定食 Doraya (駱克道)

營業中

休息中

30 July 2007 (Mon) - 晚飯同友人黎食晚飯，由於時間尚早，所以仲有好多位，但係食到一半其實啲位都滿晒咁滯！望望餐牌，搵唔到前面啲食評人講既$88吞拿魚扒，只有$98吞拿魚扒，睇黎已經喺兩個月內加咗價！是夜我同友人既晚飯budget係$100樓下，即係連埋加一喎，所以只可以揀$88或以下既定食，但係根本無乜得揀，只有葱吞拿魚同火燒吞拿魚扒，咁唯有叫火燒試下，唔叫由自可，叫咗真係超後悔！可能由於係火燒既關係，啲吞拿魚其實唔駛點新鮮都得．．．外表已經唔係好得，食落都麻麻，半生熟都食唔到鮮味．．．唉，好失望，我兩年前黎食仲勁讚好味，但係而家．．．．既加咗價又退咗步，如果加咗價又好味咗，我覺得可以接受．．．好失望，嘖嘖～～友人話下次試下尖沙咀嗰間，佢覺得嗰間好似好味啲，我都會比多次機會佢既．．但今次係真失望而回．．．

就在看到美好藍天+太陽在頭頂的時間﹐去了試這間有多個BLOG友推薦的日本小店。進去剛好有一個位(搭檯)﹐店子小小﹐只有不過十張檯﹐才十二時許\﹐就已經滿了(還有人在街外等)﹐厲害!!主打吞拿魚飯﹐看到兩邊牆都貼上不同款色﹐非常吸引。叫了個特選藍鰭吞拿魚片壽司飯定食﹐$108﹐有Otoro 跟普通Toro (他說是藍鰭吞拿﹐apparently 最好的?) -- Toro 還是有點雪味﹐切薄了少許\﹐Otoro 反而沒有雪味﹐很香魚香﹐需然還是薄了少許\ (對不起﹐之前被寵壞了﹐常在GREAT自己買回家吃﹐當然會切厚些)﹔飯很彈牙﹐很有水準﹔芥茉應該是自家磨的﹐份量剛好。 但餐\內的小碟(芽菜+不知名菜)像是韓國小吃多些﹐還有很重的洗潔精味﹐不能吃﹔蛋蛋不知是不是煮得過頭了﹐一層層的吃(不是一般一大舊吃)﹐味道不錯﹔麵豉湯OK。 連加一$118.8﹐以價錢來說﹐質量算是不錯了。下次可能\"豪\"給它﹐叫它最貴的定食$198﹐還想試它的炸雞呢﹐賣相很不錯。。。

聽說這店的吞拿魚很出名, 我認為是名過其實. 魚腩不是肥美的部份, 份量也很吝惜. 就如下面的大大所說,像"元碌級數的吞拿魚", 扮高檔貨. 板前的比這店好得多了. 除食物無甚特色之外, 店子的格局普通, 座位逼夾, 服務一般, 食客品差(有的日本人飲大了兩杯), 收費卻貴.我不會再光顧.

朋友想試下日式料理於是佢就揀左呢度都係叫個最大路嘅吞拿魚扒飯飯唔夠醬汁之餘仲要好dry個定食只係$88 食之前都唔期望吞拿魚扒係新鮮果然正如之前食評所講一樣吞拿魚扒用料差元x級數吞拿魚扒本身冇味道要靠醬汁沒有服務沒有笑容冇下次比$88 我仲有更好嘅選擇

