係叫咗餃子套餐餃子套餐除咗有餃子同面之外，仲有冷盤前菜，烏龍茶，仲包一碗燉湯冷盤小菜係筍，筍煮得好冧，加少少芝麻食落好香口好開胃燉湯好夠味，唔係淡茂茂嗰啲例湯，燉湯冇落味精，飲完唔會口渴蟲草花好夠味，啖湯真係好正一上嚟我哋就飲晒之後到主角出場，餃子粒粒都好飽滿好足料可能有一粒豬肉洋蔥餃子有少少爆開左，佢仲比多咗一粒我哋，小店果然係有人情味餃子套餐嘅餃子，可以選擇雙拼，我哋兩個餐揀咗四款：菠菜豬肉餃洋蔥豬肉餃椰菜雲耳豬肉餃韭菜豬肉餃我哋最鍾意都係菠菜豬肉餃同埋韭菜豬肉餃，呢兩款我哋覺得係最惹味，反而洋蔥豬肉餃煎餃嘅話應該會香口好多但今日天氣太熱，唔想食咁熱氣，所以叫水餃韭菜豬肉餃子夠惹味洋蔥豬肉餃子，咬落啖啖都

手工餃子套餐（煎）兩拼$46 叫咗一個芫荽豬肉餃四隻同埋菠菜豬肉餃四隻。香煎嘅餃子果然更加香口，個皮煎到好脆同金黃色。餃子內裏仲保留左好多肉汗，餃子餡都佔咗餃子裏面好大部份。手工餃子套餐（灼）單拼$40叫咗一個芫荽豬肉餃。灼嘅餃子同煎嘅餃子好唔一樣，不過係灼嘅話就更加可以食到餡裏面嘅味道。芫荽落得好足夠，同埋豬肉一齊食嘅時候又可以食到芫荽獨特嘅香味，每一啖仲有豬肉嘅鮮甜味。沙薑雞中翼$30 沙薑雞中翼同平時其他嘅嗰啲唔一樣，佢一隻係用咗沙薑水去浸啲雞翼。食落去冇咁熱氣同埋醋燥。一碗裏面有四隻，大大隻，而且因為用浸嘅方法煮熱，所以每一隻雞翼仲保留咗好多肉汁。開心果巴斯克蛋糕$35 不得不提，呢一個蛋糕真係全餐嘅焦點。認真細滑！而且食落去感覺上係好似食緊半盒開心果咁多咁濃！巴斯克蛋糕嘅中間整得好嫩滑，而且開心果味都好出。表面見到外皮係焗到變咗做金黃色，而且會有一啲焦糖化。

小店位於深水埗，裝修光猛整齊，木系傢俬，令人有家的感覺。餐牌除左主打既手工餃子，仲有飯餐、小食、飲品和自家製芝士蛋糕，另外仲提供生餃子，讓客人可以買回家自己煮。韭菜豬肉餃：韭菜和豬肉配搭得恰到好處，一口咬下去仲會爆出鮮甜肉汁，而且帶有韭菜既香甜味道。食灼餃子會送燉湯，今日係冬瓜薏米湯，不含味精，清熱去濕。豬骨湯上海麵：麵質幼滑，豬骨湯底不會太濃，有家的味道。咖喱牛根腩飯：牛根腩和薯仔都炆得軟腍入味，咖喱微辣，撈飯一流。加$20轉中式套餐：送鹹飯+冷盤小食+烏龍茶。鹹飯配料有薯仔和冬菇，份量剛剛好。冷盤係芝麻菠菜，味道調配得宜。原味芝士蛋糕：蛋糕充滿濃郁芝士味，口感細滑，好有驚喜。總結，小店食物質素好，甜品尤其突出，性價比高。

