大邊爐火鍋店

營業中

休息中

好耐冇食過港式打邊爐，今次黎到呢間開業20年嘅九龍城火鍋老店，餐廳20周年有大優惠，每晚9點後有半價優惠，好抵！沙嗲湯 拼 海底椰青雞沙嗲湯香濃，好香花生味海底椰青清甜有椰味，連雞肉、海底椰都食埋，好足料 手切安格斯肥牛(例)手切切得好靚，擺盤有心思蝴蝶切令牛肉更有口感油花分佈均勻，口感軟熟有牛味墨魚丸拼豬肉丸墨魚丸入面有粒粒墨魚，鮮甜，爽口！豬肉丸係梅菜豬肉丸，第一次見，有驚喜梅菜用量啱啱好，有絲絲甜味唔會過重而且肉質係超級彈牙，推薦！ 雙拼雜菇靈芝菇拼秀珍菇菇菇粗身，有菇味索左湯好好食酸梅湯酸甜解渴，酸酸地好開胃

九龍城除左泰國菜，打邊爐都好出夠，今次去呢間餐廳真材實料，唔會將貨就價，亦都唔會賣到貴一貴劏客，而家仲適逢餐廳開業20年，每晚9：30後入座仲有半價優惠，簡直抵上加抵🍲湯底有十幾款，我地就叫左冬瓜鮮雞同沙爹湯，冬瓜雞湯好清甜，相反沙爹湯就好濃郁，用黎烚牛肉就岩哂。🥩肉類方面我地叫左幾款唔同既牛。封門柳$368大大碟而且仲切得幾厚，非常抵食。滋味牛肉丸，用新鮮牛肉打成，一碟有12粒都係性價比之選。之後仲叫左陜西馬尾牛，雖然唔知係咩品種同部位，雖然只係$118，但食落一d都唔差，牛味同口感都一流，食完忍唔住叫多碟🦪海鮮方面就試左自製蝦滑同美食桶蠔。蝦滑爽口彈牙，桶蠔烚完都冇縮水而且好鮮甜🥬其他配料西洋菜同油麥菜都好新鮮。炸魚樣好厚身，同其他地方食既好唔同。最特別係響鈴，即叫即炸，上枱時仲熱焫焫。最後仲叫左份出前一丁去煮個湯爹一丁，食完非常滿足

天氣涼左又可以瘋狂打邊爐🤗，聽人講呢間火鍋專門店係開業20年嘅老店，歷史悠久當然要試一試佢。 🍴鴛鴦鍋(沙嗲+海底椰青雞)$148海底椰青雞湯清甜 打之前一定要飲返碗暖下胃 好治癒🥰沙嗲湯夠香濃 兩個湯底一濃香一清香very good!🍴手切安格斯肥牛(例)$368例牌份量都幾多 而且厚薄啱啱好食起上黎有口感又唔會韌油花好靚 入口超軟嫩 🍴雙拼菜餃$90揀左西洋菜帶子餃同鮮蝦水餃西洋菜帶子餃好出色餡料飽滿🥟🥟西洋菜清香爽脆 入面有切成一片片嘅帶子帶子有鮮味 唔係cheap cheap貨色鮮蝦水餃 有大隻鮮蝦加上豬肉爽口筍絲同黑木耳 口感香氣都豐富🍴白鱔片$118質素好好大大片 新鮮又肥美肉質脆口冇腥味 🍴時令什菜$50有生菜 西洋菜 油麥菜omg連菜都好值得讚😳每樣都又靚又新鮮  仲靚過平時自己買嗰d👍👍 總括而言，食材質素好靚，食得出每樣都好新鮮，用料實在，好有誠意。餐廳20周年，每晚9點後入座仲有半價優惠添，趁呢個機會快d去食多幾次先😋

📍大邊爐火鍋店 九龍城城南道12號地舖好耐都冇食過港式打邊爐今次嚟到九龍城唔想食泰國菜，突然心血來潮想打邊爐於是就入咗去呢一間餐廳！都幾有驚喜！湯底方面揀咗麻辣拼海底椰青雞湯！海底椰呢個湯底真係唔會同都會必嗌！我個人亦都覺得好好食！鍋底入面嘅配料海底椰我都食埋！好夠嫩好食！麻辣湯底就不過不失，如果鍾意食辣嘅朋友可能就需要嗌加辣特別推介一定要試佢嘅封門柳 $368一上枱已經覺得啲肉好靚，食落口更加冇失望超好食！唔會韌！肉味夠濃！而家越來越少地方食到手切牛肉好多都係急凍嘅肉所以真係推介！另外炸魚皮、響鈴、桂花蚌、仲有梅菜豬肉丸都係推介！仲有西洋菜又開始當造啦所以食西洋菜就係最佳選擇！而家港式火鍋店真係越來越少！好多地方都係台式日式任食打邊爐如果你都鍾意食港式打邊爐嘅話記住要去呢間餐廳試吓啦！而家仲有優惠9:30後入座有半價！快啲book枱試下！

