如月居酒屋 (已結業)

想不到旺角也找到充滿家的感覺的居酒屋！我和朋友今晚去了“如月”晚餐，這裡的服務親切殷勤，令人恍如置身家中用膳一樣。🍛咖哩和牛漢堡扒飯～和牛漢堡煙韌有嚼勁，咖哩汁甜甜的，好味道。🍜慢煮豬軟骨蕎麥麵～豬軟骨夠腍，蕎麥麵麵條爽口Q彈，非常美味。🍢🍡去居酒屋一定要點些串燒吧！我們分別點了宮崎黑豚肉腸串燒🍖、北海道帆立貝串燒🦪、蒲燒鰻魚串燒🪱，秋葵釀蝦膠串燒🦐及燒豆腐串燒🍢。各款串燒烹調的火候都剛剛好，仍能吃得出食材的鮮味，又不會燒得過燶。我們另外再點了三款邪惡的炸物：炸黑豚肉餅🥠，炸蠔🦪及炸餃子🥟。雖然是炸物，但炸漿不會太厚，餡料鮮味，非常juicy。服務員見我們點了這麼多“熱氣食物”，友善地推介我們現在只要在餐廳惠顧任何食物加$15，便可選配各種飲品。我們分別點了柑橘檸檬綠茶🍊及蜜桃檸檬綠茶🍑。兩款飲品都清新怡人，透心涼之選！

女人街兩邊都好多餐廳，超級多選擇，總有一間岩心水。我哋揀左一間充滿濃厚日式風格嘅居酒屋，就係「如月居酒屋」🏮我哋叫咗慢煮豬軟骨烏冬&照燒牛肉配溫泉蛋丼，仲追加左啲小食&串物。慢煮豬軟骨烏冬湯底濃郁，豬軟骨軟腍，烏冬爽彈😋 照燒牛肉配溫泉蛋丼真係絕配，滿滿嘅牛肉配上日本珍珠米再加埋香濃醬汁上溫泉蛋，好好味🤩 我哋仲有追加小食，分別係中華沙律、芝麻八爪魚、2碟牛肉沙律。特別一提嘅係 牛肉沙律，黑椒牛肉配上麻醬沙律，幾開胃 幾好食😍 屋酒屋又點會少得串物，我哋都叫咗幾款串物，分別係秋葵釀蝦膠、蒲燒鰻魚、燒豆腐串、宮崎黑豚肉腸、厚燒牛脷芯。呢幾款串物都燒得岩岩好，記住要趁熱食😎 秋葵釀蝦膠嘅蝦膠彈牙，蒲燒鰻魚充滿香濃蒲燒味嘅鰻魚非常軟腍，厚燒牛脷心厚實、彈牙👍👍

經過旺角見到呢間小店幾有日本feel🤭九州蕎麥麵🍜麵身爽口又彈牙🤤口感一流！滑蛋吉列豬扒飯🍚豬扒非常Juicy，炸得非常香口，食落唔會好肥膩，淨係食呢一個飯已經好飽😛炸雞超級好食‼️一定要點🐔新鮮炸起熱辣辣🤭雞肉非常滑🍗炸餃子配雞翼🥟雞翼上有芝麻一齊烤🤤餃子偏乾身，皮薄餡多✅串燒拼盤：自選鹽燒白鱔、鹽燒和牛、免治雞肉棒、燒豆腐、北海道帆立貝🤤燒豆腐食落口感以為係燒芝士，非常香滑🧀️好正啊‼️而家只需要加$15仲有嘢飲🥤試咗巨峰提子🍇同白桃味🤭我覺得我會再次encore😂

一入去入面既裝修好日本風，都係有吧枱/普通枱，但同一般既居酒屋唔同既係，佢既燈光比較光亮，我地一人叫左一個定食+特飲，再加啲串燒share食～滑蛋吉列豬扒飯，豬扒炸到外脆內軟，唔會炸到乾哂，而且好鬆軟好易咬開，面頭有滑蛋、洋蔥、菇、蔥，送飯一流日式餃子蕎麥麵🍜 餃子係豬肉餡，皮薄唔厚，用左鰹魚湯做湯底，配上爽口滑捋捋既蕎麥麵，簡而清呢兩個定食都可以係午市既時候+$15點佢地既特飲，超抵🤩串燒就最中意佢個白鱔同免治雞肉棒，白鱔燒到個皮好脆好香，肉質爽口彈牙。雞肉棒有啲軟骨mix埋係入面，增加口感，配埋個蛋汁食正😝

