大邊爐火鍋店

營業中

休息中

老字號火鍋店，食既係真材實料，哩間開左將近20年既店，係我係九龍城打邊爐既首選。餐牌上面有個item叫做和哥豉味醬，應該就係哩碟同前菜一齊上既醬料，豆豉香加香辣味，沾少少已經又香又惹味🌶️一碟頂哂其他醬料!哩度既湯底多左d家常味道既湯，好似冬瓜瑤柱，蕃茄牛柳粒咁，我地揀左節瓜鱆魚湯，清清甜甜我地連湯料都食哂，鱆魚出奇地鮮香而有彈性唔韌。清甜湯底最適合配海鮮，叫左碟美國桶蠔 （$168）同埋白膳片（$118)，桶蠔夠哂秤，夾落去好有份量。好中意佢個白膳片，切得大塊有厚度，有新鮮膳片獨有既爽彈同鮮嫩。見到哩個陳皮魚蓉餃幾特別就叫黎試下，煮熟後更加漲卜卜，魚蓉比我想像中更加Q彈，口感唔錯👍🏻淡淡既陳皮香同鯪魚肉又幾夾。最後食埋個西洋菜，當造夠嫩口，夠哂皮😋就係中意哩d老店既味道，實而不華真材實料☑️

呢間喺九龍城嘅火鍋小店，環境闊落比較清靜，好適合同屋企人朋友過嚟，可以傾吓偈食返餐飯，環境又坐得舒服！餐廳多款特色湯底，鍋底湯料高質份量都好足；有自家魚缸，海鮮夠生猛新鮮🐟仲可以即切成刺身，另外佢哋嘅手切牛肉同手打丸餃🥟都係必叫！一坐低，店員會先上一碟酸蘿蔔做小菜，特別開胃，然後再俾一個醬料盤，客人可以根據個人口味調配醬料，------------------------------🐓◖海底椰青雞湯鍋◗ $148湯底用花膠、海底椰同雞件熬煮，湯料幾多，花膠好厚滑溜，有啲似魚肚、雞件偏瘦有雞味，湯底都幾清比較養生，更能帶出食材嘅味道，點上佢哋自家製嘅辣豆瓣醬，更香！🐂◖手切封門柳◗ $368見佢作為佢呢到嘅招牌，梗係試埋！封門柳都真心大碟，牛肉肥瘦適中，花紋好靚，食落牛味都幾濃郁，手切有返少少厚度，啖啖肉更加滿足！🧆◖三寶丸◗ $110三寶丸係佢哋嘅三款手打丸類：陳皮牛肉、梅菜豬肉同墨魚丸，每款都有四粒，一次過試晒！個人最鍾意墨魚丸、其次就係陳皮牛肉丸，再到配菜豬肉丸。墨魚丸頗彈牙有鮮味；陳皮牛肉嘅牛肉係手唧，夾雜陳皮粒，味道有層次；梅菜豬肉有少少似梅菜肉飯，甜甜地有啲口感，幾過癮！🍜◖

有左宋王臺站之後真係好方便，又再次嚟到九龍城打邊爐大邊爐啲野食好新鮮，我就必叫冬瓜瑤柱湯底，冬瓜清熱，打邊爐唔怕熱氣🤭🤭粒粒瑤柱都成個5毫子咁大，真材實料‼️難怪開業19年都屹立不倒👍傳說中的封門柳封門厚切又大片，清湯灼一灼，食入口有陣陣牛肉香味時令西洋菜餃🥟入面有驚喜🫢‼️ 餃子入面除有少少豬肉外，仲有一大粒既帶子，估唔到西洋菜配帶子係清甜好食🤤🤤🤤手打墨魚滑肉質好結實，原來手打與機打會有咁大分別，仲好有墨肉味，好食又好爽口😋值得一提既係，餐廳既調味料：豆豉辣油、豉油同酸菜等，都做得好出色，好香，呢啲都好少會食得到呀！三秒腐皮就唔洗講咁多，打邊爐必食😆呢度自己炸，無油益味😋😋

