大公館

營業中

休息中

媽咪生日 好多野食都要早一日訂 所以試到既係普通菜式叫左個蝶魚鰭飯 超好食 魚油好出 飯少少硬身 好好食 會再返兜 全個飯清晒和牛砂鍋黑松露炒飯 少少淡咪 有d油 一般 唔差 黃金炸魚皮 好脆好多蛋黃 好食 陳皮蠔砵 好鹹 有其他火腿 個主菜都變咗唔係蠔 蛋過熟 少少難食 食咗一半勉強 最後都放棄藜麥炸蝦球 非常好食 個蝦好脆好大嚿佢係用蛋黃沙炸蝦蛋黃味道 好好香脆豆漿腐竹菜心 清清地記得意佢個豆漿底真係食到有啲豆漿味，又好夾 有少少紅棗一般嚟講侍應禮貌都OK嘢食上得都算快 啲茶，冇晒都加得好快 切餅費收咗$150 一個蛋糕正常價錢如果想一家人食高質少少既中菜，呢間性價比都算高 坐得又舒服，不過冷氣就凍咗少少 嚟慶祝屋企人生日都唔失禮 有好多菜式都好值得試，但係真係要早一日訂定

今日母親大人正日生日而佢係荔枝角返工，佢想食中菜～揀左間中菜慶祝🪅嗌咗六樣嘢第一樣係炸魚皮 有蛋黃醬，好好食，蛋黃醬唔會好多，唔會覺得太咸上菜嘅時候暖暖地，正！豆腐腐皮時菜見幾新奇嗌咗嚟試下，腐皮同豆漿好夾，菜芯同豆漿一齊食又唔會話好奇怪呢個唔記得咩名但係超級好食！名膽內爽！上面係藜麥，好香口，熱辣辣食十分juicy! 隻蝦好大隻好新鮮，十分之驚喜😝黑松露牛肉砂煲飯黑松露我麻麻地，我家姐話好香，有啲油，但係牛肉炒飯都算係咁，有干蒜喺面，香味十足又唔記得係咩差名啲魚好好食！入口即溶呀，有配豉油一齊上，魚好滑，個飯幾乾身，撈埋食啱啱好！黃金陳皮砵仔蠔啲蛋好老，唔知食緊乜，淨係食到啲豬肉好咸，陳皮味是有的，完全無蠔味，最期待反而最失望。生日飯嚟講荔枝角嚟講中菜嚟講算係咁～～補充返少少，本身上open rice睇定想食嘅嘢，嚟到話轉咗menu，又好多都要提早訂先有，所以可以訂位前問定有咩要提早訂先有最好~~

朋友提議食中菜，帶咗我嚟大公館，估唔到呢度無論環境、食物都非常精緻，喺D2 Place搭𨋢上去，平時我都冇留意。我哋四個人食，前菜揀咗黑魚子花雕醉南非鮮鮑魚、川味口水竹絲雞，唔只別緻有特色，仲好好食！花雕好香，鮑魚軟稔彈牙，不過最驚喜係竹絲雞呢個配搭，超好食！主菜三色藜麥金沙蝦球、燒汁慢煮原條牛肋骨、脆米蒜香雞、西班牙火腿金芙蓉蒸星斑球、金蒜瑤柱蒸冰島鰈魚鰭籠仔飯、豆漿杞子鮮黑腐竹浸時蔬，每一道菜都唔係一般中菜咁簡單，都係比較特別，除咗食材本身高質，菜式亦係出面好少會見到嘅創意配搭，但又出奇地好食。例如脆米蒜香雞，燒到脆皮嘅雞加咗脆米後，係double嘅香脆！後來我search返先發現原來呢度嘅行政總廚係來自米芝蓮三星級餐廳榮獲多項烹飪賽獎項嘅陳偉庭師傅，唔怪得可以將廣東菜變奏得出神入化，由擺盤至味覺享受都一絲不苟。最後，以清心柚子糕 (推介必食！）同金箔懷舊芝麻卷作結，非常圓滿，不過最開心梗係同朋友們見面，呢度環境好靚，唔嘈，我覺得好適合聚會呀。

