天外天

家人放假，所以訂了在ICON Hotel 天外天飲茶，可以一面欣賞美麗嘅維港，一面食嘢，正🤩因早到了，我們第一枱被安排坐位，之後我們點了：牛肝菌燒賣 （一般燒賣，無特別）肉崧臘味蘿蔔糕 （沒有臘味嘅蘿蔔糕）鮮奶蛋撻仔 （Pie & Tart 好食啲）陳醋蛋白蟹肉餃 （樣靚但蟹肉乾身，皮較厚）茶美豚酥皮焗餐包 鵝肝咸水角乾炒安格斯牛肉河粉 （同茶記水準差唔多）點心名字改得好，但食物質素一般，用料也絕不特別，以呢個價錢就有啲偏貴；但可以一讃係龍井茶好香，這個不錯👍🏻另外服務員嘅服務也有待改善，因為他們會大聲談話，令到環境有點嘈吵，感覺唔良好，沒有再去嘅衝動

♥ Hotel Icon 頂層中菜廳 天外天 出名點心精緻除了覺得點心水準高也發現環境不土氣 屬於優雅新派大玻璃窗外且有一流維港景觀人流不多 所以感到非常舒適午市時間 點心可以單點或選套餐今次就試了其中一款套餐 點心午市套餐 每位$318。五香安格斯脆腩片👍🏻。海膽豆腐春卷、香麻松茸焗又燒酥、竹笙上素餃👍🏻。是日精選老火湯。蝦皇醬野菌龍躉球👍🏻。薑蔥火鸭撈刀削麵。精選甜品菜色是一份接一份上的所以食用時可以專心品嘗希望下一次來試試單點點心

飲茶~如果有得訂到窗邊位仲好！有景睇，大家可以早少少book!唔知食咩好就叫咗一個商務餐再散叫少少點心🤪粉紫色嘅餃好靚吖🤣🤣🤣好夢幻🦄佢個煎腸粉排得好靚個炒飯係最好食，炒得好乾身，粒粒分明，下次我會再黎過

Long stay 期間來天外天品嚐他們的點心，有八折優待。今次中午來，和之前來食晚飯氣氛不一樣。各有各精彩。始終看到維港風景是一大賣點。雖然不是坐在落地玻璃隔離，但亦近距離看見海景。一路嘆一盅兩件，一路睇無敵大海景，心情都特別靚💕。餐前小食是琥珀合桃，之前來食晚餐時都試過，超級回味！一見到佢已經開心😄。另外叫咗壺20年的熟普洱茶，好香醇👍🏻鵝肝鹹水角是推介之一。不像一般的油冧冧。微脆的外皮，配足料的內餡。一流呀～👍🏻這個牛肝菌燒賣，咬落去啖啖爽甜蝦仁，加一陣陣的牛肝菌香味。喜歡食燒賣或牛肝菌的朋友可以考慮試吓👍🏻。這個肉鬆煎蘿蔔糕都非常野味，蘿蔔糕是一粒粒，煎得個皮脆而不乾，配埋肉鬆好夾啊👍🏻這個龍蝦餃超級精緻高貴！靚到有啲唔捨得食呀😅。好好味，真材實料💕在這裏用餐很舒服，服務亦非常好。大讚👍🏻

🎉慶祝家人生日，所以去左hotelicon staycations ~由於package 有包餐飲券所以dinner就揀左食中菜～「🌃靚景·好服務·精緻嘅中菜」就係-「天外天」-是次點左「🦆片皮鴨晚市套餐」、由頭盤到甜品一共有6道菜～「🥒川汁青瓜帶子、原隻鮑魚雞粒撻、蜜汁叉燒」作為頭盤係一個非常好嘅開始👍🏻由淡到濃味～青瓜帶子微辣但清新，非常開胃～鮑魚雞粒撻，鹹甜鬆脆煙韌嘅配搭，每一part都無可挑剔，證明佢哋嘅點心做得出色🌟🍯蜜汁叉燒、蜜味濃叉燒又夠軟夠冧，靚叉就係要咁嘅質素！「🦆港式片皮鴨」認認真真呢個我唔抱太大期望，因為之前都見到好多人嘅feedback 都唔太正面～但試後我又覺得唔差喎🤔質素未達專食片皮鴨專門店個種咁好食，但比好多中菜餐廳做得好～個點心皮熱辣辣做得又薄又夠滑，包起鴨嚟食一流😋😋至於重點隻鴨，味道ok冇鴨羶味，❌敗筆係皮唔夠酥脆，鴨肉偏鞋口唔夠Juicy～「🐦鹿茸菌竹笙燉法國鷓鴣」💯分嘅燉湯，大大力推薦🌟🌟🌟🌟🌟鷓鴣肉有自己獨特嘅味道，肉質都好甜好嫩～仲高蛋白質、低脂肪，營養豐富又滋補～而個鹿茸菌一打開個蓋菌香味香氣四溢～🔥燉嘅火候又足夠，啖湯真係好好飲，暖入心呀