上網見到呢間火鍋店好多好評，於是就book黎試！去到見到店舖門面，只得一條樓梯，一上去發現全場爆滿，問下先知原來已經係19年嘅老店，唔怪得知都幾有水準！特別推介👅🥢節瓜鱆魚湯窩 $88唔好睇落去平平無奇，入面係由節瓜章魚同埋花膠煲埋嘅湯鍋！淡淡的章魚味令到湯底有浸鹹香，但味道又唔會搶走節瓜及花膠嘅清甜，好出色！🥢特式魚蓉麵 $48我唔想食澱粉質，魚蓉麵就啱晒啦！食落去有淡淡的魚味煙煙韌韌，幾多新意！而且過程中仲要有得玩有得食，我男朋友都食唔停呀！🥢金錢牛展 $130一上枱見到牛腱嘅花紋好靚，食落都好濃既牛味，唔會太肥，又唔韌！🥢竹笙 $90絕對唔係平時食米線嗰種竹笙，好厚又好鮮都好爽口！，夾埋充滿鹹香嘅章魚鍋，好夾呀！📍大邊爐火鍋店 (九龍城)九龍城城南道12號月

靚肉之選之《大邊爐火鍋店》今晚阿姐請食升職飯，揀左九龍城上樓既打邊爐，餐廳裝修唔算高級，不過食物有質素，而且台夠大，(雙拼湯底) 香茜皮蛋+沙爹湯底 $108：香茜皮蛋湯底清甜，沙爹湯底有沙爹香，帶少辣，封門柳 $338：聞落有少少豬膶味，顏色較深，表面帶光澤，肉質柔軟有彈性，脂肪分佈平均，牛肉味香濃，西班牙黑毛豬 $188：肉身呈大理石紋，肥瘦平衡，肉質甘香軟嫩，油脂分佈均勻細密，梅菜豬肉丸 $90：肉質鬆軟，梅菜香氣四溢，肉丸口感彈牙，3秒腐皮 $68：其實姐係響鈴，不過餐廳係即叫即炸，拎到台仲熱辣辣，入口脆卜卜，西洋菜 $40：西洋菜好新鮮，入口無渣，總括，湯底出色，食材質素高，而且不限時好岩三五知己傾計食野。大邊爐火鍋店九龍城城南道12號

次次嚟親九龍城都係食泰國嘢估唔到有間咁正嘅火鍋店一上到去有私房菜既感覺原來已經開咗19年10幾款湯底已經有選擇困難症，最後揀咗冬瓜清雞鍋，湯底好清甜首先要讚吓服務非常好安格斯手切牛入口軟腍，牛味香濃美國桶蠔好巨型，非常新鮮，淥熟後都冇變細羊肉都好正，完全冇羊臊味手打牛丸同手打蝦丸，細細粒非常彈牙水餃同菜苗餃雙拼，水餃既木耳，令到口感好爽脆菜苗餃裏面仲有原粒帶子，呢個配搭好好味，非常足料隻隻脹卜卜炸芋頭條魚蓉麵真係好少地方有，呢個自己整出黎，又幾好玩，口感比較軟，好香魚味烏冬，口感滑溜又彈牙

這間九龍城樓上火鍋店「大邊爐」名不虛傳。平時嘴刁刁不愛吃飯的女兒都讚好食。有好多款火鍋湯底，我點了海底椰青雞湯窩，$128，湯底濃度恰到好處，湯料十足，除了有海底、椰青及少許雞件外，還有豬骨、花膠，湯底不似有味精，由廚師精心肴制，火喉夠。這裡的手切封門柳是必食，我只是叫了例牌，睇相就知都好大碟，肉質鮮嫩，師父切功了得，厚度剛剛好，$338。這裡的海鮮刺身也是必食，我點了半條鱆紅魚刺身，都好大碟，當天的時價是$268，每片大大塊，超級新鮮。另一推薦——特式魚蓉麵，可吱到約2-3人份量，魚蓉麵質較烏冬煙靭彈牙，$46唔貴。「大邊爐」自家制多款特色手打丸，今次試食三寶丸，有牛肉、豬肉丸、墨魚丸，$108。其中牛丸添加了陳皮，豬肉丸則加了梅菜，味道非常夾，兩款丸爽口之餘帶點陳皮和梅菜幽香，這種配搭是高質火鍋店才有，墨魚丸則沒有添加其他食材，但口感彈牙好新鮮，鐘意食辣，點些特制辣椒油，好正。配菜小食還有由醋醃製的青木瓜，酸甜爽脆。