大家好今晚到了位於深水埗既家後2.0食飯這間店是一間Cafe 擺放了好多油畫主打係食手工水餃我就點了手工餃子套餐同一個飯同一個豬手先上既凍豆漿$6一杯都係微甜好正常豆味同埋鮮奶咖啡都比較滑都只係$25食物方面先上了鳥冬面煮得唔會太腍或太硬仲有好多紫菜仲有前菜係醃菜都幾好味跟住就係紅燒豬手都炆得幾夠腍同埋有四件甘多跟住就係韭菜豬肉餃同小籠包豬肉餃煎餃雙拼岩岩煎好首先個煎餃外皮都煎得脆餡料都好充足韭菜豬肉比較香小籠包豬肉就好似食上海小籠包既餡料味道仲有少少肉汁仲有一碗湯應該是日燉湯送埋應該係海底椰都幾清甜跟住最後上了咖喱牛根腩飯牛根同牛腩都夠腍咖喱都幾香濃仲有好多薯仔總括這家店既煎餃幾出色都值得來試下

Honey Dumpling has recently opened their 2nd branch in Sham Shui Po. Their 2.0 shop not only features homemade dumplings, but also rice ball, coffee and cheesecake. ◆Spinach & Pork Dumpling◆Cabbage, Black Fungus & Pork Dumpling◆Pan-fried Chinese Chive & Pork Dumpling◆Sand Ginger Chicken Wing◆LettuceThe caterpillar fungus soup and dumplings were served separately. Dipping some black vinegar, pickled radish and chili sauce made the dumplings more flavorful. Each piece was neatly wrapped with a bal

原本想去元祖店試試，結果門口已經有一群人在等位，所以我們轉去2.0看看。幸運的是，到達時店裡還有空位。我們坐下後，發現店內裝修清新乾淨且光線充足。接著我們點了菠菜豬肉灼餃和洋蔥豬肉煎餃，還特意點了抹茶芝士蛋糕和開心果芝士蛋糕。不久後發現開心果芝士蛋糕已經賣完，幸運的是我們及時點了芝士蛋糕。菠菜豬肉灼餃（左）和洋蔥豬肉煎餃（右） 原本以為是湯餃，結果上菜後發現湯和餃子是分開的。餃子和湯的味道不太搭配，湯雖然美味，但味道過於濃郁。至於煎餃，一咬下去會有肉汁流出來，洋蔥使它更加美味，煎得外脆內嫩，又不太油膩，難得的是如此美味。開心果芝士蛋糕開心果芝士蛋糕 開心果味道濃郁，入口即化，帶有獨特的開心果香氣，甜度適中，恰到好處。抹茶芝士蛋糕散發著濃郁的抹茶味道，與芝士完美融合，味道甜中帶有微微的苦澀，恰到好處。總括黎講我覺得芝士蛋糕出色過餃子。

成日聽到人講「家後」係比芝士蛋糕耽誤嘅餃子店😆，好奇嘅我今日就去試下先，點知去到摸門釘🥲，星期三休息，醒起佢有另一間，咁我就改行去「家後2.0」試吓～可惜今日冇開心果芝士蛋糕🥲得原味同玫瑰味我揀咗玫瑰味嘅芝士蛋糕$3️⃣5️⃣🍰有淡淡玫瑰香味，但未去到驚艷嗰隻，唔係坊間講到嗰隻咁好食～灼芫荽豬肉餃子🥟八隻$4️⃣0️⃣🥟餃子灼得啱啱好，唔會爛晒，餡料芫荽同豬肉配合得啱啱好，餃子跟咗一碗老火湯，不含味精～總括而言，餃子係好食嘅，但係芝士蛋糕就普通。是日消費$7️⃣5️⃣

普通過唔普通嘅餃子，韮菜味唔濃，皮偏厚，湯偏咸，芝士蛋糕好一般，唔會再去試，飯偏鹹，塊板寫餐牌唔清晰，問佢有冇蛋糕，只係拎自己電話出嚟望跟著行開，隔咗一陣先番轉頭答

星期一下就2點幾3點去到，得一台客但收銀靚女好似好忙咁😂😂外賣$30一件原味芝士蛋糕加兩個韮菜煎餃但打開見到芝士呢個size就真係啞左，味道正正常常囉，無網上吹捧到咁好食不過個size就真係會唔會太細件？定係我問題？煎餃味道正正常常，唔會好咸，不過韮菜多過豬肉Size 黎講都係正常，$44/8隻 小貴嘅....煎餃可以再煎脆多少少，因為都唔係過煎到好香口外賣無任何醬料或者當食菜鋪跟埋，呢個真心有啲失望總結一間正常嘅餃子店，完。