第一次同朋友嚟如月居酒屋，驚喜十足，冇諗過性價比會咁高炸餃子冷蕎麥麵 - 炸餃子外皮脆，鎖到肉汁；蕎麥麵爽口彈牙，醬汁加埋芝麻香蔥同Wasabi，簡簡單單已經好好食咖喱和牛漢堡扒 - 和牛漢堡扒好香濃，日式咖喱完全複製咗日本當地嘅味道，兩者好夾，勁好味串燒免治雞肉棒、鹽燒和牛、燒豆腐串、北海道帆立立貝、蒲燒鰻魚 - 幾款都燒得啱啱好，食得出店家嘅用心，最特別係有個蛋汁，點嚟食口感同味道更加豐富芝麻雞翼、黑豚肉餅 - 炸物香脆，雞翼唔會話乾身，鎖到肉汁；豚肉餅啖啖黑豚，口感綿密，大滿足柑桔檸檬 - 加$15就有一杯，柑桔檸檬味道夾，甜度啱啱好，冰涼解渴，消暑之選裝修好新淨，佈置同日本當地嘅居酒屋一樣，氣氛猶如置身日本，座位夠闊落，好好坐門面嘅簡約木系設計好靚，餐牌提供嘅選擇好多，價錢親民，份量十足，好抵食，性價比高，服務殷勤，食物用心製作，下次會同朋友再嚟

一黎到上左啲串燒 🍢有燒鰻魚 宮崎黑豚肉腸 秋葵 雞軟骨 元貝 元貝超大粒😍 豚肉腸好juicy 雞軟骨夠爽脆 燒鰻魚個汁好香👍🏻 全部都熱辣辣 好正之後仲有個豚肉丼飯 豚肉份量都好多 配埋啲洋蔥食好惹味送飯👍🏻豬軟骨豚肉蕎麥麵啲豬軟骨都炆得夠腍 麵嘅質地啱啱好 夠彈牙燒雞翼係燒全翼😍 雞肉燒得好嫩 有肉汁有雞味😋 炸芝士外脆內軟 芝士味香濃😍👍🏻 煎餃子都處理得好好 外皮脆脆地 入面多餡 香豬肉味最後個野飲都好出色 柚子青檸茶 柚子同檸檬味好夾 大家互相配合但又唔會搶咗是但一個個風頭！

呢間日式居酒屋好有特色，佢嘅設計充滿濃厚嘅日式風情，令你一踏入門口就感受到舒適嘅氣氛，有D似去到日本咁🇯🇵居酒屋入面既燈光柔和，裝飾細緻，令人感到非常放鬆同舒服🥰講到串物🍢呢度嘅選擇令人眼花繚亂😻日本鮮雞蛋配免治雞肉棒、厚燒牛脷心、蒲燒鰻魚、燒豆腐串同日本甜薯仔，都係必試之選。每一串都造得香噴噴，口感豐富，味道好好，絕對令你食過返尋味🤎至於主食，居酒屋提供嘅日式咖哩餃子飯，同慢煮豬軟骨湯烏冬，真係令人垂涎三尺🤤咖哩餃子飯嘅咖哩香濃，餃子皮薄餡靚，每一口都充滿驚喜。而慢煮豬軟骨湯烏冬嘅湯底濃郁，烏冬彈牙，豬軟骨煮得軟淋淋，真係一絕👍另外，呢度嘅服務一流，店員都係充滿日式禮貌，態度親切有禮，令你感受到賓至如歸嘅感覺。總括嚟講，呢間居酒屋真係值得推薦，無論係食物定服務都令人滿意🩷

旺角女人街一頭都好多野食，見到呢間如月居酒屋新餐廳，都幾光猛新淨，乾淨企理，同女人街其他食店都幾唔同，就入去試試。鋪頭地方唔大，但坐落空間感都OK. 牆身擺滿日式標語同酒樽🍻本Menu設計得好有風格，有Feel😆九州蕎麥麵（配醬油豬軟骨）（$68）醬油幾清幾香甜。豬軟骨夠淋，食到昆布味，清清地入口幾舒服。而蕎麥麵係有啲嚼勁，份量又夠多，係十分飽肚的選擇。照燒牛肉配溫泉蛋（$88）醬汁連埋隻蛋好濃郁，啖啖珍珠米都係索晒蛋液同牛肉的香味😋簡單而幸福～鐘意佢啲香菇洋蔥配料，令個飯再香啲牛肉份量都唔少，味道都濃郁串燒拼盤（$188）🌟雞軟骨：鹽花調味，好有咬口🌟白鱔：可能凍左食冇咁香脆，但魚身都彈牙嘅🌟牛柳粒：都有牛味，份量可以更多🌟雞肉腸：幾好味👍🏻脆皮腸好香脆多汁🌟磨菇：幾香牛油味，好食柑桔檸檬綠茶（$58／杯）有啲似似林X檸的手打檸檬感覺，甜甜酸酸的，岩晒好甜之友😀

