定食 Doraya (駱克道)

營業中

休息中

　今晚同老餅肥在此吃晚餐,時為7時,但竟然無人等位,剛入門口更有兩人剛埋單(實在是吉兆).看看menu,除了預定吃吞拿魚扒飯和燒鯖魚定食外,其實想叫小食,但有茫無頭緒,終於只叫了這兩客.　首先來了吞拿魚扒飯定食,賣相果然對板,雖則魚扒略細件,但滿滿的蓋着連飯也看不見,兼看得出充滿油份的,食落果然連平時不太喜吃吞拿魚的我也不停叫好味.但略嫌醬汁多了點,但整體實在太好味.玉子不夠嫩滑,但配菜芝麻醬汁豆角很爽脆好味,麵豉湯也夠熱,總括來說以小店水準已算合格有餘($88).　約五六分鐘後(落單時侍應有交帶說會遲約十分鐘),燒鯖魚定食也奉上,果然真如小肥看那些照片一樣"大大件",兼且燒得十分靚仔,很有食慾.唔,夾起脆脆外皮及魚肉,那些油份便不受控的漏出來,食落口很juice及香口,$58實在太超值了,配着那口珍珠飯實在有幸福的感覺,加上和以上一樣的玉子&配菜&麵豉湯,如果細食其實兩個人share都得.　由於小肥那個飯是略為細的關係,所以追加了一個明太子飯團,端上來是個個子大大的,賣相不俗,但食落略覺太大件不方便,建議可弄兩個細點份量會更好,明太子沒太突出,基本上不會再encore這個($18).

好的東西未試過吃剩一半走人，二人點了熱烏冬、燒吞拿魚腩、漬吞拿筋及飯團。清碟的只有最愛的烏冬，木魚湯鮮得來都幾濃的，烏冬同湯都做得幾好，友人是吃了兩啖，其餘的燒吞拿魚腩、漬吞拿筋無心情下吃了兩件買單去，走前吃了兩啖飯團，粒粒飽滿好吃得不得了，路過會再買來吃。心情指數二人加起來是負數，幾無奈。

肚仔餓﹐o黎呢度開飯食lunch。剛好有人食完離開﹐我就分到一張四人檯﹐同另一個剛進店o既哥仔打對share坐。因為貼出o黎張相又實在吸引﹐今次就點o左個吞拿魚扒飯定食。好快已經上桌﹐一望﹐有些少失望﹐因為相入面o既魚肉大舊o的。唔緊要啦﹐雖然唔夠照片o甘大份﹐但都幾厚肉。加埋佢地o既醬油就開動啦﹗吞拿魚真係好正﹐我o個碗入面o既有80%都好肥美﹐配埋o的粒粒飽滿o既珍珠米一齊食﹐好滿足。但有一兩舊比較瘦﹐另外有筋影響o左口感。miso soup夠熱囉﹐不過自己唔特別鍾意飲o既。最可惜就甜蛋麻麻地﹐"老"同硬﹐敗筆之處。食到差唔多最後﹐店員叫我移多少少過去牆邊坐﹐哇﹐帶入o黎係四個人囉﹗﹗我已經同一位哥仔坐o左響度﹐宜家夾硬每邊迫多兩個人一齊坐﹐即係每邊三個﹐原本大o既四人檯就坐o左六個人﹐搞到我眉頭皺。好在就快食完﹐趁o個幾位o的食物未到﹐趕緊爬埋兩啖閃人﹐費事手碰手。唉﹐果兩啖趙唔切﹐幸好冇胃痛。就係o甘﹐令最後印象打折扣。$88再收加一...但睇番佢快餐店o甘窄小o既環境﹐兼且冇咩服務可言﹐食物唔差﹐但都唔平wor﹐去wasabisabi食lunch都係o甘上下﹐至少坐得舒服唔怕

Again, near one year not try Doraya....same as other member.... the quality of 玉子decrease...not the one I tried b4...We two ppl ordered1) 吞拿魚生扒飯定食- Hk$88 is little bit expensive but it taste good...my favour2) 鯖魚定食- that the one is the BEST ....極品3) 面鼓湯---Nice