日式火鍋成日食，但傳統既打邊爐越黎越少見，呢間餐廳係已經開業20年既老店，終於有時間去食🤭🥥海底椰青雞湯窩 $148好香椰子味同清甜，湯底好豐富，有花膠、椰子肉、海底椰、啖啖肉既豬肉同雞🐮金錢牛展 $130牛肉非常結實、有啲牛筋所以口感比較爽，牛味都濃🥟四色餃 $92分別有鮮蝦水餃、莧菜帶子餃、沙葛爽爽餃同魚皮餃。最特別係沙葛爽爽餃，沙葛真係好爽口、又帶啲清甜味。粒粒都好飽滿🥬時令什菜 $50有生菜、西洋菜同白菜仔，全部都好新鮮🫓支竹 $36份量多，用黎吸呢個湯底一流🥥泰國椰青 $35椰青好多汁又清甜，飲完仲可以食埋啲椰青肉😙酸菜 $18開胃菜芥醬 $20@1食物新鮮仲有好多特別既配料，依家20周年仲有大優惠，晚上9點後入座有半價優惠🤩

去到見到餐廳見到為慶祝開業20周年，9點後入座有半價優惠，抵食🔥🔥今日我哋叫咗沙嗲湯底，湯味夠濃，重有好多嘅花生🥜粒，唔錯😎見到隔離枱叫咗蟶子皇，我都唔執輸，叫咗2隻嚟食😋非常新鮮👅價錢又唔貴，值得推介👍之後叫咗鱔片，切得好靚，好簿身，淥落去好快熟，食落非常鮮味😋除咗打邊爐，我哋重叫咗2個熟食，分別係椒鹽百福豆腐同椒鹽點粟米、茄子😋2個椒鹽都勁好食，唔會勁鹹，豆腐好滑，唔會太過乾身😋送酒1流👍總結: 9點後半價超抵，海鮮新鮮👍熟食有驚喜😋如果鍾意打邊爐食海鮮，1定唔可以錯過😊

劉德華成日講，服務態度好緊要，呢樣嘢一般系打邊爐嘅場合都唔太適用，因為打邊爐一般都比人有粗獷啲嘅形象，同埋大家吵吵鬧鬧先有氣氛。但係兩杯落肚，幾句不合，氣氛就變成氣憤。最重要系會影響埋其他食客。我鍾意呢度打邊爐，就係因為氣氛舒服寧靜之餘，服務態度同客人質素都好高。侍應非常有禮貌，呢套背景音樂播住70年代歌曲純音樂， 聽住Carpenter 嘅音樂，唔會有急住要食曬嘅感覺，唔會有粗口橫飛，只係需要專注享受食物，同埋同家人朋友慢慢傾計。難怪呢開咗二十幾年，都依然屹立不倒。🍖食物質素都好高，我最想介紹嘅係湯底，系冬瓜瑤柱湯，聽落冇乜特別，分分鐘仲會以為係史雲X，少年你太年輕了，入邊係有真嘅瑤柱，我仲特登筆起嚟俾大家睇，冇諗過真係多成咁！咁都不特止，個冬瓜切成蝴蝶型，而最勁嘅係下面仲有好多舊腌咗嘅牛展肉，功能可以媲美金華火腿，但係食落就好食過火腿好多。🍖 牛肉方面我哋叫咗傳說中的封門柳，為咗保持神秘，我哋冇刻意去問點解係一個傳說，而係選擇咗自己去體會，個人認為牛味繫好足，紋理分明，而特別之處， 係咬落會有床褥嘅口感，我意思係佢會有輕微回彈，可能係我嘅錯覺，又可能系因為牛肉嘅切法，係一片肉中間切

📍九龍城大邊爐之前朋友話喺九龍城一間叫大邊爐打邊爐啲食物質素非常之好。晏晝同同事食飯講起好耐冇打邊爐，佢哋都話想去，於是我哋四個人就約埋星期六一齊去大邊爐打邊爐。我哋四人約咗喺宋王臺地鐵站等一上地鐵站，唔使2分鐘就到。湯底要咗皮蛋芫荽湯，傳說中的封門柳＇手切安格斯肥牛，三寶丸，油麥菜，同一斟竹蔗茅根水。手切安格斯肥牛佢係比較切得厚身少少，油脂分布均勻，大概8秒到五成熟，入口即溶。傳說中的封門柳肉質鮮紅，薄切，3秒已經可以入口，牛味較重。油麥菜翠綠新鮮，入口爽脆。三寶丸墨魚丸：新鮮彈牙梅菜豬肉丸：即係好似梅菜肉餅咁，不過將佢變成丸幾特別牛丸：牛丸都幾彈牙，有肉汁竹蔗茅茅根水：唔太甜用嚟解熱氣一流。

