定食 Doraya (駱克道)

營業中

休息中

朋友V.V介紹黎呢度食, 推介當然係佢最拿手既吞拿魚, 未行到已經講定,"佢d吞拿魚好肥!"~~~~ 好啊!正啊!我鍾意啊!我同V.V都係點左吞拿魚扒飯(題外話, 吞拿魚粒飯好似係張d扒再切碎d, 平$10 ^^), 挑戰下我有幾肚餓先~~黎到見碗飯都唔係好大碗姐... 不過V.V試相機同碗飯影相再放大d Tuna睇睇.. Wow! 果然正bor! 張相(正)影得舊魚好肥美(正正)!! ^^咬落口... 不負V.V美譽, 真係幾漏下, 不過我肚餓, 所以都將整份餐袋落肚。餐牌其實除左tuna, 都重係tuna, 好少其他野揀, 不過舖仔細細, 得閒想食下肥tuna, 都幾好!

之前不嬲有食開定食屋,d toro飯幾好食用料好足,點知早兩日心血來潮12點幾走左去食個toro飯簡直係難食!個飯出個陣仲熱,係熱到出煙,如果上面個d唔係生野個飯咁熱我覺得係ok,問題係個飯熱到出煙,d toro搞2搞熟晒!自己不嬲都唔怕腥,不過個d toro真係腥到嘔,食2啖已經唔想食.可能早d飯未攤涼,不過就算係咁都唔應該隔硬出囉,同個waitress講佢話不嬲做法都係咁,揭開碗飯求其一個位,比佢睇下d toro真係熟晒,佢都仲係個句不嬲做法都係咁再加多句同師傅講聲就閃左去!就算再普通既日本料理都唔係將d魚生放係熱到出煙既飯上面掛?呢次真係令我大失所望,估唔到呢d錯誤都會發生.....

因為睇左好多o既食評都大讚呢度，所以決定同友人一試。我唔知道因為咁樣所以expectation 太高，定係因為個人對吞拿魚腩同埋一碗碗o既魚生撈飯都唔係話非常感興趣o個種，所以我對呢度印象麻麻。我自己叫左個香葱吞拿魚腩定食。落左醬油，個人覺得都仍然係太腥。而且因為係腩肉，所以覺得太膩。食到一半已經覺得滯住。吞拿魚腩有筋。如果無d香葱幫一幫可能我一d都食唔落。但係飯底就非常好，應該係上等日本飯粒。個蛋的確唔錯，鮮甜，而且軟硬適中。好食！麵豉湯就一般啦。友人叫左炸雞球定食﹝汁燒雞扒已經停售，個服務員話三個月後先至會再有﹞。我試左一舊，雞肉都算嫩，但係麵粉就厚左少少，不過都幾好味。或者我根本就唔應該黎食，因為頂唔順油膩同生野就唔應該黎食腩。唉，失策！鍾意食腩o既人大可不理我呢個食評。但連熟腩都唔鍾意食o既人，我諗最好就唔好抱太大期望會鍾意食生腩啦。若得罪各位請見諒。

鍾意食日本野,貪佢無咁肥,但係CWB好食既日本野唔多,一係就勁貴...早排朋友介紹呢一間,話食吞拿魚好正,有日膽粗粗LUNCH就去試,真係唔錯!到宜家都已經去過好幾次,食過佢既吞拿魚腩蓉/燒吞拿魚腩定食,水準之作,新鮮可口!仲有佢既燒雞餐都唔錯!不過我覺得最好食係佢既旦卷,甜甜地好好味,唔知有無得SEPARATE ORDER 既呢?

終於可以去吃這店的定食了.我叫了燒吞拿魚腩定食.女友叫了呑拿魚蓉.食物很快便到了.前菜玉子蛋不錯,甜甜的.面鼓湯:比街外的好呑拿魚蓉很新鮮.火燒吞拿魚定食講反上有紅色﹐唔知係血﹐定係D魚甩色。Serive 很好

朋友說雜誌介紹這兒..今晚試下.等左四五個字位至有..店子很小, 坐廿多人.很多食物都是吞拿魚..當然試一試這兒的定食.雖然份量不多, 但吞拿魚真的很鮮味..值得一試.另外點了個吞拿魚蓉, 用紫菜包著吃..葱味太濃..蓋過了了吞拿魚味, 又點了個炸雞..很脆, 幾好吃..但不太適合在這兒吃吧.很想再試其它吞拿魚的菜式.

這裡跟世貿中心的明日河一樣, 好吃的就只有一種食品, 明日河是吃三文魚, 這裡的就是吞拿魚。晚上六點多來到, 點了吞拿魚蓉蔥花定食, 友人則點了燒鯖魚定食。我的吞拿魚飯的確很不錯, 有吞拿魚的鮮味, 配少許芥辣和醬油一起拌飯來吃, 實在美味, 只是略嫌份量太小了。前菜的玉子蛋也不錯, 甜甜的, 兩件大小剛剛好。友人吃的鯖魚便只是一般, 夠肥美, 但太油膩了, 吃了一半已經有點「滯」的感覺。

昨天同朋友來此一聚。當日所點菜式;吞拿魚扒定食:燒過的吞拿魚肥美可口，啖啖油香。炸雞球定食:炸得香口，醃得入味。面鼓蜆湯:蜆多味鮮。不過要加10蚊，但你會這是值得的。不妨一試!!八爪魚生:好韌!!>_<