這間位於旺角的如月居酒屋，主打平民價日本菜，除了有廚師發辦外，還有多款的串燒、刺身、燒物等，叫居酒屋，點少得酒。內裏帶點日系裝飾，簡單明亮。串燒全部都即叫即燒，新鮮熱辣，牛舌爽彈、雞軟骨有咬口、脆皮腸香脆惹味。吉列蠔咖喱飯吉列蠔表面炸漿很薄，炸至金黃香脆，日式咖喱帶微辣，十分惹味。日式餃子蕎麥麵蕎麥麵十分爽口，用了最基本的鰹魚湯底，簡單好味，餃子比較腍身。晚市都比較旺場，好多人點定食，價錢便宜且份量十足。

去居酒屋唔一定係貴既，位於旺角既如月係平民價錢既居酒屋呢到既丼飯同麵果啲都係六七十蚊左右，嗌套餐追加串燒仲可以每串減$5，十分抵食。如果想食豪啲都無問題，佢有個廚師發板既餐，$780一位，不過要食既記得提前預訂。晚飯時間都要排隊一陣，睇黎幾受街坊歡迎。當晚試左一個丼飯，一個蕎麥麵。2個味道都唔錯，炸雞亦都熱辣辣外脆內嫩。串燒方面牛脷芯好出色，口感好爽！推介👍🏻滑蛋吉列豬扒飯 $78九州蕎麥麵 配炸雞 $68厚燒牛脷芯 $48免治雞肉棒 $38蒲燒鰻魚 $38冬菇 $16燒豆腐串 $18

一到周末，最鍾意同家人行街食飯～旺角美食雲集，途中俾我地見到一間充滿日本風嘅 🌸 #如月居酒屋 🌸於是就入咗去開餐！居酒屋裝修得清雅別緻，放滿酒樽🍶充滿日本風，讓人仿如置身日本咁🇯🇵居酒屋提供多款食物，包括：串燒、飯麵、自家手打烏冬、自家制特飲等⋯⋯我地就叫咗幾款串燒、滑蛋吉烈豬扒飯、九州蕎麥麵配炸雞及特飲。🍢#鹽燒和牛 $58🥠#北海道帆立貝 $38🍢#燒豆腐串 $18🍢#鹽燒白鱔 $38🍢冬菇 $16和牛肉質軟嫩，濃郁肉香 x 輕柔鹹味，口感層次豐富。帆立貝好大隻，微微焦香，中心剛剛熟，肉質柔軟、細膩。白鱔外皮脆中帶嚼勁，肉質厚實又彈牙。🍛#滑蛋吉烈豬扒飯 $78豬扒外層金黃酥脆，內層肉質鬆軟，上面鋪滿芝麻、香菇、香蔥、滑蛋，加上香軟米飯，多重滋味，好滿足！🍜#九州蕎麥麵 配 炸雞 $68蕎麥麵質感柔軟，帶有兩倍蕎麥濃口味道，配上香口炸雞，口感有對比、層次更豐富。🍍#菠蘿檸檬綠茶 $58🍇#巨峰葡萄檸綠茶 $58自家制特飲味道清新，甜絲絲，飯後一杯，正！

女人街出名多餐廳選擇，而且講常都性價比高，諗唔到食咩，入黎呢條街就一定搵到target 🎯 。如月開左唔係好耐，店面裝修仲係好新淨，有吧檯有普通坐位。食物選擇都幾多～有飯有麵有串燒，仲要全部都好抵食 👍🏻 。🍜九州蕎麥麵（$68）可以選配慢煮豬軟骨、炸餃子、炸雞、日式煮餃子，當日揀左慢煮豬軟骨，喜歡軟骨部份炆到淋淋嘅口感，湯底用上兩倍濃冷麵汁。🐟鰻魚飯（$88）厚厚一塊肥美鰻魚，無咩細骨。阿波美雞軟骨（$28）免治雞肉棒（$38）鹽燒白鱔（$38）日本甜薯仔（$16）厚燒牛脷芯（$48）。🐠 當中我覺得白鱔係最抵，我試過係其他居酒屋食一串白鱔要差唔多$100架～ 。@kisaragi_izakaya 。#gpigmk