九龍城好多美食，今次同朋友去這間中式火鍋店，餐廳環境乾淨企理，裝潢呈傳統酒樓風格，晚市時段好多人，好熱鬧🥳 適合一班朋友共渡歡樂時光🍻 店員服務態度很好，食物質素高，好好味有驚喜👍🏻💖💖💖食評💖💖💖冬瓜瑤柱鍋 $88推薦，養生必選！湯底鮮味十足，好足料！以2件大魚頭熬製，打邊爐之前飲一碗 好好味🤤 還有大量瑤桂，健康又好味🥰 另有多款鍋底選擇🤗西班牙天然穀飼黑毛豬 $168有驚喜😍 大大塊 厚度適中，肉質新鮮，入口非常軟腍嫩滑，豬肉味濃 好高質，餐廳推介👍🏻白膳片 $108高質😍 肉質軟嫩 爽口彈牙，好好味😋雙拼雜菰 $42銀絲米粉 $22推薦～米粉好吸湯，份量多龍口粉絲 $22推薦～爽滑彈牙，份量多🍺藍妹啤酒 $22/枝🍶竹蔗茅根水 $18/杯🥣醬料 $18/位🥒酸菜 $15

#九龍城美食已開19年的老店 #大邊爐火鍋店🥘簡而精嘅店名表達出店舖嘅中心思想 店員服務態度非常之好 好helpful又貼心👍👍👍佢哋啲醬料同酸菜都係自家製 酸菜同出面嘅唔同 好特別🤓🤓我哋嗌咗鴛鴦湯底🍲 #沙嗲 併 #海底椰青雞 沙嗲湯底唔會太鹹 椰青雞湯亦都唔會無味 海底椰亦唔會太甜 啱晒清淡口味嘅朋友🤌🏻酸梅湯♣️呢個非常之符合我個人嘅口味🤩平時都好驚飲啲好甜嘅酸梅湯 呢個絕對係無添加嘅同時又平衡到個酸味👍👍👍小菜：椒鹽甜粟米🌽茄子🍆呢個亦都非常驚豔😍椒鹽味非常濃 而且茄子外皮嘅炸粉薄而香口 忍唔住食完一塊又一塊🤤🤤三式肥牛🥩包括封門柳🐂和牛🐄安格斯牛粒🐃雖然有啲有筋 但整體都好出色 牛味濃又唔會太韌😋😋特式魚蓉麵🐠呢個真係要畀讚😆又可以玩又可以食 自己唧啲麵出嚟 店員好熱心提我哋要旋轉噉唧 啲麵好彈牙 就算浸得耐都唔會淋晒 一級棒😚😚同朋友慶生 店員重幫忙喺牛肉到插蠟燭 氛圍感滿滿😽😽📍 大邊爐火鍋店九龍城城南道12號#香港美食 #香港 #美食 #邊爐 #打邊爐 #火鍋 #hk #hkfoodie #九龍城

九龍城除咗出名食泰國菜，仲有一間老字號打邊爐，真材實料，都係晚飯嘅好選擇裝修簡潔明亮坐得舒服，場內有個大魚缸，養殖住時令海鮮首先揀咗湯底，呢度都有超過10款湯底，今日想食清清地，冬瓜鮮雞鍋就岩哂，湯一滾起可以先食雞件，肉質嫩滑，湯底清甜手切安格斯肥牛，厚度適中，唔喜歡太薄嘅口感油脂分布均勻，睇到都覺得靚手打丸都係非常出名手打牛丸同手打蝦丸，真材實料非常彈牙，炸芋頭條，非常粉嫩菜苗餃，皮薄餡多，鍾意食菜嘅我就啱晒最後叫埋魚麵同烏冬，唔係周圍都有嘅魚麵有得食，又有得玩充滿魚味又唔腥

九龍城不單止泰菜出名，仲有其他好野食🥰大邊爐位於九龍城，開業已近20年，有懷舊feel，乾淨企理！冬瓜瑤柱湯$88湯底清甜，有豬肉一齊滾，冬瓜貝柱都幾多。鮮蝦水餃，莧菜帶子餃 水餃使用新鮮的鮮蝦製作而成，搭配上冬菇和木耳絲，口感爽口彈牙。莧菜帶子餃則係比較新鮮嘅配搭，增添了整體的口感層次。三寶丸$108牛丸，豬肉丸，墨魚丸，新鮮手打，最愛墨魚丸，勁彈牙！桂花蚌168新鮮爽脆，蘸上豉油已好好食！魚蓉麵46其實係鯪魚肉，可以自己唧成麵條，口感還可以。整體來說，食物新鮮唔錯，服務都好，傾偈好地方。ps 餐廳會有醬料$18@，酸菜$15嘅收費。

