大戶川·小火鍋 (已結業)

今日同媽咪去黃埔睇戲，睇完就喺附近搵打邊爐食，見呢間火鍋店都幾抵食就試吓，呢到地方都好闊落，呢到玩法係一人一個小鍋打邊爐好衞生👍🏻 湯底重可以自己揀返自己口味，醬料喺自助區攞，個個位會提供埋熱湯，飯，麵，熱水，超方便。呢到有好多火鍋套餐揀架，而且重有半份/一份叫，好岩我同媽咪，因為噤樣可以試多幾款唔同嘅配料😋我揀左大戶豬骨湯，媽咪揀左花膠湯，呢到啲湯底好夠味，但飲完又唔會令你好口渴，花膠湯底重有花膠添😍我地啲配料全部叫半份，試左好多款👍🏻推介安格斯肥牛,上枱時已經睇到啲大理石花紋唔錯，入口都好幼嫩。羊肉片我地再來多一round👍🏻我媽咪覺得好好食😆有少少羶味好嫩滑。滑雞肉呢個雞肉切到大小適中，入口出奇地滑👍🏻最正係有我至愛嘅雞子😍大大粒正唷👍🏻其他配料全部都好新鮮乾淨架呢到啲熱飲甜度適中好夠味👍🏻我地試左生薑茶，紅棗茶，柚子茶，三柸嘅味道都好好，我地每人叫2柸都飲晒😋