天星雲南米線

營業中

休息中

呢間鋪平時經過好多人，今日放假1:30黎到諗住唔會等好耐，去到拎飛我前而仲有5張枱，諗住會好快點知5張枱都要等7個字店主叫飛號又唔係出門口叫，係門口收錢位好細聲咁講，完全聽唔到佢叫到幾多號姐係要一直企門口先會聽到佢叫到幾號，如果唔係就要成日行去佢度問佢叫到幾多號咁熱嘅天氣企係佢地門口等真係熱死🥵終於比我地等到入去，即刻叫野食豬軟骨黃金墨魚餅酸辣米線$47-首先要講下個湯底好鹹酸味唔夠，豬軟骨嘅肉一啲鞋一啲林唔叫好食，黃金墨魚餅我仲諗住會係炸完放落碗，原來係就咁烚熟佢加落去台灣鴨血蟹籽丸芝士丸酸麻辣米線$56-湯底都係偏鹹無咩麻辣味個鴨血食落根本似豬血，佢係硬身鴨血唔係林嘅鴨血叫左凍0茶少甜，甜到飲唔到大熱天時等左7個字嘅米線一啲都唔好食

中午岩開鋪黎 都已經差唔多滿座坐低嗌左兩碗米線米線都等左三個字先黎一路等個陣都聽到好多人幫襯嗌外賣—————————————————————-酸麻辣小鍋米線 雞翼尖 鴨血 炸醬（$56）湯底濃得黎唔會過鹹 麻味酸味足食完野一陣走之後都唔會話好頸渴雞翼尖有滷水味鴨血無異味 口感爽滑炸醬肉質偏瘦 但味道唔錯米線煮得軟身但咬落都有煙韌既感覺麻辣小鍋米線 豬軟骨 豬潤（$47）湯底嗌左小辣 唔會好多辣油哩兩個餸都係見人推介所以嗌的確無令我失望豬軟骨軟冧入味 豬潤鬆軟幾爽口 ——————————-係坐得迫少少價錢亦唔算好平但係係好食既 會回頭 值得一試下次黎會再嗌佢既豬軟骨

店名：天星雲南米線 (旺角) （評分7.5/10 ）👍🏻地址：旺角砵蘭街136號地舖環境（評分6/10）擠逼豬軟骨（評分8/10 ）🐷色正常香肉香、油香、香濃豬軟骨味味夠甜、夠鹹、油香、有肉汁、入口即化米線（評分7/10） 🍜色正常香正常味滑麻辣湯底（微辣）（評分8/10） 🌶色正常香辣香味店舖辣度分為勁辣/大辣/中辣/小辣/小小辣/微辣個人點微辣，夠辣湯底有肉碎令湯底有肉香、更鮮甜有韮菜、莞茜、芽茶，有蔬菜清甜，感覺更健康

企鵝妹作為米線嘅狂熱fans，當然要去呢間米線關注組推介嘅米線試下la! 佢地除左麻辣米線出名，d小食都好多人叫!!⭐️麻辣金沙骨豬軟骨米線 麻辣小小辣 $62麻辣湯底幾濃郁，唔會死鹹，亦有麻香🌶食開譚仔5小辣嘅企鵝妹，喺呢度食小小辣覺得幾溫和(對下一級仲有微辣)，唔會食到流晒鼻水😂當然想刺激d 可以叫辣d豬軟骨炆得好入味鬆化，麻辣金沙骨會另上，跟餐配4大嚿，炸得酥脆，有d麻辣粉喺面幾惹味。不過企鵝妹之前試過外賣食就覺得炸粉太厚同冧晒，炸野都係要襯熱食!!!!!另外一碗米線配左豬頸肉，呢款就唔太推介，豬頸肉偏乾身同硬，除左面頭嘅麻辣粉，覺得豬頸肉本身冇咩調味🙈⭐️麻辣椒鹽雞翼 $32/4隻叫左兩隻味試，企鵝妹鍾意椒鹽多d，雞翼同樣炸得酥脆，入面有肉汁🐧企鵝妹食後感:呢間米線嘅口味都幾啱企鵝妹，仲有香口小食可以加配，嗰日企鵝妹同👦🏻叫左兩碗兩餸米線加雞翼，食到捧住個肚走😂值得encore!!🐧企鵝妹推介指數: 8/10

在網上的米線關注群組中，這間「天星雲南米線」的米線評價相當不俗，這天路過，正好試試它。這天中午到來，店內幾近全場爆滿，生意真的很好，幸好我只得孤身一人，所以不用等位，仍可即時入座。點了「小鍋米線」（$47），兩款基本餸料就揀了「豬軟骨」和「台灣鴨血」。至於湯底，麻辣不是我杯茶，清湯又太平淡，這天心情不太好的我，就揀了微辣的酸辣湯底，希望用少許的辣，多多的酸，激活我的味蕾與心情。這「小鍋米線」因為我走了芫茜，所以碗內的豬軟骨和鴨血清晰可見，呷一口橙褐色的酸辣湯，但覺辣度輕微，所以酸味特別突出，把湯喝下，竟有點似在喝上海館子的酸辣湯。這刺激度主要在酸不在辣的湯底，也許嗜辣的客人會覺得不夠味道，，但對我這個又愛吃辣又吃不得辣的人來說，卻是相當喜歡。至於配料方面，兩大件的「豬軟骨」確是不錯，軟腍入味，而且骨膠原豐富，兩件厚切的「鴨血」雖然味道較淡，都算軟滑，加上口感適中，不會加於軟柔無力的米線，水準著實不差，怪不得生意這麼好了。這米線店，吃得過！