中秋將近朋友仔請食飯，選址位於這個長沙灣區，一個我對我來說陌生的地方，當然這個秘密的私房菜也是他為今次而搜尋。。。用膳當日是平日但餐牌上的套餐沒有合適的選擇所以我們分別單點了好幾樣，～先送來是家鄉生拆魚蓉羹HK$118.烹煮得比較細綿，口感上可以話說全冇，胡椒粉味比較強勁，自己就抱着持平態度⭐️⭐️⭐️黒毛豬义燒248.這一款，聽聞是招牌菜式，但當日所吃的感覺比較乾同比較硬，部位上是否真的是梅頭肉？⭐️⭐️砵酒焗美國生蠔 HK$68. 首先價錢我覺得相當吸引，而且份量大，味道今次來得合乎我們全枱人的心意，自己私心推介⭐️⭐️⭐️⭐️椒鹽鴨舌HK$98.烹煮的手法猶豫避風塘，感覺野味，不過價錢一啲都唔手軟⭐️⭐️⭐️打卡部份芹香鮮蝦金魚餃HK$68. 賣相一流，不過吃在口中就覺得內涵比較未為飽滿紮實，芹菜味道幾出，如果餃內的餡料比較飽滿一點應該會更好⭐️⭐️⭐️打卡部份第二位刺蝟脆香叉燒包HK$68.整個賣相我覺得師傅做得很有細緻同埋心思,不過就失敗於內涵之內，叉燒餡料太乾太瘦太柴皮，叉燒包餡亦都比較乾，本來煎香包底理應係好，我們用筷子夾上，包身牢牢的黏貼在碟之上，可想知包身未夠濕潤的狀態⭐️⭐️麻香萵筍Hk$78.這一

食物整體唔錯，座位寬敞，係一間家庭飯聚唔錯既餐館，不過嬰兒都收菜芥令人無法理解服務態度認真麻麻，其中一紮馬尾金髮中年女士，長期表現不耐煩，黑口黑面 (對所有食客，非本枱)。 而整體上菜都很不專業，會將餸菜放轉盤中間，或將匙羹放向轉盤中間，每次上菜後食客要起身移動食物或取匙羹放回就手位置

開學後約到幾位靚媽共進晚膳，這機遇難得，當然不能hea食。朋友提議去「大公館」食中菜，主打精緻菜餚，看餐牌頗有新意，非千篇一律的菜式，值得一試。店內裝潢古色古香，座位濶落，以大圓枱居多，很適合大班人聚會。頭盤有🥢黑魚子花雕醉南非鮮飽魚 和 🥢川味口水竹絲雞。醉鮑魚冰凍結實，花雕酒味香而不澀，表面點綴黑魚子增加鹹鮮味和貴氣。竹絲雞平時燉湯多，口水竹絲雞也是第一次吃；入口花椒香味甚強，再滲出少少辛辣味，雞件切得方正滑口不油膩，很特別。🥢三色藜麥金沙蝦球外層包裹鹹蛋黃炸脆，金黃鹹香，加上三色藜麥點綴，增加口感又有益，蝦膠鮮滑彈牙，酥脆惹味。🥢燒汁慢煮牛肋骨牛肋骨肥瘦適中，慢煮令肉質更稔滑，厚切保留肉汁，肉味濃郁。🥢脆米蒜香雞雞件滑溜，皮脆不油膩，蒜香味突出，脆米營造如米通的卜卜脆口感，口感更好。🥢西班牙火腿金芙蓉蒸星班球賣相精緻，星班球清蒸後滑不溜口，鮮味讓人想多吃一塊；配上蒸蛋和西班牙火腿，中西合璧，配搭出色。🥢金蒜瑤柱蒸冰島鰈魚鰭籠仔飯飯粒吸收了瑤柱和魚塊的鹹鮮味，加上蒜香，每口都非常入味。冰島鰈魚質感比較滑身，入口即溶，魚味清甜，味道不錯。🥢豆漿杞子鮮黑腐竹浸時蔬第一次食黑腐竹，外型特