去DORAYA，一定要食吞拿魚！ＤToro好新鮮，蛋又煎得永遠啱啱好軟熟唔硬又唔燶。同大家意見一樣主打最好叫吞拿扒，好鮮味，外面稍為用火炙裡面尚是全生的，灑上少少芝麻，加上自家秘製醬汁，好好味！真係可以食唔停口。其他的定食味道不及吞拿魚扒而且價錢稍貴。唯一美中不足的是地方實在太窄了。每次食飯旁邊都坐滿人，週身唔自在，所以都要忽忽忙忙，建議有時間不如選擇下午茶時段或5, 6點去食晚飯咁就比較舒服。

昨天下午要到砲台山上烹飪課，想起定食Doraya 的網上食評不錯，於是決定在上課前先去試試(雖然不太順路)。叫了大家都推薦的吞拿魚生扒飯定食; 味道很一般，絕對不直$88。而且為什麼是吞拿魚扒粒? 定食跟玉子兩件及麵豉湯，水準也是平平而已。還有吞拿魚扒飯太salty了~~~~~~

考完試星期六晚去CWB shopping,雖然我唔係咁好吞拿魚,但細妹話食過好味,都試下啦,自己叫左Tempura定食,妹妹叫個香葱吞拿魚蓉定食,share0的俾我,落左醬油,吞拿魚蓉定食都ok,另加$10要蜆湯,倒是一般,Tempura要等10分鐘,有蝦,尤魚,魚,同其他瓜類,$88都ok,但點Tempura的醬油無味,十分淡!

6:15 去到,只得一位客人叫了吞拿魚生扒飯定食吞拿魚好多脂肪再配合飯,非常好味配菜是玉子,太硬,不太好味最不滿意是侍應態度,好似去大排檔的口吻,問拿menu時竟然叫我自己走去拿!!?? what"s wrong with her??!! 付錢時,侍應隨手無聲無息地'拋下'張單在枱上,完全無禮貌!食物是好,但服務太差不會再去!

昨晚跟一位好朋友辦完貨, 九時多, 兩個人去了Doraya門外排隊。等一陣, 在Doraya, 在所難免, 冇所謂, 反正都係一陣而已。因為朋友唔太喜歡蔥的關係, 叫了吞拿魚扒定食, 火灸吞拿赤身定食同埋燒鯖花魚。魚扒充滿魚油香, 惜有筋, 小瑕小疵而已; 赤身味道好實在, 食到吞拿的鮮甜; 鯖魚不嬲都係此店極品之作, 燒得十分香, 皮亦脆脆的, 加埋濃郁的魚油, 開心到呢...... 不得不提今次碗飯, 幾好食, 唔知點解, 此店的飯有時係會冇咁好味, 我又講唔出點解架喎。Anyway, 今次表現超水準, 我食得好滋味。講返side dishes, 煎蛋卷一如以往的麻麻地, 猶記得第一次吃Doraya時, 煎蛋卷是熱的, 我不知何謂正宗, 不過我較喜好熱食, 之後幾次, 煎蛋都是乾乾的室溫, 算數。麵豉湯, 煎蛋卷, 前菜在此定食中為陪襯品, 質素不過不失, 尚可接受。題外話: 在等位時, 見到一男藝人, 一行四人, 男藝人先衝入去拎飛仔, 之後似助手的人負責做等。成面鬍渣, un身un勢, 給我印象真係十分一般。食到半路, 有個靚仔坐我對面, 嘩不得了! 靚仔到呢~ 我果腹之餘仲

上次食過一次，見今日又去銅鑼灣又再去過，都係叫返吞拿魚魚腩蓉飯，真係好味，一入口就感受到佢既肥美，食曬成碗都真係幾膩ga!至於定食加10蚊轉既蜆湯，不過不失啦，唔試都唔會覺得損失

