定食 Doraya (駱克道)

營業中

休息中

我想黎呢度食好耐啦，上個禮拜三(21/9)終於一嘗心願．．．原來呢度真係好好食呀！！我哋三個人黎食，一人叫一個定食，我叫咗個三文魚扒定食，我個friend叫咗咩漁風三文魚定食，另一個friend則叫咗個唔知燒咩魚定食，我哋仲每人加咗十蚊將普通麵豉湯加蜆。啲湯黎到之後發現原來啲蜆肉係非常之多，我諗每碗湯入面有十幾隻至二十隻既蜆，好正！至於食物方面：燒咩魚定食非常抵食，六十幾蚊有兩大舊，而且燒得好香口，個皮脆脆地又唔燶；至於個漁風三文魚，就不過不失，都好味；講到我叫嗰個定食，我真係覺得係三個之中最好食既，啲三文魚係半熟半生，但係好有口感，入口有軟既感覺，加上佢既日本珍珠米，真係好食到不得了，我一路食一路讚，我兩個friends都話我誇，但係真係好味！我哋食完個定食之後仲再加多一客toro，雖然呢度既toro唔算得係最好既，不過都算唔錯，有啲根咁啦．．．仲之就好好味啦呢餐食到我！=^^=

尋晚同honey到這間店試食, 佢叫了"香蔥吞拿魚定食"($68), 而我叫了"火燒吞拿魚定食"($68).定食上..."嘩...咁少既?".Honey既香吞拿魚得好少, 我一睇就知佢會唔夠食, 仲夾左少少俾我試梗加唔夠啦...而我那碗火燒吞拿魚就一塊塊舖係飯面上, 面積睇黎就多過honey那碗, 但實際都很少, 夾了兩塊俾honey後, 我都要分開黎慢慢食. 兩碗既吞拿魚都幾好味, 但份量實在太少. 甜蛋OK; 麵士湯就一般, 勝在夠熱, 熱到飲完之後出哂汗(那兒好像冇乜冷氣是也).另, 在差不多吃完之時, 有一個客人叫了"香蔥吞拿魚定食", 在員工介紹之下加$10變了蜆肉麵士湯, 加$20加大定食, 但最終定食上後見到碗飯的的確確加大左, 但上面既吞拿魚好似只多了一少匙, 真的覺搵笨.Honey話冇下次喎.

今次叫左個'火燒吞拿魚定食'好味過上次魚蓉飯多多聲wo不過$88................貴左d law& 依然......好迫

20050827 9.45pm吃完下晝果餐Triple O's, 一直飽到晚上9時多, 看完《千杯不醉》才有胃口吃東西. 約9時多來到也有8成滿, 幸好不用等位. 都有好幾個月沒來, 看是不是像傳聞中變得咁差.* 我要- 個火燒吞拿魚定食($68) - 吞拿魚份量足, 但好像沒那麼美味.* 男友要- 三文魚子定食($88) - 三文魚子飯好無心思, 真是淨三文魚, 悶爆, $88個定食放幾粒魚生落去, 唔洗多丫, 唔洗死wor. 蛋也燒的不夠甜. 麵豉湯是粉開, 與男友都不明佢有心煮好飯點解唔肯煲埋麵豉湯.新menu 好像不太對胃口, 有些怪怪的漁夫風吞拿魚飯, 問waitress 說是酸酸甜甜wor, 或者甚麼辣泡菜吞拿魚, 男友揀了好久才選了這個三文魚子飯.店內有些客人很吵, waitress 也不再那麼有禮貌, 對比起第一次來時的寧靜定食小店, 很是失色.埋單$170幾.p.s. 《千杯不醉》是一套爛片, 成套戲都係o的為搞gag 而搞gag o既gag 位, o即都未必笑得出. 如果是谷德昭拍的, OK, 但作為爾導演支持者真是十分失望.

今日同女友黎食晚飯~雖說專門食吞拿魚的地方, 但其他菜式的選擇不多~由於女友不好食吞拿魚, 所以只好叫左個燒雞定食~味道還可以, 我覺得以這樣的份量和味道不值$68我叫了香蔥吞拿魚定食, 味道的確好鮮美, 不過份量唔多, $68唔抵食~衛生方面都有d瑕疵, 因為有d 好細隻o既(飛?)蟲係台面爬..... =.="會唔會再去? 都係唸過先喇~

8月14日上次食覺不錯，今天帶老公再來。老公要吞拿魚扒飯定食($88) - 味道仍舊好，我們好運吞拿魚扒沒什麼根，咬幾口便溶。老公都話魚新鮮，醬油好味，成碗飯食哂。我要了燒鯖魚定食($48) - 兩大塊魚好抵食，皮脆但仍保留肉汁，一點也不腥。定食包蔬菜沙律(麻醬香又醒胃)，麵豉湯，和燒玉子(略嫌乾身，我較喜歡軟滑一點的)。老公評語- 食物新鮮，價錢中上，幾有特色，可以一試。小店要惠顧滿$150才可簽卡，埋單$149.6，只收現金。其實俾埋tips都過$150，下次問問可否不夠$150都簽夠額。

