天星雲南米線

營業中

休息中

當日早左放工又凍凍地就想食一碗熱辣辣既米線🍜朋友推介一間係關注組bookmark左好耐既小店。由於時間尚早大概18:30入座唔需要等位，但走既時候大概19:15已經有一條長長人龍講返食物先，兩個人叫左兩碗米線、一份小食1. 招牌腩肉魚腐米線 (酸辣湯底微辣)腩肉份量沒在客氣，超多份量，食到最後米線食哂啲腩肉都仲有剩😆美中不足係雖然係腩肉預左肥，但當天既腩同肉既比較係肥膏較多，所以食到後期有少少"漏"既感覺。湯底係重口味之選，對於凍凍既天氣反而岩岩好，米線上枱到食完都仲出緊煙，離開成身暖笠笠~米線本身口感唔會偏硬或淋，亦不是幼身米線，整體配合得宜對於平時食開3小辣，微辣略嫌唔夠，所以枱面既辣油引起左我既注意，辣油係花椒油做底，加入米線當中不會太辣但味道豐富左，大家不妨可以加少少2. 秘製金沙骨(椒鹽)一上枱見到個份量已經覺得唔係小食，應該叫做小菜，因為舊舊都好大舊，仲足足有6舊。唔好以為叫金沙骨就只有骨，每舊都係啖啖肉，炸得好脆同juice，所以上枱時唔好急住食，會"辣"親條脷(唔好問我點解會知🫠)整體成餐飯都好好食，只係硬件上位置較少同偏迫，但絕對唔影響我再enocre!!

以前食過一次，覺得超好味，私心推介左比身邊朋友。由其佢有鴨血，炸雞排，腩肉都係必食！後來再去食，已經成日人山人海，次次去都要等位。不過唔緊要啦，好食既野要多啲人欣賞既😋😋今次下午時間去到，仍然超多人。搵到一個角落頭坐低叫左碗腩肉，響寧酸辣米線。每次食天星一定食米線，因為佢既米線係彈牙的！佢另外有麻酸辣，不過我個人喜好酸辣，佢既酸辣係酸辣各半，開胃得來唔會搶左辣味😍另外如果食堂食，一定試佢個響寧。可以浸少少湯底食，勁正！當然首要條件係佢個湯底正啦😋腩肉唔洗講，抆到勁入味勁淋，一啲都唔鞋口！10粒星！😋😋😋

網上見到有關注組推介今日見到唔算多人於是試下係咪真係咁好食事緣我係一個人，攞左籌號(4號)之後就企係門外等等左一陣有對情侶攞飛，然後再有幾個食客都係攞單人籌收銀嗰個阿叔嗌有冇一個人3號？冇人應收銀阿叔再嗌4號，我諗住應該係我啦，行上前遞籌，點知原來嗰對情侶都係4號，收銀嗰個阿叔諗左一陣，就叫左嗰對情侶入去先我真係眼都突，明明係我先到，同埋後面仲有唔少單人籌心諗算啦，等多一陣等左15分鐘左右，有兩位食客埋單心諗點都輪到我點知呢個時候有兩個女人行黎話兩位要等幾耐嗰個收銀阿叔就即刻叫嗰兩個女人入去坐呢下真係嬲，有冇搞錯？呢間野似乎睇唔起單人客喎！幸好呢個時候有位等外賣嘅食客仗義執言好大聲同我講，你唔洗指意入去啊，呢條友唔知點做野架，淨係俾啲兩人客入去食，你都唔係第一個架啦嗰個收銀嘅阿叔先至叫嗰兩個女人等一等，叫我同另一位單人籌食客入去呢個安排座位嘅經歷已經十分倒人胃口講返食物，叫左一碗麻酸辣豬軟骨黃金墨魚餅米線個湯底好酸，一飲就知加左大量醋落去，好喇喉米線偏少，芽菜得兩三條豬軟骨舊軟骨係好淋，但淋到好似食咗一堆膠落肚，好滯黃金墨魚餅唔叫都罷埋單49大元完全唔值唔會有下次