大邊爐火鍋店推出咗20周年優惠，晚上9點後入座可享半價，即刻call幾個朋友嚟打邊爐。冬瓜瑤柱豬骨經過長時間熬製，湯底鮮美不油膩。打邊爐點少得肥牛？安格斯肥牛嘅油花分布均勻，稍微灼幾下就食得，而且手切會依據肉嘅紋理切割，令牛肉口感更加豐富，能更好咁吸收湯底嘅鮮味。今晚呢碟安格斯肥牛真系無可挑剔，肉質鮮嫩，令人回味。大邊爐嘅四式餃子皮薄餡多，口感不錯，牛丸和墨丸彈牙，保留咗牛同墨魚嘅原汁原味，每日新鮮製作果然不一樣。三秒腐皮剛剛炸起，灼三秒後既能保持脆感又能更好吸收湯底的味道，十分美味。新鮮嘅拼雜菇同什菜，洗得乾淨，為呢餐火鍋嚟一個健康嘅結尾。

今日終於可以約齊幾個朋友一齊食晚飯， 相約九龍城城南道一間已開業二十年火鍋老店，大邊爐火鍋店格局有啲似私房菜， 座位寬敞闊落，坐得舒服很適合朋友聚餐。湯底好多選擇，都係非一般常見，我地揀選冬瓜瑤柱湯底，材料充足，除多件冬瓜外還有很多的瑤柱，清甜得來非常鮮味。💓有幾樣生料重點推介。💓手切安格斯肥牛，比起機切厚身，油脂分佈均勻，睇啲紋理就知係上品，上湯拖幾秒食得，油脂豐富肉味又濃郁，而且好嫩滑，必食。三秒脆香腐皮，三秒食得，吸收清甜冬瓜湯，腐皮味重仲保留有脆口感覺。牛丸拼墨魚丸，真材實料用新鮮牛肉及墨魚肉手製，肉丸彈牙多汁。大邊爐四式餃，有鮮蝦水餃 ，魚皮餃，西洋菜餃，莧菜帶子餃，魚皮餃皮煙煙靭靭，其他三款就外皮滑溜，餡料飽滿，幾種我都好鍾意。二十周年大優惠餐廳開業二十周年大優惠，每晚9點後入座有半價優惠，半價優惠真係好抵，可以一半價錢享受優質火鍋真係好正。

今日約咗幾個好姊妹去打邊爐，好多時都話九龍城有啲小店很突出，我們選了「大邊爐火鍋店」，原來是間老字號出色的火鍋店。湯底：香茜皮蛋 $88芫荽獨特的香氣有助增進食慾，開胃及清熱下火。👍🏻👍🏻手切安格斯肥牛😋（大）$428雪花分佈平均，牛肉唔係薄切，所以食落十分有口感，入口時牛肉充斥口腔，牛味醇厚。👍🏻👍🏻傳說中的封門柳$368脂肪不多但肉味濃😍， 只要快滾6至8秒便可，入口滑溜香甜。三寶丸（牛、豬、墨）$110因為係即叫即整，每一粒size平均，手打的口感當然煙靭，絕無加上其他雜質，食落好彈牙。油麥菜🥬$40清洗得好乾淨，新鮮嫩綠，食起嚟好清新爽口。竹蔗茅根水（每酌）$74值得推介竹庶茅根水，味道清甜有助解膩。座位寬敞舒適，最適合同朋友屋企人一齊享受火鍋party！這餐生日飯壽星妹很開心🥳，大大滿足她喜歡吃牛的慾望。真心推介這間火鍋店給大家！！

前幾日同屋企人去咗九龍城間大邊爐火鍋店打邊爐🫕，餐廳已經係開業20年嘅老店，適逢20週年大優惠，每晚9點後入座有半價優惠，又點可以錯過呢😆🥢冬瓜瑤柱湯 $88個湯好清甜，仲落咗好多瑤柱好足料，冬瓜又有清熱作用冇得彈👍🏻🥢傳說中的封門柳🐂 $368手切封門柳肉質鬆軟嫩滑，色澤新鮮，塊塊牛肉都充滿好濃郁嘅牛味🥢西班牙天然穀諗住飼黑毛豬 $188黑毛豬肉質嫩滑，一啲都唔韌🥢三寶丸（牛🐮、豬🐷、墨🦑）$110三寶丸都係新鮮手打，粒粒都爽口彈牙😬🥢莧菜帶子餃🥟 $70手工包嘅莧菜帶子餃真係名副其實，餃子入面仲有原粒帶子，好足料🥢三秒腐皮 $68即叫即炸，卜卜脆喺，就咁食都好正🥢鮮腐竹$38🥤酸梅湯（每酌）$62🧂酸菜每碟$18🫖茶芥每位$20

