定食 Doraya (駱克道)

營業中

休息中

我地2個人星期六7:30開始等, 等左40分鐘…細細間鋪, 室內裝修普通, 都好乾淨, 服務都好好香蔥吞拿魚蓉飯定食同火燒吞拿魚赤身飯定食係招牌菜, 我地梗有叫啦!不過我覺得個火燒吞拿魚有d鹹(熟o個面), 另外, 香蔥吞拿魚蓉飯好耐都未到(個火燒吞拿魚都食左半個餐!!!) 本來就好唔高興, 但當佢送上尼之後……嘩!個吞拿魚蓉真係有光澤架, 賣相好靚呀!就係咁…就即刻忘記所有既憤怒, 雙眼亦流露住渴望既眼神,lee 樣夾下, o個樣夾下********************************************個定食包括:一碗飯, 薯仔沙律, 兩件煎蛋, 麵鼓湯, 都飽肚架!坐隔離既食客叫左炸雞球, 好香呀!我地下次都會再試架

先多謝smalleye o既介紹,又多個食日本野o既好去處.尋晚10點左右到,門口仲有幾批人等...兩位,四張檯等左15分鐘度.點了兩客定食,作為主打招牌菜,香蔥吞拿魚蓉飯俾到個相當好o既印象...魚肉有光澤而肥美,仲係即叫即剁,配合口感一流o既新瀉米,交足貨. 另一客吞拿魚扒厚厚幾片,烤得微焦o既魚皮夠香口,魚肉雖然帶少許筋,但整體仍然豐腴軟滑,入口融化.雖然忙到團團轉,侍應小姐o既招呼依然好周到,仲好耐心咁講解俾鄰座食客聽池魚係乜東東.美中不足係地方比較逼,不過呢樣都係日式小店o既特色,o黎得都預左.非常滿足的一餐,值得返轉頭.

還有吉列炸蝦飯, $78(一隻蝦)或$98(兩隻蝦). 期待漢堡扒!!

上星期六自澳門返港, 日間食了三餐, 晚上還可以食Doraya, 我同我老公都應該係食大左個胃.見牆上有新menu, 有d只係用日文寫. 咖哩豬扒飯$58 (好似定食$68), 咖哩汁用咖哩磚開, 略嫌杰左少少. 幸好有新鮮紅羌伴碟(靚過元氣果d甩色羌好多), 豬扒亦炸得不錯(但與Tonkichi還有很大距離).我order炸雞球(小食)今次出事, 唔脆, d油索返哂, 明顯係翻炸. 又冇椰菜絲, 唔開心.menu上新增一款便當, 只供外賣, $50包括甜蛋, 炸雞, 燒青魚...樣樣有d, 簡直是"味自慢"sampler, 一次過可以試哂多款.臨走時同收錢的哥哥講:"唔掂wor, 今日跌左watt" "係?" 希望此店不要未紅先驕, 會趕客o架~

見大家一致對呢間日本料理讚賞有加今晚專登黎食同朋友仔叫左兩個定食分別係火燒吞拿魚同汁燒雞扒火燒吞拿魚一片片切得薄薄但係輕輕一燒後味道仍然鮮甜飯比較淋身但加左少少日本鼓油後味道唔錯不過朋友仔話佢食唔慣淋身飯所以覺得唔係咁好食薯仔沙津味道一般不過玉子甜得滯而麵鼓湯就鹹得滯朋友仔個汁燒雞扒果然係新鮮雞有少少雞味但味道唔多夠入味不過當然比其他廉價日本餐廳好食唔知係咪openrice效應今晚未到七點已經全滿有d食客都要等左一陣先有位不過侍應同老闆都好有禮貌題外話: 等食期間有個日本人黎買外賣之後有個識日文既女侍應黎招呼佢心諗唔正宗都唔會有日本人黎幫襯未食已經加左分