開心聚一聚！做咗媽媽之後，更加珍惜放低小朋友同朋友食餐飯嘅時光今次去 #大公館 食精緻中菜。可以同朋友傾吓偈，講下媽媽經，一邊慢慢品嚐美食。前菜：-黑魚子花雕醉南非鮮鮑魚-龍井煙燻黃花魚-川味口水竹絲雞上前菜已經好肚餓，竹絲雞賣相好特別，川味惹味真係流口水。南非鮮鮑魚好彈牙、龍井煙燻黃花魚有陣陣茶香。開胃之後再繼續食：-三色藜麥金沙蝦球-燒汁慢煮原條牛肋骨-脆米蒜香雞-西班牙火腿金芙蓉蒸星斑球-金蒜瑤柱蒸冰島鰈魚鰭籠仔飯 -豆漿杞子鮮黑腐竹浸時蔬-清心柚子糕 -金箔懷舊芝麻卷金沙蝦球蛋黃好香濃，配上三色藜麥中和清新；慢煮原條牛肋骨好軟腍入味；脆米蒜香雞外皮香脆內裏Juicy；芙蓉蒸星斑球橙黃色啫喱狀湯汁非常特別，口感鮮甜嫩口；冰島鰈魚鰭籠仔飯，第一次食冰島鰈魚鰭，估唔到口感係咁！最後食返個豆漿杞子鮮黑腐竹浸時蔬清一清味蕾，再食埋兩款甜品，非常滿足大公館環境清雅，食物精緻，好適合一家人或者朋友相聚餐廳：Greater China Club 大公館

難得的me time～約埋幾位靚媽一齊聚一聚！今次飯聚選擇咗大公館，品嚐精緻高質嘅新派粵菜🫖環境舒適寬敞，加上貼心的服務，可以用「冇得彈」嚟形容💕每款菜式都好精緻，好有水準！💥特別推薦川味口水竹絲雞，以冷盤啫喱狀呈現好特別，配埋麻辣醬油，非常滋味！三色藜麥金沙蝦球🍤上菜時已經聞到陣陣鹹蛋黃香味，加上蝦球皮脆彈牙，絕對係令人忘不了的味道！西班牙火腿金芙蓉蒸星斑球賣相特別，嫩滑星斑球🐟配上蒸蛋及西班牙火腿，味道好夾，口感豐富！金箔懷舊芝麻卷係我最鍾意嘅傳統糕點❤️香港已經買少見少，但呢度可以食到皮薄芝麻味濃郁嘅芝麻卷，實屬難得！今次飯聚有美人佳餚非常開心！而且有說不完的話題，期待下次見面啊❣️

一值想試荔枝角大公館，趁同家人飲茶，就訂位去試下果度嘅點心。12點正才開門，逛了樓下商場幾轉，終於開門，但上到去重門深鎖，要自己推那度又重又大嘅紅色大門才見到接待處，唔知道便以為佢仍未營業。未評論佢哋食物，我想先講佢哋服務。一早訂了枱，侍應安排了大房裏就坐，但坐下我們便發現，位置燈光較暗，無射燈照射住枱中位置，我和先生就最不喜歡餐枱無燈，食什麼也看不清楚，見場地仍有很多枱未入坐，便盡早同一位女侍應反映想換位置，但她拒絕，說其他枱已訂，不能換。咁好啦，算數，我也不想為這些事情影響成餐飯嘅心情。跟著我便著眼留意侍應的服務態度，水壼開了蓋，來回幾次也沒有幫我們添水，想點菜，只見她們與鄰枱客人聯誼，也算，幫我們點菜，一路下單，一路打喊奴，再唔係就咳幾聲，雖然帶了口罩，但見她的服務態度，根本不符合大公館的檔次同價格。只有一位較高級的女經理，面帶笑容，一早便發現我舉高手找侍應不果，便離遠走來為我下單，這才是應有的服務態度。最尾，點心最令我驚喜讚好只有芝麻卷，其餘的不礙如是，唔明點解咁多好評，價錢又貴，無下次。另外想提，我飲完餐茶，我旁邊那張枱仍未有客人入座，最尾還被我發現，幫第二位客人換了我旁邊那

大公館位於荔枝角全新創意地標，荔枝角活化工廈D2 Place ONE最頂層，由屢獲殊榮的烹飪團隊，以現代的烹調方法做出精緻的粵菜。清香柚子凍鮑魚作為頭盤的第一道菜，以乾冰營造出煙霧離漫的感覺，鮑魚彈牙而不韌，柚子的清香帶出鮑魚的鮮味。麻香萵荀麻而不辣，爽脆清甜，交叉編織的萵筍盡顯刀工。川味口水竹絲雞做法有點似上海肴肉，但竹絲雞省卻了豬肉的油膩感，更充滿雞肉的甜味，十分驚喜。三色藜麥金沙蝦球當晚的MVP，原隻大蝦份量十足，外層炸漿薄脆不油膩，油溫控制極佳，鹹蛋黃的調味亦恰到好處，配上三色藜麥層次感豐富複雜。木瓜慢煮美國安格斯牛小排創意滿分的一道菜，軟綿的木瓜裏藏着慢煮了的牛小排，很適合炎炎夏日的配搭。脆米蒜香雞雞皮配上脆米，脆上加脆，蒜香味由外王內滲透整隻雞。西班牙火腿琥珀米皇浸時蔬津白的甜和西班牙火腿的咸鮮相映成趣，加上桃膠倍添口感。金蒜瑤柱蒸冰島鰈魚鰭籠仔飯鰈魚魚味充分，以清香的荷葉墊底，米飯粒粒分明，整道菜十分和諧。清心柚子糕與第一道菜以柚子開始，這道甜品是一個完滿的句號，首尾呼應。金箔懷薈芝麻卷淡淡的甜味沒有掩蓋其芝麻香，水準之作。

