影片
更多
2024-06-01
309 瀏覽
去開旺角想食下日本嘢，可以去呢間居酒居試吓～ 位於女人街，位置非常方便！餐廳裝潢都幾日式，貼咗好多日本招牌同有好多清酒樽，似置身喺日本居酒屋咁～餐廳主打多款串燒，仲有不同飯麵小食選擇。凡點任何飯麵，追加串燒有得每串減$5，都幾抵食！飯麵最平六十幾蚊，仲包咗麵豉湯同沙律，晚市呢個價錢相當優惠！仲有二人餐都好抵食！🔸海膽明太子冷烏冬 $98明太子迷嘅我見到必叫😂 平時都係食開熱嘅明太子意粉同烏冬，估唔到明太子冷烏冬都咁好食！而且好啱夏天食呀！冷烏冬好煙韌彈牙，明太子醬超濃郁又唔會太鹹！仲有海膽點綴，鮮甜唔腥～🔸鰻魚飯 $88有半條鰻魚咁多！都算厚身唔會好薄，口感都軟棉，但有少少骨～ 仲有件玉子燒👍🏻 加埋鰻魚汁一齊食都幾好味！🔸免治雞肉棒 $38🔸冬菇 $16🔸日本甜薯仔 $16🔸燒豆腐串 $18🔸雞翼 $32試咗幾款串燒，味道正常發揮，唔會話好大驚喜，勝在幾抵食～ 最鍾意係免治雞肉棒，雞肉餡有軟骨，口感唔錯！撈埋多汁一齊食更加香滑！
去開旺角想食下日本嘢，可以去呢間居酒居試吓～ 位於女人街，位置非常方便！餐廳裝潢都幾日式，貼咗好多日本招牌同有好多清酒樽，似置身喺日本居酒屋咁～
餐廳主打多款串燒，仲有不同飯麵小食選擇。凡點任何飯麵，追加串燒有得每串減$5，都幾抵食！飯麵最平六十幾蚊，仲包咗麵豉湯同沙律，晚市呢個價錢相當優惠！仲有二人餐都好抵食！
🔸海膽明太子冷烏冬 $98明太子迷嘅我見到必叫😂 平時都係食開熱嘅明太子意粉同烏冬，估唔到明太子冷烏冬都咁好食！而且好啱夏天食呀！冷烏冬好煙韌彈牙，明太子醬超濃郁又唔會太鹹！仲有海膽點綴，鮮甜唔腥～
🔸鰻魚飯 $88有半條鰻魚咁多！都算厚身唔會好薄，口感都軟棉，但有少少骨～ 仲有件玉子燒👍🏻 加埋鰻魚汁一齊食都幾好味！
🔸免治雞肉棒 $38
🔸冬菇 $16
🔸日本甜薯仔 $16
🔸燒豆腐串 $18
🔸雞翼 $32
試咗幾款串燒，味道正常發揮，唔會話好大驚喜，勝在幾抵食～ 最鍾意係免治雞肉棒，雞肉餡有軟骨，口感唔錯！撈埋多汁一齊食更加香滑！
張貼