話說之前同朋友黎已經食過一次不過上次咁啱蟲草花雞湯米線賣晒今次路過就再博下啦🫣蟲草花雞湯米線 $57 😋😋柚子蜜 (少甜) 當日唔算好肚餓 所以叫左少米～雖然叫左少米 但佢既份量都唔少😂😂雞件有成7-8件 好似有成半隻雞咁 真係好抵食😂而雞件都絕對唔係比晒啲骨位你 都有3-4件雞胸阿雞翼咁 啱晒唔鐘意食有骨既我😌蟲草花既份量都唔少 啖啖米線都可以夾埋一齊食不過舖位就真係細左少少 所以攞住好多野既話就唔太建議入去食喇 因為都未必有位比你放🥹

天星米線我覺得可以算係我食過最好食嘅米線之一。豬膶麻酸辣湯米線今次叫左金沙骨麻酸辣湯米線+豬膶，個湯麻而不辣好香，不過唔係好夠酸，豬膶咬落去果下有小小爽但裡面又有小小綿好味！金沙骨之前聽朋友介紹左好多次，終於都有機會去試，佢嘅金沙骨真係無得輸，外面蘇脆，裡面啲肉好juicy 值得一食，一試難忘，上面仲加左啲辣粉真係不得了，好野味食唔停口。金沙骨麻酸辣湯米線+豬膶+可樂 埋單$70當晚放工過去1845左右唔洗等位，不過見佢就算要等位都好快唔洗等好耐。

見到米線關注組有佢份 有人龍都照排一排 不過都只係等咗半個鐘 還好吧環境細細 大家坐到勁迫 快快食完米線趕你走嘅感覺 就係香港小店格局風今次試麻辣金沙骨米線揀咗小辣多麻加咗黃金墨魚餅小鍋米線轉薯粉配金菇通菜 都係小辣多麻先講金沙骨 佢係同個米線分開上 不過因為即整 上咗碗米線好耐個金沙骨先會到 唯有食住米線等 喱個米線超好味 口感好好 煙煙韌韌又滑溜而唔係淋又唔係爽口而已 勁正 值得試 個麻辣湯係少少辣 麻味充足 湯底濃厚 好彩加咗墨魚餅可以有餸搭配下 因為金沙骨等到差唔多食哂先嚟 墨魚餅都食到墨魚粒 少少彈牙 好唔錯 終於等到主角 金沙骨面頭灑咗辣椒粉 新鮮炸起 麻辣味道充足入哂味 外面仲係脆口 肉亦都夠厚 喱個絕對值得試同等相對金沙骨米線 喱個小鍋薯粉的確失色 湯底係充滿肉碎 韭菜 芽菜等等配料 湯底過䶢 同金沙骨嗰碗米線湯底並不同 麻味都足夠 但個湯底始終做唔出麻辣湯嘅靈魂 反而似酸辣湯走酸變麻而已的湯底 不過份量都係足夠 總體而言 喱間嘢嘅麻辣金沙骨米線絕對值得麻辣控同米線控試下佢 小鍋湯底就可免啦

想不到這家米線店人氣之高, 就連下午三點的下午茶時間也要等候15分鐘, 同樣的大型連鎖米線店也沒有如此厲害. 初時我還以為這家和天星小輪有什麼關係的呢! 菜式和湯底選擇不少, 至於環境就是小店風格, 較為擁擠, 吃會就會立即埋單那種甚有壓迫感的風格.個人喜歡麻辣多於酸辣, 一上枱看見湯底紅油甚多, 就是典型的四川風味, 喝起來沒有想像中油膩, 辣和麻的層次不太明顯, 和米線關注組的大熱和好評, 有點名過於實. 鴨血和豬軟骨比其他同類店舖來說有點特別, 前者口感爽實而夠入味, 後者件頭夠大, 當中的肉和軟骨同樣夠稔夠入味, 這點比米線本身更吸引. 響鈴則沒有之前提及的配料般出色, 豆香還可以, 但質感太軟淋淋, 並不脆口, 浸入湯中沒有脆淋相間的口感, 有點可惜.Tin Sing is the new raising star of rice noodles stalls in HK rice noodles discussion group. Very crowded even at tea time and hardly find a seat to have the noodles

