家後2.0

營業中

休息中

手工餃子套餐（煎）兩拼$46 叫咗一個芫荽豬肉餃四隻同埋菠菜豬肉餃四隻。香煎嘅餃子果然更加香口，個皮煎到好脆同金黃色。餃子內裏仲保留左好多肉汗，餃子餡都佔咗餃子裏面好大部份。手工餃子套餐（灼）單拼$40叫咗一個芫荽豬肉餃。灼嘅餃子同煎嘅餃子好唔一樣，不過係灼嘅話就更加可以食到餡裏面嘅味道。芫荽落得好足夠，同埋豬肉一齊食嘅時候又可以食到芫荽獨特嘅香味，每一啖仲有豬肉嘅鮮甜味。沙薑雞中翼$30 沙薑雞中翼同平時其他嘅嗰啲唔一樣，佢一隻係用咗沙薑水去浸啲雞翼。食落去冇咁熱氣同埋醋燥。一碗裏面有四隻，大大隻，而且因為用浸嘅方法煮熱，所以每一隻雞翼仲保留咗好多肉汁。開心果巴斯克蛋糕$35 不得不提，呢一個蛋糕真係全餐嘅焦點。認真細滑！而且食落去感覺上係好似食緊半盒開心果咁多咁濃！巴斯克蛋糕嘅中間整得好嫩滑，而且開心果味都好出。表面見到外皮係焗到變咗做金黃色，而且會有一啲焦糖化。