大邊爐火鍋店

營業中

休息中

今日天氣突然轉涼，打個邊爐最合時，朋友介紹九龍城大邊爐幾好，一於去試試。.餐廳每張枱都很闊落，唔怕冇位放食物，坐得舒適。.湯底：冬瓜瑤柱湯 鍋底有很多瑤柱，冬瓜還有豬骨，十分清甜，撈起豬骨帶点肉，食落很淋，連湯都咁新鲜，唔錯。.食物：✨️黑毛豬肉質軟稔， 肥瘦適中，望落已經覺得好靚✨️蝦丸拼墨丸口感彈牙鮮味十足✨️筧菜带子餃✨️鲜蝦水餃✨️豆卜，豆腐同娃娃菜✨️魚容麵及出前一丁每碟都份量十足，兩款餃子很足料大大隻。

近排天氣凍，日日都好想打邊爐😖聽朋友講呢間唔錯所以就去試下，原來係九龍城已經開咗19年嘅老店🥳餐廳亦都啱啱裝修咗，地方好大坐得舒服，職員都好熱情😛.🥘湯底(自製沙嗲鍋) $88終於食返個似樣嘅沙嗲湯，真係好濃好濃，勁多花生碎係煲底😍.🥘火鍋配料 配料多選擇唔在講，仲要有刺身食，睇隔離枱嗰啲大大盤好新鮮😍不過小編屋企人唔食魚生，所以就齋打邊爐，一樣好正🥺最推介係桶蠔、肉眼邊肥牛、墨魚滑同埋四色餃，全部都同個湯底勁夾，食材非常新鮮😳食物質素始終同放題冇得比😗.💰人均消費: ~$500.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

走進這家邊爐店，首先俾個舒適的環境掃走一身疲憊，侍應嘅迅速服務仲係咁得意咁稱心，一坐低，就準備好好嘆一頓。事不宜遲，直頭點了那個網友口中讚不絕口的陝西馬尾牛，真係一試難忘。佢嘅肉質柔軟得黎入味，無需多餘調味，本身嘅鮮美已經啖啖都係滿足。話說返手切肉眼邊肥牛，這款真係正到爆燈，肥而不膩，肉質層次分明，蘸住特製醬汁，咬落去彷彿聽到幸福嘅味蕾鼓掌。通透嘅冬瓜瑤柱湯底，清爽得嚟帶點甘甜，完美中和晒肉類嘅濃郁。來到小食，時令西洋菜餃個填料多得嚇人，新鮮西洋菜加上嫩滑魚肉，嗚呼哧唔，真係好想再嚟多幾碗。三寶丸中嘅手打墨丸同陳皮牛丸係呢度嘅鎮店之寶，香香鮮鮮，食落去每一啖都讚嘆連連。最後話說，即使系普通嘅三秒腐皮，佢哋都處理得恰到好處。沾上自製沙嗲醬同酸菜，簡直係美味嘅雙重享受。今次嚟呢度，真係為我嘅味蕾帶嚟一次愉悅嘅旅程，留低深刻印象。下次呢，又有理由同三五知己再聚頭盡情享受呢個美食天堂啦！🥰🔥🥳

前排天氣凍，又係時候同朋友去打邊爐，呢間開業19年的人氣火鍋老店係九龍城都好出名，餐廳環境比較老派但坐得好舒服，食物質素高，服務都好好，值得一試泰式冬蔭公湯底 $88冬蔭公味道濃郁，入面加左香茅、番茄、肉等配料，味道清清地又帶點辣，好有驚喜三寶丸 （牛、豬、墨） $108佢地有好多丸選擇，三寶都好彈牙，自己特別鐘意牛丸，口感彈牙爽口，墨丸入面有墨魚粒三拼雜菇 $50山水豆腐 $26三秒腐皮 $68另外叫左啲吸湯既配料，豆腐大大嚿好嫩滑，特別推介三秒腐皮，腐皮本身好香脆，可跟據個人喜好煮幾耐，香口惹味竹蓆茅根水 （每酌） $74除左普通啤酒仲有酸梅湯、竹蓆茅根水，清甜解膩，生津開胃，唔會好甜

