大丸ラーメン

營業中

休息中

貝丸(海鮮豚骨) 期間限定 $108係復活節悠長假期下, 決定黎試下呢排超多人推介既大丸拉麵。拉麵店每款拉麵都有限定數量, 賣晒就冇, 本身只係開12-4, 有時賣晒就會提早關鋪。因為太想食到期間限定既貝丸拉面, 所以當日11點(鋪頭開門前一個中)已經到達, 但當時前面已經差唔多有20人, 據聞當日排第一既客人10點已經到達, 可想而知佢地有幾咁志在必得! 我地當日去既時候只有26碗貝丸, 大部分既人都係揀左呢款, 非常受歡迎! 貝丸拉麵可以揀醬油味鹽味同蝦味, 同埋可以選擇麵既粗幼度同油量。我地就試左一個醬油味同一個鹽味, 拉麵一黎到已經超級香, 湯底好清甜, 非常足料, 蜆肉亦超級大粒同新鮮。另外, 流心蛋非常驚艷, 連我呢個唔中意食蛋既人都非常欣賞。醬油味湯底非常味道濃郁, 但因為我地口味偏淡所以會覺得湯底稍咸, 本身中意食濃味既人應該會好中意。鹽味湯底相比之下會清淡少少, 比較適合本身中意食冇咁濃味既人。小店非常足料新鮮, 價錢亦公道, 難怪經常大排長龍。如果想試期間限定既拉麵可能真係要早少少到達。Overall:Taste - 8/10———————————————大丸ラーメ

讚1 湯的確係好，夠香，無果種夾硬煮出黎既羶味，同埋滲左少少蜆既鮮甜味，好飲！拉麵質感都爽滑，基本功做得好2 環境企理彈1 塊肉麻麻地，同埋有一兩隻蜆有沙，最好注意下

上次3點去到，剛剛賣晒所有湯，白行一趟🙁🙁今日一早起身，實有得食呀?！去到奧海城巴士總站只係10:30，似乎早咗少少，點知去到大丸門口，已經排咗十幾人，即刻乖乖跟隊。11:45左右，店員姐姐出嚟比餐牌同確定人算，望望龍尾起碼排咗50人，阿仔一早已經話要食限定貝丸幼麵，太太點蝦丸幼麵，我點咗黑丸粗麵。黑丸湯底濃而不膩，食到尾都唔覺得咸。貝丸囝囝選了豉油湯底，好味！太太選了蝦丸，三個湯之中最好味！整體麵和溏心蛋都正常，麵份量就比較細，加埋餃子就一流👍🏼⋯⋯不過今日餃子冇貨😜😜所以就叫多一碗白丸，店員姐姐亦好好人，提醒我食完黑丸記得飲幾啖茶清清口腔，白丸果然比較清爽，不錯！整體來講食物質素一流，店員有禮服務態度好，環境清潔，香港高品質拉麵！

排隊都值得 拉麵湯底濃厚 無味精 好好飲 拉麵口感煙煙韌韌 好好味 最後加兩滴昆布醋落湯 好好飲 留沁蛋好好食 剛剛好 服務好細心 排隊仲會問要唔要傘 拉麵師父係日本人😍 樓面兩位姐姐好靚女 好有禮貌😍 今次係食左黑丸同蝦丸 我地好好彩成為最後幾位有機會食到既顧客 我地準備入坐既時候 已經有牌表示已經賣曬👍🏻👍🏻👍🏻👍🏻 真係好好生意 份量好餓 好滿足 我不停偷睇師父煮拉麵 好似真係去左日本錦一路睇住師父煮一路食 睇住湯底點煮 好濃郁 好好味

又到拉麵時間♥️知道生意好左而人手不足令到營業時間短左其實都系好事黎✔️✔️大家都辛苦了🙏🏻由1200到1600.做到無湯底就完了而1個多小時既等待都係值得既 好彩無走到餃子暫停供應是可惜的🥲🔸白丸($88)鹽味豬骨湯加一片檸檬🍋加左🍋既感覺令到個湯頭再好味啲✔️✔️味道岩岩好吳會太咸🖤豚肉滑身到不像豚肉 好滑♥️真系好食✔️✔️✔️因為走左青 所以店員話可以搵餸代替 我叫左紫菜 好細心呀🖤日本蛋既糖心蛋蛋味好重✔️✔️✔️幼麵既掛汁都好高♥️♥️食到尾叫左昆布醋 有另一種味道✔️✔️大家都不妨試下🤫🔹蝦丸($98)滿滿既櫻花蝦令到湯頭很鮮✔️✔️✔️老實說2碗湯底都不相伯仲🖤友人走青轉左多木耳絲增加左口感🖤📣聽說貝丸個多小時就賣完了Sighhhhhhh下次encore要早啲去同一定要食到🥟🤫🤫