之前偶爾經過見到呢間米線係lunch hour被人群包住就決定去試吓~ 點知去左兩次都因為堂食/外賣人太多而failed左，今次又心血來潮去碰碰運總於成功了！配餸種類好多樣樣都想試，難得有台灣鴨血，就試試麻辣台灣鴨血豬軟骨米線(麻辣湯底、小辣、走芫荽) ！等左五分鐘，一碗熱焫焫，餸菜同湯底滿潟嘅米線就端上！先講湯底，麻辣湯底香噴噴而且呈亮麗橙色，麻嘅感覺慢慢滲出，唔算好強烈但夠哂過癮，的確出色~跟住就係米線，份量超多下次可以叫少米。米線完全吸收麻辣湯底嘅精華非常入味，個人鍾情較硬嘅麵食所以如果再硬同爽口d就perfect。伴隨湯底嘅酸菜、芽菜、韭菜、炸醬為麻辣湯同米線加添左適當嘅酸度同口感。再嚟配餸，兩款都非常足料而且惹味！鴨血兩大舊，咬落去爽滑富有口感，非常入味，正！豬軟骨更有驚喜，三大舊醃得非常淋，多肉之餘又有軟骨嘅咬口同小許肥膏嘅油脂感，高汁高汁！見到隔離台叫左黃立倉酸辣湯米線同金沙骨，超特別同罕有，等我下次lunch同同事嚟再戰試試先~Menu-

📍天星雲南米線呢間已經第二次嚟啦🤓上年食嗰時覺得好正🥺飽到頂唔順好滿足咁走，但今次食嘅時候感覺好似無之前咁好食🥲間鋪俾米線關注組關注後，要等嘅時間勁長😂兩個人都等咗差唔多半個鐘～❤️酸辣腩肉炸醬米線（$47）🌟如果要食推呢個多啲！湯底酸辣味濃郁，但又唔會食到勁扯水飲，薄切腩肉片配酸辣湯底幾惹味🤤略嫌腩肉片有少少韌。❤️酸辣豬軟骨蘿蔔米線（$47）份量超大，豬軟骨煮得好冧！蘿蔔冇渣係基本啦🤓過關！但係呢碗嘅湯係清好多🥲。。想食濃郁酸辣味道較好嘅就揀腩肉炸醬嗰碗啦！❤️豆漿（+$6）奶茶（+$5）個豆漿包裝好有老式早餐店嘅感覺，一啖酸辣米線、一啖甜豆漿，爽！-💚Service 朋友✅咗走芫荽，結果送到黎都係有😂可能太好生意，成個樓面都係混亂嘅感覺🆖一堆樓面，但叫落單都係嗌咗幾次先聽到。。-💰人均消費: $50-60♟ 旺角廣華街38號地下

🍜酸辣豬軟骨蘿蔔、鴨血(+$10)米線（小辣）$57佢每樣餸都幾大份 豬軟骨大大舊 不過燜得稍淋 軟骨有D黏黏地嘅感覺 食落似牛筋 不是爽脆的 不過味道不錯 都幾入味 蘿蔔就不過不失 唔算太清甜 而鴨血 肉眼可見 都係非常大舊 食落幾滑 可惜味道不太夠 至於湯底 令Sa妹好失望 又唔酸又唔辣 最重要一環失分🐔蟲草花雞湯米線+海帶 $64Menu上係有兩個手指公👍 Sa妹Expect應該都係店內王牌 但黎到一試個湯底 完全唔係個回事 味道非常淡 而且同坊間養生湯底差天共地 唯一值得讚嘅係佢嘅雞件 件件都幾滑嫩 而且雞味濃 🌶️口水雞 $50小食黎講 尼兜口水雞都幾貴 同米線差唔多價錢 再講返佢嘅味道 D辣汁完全滲入唔到雞件入面 而且辣汁本身都唔辣 Sa妹瘋狂點辣汁都係覺得無乜味 友人唔係好食得辣都有同感 建議店家可以嘗試換下其他辣醬…..