適逢在Hotel Icon long stay 中，有dining credits 之餘住客還有八折優待。選擇了和朋友們一起去他們的中菜館天外天用餐。這個餐前小食琥珀合桃超好味！香脆可口、甜度適中、零油益味。一個非凡的好開始👍🏻。這個咕嚕肉做得非常好，炸醬夠薄，肉質肥瘦適中，個汁甜酸度亦調教得有水準。這味手工菜，香煎百花帶子，是將魚肉釀落啲帶子度，很新鮮的配搭！片皮鴨翼鬆脆可口，我們很好滿意👍🏻食咁多肉，要叫返碟菜平衡一下😊環境好舒服，當晚坐在窗口位，一路品嚐美食、一路欣賞維港夜景，超正的享受！入坐前其實發生了件小事情，簡單來說接待的後生女態度有些小問題，和他的上司反映後，餐廳最後很有誠意地請我們吃甜品來致歉。初初看見他們的甜品menu分中式和西式，但細心看看，其實係中西fusion, 例如紅桑子乳酪小籠包，係用白朱古力做一個脆的外皮，包住裏面的紅桑子乳酪。好有創意！我們還試了他們的荔芋燉蛋白，好香好濃！還有精緻的檸檬撻配榛子窩夫和柚子西米香芒布甸，每款都滋味無窮👍🏻。

天外天位於hotel icon嘅28樓，坐擁180度維港景，景色一流，而且餐廳非常寬敞，同隔離枱有一定距離，坐得非常舒適。不過如果係為咗食物同服務嚟嘅話，可能會有啲失望，個人認為呢間餐廳除咗景色之外，冇乜太大驚喜。先講服務，可能人手太少，見到佢哋三個人要照顧五張枱，未免有啲手忙腳亂，waiter A呢頭擺低酒杯，waiter B又會幫你收返酒杯，毫無默契。而且上菜速度亦都唔係根據客人食嘢嘅速度而定，明明食緊前菜，無啦啦又上咗主菜，又或者等第二道菜嘅時候要等15分鐘，又快又慢嘅上菜速度好難拿捏。食物方面亦都未見驚喜，普通中餐廳嘅質素。我哋食咗佢嘅set menu + wine pairing。前菜有辣椒醬帶子，鮑魚撻同埋叉燒。帶子係凍嘅，有少少奇怪。叉燒皮脆肉嫩，雖然未做到表皮焦脆，但係微暖嘅叉燒真心唔錯。鮑魚撻嘅鮑魚可能我唔識貨，但應該係普通罐頭迷你飽。主菜嘅片皮鴨嘅餅皮做得唔錯，不過稍嫌佢嘅sauce 偏甜，搶晒片皮鴨嘅味道。玻璃蝦球好好食，煮得非常香口惹味。正當全晚都好失望嘅時候，竟然炒飯有驚喜。蟹肉炒飯非常足料，吵得非常乾身，係全晚嘅重點之一。楊枝甘露似係食緊椰汁西米露，如果落多

✨金箔松露龍蝦餃金箔點綴下賣相感覺更加貴氣松露片 松露醬略嫌香氣不足 味道唔突出龍蝦餃 餃皮 厚薄適中 口感帶煙韌龍蝦肉爽彈 鮮甜 有汁 整體味道唔錯✨黑金鱈魚餃賣相一樣咁搶眼突出鱈魚餃 餃皮 厚薄適中鱈魚肉 嫩滑 超多汁 鮮甜口感豐富 仲會食到啲一少片鱈魚肉整體味道唔錯✨魚子翡翠帶子餃面層有幾粒三文魚子點綴帶子餃 餃皮 厚薄適中 帶子 爽甜 都幾厚身 多汁味道唔錯但相對前兩款普通啲✨鮮果芝麻海鮮筒面層 鮮果 香甜芝麻海鮮筒 層次豐富外層 口感軟糯帶少少煙韌 有啲似煎堆內層 包住蝦膠 鮮味 口感彈牙✨黑松露蛋白炒龍蝦球黑松露 味道一樣唔太突出龍蝦球 肉質爽彈 味道鮮甜炒蛋白 調味適中 唔會水汪汪但口感略嫌唔夠嫩滑✨脆皮炸子雞炸子雞 皮薄 香脆肉質鮮嫩 有雞味 調味適中 唔會過鹹除咗雞翼雞背之外 其他都起咗骨啖啖肉方便食 但比我感覺呢度唔足半隻雞✨柚子西米香芒布甸柚子肉 清香唔酸香芒布甸 芒果肉香甜份量都幾多布甸 香滑 奶味香濃 質感啱啱好 唔會過實 口感彈牙✨荔芋燉蛋白芋蓉 幼滑 芋頭味唔算好濃燉蛋白 好香蛋白味口感嫩滑整體唔太甜 清清地唔錯食物唔錯 蒸點點心相當出色環境唔錯 擺枱幾濶