這個店以吞拿魚作主打, 叫一客吞拿魚腩, 價錢百多元, 可惜一分錢, 半分貨, 吃的魚腩之多渣, 從未遇過; 而且魚肉出水, 不鮮亦不肥美。感覺就是用元碌級數的吞拿魚求其放上去。隔幾星期後, 朋友想去吃, 於是點吞拿魚蓉飯。日本菜一般易入口, 那次真的吃不消。又係淡而無味, 似乎用平價吞拿魚求其打碎, 食到有點想嘔。同場點了一客雞翼, 咸到莫明奇妙。可能平日廚吞拿魚飯店, 廚師只用現成醬油, 唔駛識調味, 到了要做雞翼時, 馬上露底。服務認真奇怪。朋友剛剛在銅鑼灣地鐵站趕來, 差幾分鐘就到, 跟店員說明情況, 佢「嘿」了一下, 無回應, 轉頭叫另一人入場。本來, 小小店舖, 怕人擺住個位, 想做多幾轉生意, 無可厚非, 但那聲「嘿」和冷漠回應, 都算少見。原本想走了, 但朋友想試, 無計。埋單時, 原來這樣茶餐廳式服務也會加一, 更奇怪。

Doraya一向是我心中頭十位食店，通常吃Tuna Steak。今次叫了＄168的Toro定食,估唔到~上枱的５片toro全是灰色，放入口係即溶,但完全無鮮味，sorry，係咩味都無至真，我到底食緊咩呢？可能老板開分店好忙，但點都要做好QC，唔係點keep客？我就一定唔會再去，十分失望。打算去的朋友，祝好運！

這個食評是多個月前食完欠下的，是時候還了。話說某閒日晚上，約女朋友到銅鑼灣食飯，選了這餐廳。當晚女朋友由上水出到銅鑼灣，晚上7時，我仲係公司，阿頭唔放人，叫女朋友行住街先。到8點，工作仲未完，打電話比女朋友話要遅d。到最後完成工作，已是9點幾，女朋友係電話入面把聲已feel到佢黑面。都無法，唯有由灣仔跑去接佢。見佢想怒又明白工作是不得已個樣…唉…氹下先。入到鋪頭，細細間，比較黑，都算ok。講番食物，叫咗吞拿魚定食同炸雞定食，吞拿魚真的很新鮮，味道唔錯。炸雞定食就熱辣辣炸起，十分香口。當晚女朋友一粒聲都唔出，成餐飯只有我不斷氹…..

幫襯過幾次，次次都食tuna steak，今次叫個168的toro定食。定食一上，嚇死我，５片toro都係灰色的，放入口，係就係入口即溶，不過毫無鮮味，sorry，應該係咩味都無！我到底食梗Ｄ咩呢？好後悔無叫佢換過份~知呢間食店近排開分店，老細一定好忙，但都要睇住D品質先得架？唔係點keep客？我就一定唔會要幫襯，打算幫襯的朋友,祝你地好運！

以前好鍾意嚟呢度食,因為我係一個吞拿魚痴!以前除左吞拿魚之外,仲有大大粒,新鮮到滋味到暈既三文魚子,仲有長腳蟹肉飯..都無哂!!無錯!吞拿魚茸依然保留,仲幾好食,但係好單調,小食例如個咖哩牛腩價錢高而份量少,味道都唔突出..暫時..我唔會去食,除非有改善!

第一次食咋... 好壞各半咁啦1. 吞拿魚扒定食 個吞拿魚其實都唔錯的, 幾肥美幾香, 不過同想像中有少許唔同, 可能對佢expectation太高啦! 入口唔會"wah", 不過都覺得幾好咁啦2. 吞拿魚蓉定食 呢個反而唔得! 唔好話d魚蓉唔夠撈哂成碗飯喇, even個味本身都唔好! 好似冇味咁, 但又唔夠鮮囉! 下次我一定唔會再叫3. 燒鯖魚 呢個係最好食! 好香又夠味, 個魚好多魚油, 食落感覺滿足, 是推介之選~店子果然係幾迫, 而且會係for quick dinner的地方, 因為d定食黎得好快! 唯一係耐的就係等位, 所以非繁忙時間的話我相信9個字可以食完走人! 要傾計的話請另找地方!