雖然家住銅鑼灣，但一直無留意依間鋪頭，後來有朋友介紹，又見佢開始越來越多人等位（因為好細），所以後來終於入內一試。叫得做吞拿魚專門店，當然要試佢吞拿魚，質素果然不同凡響，首選推介魚扒飯，但魚蓉飯都唔錯。尋日介紹一個朋友去食，由於唔想成日食食去同一樣，所以試新。朋友堅持要試佢未食過納豆，我規勸無效唯有由得佢15元。我就試蕎麥麵同一吉列串燒，兩樣都證明我比朋友眼光好。前者口感幾好，但淨係跟紫菜就寡，建議該店打入麵度會更好。後者則好有驚喜，無論係鵪鶉蛋定係南瓜蕃薯都炸得好好食，搞到我叫完再叫。依間小店真係好有日本特色，唔似一般港式鋪咁一味賣抵食夾大件，食品來貨同烹調都好講究，係值得推薦食肆。

以前個定食加十蚊有碗滿是蜆的湯，依家係野菜豬肉湯，上次食吞拿魚扒細細塊但好美肥，今次食吞拿魚腩飯平平，可能價錢比平(只是$68)所以份量亦相對少~ ~不過佢每只比好少芥辣，今次都有再叫佢比芥辣但都只係少少而已~ ~始終無了以前食完的滿足感~ ~

屈指一算，不經不覺原來自己已經誤人子弟已進入4週年，與傻豬仔學生的師生關係更會繼續下去。真的不知道是自己有運氣還是傻豬仔學生盲目，會跟一個文課出身而且笨手笨腳的傻大姐那麼久。一如以往，傻豬仔學生今學期同樣全班排名第一，傻豬仔學生的父親更封了封大大大利是再加親筆簽名，自己當然受寵若驚、受之有愧。人家盛情難卻，只好完傻豬仔學生的口福，吃頓拖羅魚生飯。上回試過拖羅魚蓉飯，印象一般而已，今試火灼拖羅，也很合情理吧！好一個火灼拖羅飯，叫我的傻豬學生朝思暮想，但面前放著的拖羅飯，卻像恐怖片情節的道具。拖羅魚腩有點「血」濃於水的感覺，一點也看不出被火灼過的痕跡；最叫人失望的是拖羅一點也沒有腩的感覺，傻豬學生不知拖羅腩為可物也，也知道應該不是這種貨色。還是要吃下去，只好嘆句：禍，是永不單行的。要踫巧才有好腩吃，還是待惡運過去後才來吧。幸好飯還是靚飯，但感覺則完全沒有了。

連一個唔鐘意食魚生飯既人都鐘意.....咁你話呢?!bf想食日本既, 咪上嚟睇睇有乜好嘢囉見到呢間....好多人讚喎?!雖然我唔好....但.....就下佢la~~約8點到, 有2,3pairs人等緊...約3個字入得~~我地叫咗香蔥吞拿魚xx定食&炸雞定食香蔥好快到...一試~~正呀~~ 好鮮+蔥味match得啱啱好炸雞就好耐...即叫即炸, 誠意之作~~讚~~同樣好食. d雞+ 檸檬汁=fresh 又唔油膩~~正呀~~(下次會試香蔥, 到時會留意下d飯有幾熱??)service方面: 個waitress(似老闆娘嗰位)就唔得la...同枱有2位日本人, 咁佢想攞d豉油, 但佢隻手跨過我都冇講"唔好意思" lor...

之前D食評話D飯好熱我都明白因為我都成日食個度通常呢旺既時候(午市大約11:30 TO 1:30,晚市大約6:30 TO 9:30)D飯都係偏熱但一過左呢個時候D飯就唔熱架啦D野仲新鮮D好食D tim唔知係咪心理作用呢張相裏面個吞拿魚扒飯係最perfect既一次都係夜晚十一點度食D飯唔熱舊魚仲要係最靚既大toro又肥又爽又鮮甜!!真係好perfect~~!!要俾101分呀!!但唔係次次舊魚都咁正ga真係要睇你好唔好彩la~haha