今日覓食嚟到九龍城”大邊爐”，一年四季都要打邊爐是常識吧，地點方便，宋王臺地鐵站行5分鐘就到，環境偏細，但坐得舒服，點咗鴛鴦鍋，重點推介沙嗲湯底，大量花生碎，非常濃郁，所以打完邊爐都點咗個粉絲，吸晒沙嗲湯精華。手切安格斯肥牛 $348質素非常高，油脂分怖非常均勻，肉味濃，偏厚切亦較有咬口，鍾意食牛嘅我非常滿意。白鱔片 $108口感嫩滑，片片肥美，顏色晶瑩剔透夠晒新鮮！手打墨魚滑 $88份量唔多，但食材新鮮，非常彈牙，加上入邊有大量墨魚，雙重口感。鮮蝦水餃 $68一碟八粒，餡料包得好飽滿。📍大邊爐火鍋店 (九龍城)九龍城城南道12號

朋友聚舊打邊爐是常識，去了九龍城大邊爐食火鍋一定唔會伏，能夠經營接近20年，食物仍然保持一流新鮮水準，推得推介比大家每次一坐下店員就會上兩小碟，包括一條生醃木瓜及秘製豆鼔辣椒油，醃木瓜口感非常清爽可口，而豆鼔辣椒油香辣野味。湯底選擇都唔少足足有10款，我選了椰子雞清底，店員一上枱，椰子的清香味已撲向鼻，湯入面都非常足料，入面更椰青肉，感覺清新不會太熱氣，而且入面的雞件都非常新鮮嫩滑彈牙。而每款火鍋配料都非常新鮮，點了安烙斯牛肉、牛丸及墨丸、響玲及娃娃菜。👍安格斯牛肉是手切的，油花相當十足，入口肉味非常濃，👍牛丸及墨丸非常彈牙，而且手打，墨丸更有墨魚粒。👍其次，響玲是新鮮即炸，上枱還是熱騰騰，一下湯更會聽到莎莎響，可見響玲非常新鮮。如果中意打邊爈既朋友都可以bookmark一下，相當一絕；不過都溫馨題示大家，大邊爈店舖坐位唔算多，大家如果要去建議Book定位。

眾所周知九龍城除咗泰國嘢之外，當然打邊爐都係其中一個可以選擇嘅地方，除咗方榮記，都推介大家一間係城南港式嘅一間港式邊爐🫕，地點非常方便，宋皇台道行5分鐘就到，雖然門口小小店舖唔算大，平日都算多人光顧，大部份都是熟客。先總括一下餐厅嘅食物及服務態度都非常一流，食物新鮮算是一等一級新鮮食材食物，而且店員侍應都非常親切，下次有朋友話打邊爐我絕對會推介呢一間。🥥🐣我點一個鴛鴦湯底，沙嗲湯底及椰子雞，沙嗲湯底濃度OK不會過鹹，不會會搶走食材，但絕對要推介椰子雞，要放下都已經聞到椰子的香味，非常清新，近有很多椰青肉好多，不得不讚的是他的雞件都非常新鮮嫩滑，回家後對那雞件還是念念不忘，我估我下次只會點解椰子雞作湯底。🥗自家製醃木瓜侍應哥哥話係大師傅自己醃，絕對冇加防腐劑，難怪口感清爽，而且不會過甜，非常適合解膩。🫙和哥秘製豆豉醬好少會用豆豉用來配邊爐，醬汁是師傳自己烹調，味道野味，比平時邊爐自家混醬有另一風味。⏱️3秒腐皮最值得推介的是3秒腐皮其實是即炸響鈴，之前有介紹過其他邊爐，只要聽到是即炸響鈴我都心心眼😍，呢一間嘅3秒，腐皮算係我食過點讚的頭幾位，他的腐皮點湯後會聽到吱吱喳喳的響，絕對表現到他的

依間餐廳聽聞已經開左成19年，但住係依到嘅我，依排先去食下，又估唔到咁正首先，在餐桌上，你會發現酸菜和辣椒油已經準備好了，辣椒油的香氣非常誘人，讓人垂涎三尺。餐廳的辣椒油更是非常辣，如果你喜歡辣味的話，這是一個絕佳的選擇。湯底是火鍋的靈魂，大邊爐火鍋店提供了高達10多款不同口味的湯底。而且每一款都非常足料在配料方面，大家一定要嘗試他的特式魚蓉麵，這是在其他店鋪所沒有的，要自行擠壓魚蓉，好玩又好吃，而且非常飽肚，感覺很適合生酮人食用。而其他配料亦非常好吃，例如黑毛豬和帶子的肉質鮮嫩，生菜也十分清爽，非常適合火鍋。最後竹蔗茅根則是餐廳的招牌飲品，清涼解渴，非常適合火鍋用餐。它的香氣和味道非常獨特，令人難以忘懷。