如月居酒屋 (已結業)

通菜街兩邊都有好多食店，今次去左一間新新地嘅居酒屋。而且裝修得幾清雅，坐得都幾舒服。本身想食個日式飯就算，但係見佢有串燒食(esp. 我最愛ge免治雞肉棒)，最後就叫左好多串燒。先講左飯先啦，我同男朋友叫左：照燒牛肉丼配溫泉蛋同埋咖哩炸吉列廣島蠔飯。炸蠔有5粒咁多，食過好多餐廳比3粒細細地你就算。我叫左少飯，但仍然份量都好多，唔洗驚唔夠食。之後就係我最愛嘅串燒，免治雞肉棒($38)、鹽燒白鱔($38)、蒲燒鰻魚($38)、雞軟骨($28)同埋日本甜薯仔($16)。免治雞肉棒食落口感好好，同埋最好係佢有蛋一齊上，呢個係一定要，如果唔係就唔好食。白鱔同鰻魚串都唔錯，白鱔都幾爽口，同埋唔係度度有得叫。當然，食左咁多都要飲返杯野，我地叫左菠蘿檸檬同埋白桃檸檬，兩杯都唔會太甜，解膩唔錯。