大江戶日本料理

營業中

休息中

星期五有事做，今日提早同同事happy lunch 講下八卦野！好一陣子無去大江戶，好彩訂到位！食物：揀左燒魚定食，可以揀秋刀魚或者鯖魚。見平時食鯖魚多，今日試下秋刀！前菜小食有蓮藕片，微辣，令人開胃。麵豉湯好飲，我少有飲哂！原條秋刀燒得好平均，沒有魚腥味。魚肉結實不霉，魚腸有啲苦，可加檸檬汁同醬油蘿蔔泥一齊食。秋刀魚比較多骨，食既時候要小心！服務：幾細心，聽到我地講今次間房要除鞋有啲唔方便，即刻同我地講下次訂枱可以提出，佢地只有一間房係要除鞋。雖然坐房入面，但都有不斷加茶。環境：一行6人訂位可要求房，唔駛額外收費。比出面靜，講八卦野岩哂！港運城地下既food court 睇住佢多年不斷變，經歷轉手，轉手再轉手，但你依然見到大江戶屹立不倒，你就知佢既實力！💪🏾個人覺得大江戶既鐵板燒類食物比魚生壽司做得出色同吸引。

同事請食飯，當然食d平時自己唔捨得俾錢食的野啦。呢度一個set閒閒地$150落樓，人地請就唔肉赤喇餐牌，其實都有好多選擇我叫左自己不嬲都好鍾意食的銀鱈魚果然都無令我失望，份量都ok, 足以令我食晒食碗飯同事叫左呢個鐵板海鮮定食以為會鐵板熱騰騰咁上，點知見到碟上有d失望，haha不過有蝦有三文魚好似好豐富咁，同事都話覺得好ok食完叫埋甜品，食雪糕，抹茶味，好好味為呢個午餐畫上完美的句號。要注意的係原來呢間唔平的日本野都幾多人食，無book位的walkin朋友話未必位俾你架。

由於不會吃魚生刺生，自問是一個不太喜歡日本菜。不過，我仍然想推薦這間餐廳。每隔一段時間，公司午飯就會聚首一堂來這裡食飯。基於不吃魚生刺生，午市套餐選擇不多，慶幸有這個薄燒牛肉定食套餐（連加一約$180）。在味道加面，薄牛肉厚度剛好，內面夾雜了蔥蔥，香口而食到脆的感覺，一件能送幾口飯！至於其他配菜和湯品且過得去，有一點驚喜就是鐵板燒野菜，大概可能是剛剛燒完。午市來講，這個價錢未必算是抵食，但考慮到舒適的環境，良好的服務態度，加上叫得上好味的定食，值得推介。

冬至LUNCH飯局揀咗去間大江戶食日本野呀由於我地係有訂位既關係 所以係唔駛等位即刻就入得去食喇呢間野對我黎講 食個LUNCH都要二百蚊真係好貴呀 好在我唔駛比錢啫一行人七個人食 自己一個房 環境非常之好 我諗都係貴既原因之一黎餐牌種類都幾多下 好多唔同款式揀而我係揀咗個海鮮定食擺得好精明既定食終於黎咗啦份量十足唔怕會唔夠飽 都算係安慰海鮮都整得幾入味 都好好味下 定有啲小食食下又開胃 又滿足既一餐黎 有湯有前菜 海鮮加上檸檬汁更加出味雖然係貴 但係就好食 亦都滿足 但我就唔會用抵食黎形容呢間野喇

上星期同事話好耐冇去大江戶，就約左今日。我今日叫左個野菜稻庭手烏冬定食，個定食有個燉蛋，其實這種燉蛋之前在別家食過，真的沒有好感，凍又甜，所以一直覺得吾好食，見親都吾會食，但今日喱個呢，我食一啖，完全吾係以前果D難食感覺，反而覺得幾好味，呢個好夠熱，個蛋滑之餘，我覺得個蛋係加了湯去蒸，鮮味得嚟吾係以前食果D又甜又難食味道....之前食過牛肉薄燒及豚肉生薑燒，所以今日試第樣，今餐雖然係清清地，不過我OK，都夠飽啊，下次想試下鐵板海鮮。

這間日本料理是一間走中高檔路線嘅日本料理，但這間日本料理服務和環境都很好。 今次我和先生就是了這個海鮮牛柳鐵板套餐$550每位。果然沒有令我們失望食材質素款式 和師父的手藝 都非常有水準食完之後還配上個雪芭做甜品非常完美。