睇左其他食友o既食評，一直心思思想黎試下佢o既新瀉米。o係post度提起，都有幾位食友有興趣，就約左星期二中午黎一試。咁o岩office同日都有午餐function，大家都提早出發，得以早少少出黎食晏，打個的，一點唔夠就趕到。睇下餐牌，見都有成九種定食選擇，包括最多食友推薦o既火燒吞拿魚赤身飯、蔥吞拿魚腩飯、吞拿魚扒飯、燒鯖魚、炸池魚、汁燒雞扒飯、炸雞球、咖哩豬扒飯同炸豬扒。一行六人，四個叫左招牌o既火燒吞拿魚赤身飯，一個叫左汁燒雞扒飯，我就叫左蔥吞拿魚腩飯。定食上檯，除麵鼓湯外，重有兩件燒玉子、一球薯仔沙律同少少漬物。個麵鼓湯味道都OK，有少少鮮味，算交倒功課。燒玉子質素不一，有D食友果份燒得燶D，有D就成件都白壁無瑕咁。玉子係一層層o既，食落有微微o既甜味，都相當唔錯。薯仔沙律就一般咁啦。輪到個主角上場，我個蔥吞拿魚腩飯賣相都OK，不過睇得出並唔係魚腩，蔥亦唔係太多，不過食落都幾新鮮，配上黏性極佳o既新瀉米飯，味道仍然係好o既。講真，連加一只係75元o既定食，用正新瀉米，重想點呀？同小暴龍交換左兩片燒吞拿魚赤身，味道果然係正，入口鮮甜而帶有燒過o既香氣，真不愧為招牌菜呢！此外，都同

吃完油麥多後, 再取私人物品後.慢慢步行到CWB.約了食友到呢間吃午餐.入到去坐低吹左一陣已經發覺有日本人聚腳, 肯定唔會差得那裏去.燈光算舒服但坐位頗窄, 我坐外面要伸出一隻腳, 通道又係窄, 侍應行過都要好小心.餐牌上論定食計十隻手指都數得出, 但咁少相信又係集中果幾味做主打.我最後要了火燒吞拿魚定食.其實都等左一陣先有得出, 吹吹下水又等下人都差唔多.一上檯未食已經覺得的吞拿魚好好味, 燒得冇燶到.先飲味噌湯, 唔會咸得滯, ok.再吃蛋卷, 甜身味道不錯.沙律又唔係好像平日吃到的沙律般,相當美味. 味道很難形容,大慨如KC兄所說和式風味吧!和搵食兄trade了一件雞來, 雞扒有水準, 皮薄有雞味,靠得住松江的雞扒.再吃火燒吞拿魚, 相當新鮮味甜又夠滑. 水準很高.飯是日本米, 面頭果的較軟, 裏面的較硬, 個人不太愛食軟飯 但整體中上.吞拿魚實在好吃, 自己好快便吃完, 但論快還不及食友暴龍.$75 一個人不算平但個人覺得水準上佳較富士為好, CWB吃定食是不錯選擇.讚的是侍應不停添茶, 服務不錯.

火燒吞拿魚飯正!店小得幾張檯, 見有日本人幫襯.但我是O'Neal 身形,地方狹小,進出不容易.

火燒吞拿魚飯: 半生熟吞拿魚連日本飯一起吃果然正，惟吞拿魚有些根!

今天下午放學快快手手的到了cwb,試一下這間近日大受好評的店子.味道很好只是覺得份量少了些.二時後人真的不多了,服務員也很周到.而厨子還很年輕的,我還以為會是一個老人家呢.....

今日嚟食晏，叫咗火燒吞拿魚飯，$68火燒吞拿魚不俗，不過個人略多油咗啲，反而欣賞佢舖仔細細，唔多選擇，但用日本米，配菜方面就無乜感想

之前同去蓮香飲早茶，另一食友猿渡久美子大讚這裡的大碗飯，趁有日落灣仔做野，就行多兩步來了試試。呢度就係漢城大利的原址，而家就開了這間大碗飯店，一時多人客很少，似乎是價錢問題吧。選擇不算很多，因為標榜新鮮及用料較好，似乎是每日都會不同，就當日所見，只有鮪魚、鯖魚及雞，不想吃魚，所以就叫了照燒雞扒飯。都要等了十分鐘過外，店員的解釋是新鮮雞扒，製作需時，當然如果成品好一點的話是絕對不介面意等。套餐包漬蘿蔔兩片、煎蛋卷、前菜、味噌湯及雞扒飯。先吃煎蛋卷，這裡的是硬硬的，甜度適中，當然如果能鬆軟一點就更佳；前菜是薯仔沙律，味道不錯，幾有和式風味；味噌湯配料不算很多，不過鹹亦夠味，幾好；雞飯賣相不俗，雞件熱辣辣，真的是剛剛整起的。果然是新鮮雞，肉質比雪藏雞好吃千倍。雞皮塗了照燒汁去煎，皮香且脆，所以就算怕肥也要連皮吃，味道好好；餐牌上說米是用上新潟米，果然不錯，具黏性又粒粒有光澤，加埋新鮮雞扒，水準很高。埋單75蚊，雖然以吃大碗飯來說，是貴了一點，但用上好材料，個人而言，貴一點也值得，下次一定要試試這裡的鮪魚燒。當然不懂吃的話，會覺得大快活三十幾的大碗飯抵食好多，仲有野飲添。