呢排入左米線關注組跟人地搵下食，今次試下天星先。三點幾去到，餐廳入面已經係滿滿既食客，好在第二張枱就到我地🥰🥰幸運。揀左酸辣湯底，必試豬軟骨，仲有豬潤有驚喜，豬軟骨好林，好好味。湯底覺得可以再酸啲😍豬紅炸醬酸辣湯米線豬紅入晒味，出面有啲鋪頭真係白烚咁🙄🙄呢度係食得出有處理過👍炸醬都好夠味$47 任選2餸米線，個人認為cp都幾高，雖然豬軟骨係得兩舊，不過係大大舊所以食落都好夠，而且豬潤都唔小！咪睇個碗細細，米線份量好多而且有咬口呀。會再返黎食

我都係睇 米線群組 後先知有呢間餐廳的存在. 呢排見太子區有間米線店最近結業, 所以就好想食米線...首先講下等候時間, 剛開店 (12點) 第一鄰差唔多每個客都要等 30 分鐘以上先有得食. 有些客等得太耐而投訴. 我諗係唔夠人手(廚房), 同埋有些單的次序亂左? 講真, 又真係太多客, 呢樣都唔可以怪間餐廳..我就由落單等左 40 分鐘左右先有得食.. 我隔離就等左10 分鐘左右就有得食, 但第一位入坐的客人反而遲過我先有碗麵... 又有枱客因為放lunch 要趕, 等左 30 分鐘後決定離開. 我諗老闆應該提醒客人俾佢地知有心理準備要等 30 分鐘或以上.食物方面, 酸湯底真係好正.. 今日係我第一次食, 已經令我覺得回味無窮, 絕對係top 5.. 碗米線配腩肉 (係五花腩) 真係一絕. 炸醬都好味. 豬軟骨就冇想像中咁入味, 但都還可以. 點都好, 只要係好食, 我都會再幫襯.而呢間餐廳, 的確logisitics 方面有進步空間, 但只係講食物就絕對交足貨!

麻辣鴨血豬軟骨米線湯底有啲失望 唔夠麻辣😅份量就好足夠豬軟骨都好淋身酸辣豬軟骨蘿蔔米線蘿蔔好淋身都好入味朋友都覺得湯底就麻麻地米線偏淋身 啱我口味雖然湯底唔係特別出色不過如果行開旺角都會再去食

天星雲南米線個名係幾得意嘅O(∩_∩)O黃立倉米線$62魚肉都OK 比我想像中大條嘅另外朋友試咗個麻辣肥牛響鈴米線響鈴滲晒啲麻辣汁惹味 不過肥牛就少咗啲裏面話大唔大 又唔算細

出開旺角，行行吓本身想去食餃子，點知冇堂食，就去咗食米線🤩🤩呢間米線關注組都時時有人出post，久仰大名好耐，終於食到😂😂叫咗碗麻辣豬頸肉（轉清湯）因為我驚太辣🤣🤣再加多2款餸，雲吞同豆卜😍清湯都好好味，絕對唔係味精湯，似豬骨湯，豆卜入晒味！好正！雲吞都唔錯，主角豬頸肉先係重點，上面有辣粉，好惹味🤩🤩好食👍🏻👍🏻👍🏻朋友叫嗰碗亦都超正🤣小鍋米線有肉碎🤩我都食咗啖！好香！好味！有雞翼同腩肉，仲加餸叫咗墨魚餅，好好食，好食到相都唔記得影😂😂😂另外梗係要叫多樣小食啦！揀咗好多人都介紹嘅秘製金沙骨（椒鹽味）🤩🤩真係好食👍🏻炸得剛剛好，份量都多🤤必推介😍

米線愛好者一定試過依間啦～我都係慕名而嚟試吓～雖然鋪仔細細～聽講個湯底好正～兩餸米線一律$47台灣鴨血豬軟骨酸辣米線～秘製湯底真係好正夠酸夠濃～配酸菜、韭菜、芫荽、芽菜～台灣鴨血大大嚿～好入味同普通車仔麵豬血差天共地～二大舊豬軟骨煲得好淋好入味～咬落去軟骨好綿招牌腩肉大腸酸辣米線～豬大腸都洗得幾乾淨～入味又淋～切薄片嘅腩肉唔會好韌～加上吸收左湯底嘅味正外買各$2～跟餐加$5熱奶茶外賣$49嘅二餸米線偏貴～但係湯底真係好正值回票價

近期米線關注組嘅人氣米線舖頭之一店面細細 但都好高人氣 我都慕名而來😂😂當日去到大概下午茶時間，所以我決定買個下午茶返屋企😂落單情況有啲混亂，叫佢阿叔喺門口負責收錢同落單但佢思緒應該係混亂嘅 前後嗌咗3次先寫到我食咩 但最後都係錯🤡🤡🤡下午茶係兩餸米線腩肉豬軟骨麻酸辣小辣 本身想轉紅薯粉，但阿叔落錯單😬所以無緣阿叔話下午茶同正常嘅分別係餸嘅多少以下係下午茶份量，但覺得其實都好足夠😂麻辣嘅味道比酸辣嘅味道更加突出唔係好食到酸辣，湯底表面雖然好油，但係去油後 會發現湯底非常之濃稠同一般米線舖嘅湯底非常之唔同豬軟骨當然係川之味最好食啦😂但呢度嘅豬軟骨都唔太差 有3舊之餘 軟稔程度未去到入口即溶，但係都已經唔使點咬😂😂腩肉份量都好多，好肥😂😂 個味道小辣ok仲送咗舊豬大腸😂但係稍為韌咗少少🤏同冇乜醃製過嘅味我會再食嘅！希望下次可以落到個啱嘅order啦😂😂