週年大優惠每晚九點後入座有半價優惠九龍城邊爐小店《打邊爐火鍋店》嚟到充滿泰國美食的感九龍城，今日目標不食泰國嘢，去一間比較隱世感樓上火鍋小店😊，依家週年大優惠，每晚九點後入座有半價優惠，湯底：節瓜鱆魚餐廳有好多同選湯底，揀咗比較難接觸到感節瓜鱆魚湯底，呢個湯底比較養生，不算好濃味，飲落去較清甜爽口👍🏻，肉類：傳說中的封門柳確實係傳說中，肉味鮮甜，牛味十足，不需要點豉油都非常之入味。丸類：三寶丸(墨丸/牛丸/豬丸)丸類方面，爽口彈牙，建議大家想吃丸類食物，就叫三寶丸或四寶丸，四寶丸會多咗龍蝦丸，每樣四粒，鍾意食陳皮感朋友應該會對牛丸感興趣架👍🏻，海鮮類：澳洲帶子帶子色澤靚，入口彈牙，非常甜鮮甜，加上份量都不少，大約有20粒左右，非常過癮😋，蔬菜類：炸芋條炸芋條可以稱得上系點精之作，外脆內軟，芋頭味十足，亦不會好粉，我同朋友都讚不絕口👍🏻，總結：九龍城雖然有好多泰國美食，但喜歡打邊爐亦朋友可以試試😊，順便說一句，係吃飯途中，聽到有人喺房入面唱k🤣，應該係屬於vip房或提早預約，如果是家庭聚會或是志同道合的朋友，book台時記得問下，咁樣應該會玩得盡興啲架👍🏻。

趁住中秋佳節緊係要慶祝一下啦😬今次就同屋企人去左九龍城嘅「大邊爐火鍋店」打個靚邊爐迎下月先😊冬瓜瑤柱湯 $88冬瓜瑤柱湯底除咗清甜外，而且仲非常之下火😬 今年係有史以來最熱嘅中秋🙈食返個下火嘅湯底，個人都冇咁燥底🤣三寶丸（牛、豬、墨）$110呢三寶係集齊左屋企人最鍾意食嘅三款肉丸😬 而且十分之彈牙😋莧菜帶子餃 $70完全估唔到餃子嘅餡除咗莧菜仲有原粒帶子😍餃子果然係皮薄餡靚！👍傳說中的封門柳$368新鮮嘅封門柳真係冇得輸👍一擺落口就知！呃唔到人的😬西班牙天然穀飼黑毛豬$188鮮嫩嘅黑毛豬食落相當嫩滑！一啲羶味都冇😋三秒腐皮$68呢個係餐廳即叫即炸嘅炸響鈴👍一上枱香噴噴，新鮮熱辣😋落去淥真係唔好超過3秒呀😬鮮腐竹$38打邊爐當然唔少得嘅其中一樣嘅就係鮮腐竹啦😬酸梅湯（每酌）$62⚠️⚠️P.S. 餐廳已開業20年啦！依家仲有大優惠呀😍每晚9點後入座有半價優優😻😻⚠️⚠️

唔知係咪因為就快到秋天，成日都覺得天氣涼涼哋，就同咗屋企人去宋皇臺依間「大邊爐火鍋專門店」打邊爐，今次Order咗佢哋自家製嘅出品，食到D特別D嘅菜式。*此餐廳收取加一服務費。西班牙黑毛豬（單點$188），黑毛豬採用天然穀飼餵養，肉質肥瘦均勻，肉味濃郁。大邊爐四式餃（單點$92），莧菜帶子餃，帶子食落帶有一絲絲口感，味道鮮甜，莧菜份量多；鮮蝦水餃，豬肉、蝦肉比例適中；沙葛芹菜豬肉餃，味道清甜；自家製魚皮餃，外皮口感四川麻辣湯底（單點$88），花膠口感嫩滑，內有唐排、京蔥，湯底辣度6分，飲落帶有藥材味道。竹笙木耳（單點$70），竹笙口感爽滑，容易入味，木耳口感爽脆。三拼雜菰（單點$50），內有油麥菜、唐嵩菜、生菜，食落好新鮮。山水豆腐（單點$26），口感厚身，略嫌口感未夠嫩滑，豆味濃香。芥醬（兩人$40），包括有秘製XO醬、豉油、沙茶醬、炸蒜、香蔥、蒜蓉、指天椒。酸菜（單點$18），青木瓜口感爽脆，味道酸甜。