大戶川·小火鍋 (已結業)

Rich Hot Pot

4.5

84 食評

味道

環境

服務

衛生

抵食

1015

紅磡

$101-200

川菜 (四川) 火鍋

yeukshuenfung

等級4

785

黃埔依開嘅「大户川·小火鍋」嘅火鍋套餐好有特色，個名好得意，每款湯底配搭嘅肉類、配料都唔同，真係花多眼亂，最平$43就可以打邊爐，真係好抵。礙於係新開，服務有待改進，雖然客人唔多，但漏單情況比較嚴重，要催幾次，任食嘅米線、白飯亦需要提醒Staff後先會Refill，而滑豬頸肉售罄就轉咗泡菜、稻庭烏冬。勤勤力力（一份$198）；A4 黑毛和牛；安格斯肥牛，油脂分布平均，牛味濃厚；牛五花；横牛隔膜，食落有筋位；牛舌，肉質食落有咬口；日式壽喜燒湯底，內有冬菇、雞脾菇、金菇、香蔥，飲落甜度適中。北海道黑毛A4和牛（半份$80），肉質嫩滑，油脂部分入口即化。花膠湯湯底（單點$45），內有花膠、雞肉、姬松茸，湯底飲落口感稠身，雞味濃郁，建議打邊爐加湯前盡量裝起曬有原來嘅湯底，因為加湯後會完全溝淡到好清，湯底飲落無曬雞味。炸蝦餅（一份$28），蝦膠口感彈牙，味道鮮甜。膏膏鵝腸（半份$22），內有肥膏，油脂味香。黑毛豬梅頭肉（半份$19），雖然肉質比較少油脂，但食落唔會韌。牛五花（半份$18），食落唔會太肥膩。金菇（半份$15）、唐生菜（半份$10），口感爽脆。番茄（半份$10），味道酸甜。豆腐（半份

黃埔依開嘅「大户川·小火鍋」嘅火鍋套餐好有特色，個名好得意，每款湯底配搭嘅肉類、配料都唔同，真係花多眼亂，最平$43就可以打邊爐，真係好抵。礙於係新開，服務有待改進，雖然客人唔多，但漏單情況比較嚴重，要催幾次，任食嘅米線、白飯亦需要提醒Staff後先會Refill，而滑豬頸肉售罄就轉咗泡菜、稻庭烏冬。

勤勤力力（一份$198）；A4 黑毛和牛；安格斯肥牛，油脂分布平均，牛味濃厚；牛五花；横牛隔膜，食落有筋位；牛舌，肉質食落有咬口；日式壽喜燒湯底，內有冬菇、雞脾菇、金菇、香蔥，飲落甜度適中。

北海道黑毛A4和牛（半份$80），肉質嫩滑，油脂部分入口即化。

花膠湯湯底（單點$45），內有花膠、雞肉、姬松茸，湯底飲落口感稠身，雞味濃郁，建議打邊爐加湯前盡量裝起曬有原來嘅湯底，因為加湯後會完全溝淡到好清，湯底飲落無曬雞味。

炸蝦餅（一份$28），蝦膠口感彈牙，味道鮮甜。

膏膏鵝腸（半份$22），內有肥膏，油脂味香。

黑毛豬梅頭肉（半份$19），雖然肉質比較少油脂，但食落唔會韌。

牛五花（半份$18），食落唔會太肥膩。

金菇（半份$15）、唐生菜（半份$10），口感爽脆。

番茄（半份$10），味道酸甜。

豆腐（半份$10），口感滑溜，帶有豆香。

泡菜（單點$），味道酸辣、正宗。

泡菜（跟餐$0）。

稻庭烏冬（單點$），口感煙韌。

稻庭烏冬（跟餐$0）。

自助吧（跟餐$0），包括有米線、白飯、豉油、辣椒油、蔥花、花椒油、芫茜、辣椒醬、芹菜、辣椒碎、椒絲、麻油、炸蒜、鎮江醋、蒜蓉、高湯、熱水、凍水，米線口感軟硬適中。

無糖雪碧（單點$6.7），飲落好清爽。