總括來講, 如其他食客所評, service算唔錯, 不停為你加茶, 食物就唔錯, 但係分量太少.... 可能細食概女仔分量就夠(得果半碗飯+少魚, 但係男仔一定唔夠飽.... )咁概分量+$88價錢(加一)~ 有點物非所值~而且環境幾擠迫+ 要搭檯講真可以去En dining度食重低... 以差唔多價錢如果佢可以改善下環境(可以開多間或搬去一間較大的鋪位)+食物分量加多少或者價錢應該調整一下($50-$60)~或者會諗再去... 如果唔改善...唔會再考慮

三個人肚子餓, 途徑此店,決定坐下一試.點了一個漁夫風吞拿魚飯套餐($78),泡菜吞拿魚($88)和吞拿魚腩套餐($88).來的時候驚見所謂漁夫風就是在吞拿魚上面加一點木魚絲.感覺有點被宰.魚還算新鮮,可是飯的味道沒什麼特別.就連蓮藕,麵豉湯也是.反而大家都認為最好吃的就是那兩小塊玉子.很有蛋香.朋友的吞拿魚腩看上去好像很肥,不過聽他說味道都是一般而已.連加一,三個人花了差不多$280.感覺上食物的份量都很小.有點物非所值.這樣的價錢去雪國吃丼定食可以吃得很飽,而且味道不比這兒差.服務還可以,加茶很頻密.可是環境很擠要搭檯.

昨晚經過銅鑼灣﹐決定試一試DORAYA既吞拿魚。我點了火燒吞拿魚定食($68再加一)。講真﹐有D失望。D飯OK﹐但我覺得魚既份量太少﹐只足夠送半碗飯。飯上有小小紅色﹐唔知係血﹐定係D魚甩色。低食一定談不上。如果想食魚生加飯既話﹐花多小小去峰壽司食壽司好過。去魚一丁又得﹐起馬坐得舒服﹐唔洗搭抬。第一次來既食家﹐我見意試吞拿魚扒定食($88)或鹽燒鯖花魚定食。笑面幾會較高。

同靚妹補祝生日，無見咁耐，都無乜變，死性依然。小店格局，今次來主要想試佢既日本米，叫了雜菜天婦羅飯，友人叫了火灼吞拿魚飯。友人的吞拿魚先上，個人覺得一係食生，一係食熟，輕燒過的吞拿，唔湯唔水，卓頭大於味道；若以數十元的吞拿魚來說，質素叫做合格。雜菜天婦羅飯，賣相慘不忍睹，無所謂，都預左，天婦羅粉唔平均，邊厚邊無粉，算，因為這裡唔係專門店，唔油膩膩已叫做交到功課。講到飯，日本米，好有水準，粒粒飽滿，煙奀有咬口，交足功課。數十元的午市套餐，價錢合理，食物亦有水準。

今天，與朋友第一次於午飯時間踏足此地，被帶入了一個較小的房間，當中有五、六張桌子。不知不覺，已坐在無人地帶：無人替你落單，無人替你添茶，無人把食物送給你，也不會有人替你結帳。如果你的午飯時間沒有九十分鐘，不要入小房！

幫老表手賺外快, 試完機便獨自離開, 聽聞此店有點水準下降, 便試一試.餐牌還是那幾樣招牌貨, 可能有些新花樣也不定.今次棄燒吞拿魚而要碎吞拿魚蓉, 不像上次那樣, 很快便有得吃.個人覺得小食以前比較好一點, 甜蛋沒有以前的甜, 頗老, 沙拉換上藕片, 失了色.呑拿魚蓉的確幾好味, 看上去幾新鮮, 伴上紫菜和飯, 不用醬油都可以吃淨.坐位仍是這樣狹窄, 我離開的時候也要正在享受晚餐的客人停止進食讓位給我離開.小食水準真的比以前差了, 但定食的水準仍僅僅留住笑面.後記: 吃到半路中途, 有位男士入黎, 店員請他到較逼的一人位坐.男士坐到我對面不用十秒已喃喃地自語不滿男店員騰空四人位而要他逼.男店員有禮地說他可以到四人位坐, 但那位男士氣憤地踏著步離開了.我想店員每天都會常遇到這樣的情況了...在這樣的小店, 如果你要寬闊的坐位, 我覺得你最好不要來; 滿足顧客是需要的, 但也請諒一間小食店僅有的空間.

新的一年又開始了，新的課程也在今晚開始；因喉嚨痛，唔想食熱氣，所以來了這裏食日本。看到餐牌有些新的品種，便叫來試試；包括有森薯蓉伴吞拿魚飯定食和吞拿魚赤身刺身定食。森薯蓉伴吞拿魚飯定食- 森薯蓉杰撻撻，沒有什麼味道，又有點像糯米，用來撈飯一起食，感覺都幾奇怪，但聽說日本人好喜歡這樣食；吞拿魚味道都幾好。加了拾元轉飲蜆肉麵鼓湯，很多蜆肉，味道也ok，以這樣的價錢，又真係幾底飲。吞拿魚赤身刺身定食- 吞拿魚刺身很新鮮，味道也很好，但用來送飯，感覺就怪怪的，唔多合適；而且得五片，送飯食又真係少。這裏食物都幾好，價錢也不是很貴，但大食一點的食家，一個套餐一定唔多夠喉。