如月居酒屋 (已結業)

今日去咗旺角一間居酒屋，呢度個裝修好和風，食物方面都幾多選擇，日式咖喱、丼飯同埋串燒都唔錯，而且非常抵食。照燒牛肉配溫泉蛋丼飯呢道丼飯真係抵食，份量十足。牛肉經過照燒醬汁嘅浸漬，非常入味，配埋軟滑嘅溫泉蛋，每一啖都感受到牛肉嘅濃郁同滿滿嘅蛋液。日式咖哩炸雞飯咖哩係好傳統嘅式咖啡，咖哩濃郁甜甜地唔會好辣，咖哩入面嘅薯仔都勁入面，炸雞外面炸得勁香脆，但入面仲嫩保留到肉汁。串燒- 免治雞肉棒：呢道串燒嘅雞肉棒非常嫩滑，多汁可口，點埋月見醬油仲好味。- 燒白鱔：白鱔嘅口感軟嫩，燒得啱啱好，配上簡單嘅調味，鹹香又保留咗魚嘅鮮味。- 燒豆腐：燒豆腐非常嫩滑，清新又有淡淡豆香。- 燒鰻魚：鰻魚燒得油亮，入口即化。- 燒茄子：燒茄子食落非常清新，唔會太油。自家製特飲飲品呢度嘅特飲係檸檬綠茶，我地叫左巨峰葡萄味同白桃味，巨峰葡萄嘅香甜、白桃嘅香氣非常濃郁，搭配檸檬嘅清新，綠茶嘅淡雅，非常清爽解渴。