講到食日本料理，我屋企人一定會選擇大江戶。除咗因為已經幫襯左好幾年之外（佢有一份親切感～～），加上食物嘅質素咁多年都維持到係好難得嘅事一講起要食日本餐就一定會黎依度食 ！我地一向都係坐BAR TABLE，貪可以一做好有得食。第一味就有薄切hamachi，佢個味岩岩好，個sauce唔太重味，魚味好出，感覺到好新推鮮！底下仲有青瓜可以一齊食，配塔岩岩好。推薦指數：跟住有幾款刺身壽司，影低左幾款：海膽見到隻色已經知好正，食落去好濃郁，又新鮮，同平時日本野係差好遠呀～～～～～有日本魚市場feel最正係個TORO，好小食到入口即溶，食個陣feel到個味道，食完個口仲有香味。！！好得呀跟住仲食左幾款（有一部分食得太快無影到，款款都係正野）：跟住就食dessert啦，好特別既Sherbet。。。又唔會太重味。岩哂食完成晚sashimi既我地雖然依度價錢比較貴，但個質素、環境、服務都係值得再黎既～～～～

大江戶呢個餐廳一行入去就有好重的日本感覺, 有道扇門做遮掩, 增加私隱度叫返個大江戶便當撐一撐埸先, 大江戶便當基本上次次黎, 都會有少少唔同！ 今次係燒三文魚餃同褔袋三文魚餃的皮燒得岩岩好, 而且夠熱, 咬落好脆但內軟, 魚味十足讚！福袋都係豬仔幾鐘意食的日本食品, 次次食落都會估下入面係咩料, 今次係日本年糕係入面, 很QQ 同驚喜刺生方面, 我絕對放心, 每次食都保持質素, 而且新鮮燒牛肉唔會太多汁, 保持返牛肉的鮮味, 仲有少少既菜夾係入面, 增加口感, 抵讚天婦羅種類都多, 有海蝦, 青椒等等.. 粉漿薄而且好脆呀, 食落無負擔感！另一樣佢地好有心思既野, 天婦羅汁入面會有白蘿蔔蓉, 減輕食炸野既熱氣反應呢到好適合一大班人黎食飯, 可以提早打電話黎book 定間大房, 大約容納到2～30人架

上司收到通知要調遷所以打算慰勞一下我們為她奔波勞碌的日子我們一班下屬都喜愛吃壽司 原本選了元X但上司聽後眉頭深鎖 最終訂了大江戶來讓大家一起聚餐 可見愛我們的心溢於言表與上司吃飯也不好意思每道菜都「相機食先」所以我只拍了自己點的那份LUNCH SET我選了刺身定食原以為追求精緻的料理都不能吃飽 這個想法真是大錯特錯首先份量充足 有一小碗魷魚拼豆芽作為餐前小吃也有一碟沙律作為前菜酸甜恰到好處 有醒胃效果刺身用料絕不馬夫 全部都很厚切 魚類油脂四溢 帶子鮮甜 完全沒有雪藏味白飯暖暖的 與鋪在上面的刺身有種冰火交融的錯覺 刺身混雜了醬料 有點像是沙律醬的味道 入口柔潤 滿嘴都是幸福的滋味 結帳時還送了五十大元的現金券 可以留待下次公器私用了哇哈哈以上。

大江戶喺北角區都幾耐，我同老婆都幫趁過好多次，不過最近呢一年好少去。今日再去，相信係最後一次。刺身拼盤有兩款，一款$950，一款$550。我哋揀咗後者，再加炸芝士年糕、鰻魚玉子、飯糰、滑蛋豬扒飯。刺身拼盤共有六種刺身︰三文魚(三片)、赤魚(三片)、帶子(一件)、左口魚(三片)、油甘魚(三片)、蝦(三隻)。如此普通食材竟要$550，味道亦唔算好，性價比實在好低。滑蛋豬扒飯水準亦比很多日式料理舖頭差，面頭啲豬扒蛋味道一般，汁就好多，多到浸住下面啲飯。鰻魚玉子一如既往，芝士年糕則普普通通，全晚最好吃嘅，竟然係暖暖嘅飯糰……真係唔明白點解會比以往差咗咁多，咁嘅價錢，咁嘅質素，點解要再去？