退步了,可惜第二次黎價錢貴了,材料差了,份量少了,服務也差了加左價:所有定食加十蚊三文魚籽定食更大覆由88加至140蚊(但佢\好肯定話只加左十蚊)叫左兩客toro 定食(吞拿魚扒),98蚊x2鹽燒鯖魚一客睇見對面叫香葱魚腩蓉,不其然\"嘩,乜少左咁多\"之前係好似窩蛋牛肉飯咁多, 但而家少左三份二我個吞拿魚扒都少左四份一上次黎明明舊舊都係粉紅色(即係好肥,貴價toro)但今次佢\切晒粒(想睇落多d),十粒只係得兩粒可以稱為toro,其餘只可稱為\"好食既吞拿魚\",但有兩粒都係瘦果d變左係吞拿魚飯,唔係以前既TORO飯D米睇落係國產珍珠米,以前應該係日本不過諗諗下以前既材料同價錢都應該為唔到本但而家質素下降,我諗唔會再幫襯最後D 侍應既態度好唔專業,無乜禮貌收野時將D筷子掉落隻碗度,茶餐\廳咁

2個人8時多先到cwb, 所以今晚睇下有無d唔使排太耐隊既食店...來到此店見前面都係等2枱位就決定來此店食下...好彩都係等左大約10分鐘就有位.一入去我tuna魚扒定食..一大碗十分香口, d飯又沾滿tuna魚油好香好鬼死正, 個定食仲包埋一碗miso soup/2件蛋及一碗仔既凍冰冰既菜....佢地既配料真係做得麻麻, 不過個tuna都算唔錯, 只係有d魚塊有筋啦..不過我還可以接受.至於老闆唔舒服只係叫左個燒雞定食...配菜同我都係一樣, 不過明顯地佢個燒雞飯既份量多過我...可惜佢無胃口啦...所以都食唔曬...(我仲幫佢食左2件燒雞, d雞都燒得岩岩好幾juicy).

2月24日來lunch,全部人都叫了吞拿魚扒飯定食1)前菜:涼伴豆角-有d白芝麻同調過的麻油汁醃過d豆角,豆角淺綠色,挺身,爽口,是一道不錯的涼菜2)麵豉湯(可+$10轉做蜆肉麵豉湯)-有小豆腐粒,滑, 有海苔/昆布-個湯不濃不淡,可以-飲完都有d飽(知道sequence上有d"lai",當時好驚食唔晒個主菜)3)吞拿魚扒飯-用正常日本飯碗"莊"住,份量無想像中咁多。男仔的話,會嫌唔夠食-吞拿魚舖滿飯面,有d蔥花同白芝麻在上面-吞拿魚扒每件約1cm厚,外表煎過咁啦,內裡基本上是生的。幾肥美,只有1件食到有d"根"-最喜歡的個人認為是個醬汁,甜甜地,好"arm"送飯,d飯又好一粒粒(完整),帶點黏-雖然食到半碗時都幾飽,但吹了一陣水之後,還可吃光全碗4)玉子蛋卷-2件-小甜,可能是最後才食,所以涼晒兼小小乾身-實在太飽,只吃到1件,ok-服務的waitress nice,我們提問不同吞拿魚定食的生熟程度時,解答得詳細-後記,此店不設訂位,還寫明要人齊才比檯。不過當日早,多"吉"檯,所以我未齊人都ok

1.火燒吞拿赤身飯定食$68 ~ 平時不愛面鼓湯的我也渴光,因為有很多豆腐粒及海苔,而且比平時那些好味.個玉子豆腐賣相很好,味道不似平時那些得個甜.而碗飯的醬汁恰到好處,略嫌吞拿魚小了一點.2.吞拿魚扒飯定食$88 ~ 真的幾厚身味美,這個飯反而沒有醬汁.食了一碗已很夠飽了.

如果有去過日本築地市場,就晤好抱太大期望...1) $68 吞拿魚腩蓉定食- OK啦　2) $98 特選吞拿魚刺身定食- 刺身麻麻地