今日去咗旺角朋友介紹嘅天星雲南米線到試下都見有人排隊。叫咗一碗酸麻辣米線，同埋胡椒豬肚湯米線，炸金沙骨湯底正常嘅，豬紅好好味，夠入味肥牛都唔錯，蘿蔔有少少渣但係個炸金沙骨呢，就肥膏比較多，就一般般，有一嚿直頭得肥膏，食落去有啲反胃嘅感覺整體舖頭位置唔係幾好坐，非常逼夾，衛生環境亦都麻麻哋。服務水平就係一般茶餐廳水平，冇乜特別，唔會太差。不過令我回頭嘅衝動就冇咩啦，如果要排隊的話，就更加唔會嚟。希望環境可以有待改善。

剛巧工作需要，到旺角一帶活動，睇到天星雲南米線係米線關注組熱門討論的米線店之一，於是順路食吓。🎈門面有大既易拉架餐牌，但舖頭唔起眼，行過咗都發現唔到。🎈餐牌都幾多款，有部份係預先配好，例如：蟲草花雞湯米線、味菜胡椒豬肚豬潤米線等等。✨味菜胡椒豬肚豬潤米線+豬頸肉✨可能平時食開的豬頸肉是用炭燒，所以對於呢款豬頸肉有點失落，味道唔算話好豐富✨酸菜已經cut到一條一條，味道唔太濃烈，一啖湯一啖菜咁擺入口都幾正！✨同樣地豬肚已切到幼條，份量幾多下，混和埋胡椒湯底，相當入味。✨胡椒湯底不是太辣，溫度適中，好好食！🎈總結舖頭營業時間為中午12點，但未開舖前已經有客人等侯，證明店舖具有一定吸引力。定價上亦是合理、相宜（對比連鎖米線舖），食咗$66飽到差d行唔到。

今日天氣涼涼地，午餐出走去到旺角食米線😝想試下呢間個特式湯底，揀咗食胡椒豬肚湯中辣，清一清濕氣，滷水豬血豬腸夠入味😋同場試左黃金墨魚餅都不錯，都值得一試有下次！！

好少特登寫食評但今次真係要分享吓呢間米線我都鍾意食味道唔錯但係永遠隔籬枱啱啱嚟到落單碗米線快過你10倍我問過佢係咪單疊單所以遲叫嘅人係一定食先上次過分到⋯⋯我朋友叫咗碗魚米線條魚上咗個米線差唔多係我叫個碗食晒嘅時候朋友問佢姐姐可唔可以幫我跟下碗米線，佢竟然答你要幾辣咩湯底原來仲未煮，我話吓⋯佢話好快啫生意唔係咁做就算幾忙我明白，但都要講聲，唔好意思基本禮貌之後琴日叫外賣app佢有1Part 叫備注我寫住分湯冇分到，然後加錢叫檸檬茶冇比到我雖然知佢平時作風⋯但我都打電話問下⋯除咗嬲之外，都想俾意見⋯我話姐姐頭先我寫住分湯⋯佢話廚房睇唔到⋯跟住我同佢講我加咗錢檸檬茶都冇⋯俾⋯佢就講分湯要收錢㗎⋯⋯我都冇加你錢。然後我同佢講你有冇聽清楚我講嘢啊叫我而家已經唔係講分湯⋯係講，我加咗錢要檸檬茶冇比⋯佢叫我同外賣app講！我同佢講⋯你咁樣唔得個喎，可唔可以同老闆反映吓！你有乜同外賣app講⋯😡食啖氣…⋯⋯食開米線都一定想分湯你哋已經唔知你哋嘅運作⋯所以我特登寫分湯嚟到碗米線漲過我！希望姐姐如果唔分享俾老板聽希望老闆睇到改善下🙏🏻謝謝

