大丸ラーメン

營業中

休息中

來到大角咀記得留肚食依間隱世拉麵小店🥇 鋪頭不大有十個位左右 附近好多街坊幫襯☺️店面有二名港日夫婦打理👫拉麵我叫了蝦丸拉麵🍜選擇了粗麵同少油 湯底主打原味湯頭不另外加味精 食晒成碗唔口渴 豚肉軟淋@櫻花蝦大量 台面有生蒜落@我個人重口味落左好多🤣好正 提高層次😆😆

-{大角咀蝦湯拉麵🍜}揾揾下發現大角咀都有好幾間拉麵店☺️依間之前有睇過報導係由日藉夫婦主理嘅拉麵小店😙🤤蝦丸🤤 ($98)要左粗麵 同普通油量個蝦湯一啲都唔腥😍😆蝦味好濃郁😚仲好多櫻花蝦 不過可以嗌少油 食到最後有啲漏😉另外豚肉似係半肥瘦好香油脂味😙麵似係沾麵嘅麵餅 份量好多 軟硬度ok☺️成碗都好高質🥺🥺🥺👖褲評: 8.3/10🤤日本式餃子🤤 ($35)要左個原味 料肥豬肉多啲 個皮煎到有雪花幾脆😜👖褲評: 7/10好高質🥰😍不過得好少位置 繁忙時間可能要等耐啲🥺一定會再encore試其他款😜性價比: 8.5/10服務: 8.8/10環境: 8/10🚩大丸ラーメン🚩地址: 大角咀博文街22號地下B舖#fuudjai #fuudjai日本菜 #fuudjai拉麵 #fuudjai大角咀

有朋友推介話呢間位於大角咀既大丸拉麵非常好食😋咁岩太耐冇食過拉麵，就黎試一試係咪真係咁正😁佢舖面其實非常細，大概得10幾個吧台位左右，繁忙時間黎食就要黎排下隊啦🤩今次黎試個蝦丸，上面有好多櫻花蝦，蝦味非常之濃郁，湯底亦都係比較杰嗰種，個人覺得如果你唔係特別重口味，油揀少量就可以🟡好肯定既係佢既湯底一定冇落味精，因為食完真係冇口渴😋麵方面我揀左粗麵，煙韌有咬口，掛左啲湯喺上面，啖啖都食到蝦味🦐叉燒脂肪冇其他拉麵舖咁多亦都相對地薄，但好處就係唔會有筋易咬🥩我同朋友分別嗌左唔同既餃子share食🥟我嗌既係關西風餃子，食落真係有大阪燒既味道😛木魚片俾得好足，餃子本身既味道都好好👍🏼但如果你本身鍾意食蔥既話，我強烈建議你嗌青蔥沙律醬的，蔥增添左好多口感同清爽度，佢仲有落少少辣椒粉落餃子度，令佢喺口味上同另一款有更大既分別，強烈推薦！！老闆係日本人黎，我只係喺佢覆我單既時候聽過佢講廣東話，其餘時間佢都係講日文，我有一刻以為真係去左日本既拉麵舖🥰絕對有下次啊！

見一個人係大角咀 就走去試呢間一直都有人排隊既大丸拉麵，果籽之前都有做訪問，發現店主係兩公婆，男店主係日本人，有啲期待會食到日本正宗風味😋揀左黑丸拉麵，其實啫係醬油豚骨拉麵，配料有豚肉，木耳，紫菜，半隻溏心蛋，都幾重量級😍個湯都好濃，淨係飲會有啲咸，連埋拉麵食會好啲😗而拉麵都好掛到啲湯，咁岩我食既時候啲拉麵唔會太淋，都夠彈😋要特別推介粒溏心蛋，真係好好食，夠曬入味！得半隻唔夠喉，下次黎食要加蛋先得😙😙食完啲麵可以加湯再飲埋個湯底，但食到一半都好飽，食唔曬 就試唔到飲埋湯🤯Overall 呢間拉麵店都好好食 份量都大 女仔未必會食得曬 坐都幾舒服 環境唔係特別寬敞但夠光猛同乾淨 值得二刷✌🏽

