定食 Doraya (駱克道)

營業中

休息中

食評之前己經寫過，今次亦不詳述，不過根據幾次既經驗此店水準每次不一，事關食既部位每次不同，唔好彩既成日食到瘦吞拿都唔多出奇，不過keep 得最好既應該係吞拿魚茸定食及燒鯖魚定食，吞拿魚茸每次都油香四溢，燒魚則燒至皮脆肉滑，其他的都有出事危機。某次跟女友食至一半既時候隔鄰就黎左一對夫婦，甫坐低就order左跟我們相同的吞拿魚扒定食及吞拿茸定食。由於今次女友既吞拿魚扒恰好分配到瘦既部位，女友邊食邊埋怨自己唔好彩既同時，隔鄰男仕既吞拿魚扒己經上桌。此君真係有口褔，吞拿魚油光滿面亦肥瘦適中，女友恨到不得了。如是者過左一半時間，女仕就問男仕好唔好食(由於坐得近加上自己太八卦既關係，所有對話聽得一清二楚)，只見男仕搖搖頭。"吞拿魚肥到入口即溶，好漏好唔掂呀~"其後指指上面既殘渣.."你睇下，我咬哂d肥既出黎先食到咋~"換轉係我地可能會用讚嘆既口吻講同樣既說話。跟女友互望，深感世間上既錯配實在係太多喇。