影片
更多
2005-06-01
8 瀏覽
睇左其他食友o既食評，一直心思思想黎試下佢o既新瀉米。o係post度提起，都有幾位食友有興趣，就約左星期二中午黎一試。咁o岩office同日都有午餐function，大家都提早出發，得以早少少出黎食晏，打個的，一點唔夠就趕到。睇下餐牌，見都有成九種定食選擇，包括最多食友推薦o既火燒吞拿魚赤身飯、蔥吞拿魚腩飯、吞拿魚扒飯、燒鯖魚、炸池魚、汁燒雞扒飯、炸雞球、咖哩豬扒飯同炸豬扒。一行六人，四個叫左招牌o既火燒吞拿魚赤身飯，一個叫左汁燒雞扒飯，我就叫左蔥吞拿魚腩飯。定食上檯，除麵鼓湯外，重有兩件燒玉子、一球薯仔沙律同少少漬物。個麵鼓湯味道都OK，有少少鮮味，算交倒功課。燒玉子質素不一，有D食友果份燒得燶D，有D就成件都白壁無瑕咁。玉子係一層層o既，食落有微微o既甜味，都相當唔錯。薯仔沙律就一般咁啦。輪到個主角上場，我個蔥吞拿魚腩飯賣相都OK，不過睇得出並唔係魚腩，蔥亦唔係太多，不過食落都幾新鮮，配上黏性極佳o既新瀉米飯，味道仍然係好o既。講真，連加一只係75元o既定食，用正新瀉米，重想點呀？同小暴龍交換左兩片燒吞拿魚赤身，味道果然係正，入口鮮甜而帶有燒過o既香氣，真不愧為招牌菜呢！此外，都同
睇下餐牌，見都有成九種定食選擇，包括最多食友推薦o既火燒吞拿魚赤身飯、蔥吞拿魚腩飯、吞拿魚扒飯、燒鯖魚、炸池魚、汁燒雞扒飯、炸雞球、咖哩豬扒飯同炸豬扒。一行六人，四個叫左招牌o既火燒吞拿魚赤身飯，一個叫左汁燒雞扒飯，我就叫左蔥吞拿魚腩飯。
定食上檯，除麵鼓湯外，重有兩件燒玉子、一球薯仔沙律同少少漬物。個麵鼓湯味道都OK，有少少鮮味，算交倒功課。燒玉子質素不一，有D食友果份燒得燶D，有D就成件都白壁無瑕咁。玉子係一層層o既，食落有微微o既甜味，都相當唔錯。薯仔沙律就一般咁啦。輪到個主角上場，我個蔥吞拿魚腩飯賣相都OK，不過睇得出並唔係魚腩，蔥亦唔係太多，不過食落都幾新鮮，配上黏性極佳o既新瀉米飯，味道仍然係好o既。講真，連加一只係75元o既定食，用正新瀉米，重想點呀？同小暴龍交換左兩片燒吞拿魚赤身，味道果然係正，入口鮮甜而帶有燒過o既香氣，真不愧為招牌菜呢！此外，都同搵食兄交換左半件汁燒雞，入口好有雞味，果然係用新鮮雞整o既，燒汁味道亦恰到好處，正！碗飯雖然唔係好大，但食落其實都好飽肚。最奇係個碗摸落有少少油，唔知係咪以防D飯黐住個碗呢？
張貼