出糧日一個人想食得高質少少又唔係太貴既晚飯，放工七點左右路過漢城大利舊址，見門外貼滿日本雜誌介紹又強調用日本新瀉良米，好奇心軀使下就又試試佢。店內繼承前店漢城大利面積，一樣細細的，不過感覺上就無大利般迫夾，不過客滿時相信又係令一感受。求其搵個四人位，前後左右都係日本人，相信質素都唔會太差掛？餐牌供選擇食物不多，大至上係得雞、吞拿同鯖魚三款，店裏貼住汁燒雞扒飯特價$30，打算叫一客試試，後尾侍應表示價錢係外賣價，遂改選火燒吞拿赤身定食($68)。等左十分鐘左右定食就原盤送上。習慣先乾掉麵鼓湯，自己一向都甚愛此物，而此處的亦非開粉之輩，質素不差，不過個人比較喜愛濃味一點的；從少少一球既雜菜沙津中夾一少口，沙津內夾雜住不少既有色菜類，味道最突出係當中的洋葸，將之混入沙津令其生色不少，味道比想像既好得多；兩條厚厚既甜蛋卷係另一驚喜，朋友當中有不少都不屑此物，只怪食得太多低質蛋卷了，此處既甜味咸味適中，厚厚的兩條蛋味十足，真想再encore一客。主角火燒吞拿赤身飯賣相一流，十餘塊既吞拿魚蓋住新瀉米，將芥辣混好後就食將起來。外熟內生既吞拿魚真係幾正！自己一向唔太喜愛吞拿魚，但此處既新鮮味美，啖啖都

上星期五下晝，要去銅鑼灣買d野，又知阿搵食兄在灣仔記番工，就諗住一齊去再興搏一搏。但去到實在太多人，連迫都唔想迫，諗起猿渡久美子之前大讚的Doraya，就馬上改變行程，瘌落去銅鑼灣，遇著越來越大的雨，兩條麻甩冇有怕，繼續徑步似的走落去，當做餐前運動。入到去，冇乜人，當然坐張四人檯，唔係點夠我地兩條麻甩坐。食譜選擇唔算多，叫左兩個定食share黎食，分別是香蔥伴吞拿魚腩蓉飯定食，及猿渡久美子強烈推薦的火燒吞拿赤身飯定食。前者的吞拿魚腩蓉，略嫌揀選的吞拿魚肉不夠肥，攪碎後，食落會有點o鞋口，幸好有來自日本新瀉縣的米搭夠，又幾煙韌。後者的火燒吞拿赤身飯定食，看餐牌其他定食，可能應該是較有特色，唔知可唔可以成為鎮店菜式呢？吞拿魚刺身一塊一塊搭得整整齊齊的將下面的飯蓋著，用筷子揭開吞拿魚後，發覺原來是搭好吞拿魚在飯上面後，才用火去燒，所以被重疊的部份還保留鮮紅色，又幾過癮喎。食落鮮味頗濃，基本上不用蘸醬油已足夠，加上飯香，確實是必試之一。兩條麻甩食下野吹下水，唔覺唔覺又夠鐘，各自回到自己的崗位。而我，亦可以報番上一次入到黎冇食野之仇喇。

20050520 7.30pm同男友2人晚飯, 我好掛住呢度o的燒吞拿魚腩, 橫掂男友無食過, 又o黎2人吃-* 燒吞拿魚腩定食- 無上一次o黎咁好, 燒得太熟唔夠juicy, 同埋淡o左好多要落魚生豉油. 男朋友話碗新瀉米飯真係幾好食.* 燒雞塊定食- 一樣係有甜蛋+漬物+麵豉湯+沙律, 不過呢個就菜絲沙律, 好食過上次果個, 同埋燒雞塊正極! 點椒鹽食, 牛油香, 夠juicy 唔會o鞋口o鞋面, 而且份量多, 我食唔晒比晒男朋友.不過食唔夠5分鐘, 因為我地坐o既係6人檯(其他4人檯係全full), 就安排o左1家3口當中有個婆婆坐埋o黎, 好鬼逼, 首先, 我唔嫌棄老人家o既, 不過最唔自在o既係佢不停望住我o地食o野, 正確o的o黎講係無論我地夾起o的甚麼佢都會講o的o野, e.g. 我夾起甜蛋, 佢會話"丫~有芋頭(?)食wor" 我係好唔鐘意咁樣比人望住食o野lor. 同埋我o的o袋要放響大髀. 但係其實食到半路後面都有檯吉o左. 唔明點解唔轉走我地或者轉走佢地. anyway, 食不到30 mins 就滾水淥腳閃人.Total 連加一$149個幾, $150以上先可以用