米線關注組力推既米線之一，果然有d質素。酸辣湯同麻辣湯都做得幾濃味，米線咬落爽滑有彈性，配埋炸醬，成碗米線都算幾香，值得排隊一試。不過餸就普普通通。個人覺得湯底辣度偏辣，小辣似中辣，大麻辣似特辣，怕太辣既朋友建議叫小小辣會比較好。不過味道夠酸，湯底唔算油膩，都幾惹味。醉雞酒香偏淡，雞肉都算嫩滑，芽菜木耳杞子吸收左醉雞湯汁，充滿酒香。麻醬萵筍略為偏咸，少醬會更好。好味：3/5環境：2/5客服：2.5/5

🇭🇰天星雲南米線·呢間我哋之前食過一次㗎喇 不過個次唔知係咪因為我哋外賣 好似唔係特別好食咁🫢🫢我地見之前米線關注組推薦呢間嘅豬軟骨 話同太子執咗嗰間川之味有得揮 所以我哋就再嚟食啦🤣·豬軟骨萵筍酸麻辣小鍋米線$47 l 麻辣豬頸肉米線$50今次我哋睇晒OpenRice啲人既推介先嗌 所以兩碗我都幾鍾意😍因為我哋唔係好食得辣 所以我哋兩碗都係嗌微辣嘅 佢個酸麻辣係酸味出啲既 唔算話好辣 我自己幾鍾意 不過我男朋友就覺得佢個醋味太出 冇咁鍾意😂佢麻辣嗰個就辣好多啦 我地食到出曬汗 不過佢係辣得好有層次 好惹味嗰種嚟嘅🌶️而且佢係真係好麻 食完飲晒成杯嘢飲都仲係好麻🤣🤣之後佢所有餸都超多 而且勁大嚿😈佢個豬軟骨炆到好淋 係真係化晒 係得一舊個邊邊有啲乾 不過佢呢度嘅豬軟骨係肉嘅比例多啲嘅 軟骨唔算好多🐷之後佢個萵筍係打直切嘅 所以勁大塊 口感好好🤤🤤個豬頸肉都好好食 而且佢個邊位全部都係憹邊 超正🤩·#rbyeat#rby港式#rby旺角·📍旺角砵蘭街136號地舖

📍 天星雲南米線 / 旺角抵食大大碗🍜重口味雲南米線之選(*'▽'*)天星二人套餐優惠 $159ღ 招牌腩肉+大腸+炸醬（麻辣小小辣）ღ 台灣鴨血+豬軟骨+大腸（酸麻辣微辣）ღ 麻辣皮蛋+墨魚春卷+凍檸茶x2旺角食米線唔一定去譚仔～今次呢間都幾出色二人餐價錢非常相宜 米線同小食嘅份量都好多！大腸一碗有成10舊lol 仲要每舊都好肥美😘鴨血同豬軟骨各兩大舊 食落好滑同勁入味！腩肉反而失望 之前睇相好似好厚身 但原來都偏薄不過食落啲肉質都好淋 唔會話好肥👍🏻小食墨魚春卷亦炸得好香 咬落有墨魚肉好彈牙！湯底方面 麻辣較出色～飲落豬骨味香濃 唔係好鹹不過我稍嫌鋪頭衛生情況唔算太好 可以改進🤪回頭指數😼4/5（出色米線(´∀｀)

由於今日落雨, 所以就同同事叫外賣返公司食, 湯底方面叫左中辣, 叫左兩個餸 腩肉 + 蟹籽丸 , 唯一缺點呢度嘅腩肉比較肥 , 不過湯底真係好濃味, 好滋味 , 所以令我成日幫襯, 如果叫多麻更加好味