食評之前己經寫過，今次亦不詳述，不過根據幾次既經驗此店水準每次不一，事關食既部位每次不同，唔好彩既成日食到瘦吞拿都唔多出奇，不過keep 得最好既應該係吞拿魚茸定食及燒鯖魚定食，吞拿魚茸每次都油香四溢，燒魚則燒至皮脆肉滑，其他的都有出事危機。某次跟女友食至一半既時候隔鄰就黎左一對夫婦，甫坐低就order左跟我們相同的吞拿魚扒定食及吞拿茸定食。由於今次女友既吞拿魚扒恰好分配到瘦既部位，女友邊食邊埋怨自己唔好彩既同時，隔鄰男仕既吞拿魚扒己經上桌。此君真係有口褔，吞拿魚油光滿面亦肥瘦適中，女友恨到不得了。如是者過左一半時間，女仕就問男仕好唔好食(由於坐得近加上自己太八卦既關係，所有對話聽得一清二楚)，只見男仕搖搖頭。"吞拿魚肥到入口即溶，好漏好唔掂呀~"其後指指上面既殘渣.."你睇下，我咬哂d肥既出黎先食到咋~"換轉係我地可能會用讚嘆既口吻講同樣既說話。跟女友互望，深感世間上既錯配實在係太多喇。

老實講~ 間野唔係話好差~ 但亦都唔係話超級好吃~ 只係因為HK少呢類舖頭o者~佢既價錢都唔係平~ 用料就真係不錯既~ 好新鮮~ 只係比較少咁樣~ 冇其他人形容咁多~ 而佢既甜蛋又真係幾好味既~間野真係超級霹靂無敵勁激迫~ 我上次去好黑仔~ 遇上超勁大雨~ 坐得好辛苦好唔舒服~ 如果你想食完同friend坐多陣~ 你就唔好考慮去呢度喇~

今晚去食, 要了一個tuna 魚容飯定食同tuna魚扒飯定食, 魚容飯十分一般, 魚本身不十分有味, 而蔥也下得不夠, 最奇係這定食有碟wasabi(魚扒反而沒有???), 有什麼用呢? 而魚扒....算幾好, 油香豐富, 十分甘香,唯一是有筋...要扣分! 反而伴碟的煎蛋好好食...反而最好味係飯(招牌之一麻!)本身同放係枱上的魚生鼓油, 飯好有飯味同口感, 而鼓油味道適中, 加在飯上, 實在太美味了! 我差點想再叫一淨白飯添!計及價錢才hk$170, 整體算ok啦!

７月３１日吞拿魚扒飯定食　－　魚扒外皮略煎過但內面仍是生的，大部份沒有根，入口即溶，好吃。加上好味的醬油和飯，雖然我是俗語所謂唔雌飯氣的人，但都成碗食哂。幾滿意，可以帶老公來試。埋單共＄９６．８

今日我和幾個朋友去食,等咗十分鐘左右,入到去我覺得間店好有日本feel!!我叫咗一個魚扒飯同一個吞拿魚腩刺身,個魚扒飯做得非常之出色,D魚煎到半生熟再加上D汁一齊食,口感和味道都好好!!之後個刺身重正!!食落口即溶,好肥!好好食,我都唔知點講好.總然之就好正啦!D朋友都話D野食好『掂』水凖都好高。加上樓面服務都好好常常幫客人加荼,下次我都會再來。

曾經問過kc 兄,銅鑼灣宵夜有什麼好吃.今回起碼多家日本餐廳食下...冕上會少一些人昨晚去到多數是日本人..餐單一樣.下次收工收的晚可以試一下啊!

六時半來到, 還要在門外等候10分鐘才被安排入座, 兩周前吃過油脂豐富的碎魚腩飯, 今次就試新的, 火炙鮪魚扒飯和韓風泡菜鮪魚飯各來一客, 魚扒豐腴, 美中不足是帶著難嚼的魚筋, 至於韓風那款, 泡菜辣味遮蓋了魚鮮, 食味一般.雖然整體質素有點下滑, 但仍屬中上等級, 畢竟這類價錢實惠的小店, 巿面不多, 而且小店延長營業時間,下次喝過半醉, 也可在凌晨四時前來碗熱飯解酒!

31-5-2005 1250今次係第2次黎呢度，不過今次係約了班食家一齊，佢地基本上都係點蔥吞拿魚腩飯或吞拿魚扒飯，而我點了雞扒餐定食。飯、漬物及味噌湯都保持水準，雞扒皮薄肉靚，令舍不同，我諗冇邊度地方的日式雞扒餐可以做到咁既水準。

可能好多人都話好好食~我抱住太大期望去食~係就係幾好既~不過唔係真係太正law同埋我唔like 佢d飯係熱既仲有地方好迫.......同埋d射燈太熱la