🤎大丸ラーメン 🍜•今次嚟到位於大角咀嘅大丸ラーメン🍜由於睇過相關嘅報道！知道店主二人對拉麵充滿熱誠😆所以bookmark咗好耐想試🤣——————————————————❶ 白丸 $88白丸其實係鹽味拉麵✨湯底是用豬骨熬足十小時 再加雞骨提升鮮味唔會加味精！鹽味湯底用咗豬骨 雞骨熬製再加上喜馬拉雅山、沖繩和意大利的鹽😋飲得出係自己用慢火煲出嚟靚湯 飲完一啲都口渴🤣叉燒係薄切 偏瘦 無肥肉！所以食落一啲都唔油膩！叉燒用火槍炙過 增加焦香✨食落肉唔會太過老 仲有豬肉香！😢拉麵可以選擇粗麵或者幼麵！今次選擇幼麵🌟食落口感都好彈牙 唔會好淋 不過唔算好特別 普普通通😢半熟蛋個人覺得一般 唔算好入味 不過勝在有流心效果😆❷ 蝦丸 $98湯底用蝦和豬骨熬製 以蝦香為主 豚骨味作輔🌟上面鋪滿櫻花蝦 由經蝦油及蝦膏調味 所以充滿蝦香 對比兩款湯底個人覺得蝦湯相對上出色✨ 😆有一點想特別稱讚✨拉麵嚟到嘅時候 摸到個碗好熱 應該有特登整熱個碗先✨好欣賞依個細心位😚食到最後個碗都仲好暖😋❸ 日本式餃子 5個 $35 山椒及餃子汁|關西風|青蔥沙津醬餃子煎得香脆 食落好香口 而且有多款醬汁選擇✨今次我嗌咗山椒

大角咀日本拉麵！之前聽朋友話好好食，成日叫我去試。終於有機會去試。朋友話好多人食，要排隊，當日星期六中午去都真係要排，不過就排唔耐。好快就有位～好似真係日本拉麵師傅嚟架！店員姐姐都超好態度好有禮貌 另外坐係吧枱位仲可以睇住師傅煮麵～睇住佢地用心煮你個麵！湯底好濃郁，飲多幾啖都唔會口乾。叉燒係薄身一片但好好食，唔係油膩個種。仲有半隻入晒味嘅糖心蛋！真心好食！！只係坐位少而且坐得唔舒服，大家都係快食快走～

今日行開大角咀，意外地發現呢一間好食拉麵店。開頭我哋都冇諗住試呢一間餐廳，不過行吓行吓都睇唔啱其他餐廳，又見到尼間餐廳出面時不時都會有人排隊，所以決定返轉頭一試呢一間日式拉麵小店！我哋好好彩返轉頭嘅時候唔使排隊有得直接入去。由於店裏面得10至12個位，所以如果想來試下拉麵嘅朋友記得要留返少少時間排隊。我地叫左一碗蝦丸、一碗大丸特製蝦味拌面同埋一份關西風煎餃子。蝦丸 有好多櫻花蝦，蝦味湯底好夠味，上碗時湯底及面底都好夠熱，好味道！大丸特製蝦味拌面 有驚喜！ 開頭見到枱枱都係叫熱拉麵，但由於天氣太熱所以我就想試一試呢一個拌麵。尼個蝦味拌面既味道一啲都唔輸比蝦丸，配埋溫泉蛋、蔥花同埋櫻花蝦 入口既味道都一流！由於我係餃子控既關係，見到餐廳有賣餃子，我一定會想試一試。尼個關西風餃子 食落去有大阪燒既味道，餃子肉多汁，不錯不錯！ 最後，值得一讚係呢一間餐廳嘅侍應同安排都好細心。如果見到食客着白色衫或者有長頭髮，佢哋都會主動提供圍裙或者橡筋，以防大家整污糟。

星期六，6點鬆啲去到，唔使排隊就有得食！😋個位好乾淨！點解咁講？因為拉麵店，食拉麵嗰時都唔多唔少會彈到周圍都係，但大丸，我真係冇見到啲漬。餐牌我哋叫咗蝦豚骨拉麵同埋醬油拉麵，同埋關西風餃子。蝦豚骨拉麵 - 個碗好熱，拉麵好熱，第一啖好重蝦味，之後食落習慣咗就食得返豬骨味，個湯係比較清爽，唔似一般拉麵咁油。麵 - 我揀咗粗麵，一般般。叉燒都係一般般。蛋係出色嘅，佢用咗曉，蛋黃係紅色嘅，重蛋味。拉麵食到一半可以加昆布醋，口味變得更清爽。順帶一提，當日天氣熱，拉麵又好熱，鋪頭又冇咩冷氣，真係食到出晒汗。黑丸 - 醬油拉麵關西風餃子 - 餃子都juicy嘅，加埋木魚同沙律醬，幾得意。