因情人節晚上要看女兒的演出，老公提早一天和我吃晚餐慶祝，他選了家附近的日本餐廳。大江戶，算是在北角的一間較骨子的日本餐廳，早幾年他也選了這裡為我慶祝生日，當時老爺也有來，但現在他已在天家。平日經過都是冷清清，可能是過年的關係，這晚有很多客人，圍著鐵板燒或壽司吧，與廚師高談闊論，很熱鬧。老公問我想吃甚麼？我只想吃個稻庭烏冬，他點了個天婦羅稻庭烏冬給我，又點了蟹籽沙律和鰻魚玉子，他自己點了滑蛋吉列豬扒飯。過了二十多分鐘，檯上只得兩杯麥茶，老公正想舉手追單時，有一女部長察覺未有食物來，連忙送上兩碟小食道歉，一碟是蠑螺，一碟是薯仔沙律。蠑螺是與一般的日本餐廳供應的無異，而薯仔沙律是夾雜了些蟹肉，有些少菜葉，也有wasabi的辣味，不錯的小食。不一會，蟹籽沙律送來了，青瓜絲刨得很幼，有些撕成絲的蟹柳，撈了薄薄的沙律醬，上面有些蟹籽，凍冰冰，入口爽脆，感覺很涼快。隨後，鰻魚玉子也送來了，是用一層一層的蛋包著中間的鰻魚，外面包了一塊紫菜，紫菜有點兒韌，雞蛋也打發得不夠均勻，可看到有些蛋白，味道不算差，但整體來說，未夠水準。天婦羅稻庭烏冬，形狀像是扁意粉，很滑，豬骨湯底不過濃，我很喜歡，而天婦羅是分開

多次光顧此日本料理店。都是吃午餐。一定要訂位因為這裡常常滿座的。推介他們的壽司，魚生定食。如果喜歡炸豬排的（好好味）記住要等多些時間。豬排端上來是熱辣辣又脆口的個日本汁（有蛋及洋蔥的）令你一定吃多啖飯魚生方面雖然沒有特別款式但很鮮甜!!特別有七味牛肉定食- 好好多豆腐，加上七味牛肉的汁，亦可以吃多D飯呢.今天跟朋友來吃午餐。點了蔥炒牛肉，味道不錯啊。

曾幾何時, 大江戶都是小女心頭好, 但隨著優秀的壽司師傅一個一個的離開, 我已經很久没踏入此店, 畢竟最好吃都是他們的特别魚生。由於時間早, 今晚只想特别食少少, 於是選擇了一個魚生沙律飯, 價錢只是$100, 心想perfect, 一定唔會太多。 時間尚早, 只是6點多, 兼且紅雨, 店裏只得一兩枱客人, 員工絶對輕鬆。點餐很快就送到, size 小小, 約大半碗飯, 飯面有些切粒三文魚, 八爪魚, 青瓜之類, 份量正合心意, 誰知飯是熱的。 算啦, 本人有些肚餓, 亦趕時間, 於是也快快送口中, 吃到最後, 見到一條毛髮在碗底; 立即招手叫侍應生, 指給她看兼問她飯為何是熱的, 她也有先道歉, 並馬上自豪地答道是新鮮煮的。 她把証物拿開, 回來後跟我説, 不好意思, 送番個雪糕給我; 我不是要求任何補償, 但從事飲食業的人員, 也請你們多加注重衛生吧!

A JAPANESE CUISINEOver the holidays I went over to this exquisite Japanese restaurant called OEDO. This is a chain restaurant. OEDO specializes in Japanese cuisine with a selection of sashimi and sushi. It is directly flown from Japan and prepared by trained chefs in traditional Japanese culinary art.Other Japanese restaurants such as Naruto have similar food on their menu but when compared to OEDO, they cannot match their high standard. Naruto has very poor service and has no time management. Y

由於公司之前在這邊吃飯送了優惠卷, 而且今天是使用的最後一天期限, 眼見$130冇人用...所以今日就同飯伴去左食呢間日本菜的食店喇!Lunch Set Menu的價格大約是$80 - $160不等, 大部份都係定食, 有前菜、湯及白飯。鐵板海鮮定食 - 湯、前菜及沙津都中規中矩; 海鮮鐵板中有蝦、魷魚、三文魚。蝦是滿大隻的樣子, 先用鼻子嗅一下已經有香香的燒蝦味, 蝦已起殼, 吃得比較方便。蝦頭中有蝦膏, 而且肉質彈牙, 味道不錯。魷魚相比下味道較一般, 感覺燒得不夠多而未夠魷魚香, 不過肉質算是很"林", 不會咬不爛 三文魚燒了後, 味道OK, 不過我還是比較喜歡吃刺身的那種肥美的油香多一點...。另外跟餐有個炒芽菜, 不過一直沒有送到, 後來追問之下才知道給少了, 不過店員都很快即炒一個補回給我們。 天婦羅定食 - 一分錢一分貨, 相比之下這個定食就失色了, 賣相不吸引, 天婦羅中有魚, 不過可能因為以炸的方法處理而變得沒有鮮味, 另外一件是天婦羅魷魚, 都是沒有什麼味道的...整個白飯都只是靠那個天婦羅汁才吃得下。看來在這店子, 還是乖乖的吃鐵板燒類的食物比較可靠!