今日同朋友係d2 place行街竟然發現樓上有間隱世高質中菜質素拍得住尖沙咀 銅鑼灣既出名中菜但係價錢就相宜好多🔸前菜清香柚子凍鮑魚，麻香萵荀同埋川味口水竹絲雞-鮑魚爽甜彈牙，唔需要過多既調味下面放左清甜多汁既柚子肉，更加清新-萵荀好爽脆 每條萵荀都編成麻花狀可以增加口感同埋非常考刀工-川味口水雞選用左烏雞肉質會彈性d麻味同辣味都好平衡，好好食🔸三色藜麥金沙蝦球蝦球炸得外皮夠脆蝦肉既肉汁就保存得好好鹹蛋黃醬汁好甘香同蝦肉既鮮非常夾🔸木瓜慢煮美國安格斯牛小排將牛小排用木瓜包住黎炆煮牛小排可以保持嫰滑同時吸收到木瓜既甜味另一方面木瓜都炆到稔晒，亦吸引左牛肉汁一樣咁好良🔸脆米蒜香雞炸子雞外脆內滑，帶陣陣蒜香外皮沾上左脆米先炸令外皮更加脆身🔸西班牙火腿琥珀米皇浸時蔬奶白色既高湯再加上面頭既西班牙風腿香氣同味道都相當好稔甜既娃娃菜可以索晒d湯汁非常好食🔸金蒜瑤柱蒸冰島鰈魚鰭籠仔飯荷葉飯香氣十足鰈魚蒸完之後釋出既魚油加上鼓油已經係荷葉飯最佳既拍檔🔸清心柚子糕🔸金箔懷薈芝麻卷

對我黎講🧏🏻‍♀️中菜係幾時食都唔會厭今日係D2 place睇完戲就約左朋友係一期10樓大公館食中菜💖🌀清香柚子凍鮑魚一出場好大派場🤣呢個一口鮑 記得要一啖食曬 配埋柚子好甜 鮑魚好彈牙😍😍好鐘意🌀麻香萵荀椒麻香 令普通冇味既萵荀變得特別🌀川味口水竹絲雞呢個凍盤辣得黎好好食 竹絲雞好滑 雞肉同脂肪一齊雪番造成啫喱狀好有口感同夠香麻辣 配埋花生好正🌀三色藜麥金沙蝦球外層加左咸蛋黃炸香，內層就包住好大舊蝦球🙊🌀木瓜慢煮美國安格斯牛小排先慢煮好牛小排 再放入木瓜入面釀 上枱時切開個木瓜好有驚喜 牛小排好淋又唔痴牙 配埋木瓜甜甜地嘅汁好夾🌀脆米蒜香雞雞皮好脆 配埋米通更脆口 勁香嘅蒜香同咸香味 🌀西班牙火腿琥珀米皇浸時蔬濃稠既上湯配埋桃膠好香 津白吸曬上湯既精華好甜🌀金蒜瑤柱蒸冰島鰈魚鰭籠仔飯左口魚好香魚油香 飯好乾身一粒粒🌀清心柚子糕有柚子肉係糕點入面 🌀金箔懷薈芝麻卷芝麻味濃郁