其實間餐廳真係好普通！醬料普通、食材普通！唔算差，但又唔算出色。其實對唔起個價錢。所以評價是普通！我地今次叫左牛三味，牛味唔算重。份量比較細！另外有叫鱔片，但份量都係好細。另外食物種類都係好少。連萵筍都無🫣

中式火鍋cross over 海鮮刺身？Why not? 只要食材新鮮味美，廚房刀功技術一流，配以適當的醬料和選擇繁多的湯底，加拿大A級象拔蚌、日本帶子和新鮮鱆紅魚刺身，生食為你提供wasabi 醬油，熟食可以放進火鍋白灼，時間長短隨個人喜好吧。食肉獸建議要一盆大的封門柳牛肉，而這裡的蘇格蘭蟶子皇肥美爽脆，也建議每人來一隻，加上這裡自家製的特色水餃，充滿創意的「三秒腐皮」等，再來一份蔬菜和稻田烏冬，又是完美的一餐😋

數一數手指，應該算是「大邊爐」的初代顧客。一直光顧，因為這裡的服務及食物均保持水準。餐廳佈置簡約，地方潔淨，枱與枱之間的距離合理，不需要背貼背而坐。調味料簡單但足夠，自家制豆豉辣椒醬十分惹味，可直接進食也不會感到過鹹。另外自家醃制的甜酸青瓜及蘿蔔非常醒胃，每次必定清碟。湯底有很多選擇，冬瓜瑤柱屬必點之選。小瑤柱份量很多，因此湯底十分香甜。當然打邊爐最重要還是食材的鮮度，是晚所點選的食材上乘兼新鮮。肉眼邊肥牛是最佳牛肉選擇，油香足之餘，肉味也十分濃郁。因為想多吃牛肉，而點了大份肥牛，性價比更高。四寶是牛肉丸、梅菜豬肉丸、蝦丸及墨魚丸。四款肉丸均真材實料，各有特色，調味也恰到好處，個人最喜歡梅菜豬肉丸的濃濃肉味中夾雜一絲梅菜的香甜。白鱔片厚度恰好，而且皮脆肉爽，最適合打邊爐。香炸釀豆卜是火鍋配料也可作助膳小食，是三秒響鈴的另一替代，豆卜釀入的是墨魚膠，份外爽彈。菜盤內有3種蔬菜，新鮮嫩綠，二人一盤，份量剛好。

九龍城19年火鍋老店冬瓜瑤柱湯清甜清熱湯底！湯料有冬瓜和海量瑤柱，食材掛上清甜湯汁，鮮味大提升西班牙黑毛豬推介必食！肉質肥瘦適中，碟內並無血水，絕無羶味，沾上醬汁，再將香濃肉味再提升！美國桶蠔巨型！飽滿！超級肥美，桶蠔脹卜卜非常飽滿，味道鮮甜多汁，鮮味十足三秒腐皮即叫即炸，上菜時是熱騰騰的，口感十分香脆鬆化，絕無油溢味特色魚蓉面推介！魚蓉面鯪魚味香濃，伴隨著果皮香，口感彈牙，大愛時令西洋菜餃西洋菜餃非常飽滿，餡料滿滿西洋菜，內裏還有帶子肉，鮮味倍增，美味大邊爐火鍋店(九龍城)📍九龍城城南道12號

天氣涼咗好多，同屋企人去打邊爐就最啱，今次去咗九龍城呢間靚料邊爐，識得幾滿意。我哋揀咗冬瓜瑤柱湯底，真係好足料。除咗冬瓜片之外，我哋撈到有勁多乾瑤柱、仲有嚿鹹豬骨，個湯幾清幾甜。美國桶蠔 $168桶蠔大大隻用嚟打邊爐勁正，勁鮮甜😋手切安格斯肥牛 $368我哋叫咗份例牌，安格斯肥牛厚度啱啱好，淥幾淥就食得，牛味濃洧，肉質鮮嫩，好味👍🏻四寶手打丸$182有牛丸、梅菜豬肉丸、蝦丸、墨魚丸，每款用料都新鮮👍🏻我最鍾意蝦丸同埋墨魚丸，好彈牙好鮮味😋西洋菜帶子餃$70呢款餃子都真係第一次食，西洋菜好嫩加上鮮嫩帶子，味道好鮮甜😋鮮蝦水餃$70水餃都好食，蝦肉大大隻彈牙，木耳絲又爽口👍🏻魚蓉麵$48呢個魚蓉麵有得玩有得食，用個清甜湯底食呢個彈牙魚麵好爽西洋菜$40又甜又嫩，我哋食到舔舔脷😋