這次到訪 icon hotel Staycation 包含於 中菜廳 天外天 吃港式片皮鴨餐 🦆🦆餐廳位於酒店 28樓 整體裝潢 典雅高端 大部份餐桌都靠落地窗 無阻擋 可邊用餐 邊享受維港景觀 讓人客放鬆心情 去享用美食 🍷🍷川汁青瓜帶子 🥒🥒原隻鮑魚雞粒撻 🦪🦪蜜汁叉燒 🐖🐖港式片皮鴨 🦆🦆鹿茸菌竹笙燉法國鷓鴣 🍄🍄大千爆蝦球 🦐🦐蒜香帶子蟹肉炒香苗 🧄🧄楊枝甘露 桂花糕 合桃酥 🍪🍪很多朋友 不大認同 米芝蓮的標準 我却比較相信天外天 沒有米芝蓮垂青 論裝潢 舒適程度 服務其實不錯 食材新鮮 但廚師巧手程度 却差了一點點 今晚的那個蝦 新鮮彈牙 竟配上洋蔥 辣椒及豆豉 我不說難吃 但真心不太搭味 浪費了鮮食 👨‍🍳👨‍🍳而其他出品 大致上美味 但欠缺那種 驚艷的感覺 😲😲這次餐食體驗 我認為水準是達標的 但品味觸覺却有待改進 可能亦是這些因素 得到不少獎項 就欠了個米芝牌 🏅🏅

想講每一道菜都好好味由頭盤開始1️⃣川汁青瓜帶子、原隻鮑魚雞粒撻、蜜汁叉燒Juicy, juicy and juicy 🤤 連細細碟嘅蜜糖合桃都食到停唔到🤣2️⃣港式片皮鴨呢個理應係主打項目，不過略嫌鴨唔夠熱不過啲餅皮每張有紙隔住唔會痴埋一疊都係有心思嘅3️⃣鹿茸菌竹笙燉法國鷓鴣好正嘅燉湯，一打開個盅蓋就飄來陣陣嘅香氣。味道一流4️⃣大千爆蝦球到呢個位已經開始飽🤣係香濃嘅，唔錯，印象唔太深刻5️⃣和牛炒飯由於本人對蟹敏感，所以餐廳幫我轉走咗蒜香帶子蟹肉炒香苗做和牛炒飯。多謝呢個安排，因為我真係好鍾意食炒飯🤣炒飯非常出色，粒粒乾爽，每粒飯都有香濃牛肉味，好味程度拍得上香格里拉香宮炒飯😁6️⃣楊枝甘露配美點雙輝應該係我食過最好味嘅楊枝甘露，水果非常新鮮，淡淡椰汁香味，就算當時十分飽都要食完佢以示欣賞🤣合桃酥&桂花糕幾好7️⃣壽桃🤣多謝，實在太飽，影完相就打包咗返屋企，未能現場品嚐

一直對Hotel ICON嘅印象就只係佢一位難求嘅自助餐，朋友介紹話原來呢度都有中菜食，一於過嚟試吓餐廳位於酒店頂層，可以瀏覽大半個維港景色，用餐區係一個比較長同窄嘅長方形，而且樓底唔算好高，所以都幾應聲，成晚都覺得幾嘈首先嚟到嘅係店家招牌之一片皮鴨，據侍應介紹佢哋係用小米鴨，擺盤賣相不錯，鴨肉略帶粉紅，目測冇乜皮下脂肪，麵皮隨蒸籠附上，厚薄適中，口感正常單獨吃一件鴨肉試試，可惜被它粉紅色的外表欺騙了，鴨肉偏乾，肉汁欠奉，皮唔脆亦唔香，而且溫度只有微暖，估計切片擺盤到上枱已經經過一段頗長時間跟住片皮鴨第二食， XO醬鴨鬆生菜包，同樣鴨肉肉質偏乾，而且調味不足，好彩有少少XO醬嘅辣味帶住，比較值得一提嘅係生菜，清甜爽脆而且每一塊都係一個碗仔嘅形狀，食得非常方便老實講，呢個片皮鴨二食連加一索價過千元，會對佢有高啲嘅期望，可惜質素卻不似預期，甚至可以說是大失所望，坊間好多酒樓兩百零蚊一份嗰啲都做得好食過佢再上五香安格斯脆腩片，同樣有溫度不足嘅問題，腩片都有少少脆，略有牛味，但同樣肉質偏乾，亮點係伴碟嘅醃菜，爽脆酸香，再一次配菜比主菜好食焗釀蟹蓋，蟹肉都唔少，略帶鮮味但係就焗得唔係好夠香蝦油蟹