今日去咗旺角一間居酒屋，呢度個裝修好和風，食物方面都幾多選擇，日式咖喱、丼飯同埋串燒都唔錯，而且非常抵食。照燒牛肉配溫泉蛋丼飯呢道丼飯真係抵食，份量十足。牛肉經過照燒醬汁嘅浸漬，非常入味，配埋軟滑嘅溫泉蛋，每一啖都感受到牛肉嘅濃郁同滿滿嘅蛋液。日式咖哩炸雞飯咖哩係好傳統嘅式咖啡，咖哩濃郁甜甜地唔會好辣，咖哩入面嘅薯仔都勁入面，炸雞外面炸得勁香脆，但入面仲嫩保留到肉汁。串燒- 免治雞肉棒：呢道串燒嘅雞肉棒非常嫩滑，多汁可口，點埋月見醬油仲好味。- 燒白鱔：白鱔嘅口感軟嫩，燒得啱啱好，配上簡單嘅調味，鹹香又保留咗魚嘅鮮味。- 燒豆腐：燒豆腐非常嫩滑，清新又有淡淡豆香。- 燒鰻魚：鰻魚燒得油亮，入口即化。- 燒茄子：燒茄子食落非常清新，唔會太油。自家製特飲飲品呢度嘅特飲係檸檬綠茶，我地叫左巨峰葡萄味同白桃味，巨峰葡萄嘅香甜、白桃嘅香氣非常濃郁，搭配檸檬嘅清新，綠茶嘅淡雅，非常清爽解渴。

通菜街兩邊都有好多食店，今次去左一間新新地嘅居酒屋。而且裝修得幾清雅，坐得都幾舒服。本身想食個日式飯就算，但係見佢有串燒食(esp. 我最愛ge免治雞肉棒)，最後就叫左好多串燒。先講左飯先啦，我同男朋友叫左：照燒牛肉丼配溫泉蛋同埋咖哩炸吉列廣島蠔飯。炸蠔有5粒咁多，食過好多餐廳比3粒細細地你就算。我叫左少飯，但仍然份量都好多，唔洗驚唔夠食。之後就係我最愛嘅串燒，免治雞肉棒($38)、鹽燒白鱔($38)、蒲燒鰻魚($38)、雞軟骨($28)同埋日本甜薯仔($16)。免治雞肉棒食落口感好好，同埋最好係佢有蛋一齊上，呢個係一定要，如果唔係就唔好食。白鱔同鰻魚串都唔錯，白鱔都幾爽口，同埋唔係度度有得叫。當然，食左咁多都要飲返杯野，我地叫左菠蘿檸檬同埋白桃檸檬，兩杯都唔會太甜，解膩唔錯。

去開旺角想食下日本嘢，可以去呢間居酒居試吓～ 位於女人街，位置非常方便！餐廳裝潢都幾日式，貼咗好多日本招牌同有好多清酒樽，似置身喺日本居酒屋咁～餐廳主打多款串燒，仲有不同飯麵小食選擇。凡點任何飯麵，追加串燒有得每串減$5，都幾抵食！飯麵最平六十幾蚊，仲包咗麵豉湯同沙律，晚市呢個價錢相當優惠！仲有二人餐都好抵食！🔸海膽明太子冷烏冬 $98明太子迷嘅我見到必叫😂 平時都係食開熱嘅明太子意粉同烏冬，估唔到明太子冷烏冬都咁好食！而且好啱夏天食呀！冷烏冬好煙韌彈牙，明太子醬超濃郁又唔會太鹹！仲有海膽點綴，鮮甜唔腥～🔸鰻魚飯 $88有半條鰻魚咁多！都算厚身唔會好薄，口感都軟棉，但有少少骨～ 仲有件玉子燒👍🏻 加埋鰻魚汁一齊食都幾好味！🔸免治雞肉棒 $38🔸冬菇 $16🔸日本甜薯仔 $16🔸燒豆腐串 $18🔸雞翼 $32試咗幾款串燒，味道正常發揮，唔會話好大驚喜，勝在幾抵食～ 最鍾意係免治雞肉棒，雞肉餡有軟骨，口感唔錯！撈埋多汁一齊食更加香滑！