今日去咗見客，行過嘅時候見到呢一間拉麵店好似都幾好食，所以就走咗入去試吓啦！入到去當然要試吓呢一度嘅招牌菜式啦，我就叫咗呢個豚骨湯拉麵！但係碗嘅拉麵都係$78 ，算係幾抵食嘅！而且呢度嘅湯底真係非常之濃郁嘅豚骨味道，我自己好鍾意！叉燒亦都大大塊，而且肥瘦適中，入口嘅時候叉燒嘅油脂味道真係好香！

讚1 湯底好，蜆肉飽滿多汁鮮甜無沙，湯底除左豬骨香，仲帶左啲海鮮鮮甜，拉麵質感亦爽滑，整體係一碗好好既拉麵2 服務員笑容好好彈1 叉燒偏乾柴2 可能唔好彩，坐左係門口位，出出入入都被客人碰到，感覺一般

好耐無試過食碗拉麵要排一個鐘頭隊，但見到香港人為一碗拉麵而排隊係開心嘅，下午13:15到，14:20入得，坐底一陣已經聽到店員話今日已經要截龍，開12點，兩點半已經截龍，不得了，今日本來專登收早啲唸住去食個限定貝丸(海鮮豚骨)，不過排到我時已經無晒，咁就轉食蝦丸(蝦豚骨)，豚骨湯頭夠濃夠厚身，加上櫻花蝦香，飲得出湯頭有層次，麵條我揀左細麵，佢哋仲有粗身麵可以選擇，但湯麵個人唔太喜歡太粗麵條，麵條有小麥香，麵質幼滑爽口有彈性，叉燒就普通正常水準，低溫煮，有肉香，半熟蛋選用日本新紀元卵．曉，蛋黃深橙紅色，蛋味香濃夠流心。麵店由日本人師傅主理，所以可以話對食物出品特別有要求，而且仲要幾好樣，態度友善。今日坐我隔離有兩位男食客，佢哋食完碗麵時其中一位飲晒碗湯，佢朋友就話：你咁犀利連湯都飲晒，咁飲晒湯個人就話：緊係啦，師傅咁辛苦煲啲湯出嚟緊係要飲晒，聽完我心唸呢啲咪尊重囉，當然亦要碗湯得先可以飲晒。下次要11:30去排隊食限定貝丸

香港人真係無懼疫情二人限聚令仲要人流控制加社交距離呢間日本麵店門口竟然大排長龍朋友話點都要試吓結果足足排咗40分鐘因為好耐冇去旅行朋友聽到正宗日本師傅開拉麵店就豁出去點都要排隊食到我點左蝦丸即係蝦湯底配櫻花蝦叉燒拉麵好濃郁嘅湯香拉麵夾住櫻花蝦掛住醬汁咁又真係好彈牙 好好食叉燒嫩滑鬆軟 非常入味最重要係嗰隻日本溫泉蛋淡淡的豉油香 蛋黃剛好6成熟完全冇得輸 隨面得半隻我自己加多隻朋友點白丸我試咗湯底 香甜清新湯底悉心熬製用料非常尚盛朋友連湯都飲清總括嚟講真係好好食嘅不過要排隊40分鐘我就冇下次囉

之前睇報導見到好多人話呢間拉麵店既老板好有心機整拉麵🍜 煮得出正宗既日本風味 所以見唔係好多人排隊就黎試下(•ө•)♡✿ 黑丸 (醬油豚骨拉麵) $88呢碗醬油豚骨拉麵既湯底係用熊本產既熟成醬油同日本產乾貝等既海味煮成🐚所以有濃厚既乾貝味 個人覺得呢個湯底比白丸更加香濃 🍜叉燒都煮得好嫩滑 有兩大片呢度既溏心蛋用咗我最鐘意既新紀元「曉」雞蛋🥚蛋黃極濃郁 流心效果都好好( •̀ ω •́ )係醬油味醃得未夠入味 呢度既拉麵用咗煙韌既粗麵 麵質好掛湯 配菜既爽脆木耳絲一齊食 口感更加豐富～評分ʕ •̀ o •́ ʔ 👅味道：♥♥♥♡♡💸cp值：♥♥♥♥︎♡🤟🏻回頭率：♥♥♥︎♡♡