近日天氣轉涼，終於有啲步入冬天的感覺，呢個時候最適合食火鍋。家人帶我黎咗呢間我從未試過的火鍋店試食好嘢。冬瓜瑤柱湯$88食火鍋怕熱氣，叫呢個湯底最適合，冬瓜清熱。呢個湯底好清甜，瑤柱好多，味好出，即使個湯底好清，味道仍然鮮甜。手切安格斯肥牛（小）$368好靚嘅安格斯肥牛，色澤鮮紅新鮮，雪花都多，放落鍋內淥幾秒鐘，一啖放入口，口感軟腍，牛肉味香氣四溢。美國桶蠔$168桶蠔好大隻，好飽滿，入口Juicy ,爽滑鮮甜味美。四寶手打丸$182有蝦丸，墨魚丸，牛丸同埋豬肉丸，手打真係唔同啲，質地爽彈，入口有鮮味。最鍾意墨丸夠多墨魚味同埋蝦丸夠爽口。鮮蝦水餃$70真材實料嘅鮮蝦水餃，隻隻餡料豐富爆料，入面嘅鮮蝦夠新鮮爽口，蝦味濃。西洋菜帶子餃$70同鮮蝦水餃一樣皮薄餡靚，西洋菜較多，帶子大鮮甜，食多幾隻都唔會膩。魚蓉麵$48呢個麵啖啖都係魚，鮮甜冇罪惡感。西洋菜$40好嫩，完全冇渣。總括而言，呢間火鍋店嘅食物質素幾好，物有所值，餐廳環境乾淨衛生，唔會好嘈吵，幾適合家庭聚會。

🍲泰式冬蔭功湯鍋 $108好少中式嘅火鍋店會有冬陰功湯底，呢個湯底好足料，直情可以當湯咁飲，酸辣都做到岩岩好，又有香茅味👍🏻🐖西班牙黑毛豬 $188豬肉片比較大塊同都有少少厚度，因為係黑毛豬所以色澤比一般嘅豚肉深少少，啲油花好靚好明顯，咬落去豚脂香濃，有口感得嚟夠軟淋🥟西洋菜帶子餃 $70因為西洋菜都係時令菜，西洋菜餃唔係成日食到，呢隻餃一碟8粒，粒粒飽滿，一咬開見到粒帶子好大粒，而且係有鮮甜味，即刻覺得值得食🧆墨魚丸拼梅菜豬肉丸 $90各6粒一共12粒嘅真手打丸，墨魚丸非常彈牙🦷起膠起到直頭係有少少漿住啲牙食得出係勁足料😳 豬肉丸雖然冇墨魚丸嘅彈，但係個梅菜同豬肉係好夾，食緊梅菜蒸肉餅咁香🥬西洋菜 $40秋冬西洋菜當做，好新鮮冇根，打邊爐一流，加埋個冬陰功湯底唔會太辣，淥菜都唔會怕油🥤可樂 $15🥤忌廉 $15📍大邊爐火鍋店 九龍城城南道12號地舖