#double👧🏽👧🏻吃在大角咀【日本人主理| 大角咀拉麵小店🍜】#🥭👧🏻..🔻蝦丸🦐//蝦豚骨拉麵// ($98)🔻辛丸🌶//激辛豚骨拉麵// ($88)🔻日式餃子🥟<5隻>(關西風味)($35)蝦湯幾香 質感濃稠掛湯 👧🏻揀咗硬麵 少油走木耳 影完相再食麵質都啱啱好👍🏼唔要木耳仲可以免費轉蒽或者紫菜 呢點值得加分🥰另一款辣湯愈食愈濃味 唔錯😋溏心蛋都整得好靚 不過餃子就唔夠香脆 可以再煎耐少少－－－－－－－－－🍴食物：4/5🏝環境：3/5🛋服務：4/5💲價錢：4/5💥翻兜指數：3.5/5✨CP值：4/5-🍴餐廳：大丸ラーメン 📍地址：大角咀博文街22號地下B舖-🔎食物選擇👉🏼#double_拉麵🔎菜式選擇👉🏼#double_日韓🔎口味選擇👉🏼#double_咸

有日陰陰天就決定行去大角咀食lunch，本身打算食果間人氣台灣菜要排30分鐘以上🥲決定轉戰朋友推介係附近嘅拉麵店🍥入面座位唔多，但感覺好似去咗日本啲拉麵小店。原來呢到由日本師傅主理，都識小小廣東話，見到貼住無味精，食完之後真係一啲都唔口渴😆#蝦豚骨拉麵 ($98) 😋好味指數：(8/10) 同平時啲拉麵店一樣都係有得揀粗麵或者幼麵同埋油嘅濃度等等。我個人就中意食幼麵😆碗一大堆櫻花蝦，不過重點係溏心蛋!個蛋黃好橙紅色😍豚肉係薄切，入口幾淋🐷個湯好濃郁嘅蝦同埋豚骨，忍唔住飲咗好多啖湯🥰另外仲試咗關西風餃子，係木魚加沙律醬，覺得幾好味😆朋友吃的拉麵

lunch time 門口好多人排隊。見到流轉速度快。就同fd入去試試，呢間期待嘅粗拉麵店🥳🥳（大概等咗15分鐘）一入到去，環境乾淨，坐得舒服。唔洗5分鐘🍜🍜拉麵就上到面前！！事不宜遲🤤🤤赤丸小辣，淺嚐一口湯 你會發覺湯底 - 辣而不嗆喉，微甜，肉味厚實。一口接一口，一條接一條麵，口殊口殊聲停唔到口👅👍🏻特別要提佢嗰3塊大叉燒，好足料wor認真講：叉燒可以整到raw raw地 而外面香脆、裏面軟滑👏🏻🥳認真好Jeng！好快食完會拉麵，不知不覺辣湯都飲咗一半。我朋友order 蝦丸都好正，佢話超鮮甜，平時唔飲湯嘅佢。加咗小小店家自製「昆布醋」，佢都飲咗一半有多。事後回憶返，我同朋友都唔會覺得特別鹹，亦都無話覺得好口渴咁

拉麵小店位於大角咀博文街地舖每次行過都見到大排長龍今次就買外賣上朋友屋企試下先.小店好有心準備咗小紙條教大家點樣整係最好味如果拎到返去碗湯唔夠熱就建議加熱先食因為熱湯係拉麵既靈魂不過外賣拎到返屋企碗湯仲好熱我諗買得外賣應該唔會想再搞咁多嘢㗎啦將熱湯倒入麵碗內用筷子將麵整鬆蓋上蓋等2分鐘等啲麵吸收湯再食.🍜碗麵已有3塊豚肉、半隻半熟蛋、1塊紫菜、木耳絲同埋蔥好似我咁選擇走蔥佢會另外加多1塊紫菜，好好呀拉麵可選擇幼麵/粗麵白丸拉麵係鹽味豬骨湯底可以選擇要唔要檸檬片加咗檸檬片既豬骨湯底麵幾得意不過都係兩三啖食得出有檸檬味🍜幼麵彈牙有口感🐷豚肉好薄身好有透明感，外觀粉色透白，肉質香滑柔軟😋😋👂🏻木耳絲爽口脆卜卜食完唔會特別頸渴.餐廳推出印花卡吸引大家再次光臨$88可獲一個印花3個印花送topping6個印花送飲品9個印花送一碟餃子12個印花送一碗拉麵📍 大丸ラーメン🔎 大角咀博文街 22 號地下 B 舖