大角咀開左好多間拉麵店，但質素真有參差！呢間食過3次，係唯一一間大角咀我會重覆幫襯嘅拉麵店！平時佢條人龍。。。所以通常我等佢一開門就去先晤洗排，就算而家疫情仍見人龍，也不用質疑佢嘅水準！店內得大約8-10個坐位，但都唔算好迫，坐位下面有籃放袋所以坐得都算舒服！樓面姐姐好有禮貌，好細心！店鋪由日本人主理，我坐位剛對住廚師，佢真係好用心，每種調味嘅份量都要求好準確，睇得出佢好用心去做！湯底濃郁但晤過鹹，好香，食完都唔會口渴！ 麵質煙煙靭靭，掛湯！蛋好香！平時我食拉麵片肉我只咬一啖試，通常我過哂D肉比朋友🤣，但呢間嘅肉片係唯一一間我會食哂！無得飛咁耐，食左當去左，暫解渴望旅遊的心理之苦！真心好味推薦的拉麵店！餃子我試過關西風同原味，關西風。。。個人覺得有趣，但之後都係叫返原味，好味！

身為大角咀街坊點可以唔知道大角咀最好食嘅拉麵店😆。碗碗由日本人親自炮製，無味精兼飲得出湯頭啖啖鮮美嘅大丸拉麵店，大家行過大角咀必須試下👍🏻。特製鮮蛤海鮮豬骨拉麵($108)，雖然只有少少五粒鮮貝，但系有幾大粒大家可以睇相體會，粒粒鮮美嫩滑，加上濃郁嘅蝦湯底，系必須encore之選！黑丸醬油豚骨拉麵($88)，睇下隻蛋系新紀元"曉"系列，蛋味濃郁極致，豚肉肉質鮮嫩，配埋個無味精嘅醬油湯，真系可以飲到一滴都冇得剩😆。作為街坊雖然久仰大名但系一直都冇機會食，因為佢出面條隊長到長期令我睇唔到希望😂。今次因為疫情，有幸食到一次。店內區區幾個座位，充滿日本風味，廚師將碗麵serve上枱時仲充滿儀式感，真系好幸福💗。

大角咀地方細細但係其實有好多好野食！而且價錢又唔貴，真係可以多啲嚟捐窿捐罅搵嘢食雖然我本身唔係好鍾意食拉麵，但係見到呢間感覺上好有喺日本嗰陣落街就食到嘅拉麵嗰種感覺，所以就入咗去回味一下佢係真係日本人主理㗎！💂🏻‍♀️《蝦丸》$98本身想食辣味嘅豚骨拉麵，但係見到佢呢個蝦豚骨，感覺上會比較鮮味，所以就決定試吓。見到佢有啲櫻花蝦喺度，都幾香，以佢嘅豚肉薄切得嚟有種入口即溶嘅感覺，加上湯底非常濃郁，帶有淡淡的鮮味，而拉面都係食落比較有彈性，整體來講非常唔錯總結：呢間小店真係令我有身處日本嘅感覺，而且佢拉麵全部都係$100有找，仲可以自選面嘅粗幼度同埋油嘅多少，咁就可以根據自己嘅口味揀最適合自己嘅一碗拉麵喇頒發軍階：上將🎖🎖🎖🎖

去開大角咀做嘢，見今日比較多時間突然想去搵下有乜好嘢食，行到近奧運站附近博文街見到有一間大丸拉麵，佢門口同店內環境都好有日本feel ，冇得去旅行食嘢唯有頂住癮先，今次叫咗個蝦豚骨拉麵，食落佢地自家製豚肉唔同出面一般嘅叉燒，肉質鮮嫩唔鞋，一般食開叉燒都比較鞋，流心蛋夠入味同流心情度做得好好，湯底豚骨味濃加埋大量櫻花蝦真係一流，最緊要係湯底冇落味精，因個人對味精有少少過敏，呢次我連湯都飲晒😋，同主廚傾談時得知佢係日本人，唔怪得裝修同食物咁有日本feel ，下次要試埋其他口味先得。

依碗喺大辣、多油嘅辛丸豚肉拉麵，辣道適合一般人士，湯色非常深又有光澤的紅色，飲落較其他拉麵店嘅有多一層層次感，香料味道滲透在辣湯中，唔喺一味得嗰辣字。 麵量適中，黃色麵掛湯後賣相誘人，彈牙程度有出面食的一貫水準，配菜有海苔、蔥、木耳絲及半隻半熟蛋，半熟蛋蛋心流質感還好，口感仍是嫩滑，木耳絲咬有嗦、嗦聲非常滋味，海苔亦脆口 豚肉一端上嚟賣相粉嫩，有花紋，睇起來吸引。切片偏薄同細，口感還是可口。 整體嚟講還是滿足，因為整個味道都好好，而且依間設有嘅任裝茶水，是麥茶沖的，食完飲一杯亦是享受！