Quality dim sum with an amazing view, and actually decently priced given it’s a hotel with a harbour view. Highly recommend the 😍shrimp dumplings (super juicy with a refreshing touch from the bamboo shoot) and 😍the steamed pork dumplings with Porcini mushrooms (love the Porcini touch, amazing aroma!). The crab dumplings were okay, lovely crab flavour but not outstanding. The springrolls were nice too but couldn’t tell it had a sea urchin flavour. The custard bun was nice and the perfect dessert

同frd食呢間中式餐廳慶生 呢間景唔錯 食物同服務都幾好!! 港式片皮鴨: 片皮鴨燒得好脆 塊wrap夠薄 好食👍🏻五香安格斯脆腩片: 將安格斯牛腩切到好似叉燒咁 食落口感一流 安格斯牛腩牛味亦十足💕蜜汁叉燒: 口感好淋 肥瘦適中 燒到微焦 加上蜜汁 送飯超正金盞玉如意: 食咁多肥膩野 食番d菜先🤓 炒得好爽脆 唔太油!Booked this amazing Chinese restaurant to celebrate my frd’s bday! It has a stunning view, with exceptional service and delicious food! Hong Kong style Peking Duck: Cripsy skin, thin wrap, awesome! Cripsy Five Spice Sliced Angus Beef Brisket: Nice texture - Angus beef brisket was evenly cut like char siu. The sauce has taken the dish to

為食貓🐱週末同屋企人去天外天嘆茶☕位於hotel ICON最高層，即28樓嘅Above & Beyond🌫️一早book咗窗邊位，望住維港嘆茶特別chill~今次我哋嗌咗:北海道牛乳奶黃流沙包 $62👉🏻牛乳🐄圖案，熱辣辣嘅流沙包，最啱打卡! 📸巴馬火腿鹹水角 $68😍👉🏻鹹水角唔會太鹹，皮薄餡多，配上巴馬火腿，非常match!牛肝菌燒賣 $60😍😍👉🏻個人好鍾意食蘑菇，但係唔講唔知有蘑菇味，只係覺得燒賣好香!同平時唔同!!😍同時唔會遮蓋燒賣嘅蝦味，蝦新鮮、足料!話梅浸豬手 $88👉🏻 話梅汁唔會太濃，為食貓🐱本身唔太鍾意豬手🐖，都覺得容易入口👍🏻脆皮海皇腸粉 $88😍👉🏻脆皮腸粉另附豉油，共六件，每件炸兩腸粉均勻，腸粉薄身滑溜!豉油偏甜，本身唔太鍾意食腸粉嘅為食貓🐱都覺得好好食🤤荔茸燒鵝酥 $68😍👉🏻 熱辣辣嘅酥皮，又脆又薄，完全無平時食完油膩、好滯嘅感覺👍🏻香蔥煎鍋貼 $48👉🏻煎鍋貼相對無咁有特色，有醋提供~豉汁煎釀青椒 $68😍👉🏻酒店整嘅釀青椒特別好食， 無辣味亦無魚腥味，醬汁非常match!🤤金沙椒鹽豆腐 $72👉🏻椒鹽豆腐就正常發揮，同樣皮薄，外脆內軟。鍾意食豆腐嘅就嗌啦

上一次嚟天外天係兩一枱，今次放寬咗可以同多啲朋友食多啲點心😀我們被安排坐餐廳的另外一邊。平日點心款式比假日少。餐前小食琥珀合桃係我至愛，每人一小碟，鬆脆少少甜想食星期六、日先有嘅鮮蝦錦鹵雲吞，侍應提議我哋食同一樣汁醬味道，但鮮蝦轉咗麵筋嘅素食。鍾意醬汁酸甜度適中，但我更喜歡食🍤🦑🥩等材料😂外型似普通芋角，食落冇一口油，陣陣燒鴨香味又唔會蓋過芋頭味春卷皮包住搞爛嘅豆腐去炸，食唔出有海膽味，朋友就話有少少蝦味。清甜的瑤柱雞湯加蟹肉，餃子皮薄，略嫌餡料太少。用瑤柱XO醬、醬油煎，每一條腸粉都好入味，加埋瑤柱一齊食。食完隻碟都冇乜油。即叫即焗，雪山皮外表，薄薄的皮包住淡淡黑椒味和牛、洋蔥粒😋