菜式一: 冬瓜瑤柱湯底 - 清甜可口,冬瓜的甘美和瑤柱的鮮香完美結合,既解油膩又養生。(7分)菜式二: 白膳片 - 白膳片切得厚身新鮮,入口爽口彈牙,鮮嫩的膳味十足。(8分)菜式三: 鮮蝦水餃 - 餃皮薄透,蝦肉原隻完整,馅餡飽滿十分足料,一口咬下蝦汁四溢。(8分)菜式四: 封門柳 - 手切的封門柳,切面厚實,口感嫩滑,牛味香濃,跟機切的又有不同風味。(8分)服務: 服務人員熱情主動介紹菜式,也會適時關心用餐情況,確保食材新鮮呈現最佳口感。用餐過程順暢舒適。感想: 大邊爐火鍋店以用料考究見稱,像是手切牛肉、自家製丸類都非常新鮮美味。店內環境寬敞舒適,加上服務細心,是九龍城區內少數值得推薦的火鍋店之一。冬瓜瑤柱湯底清甜,白膳片鮮嫩彈牙,可見食材的新鮮程度。整體 CP 值很高,適合朋友聚會。

九龍城城南道的大邊爐火鍋店，裝修雅緻，坐得舒適。餐牌的選擇都較多，豐儉由人。自制沙爹拼泰式冬陰功湯底$108，平時少見有泰式冬陰功湯底，所以揀了個鴛鴦鍋湯底。泰式冬陰功湯底少少酸酸甜甜，令灼出的肉類都帶少少泰式的風味。和哥滋味牛丸$88，牛丸粒粒大小差不多一樣，顏色新鮮，爽口，食得出的牛肉的鮮味！墨魚滑釀冬菇$156，墨魚滑帶爽口，冬菇腍滑，是一款很特色的口感及滋味體驗！傳說中的封門柳$368，火鍋的主角封門柳顏色較為深色，切得也較厚，用沙爹湯底最為美味，可以帶出牛肉的鮮濃味道。東山羊肉片$78，第二主角東山羊肉片，價格平民，肥瘦適中，點上自調的醬料及腐乳，食得很美味！

今晚到九龍城食的不是泰菜，而是一間食完覺得較高質的火鍋。今晚食的較早，暫時見到人不是很多。自制沙爹拼泰式冬陰功湯底$108自制沙爹鍋湯底非常濃，無論灼肉灼菜都用沙爹鍋，好正。傳說中的封門柳$368，封門柳厚切，肉質軟腍新鮮，非常好牛味！和哥滋味牛丸$88，牛丸口感爽，而且灼完後很入味，有牛味且感覺新鮮。自製蝦滑$156，自製蝦滑口感比和哥滋味牛丸更為爽彈，很鮮甜！東山羊肉片$78，羊內片卷著上，切得很薄，瘦中有肥，跟配一碟腐乳，香濃的沙爹湯底，令羊肉味道更香濃。蔬菜及主食要了西洋菜、豆腐及烏冬，烏冬又軟滑又腍，吸收沙嗲的湯底，好美味！

九龍城多嘢食就係人都知 雖然佢出名食泰國嘢，但其實仲有其他好嘢食。今日去咗一間打邊爐，價錢又唔算太貴 但係食材好新鮮 同埋好有誠意😳😳 完全唔係行貨。我哋要左沙嗲湯底，沙嗲湯底唔係話好杰身個隻 但出奇地有好濃郁，同埋有大量嘅花生碎，店員都有提醒要不時攪拌一下，費事黐底。因為我哋都唔食牛 肉類就叫咗羊肉片同埋西班牙黑毛豬，我個人就比較鍾意西班牙黑毛豬 平時會覺得打邊爐食豬肉片比較硬 但呢度咁厚切食落肉質都好腍 而且有油脂 更加香口。佢嘅羊肉比較特別 配埋腐乳 超級夾！另外我哋叫咗個特色魚蓉麵，味道好特別，係要自己唧落個湯度，主要其實都係魚肉 不過就比一般嘅鯪魚肉有咬口，一條條咁食都幾特別。三寶丸有墨魚，牛同埋豬，都係餐廳自家製，每款有四粒 份量可以，每款都各有特色幾好食。最後我哋仲叫咗個西洋菜餃，除咗入邊有滿滿既西洋菜，估唔到佢每一粒入邊都有半粒帶子肉，粒餃即刻唔同哂 好鮮味😋😋2個人埋單$700左右 好滿足！