其實我平時好少出街食中菜️😆 但今次同一班朋友去咗食依間勁高質嘅中菜👍🏻 啲菜式超有心思又精緻😍 清香柚子凍鮑魚🍊 ($185/5)呢個擺盆超有仙氣🥰 忍唔住瘋狂影相😎 鮑魚夠彈牙👍🏻 再加埋柚子肉🍊 成個感覺變得好清新🌿話梅鐵棍准山 ($78)准山質地勁爽脆👍🏻 仲有d 似雪梨口感🥰 但少少話梅嘅酸味😍 成個配搭同樣清新開胃❤️金甲脆魚皮🐟 ($78)呢一個炸魚皮就係用咗鹹蛋黃去整嘅🥰 好有鹹蛋黃香👍🏻 質地好鬆脆❤️川味口水竹絲雞🐥 ($118)呢個凍盤好特別😍 竹絲雞做到好似鎮江肴肉咁有層啫喱🥰 竹絲雞好有口感😌 層次分明👍🏻黃金沙律汁蝦球🍤 ($215/5)輕輕炸過既茄子好軟熟👍🏻 上面蝦肉好彈牙🥰 加埋沙律醬，成個配搭好好食😋木瓜慢煮美國安格斯牛小排🐃 ($268)原個木瓜入面放左d 安格斯牛小排粒😌 牛肉味好濃郁🥰 木瓜好清甜😊黑糖龍井茶燻雞🐥 ($288/半隻)用咗龍井茶去煙燻👍🏻 雞肉好嫩滑❤️金蒜瑤柱蒸冰島鰈魚鰭籠仔飯🐟 ($268)用咗龍仔上好傳統🥰 但又用咗鰈魚呢個比較日式嘅魚🐟 所以成個飯都好特別👍🏻 D魚好滑😍 入口即溶😎西班牙火腿琥珀米皇浸時蔬🥬 ($158)蛙蛙菜

見呢間餐廳既網上食評咁正面，於是約埋成理朋友嚟試吓聚吓舊，點知食咗一肚氣！一個月前打去訂枱，當時已經同職員講咗有2架嬰兒手推車，職員回應話冇問題只係要預坐逼啲，咁大家朋友就吓當然冇問題啦。預訂日子前一晚，餐廳職員仲好有交帶打嚟確認訂座，我就再三提醒職員我哋有手抱嬰兒所以要泊2架嬰兒手推車，當時職員回應話唔緊要只係坐逼啲。當晚入座時餐廳唔多食客，我哋被安排到一間客房既角落食飯，當時客房內並未有其他食客。我哋一家帶住一個手抱bb坐低，有位餐飯女職員，紥長馬尾頸戴金牌深紅色口罩，一句通知都冇就擅自移動我哋㗎BB車，當時我都覺得好奇怪。然後有另一枱食客進場，佢哋坐低咗亦冇投訴話我哋㗎bb車阻住佢哋。當我朋友到達時，朋友㗎bb車就泊係我哋隔離，呢位紥長馬尾既職員就極不禮貌地表示我哋兩架bb車阻住隔離食客，要求我哋2架bb車要泊出走廊，我當時同佢表示我哋既bb只係4個月同8個月，係需要bb車係附近，然後該名紥長馬尾既女職員好大聲咁話我哋冇事先通知佢所以佢安排坐位既時候冇預到2架bb車會同隔離枱食客咁近，我即刻回應話訂座同確認訂座時都有表示我哋有2㗎bb車，呢位紥長馬尾既女職員就回應話佢同事冇通知佢

6人晚飯聚餐，預定了乳豬全隻，豬皮是脆的，但略嫌帶有太多肥肉。然後點了個尊尚套餐，四小碟之中金甲脆魚皮非常鬆脆、招牌黑毛豬叉燒雖然略肥，但有燶邊，尚算不錯，其餘兩小碟還可以。吃過四小碟之後就開始出問題，由湯以至五個主菜全部偏鹹，其中以金蒜豉汁白玉蒸銀雪魚球最離譜，簡直鹹到苦；脆米蒜香雞賣相差，部分雞骨還是鮮紅色的；豆漿杞子黑腐竹浸時蔬，隨便用上了娃娃菜而不是什麼時令蔬菜，配以黑腐竹不是特別好吃或好看；飄香蟲草花乳鴿沙窩飯驟眼看似是一窩豉油撈飯，當中找不到多少微粒乳鴿！最後，兩道甜品也不能扭轉劣勢，馬豆糕馬豆過硬、黑糖糕過甜。這般菜色也可以算得上OpenRice 眾多食評中所稱的高質粵菜？原因為何，看官應該心裡有數吧別以為餐廳環境和服務質素可以加點分，週五晚上客人挺多，餐桌距離與普通酒樓差不多，吵得連同桌的人講話也聽不清楚，侍應們也不會主動為客人更換碗碟！這樣的一頓飯，吃得十分不爽