算做 好味道日本拉麵 👍🏻👍🏻，黑丸拉麵即黑醬油，味道濃厚，蝦丸拉麵，櫻花蝦，濃濃蝦味，兩款拉麵都十分美味，熱辣辣，絕對可以一試，因為店舖十分細及座位很小，時常要等位，留意營業時間，中午12點開門，最佳是食第一輪。。就不用 酷熱天氣在室外等位。。

今天下班時間較早，便打算在外行逛一會，順道與朋友吃個晚膳再歸家，好友提議說其工作區附近的大丸拉麵店質素甚高，想要到此再次光顧，因而我便遷就他來到此處。走至餐廳門口首先看見大幅的紅色店名招牌，而內進雖然整體空間不大，只有一排吧枱座位，但擺設方面卻可見相當用心，除了靠牆位置放上多個小模型外，牆壁上亦貼滿大量以摺紙拼成的裝飾，如此色彩繽紛的色調使人感到愉悅，是所溫馨舒適的小店。半熟蛋半熟蛋選用來自日本的雞蛋製作，而且特意嚴選無添加激素的出品，於餐牌亦可見相比起普通雞蛋，其色澤是來得更為橙紅。師傅把雞蛋蛋黃製成半熟狀態，入口蛋漿溢滿口腔，味道蛋香極濃，稠密綿軟。豚肉豚肉亦即是豬叉燒，是我額外點取追加的配料，其外觀色澤粉中帶白，表面富有光澤，薄切的肉質入口新鮮柔軟，香嫩滑溜，味道肉香出眾，鮮美多汁。蝦丸蝦丸是朋友揀選的，也就是蝦豚骨拉麵，湯底用上蝦油、蝦膏調味，再配搭江瑤柱、冬菇、豚骨湯底熬製而成，絲毫沒有使用任何味精，因而我飲用了一口作品嚐，其味道鮮甜濃郁，蝦味和豚骨香氣同樣出眾，可嚐出是真材實料。配料方面亦相當豐富，使用了大量櫻花蝦、青蔥、木耳、叉燒、溏心蛋，但此部份我沒有食用，就不作評論了

店舖位於大角咀，位置唔算好方便，不過黎間拉麵店都真係值得一試！老闆同老闆娘都非常貼心，因爲係第一次食所以都詳盡咁講解一下落單紙，服務值得一讚👍🏻/白丸 $88/通常第一次食一間拉麵店都會叫個classic d 嘅嘢先！雖然白丸唔係人氣之選，但係個人比較鐘意清d 嘅鹽味拉麵，所以就要左黎碗🤣 湯底用左豬骨熬製，加左喜馬拉雅山、義大利同埋沖繩嘅鹽，聽落都覺得厲害😂 飲落唔會好鹹，食完唔會有好口渴嘅感覺！平時我鍾意比較有咬口嘅麵，所以揀左粗麵，食落口感似沾麵，薄切叉燒一d都唔油膩，又唔會太過老🐷/蝦丸 $98/唔知係咪隔離飯香嘅原因，我試左啖友人嘅蝦丸係覺得佢黎碗好食d 嘅😂 湯底用蝦同埋豬骨熬製，非常香口，相比一幻，黎個個味道相對冇咁濃郁，但係如果要食曬成碗嘅話黎個絕對冇咁滯！面頭有好多櫻花蝦🥰 友人叫左幼麵，我又係覺得好食d 嘅😂 雖然幼身但係依然口感彈牙，唔會好淋👍🏻食緊途中有小插曲，老闆突然遞上一份溏心蛋，第一個反應係心諗做咩咁好有小食送😂點知原來係比少左我地，我再望下餐牌張相先發現原來本身真係跟半隻蛋😂都幾攪笑😂一路食都唔發現少左隻蛋🙈 好彩老闆有比返我地咋！黎到嘅溏心蛋好食，流心