大丸ラーメン

營業中

休息中

首先想講嘅係，我同朋友都點左蝦丸拉麵，湯底係真係非常好味。點左粗麵，麵質就不過不失，叉燒同蛋係如其他食評所言咁，好味嘅！另外點左關西風餃子，都可以嘅，所以物方面總括而言係滿意嘅！不過，就算幾好食，都一定冇下一次！！事原係：一早睇左評論知道都多人食要排隊，我同朋友7點幾去到大丸，等左半個鐘多啲，都算快可以入坐，8點入座，點左2碗蝦丸、1份餃子，講真都236蚊吖，但一食完放下筷子，裡面煮麵嗰個見我地飲水冇即刻走去埋單，就陰陰嘴笑眼描描我地，開聲唔知同店員講咩，店員就即刻嚟收碗執位，期間煮麵嗰個不時陰陰嘴笑望住我同個朋友嘅位置，令人感覺不好，緊接住店員就隊部機嚟問現金、支付寶定係八達通😒😒當時我同朋友都只係剛拎支牙籤上手，仲飲緊水，莫名其妙咁就俾店員話：出面仲有客人等緊，示意我地讓位🤯🤯🤯🤯大佬呀，你地嘅服務冇嘢下嘛，當時先至8點20分，我同朋友成個用餐過程都只係20分鐘內，想飲埋杯水先啫，知你地生意好，我地自問都會識做嘅！只係冇諗過會好似阻街俾人趕走咁嘅情況囉！真係非常非常非常差嘅感受同體驗！一定冇下次！有圖有真相，冇諗過安心出行嘅記錄會用喺呢度😤😤😤

未試過同一日食足兩次拉面😂仲要係同一間同一日食兩次，連店員都認得我了😂😂晏就叫左蝦丸，本身想食有蜆果個，但食唔到，所以，夜晚再黎過！大約5點15分黎排，終於都俾我排到第一個了🥹大感動今次叫左貝丸拉面（粗面/普通油量/鹽味湯底），男朋友就同我一樣，但佢叫左醬油味😍😍我覺得鹽味湯底係清清地，冇咁濃郁，都係好食嘅，但冇蝦湯咁驚艷～相比起醬油味，醬油味比鹽味更好食😋但最出色都係蝦湯底！如果第一次黎食。絕對要試貝丸蝦湯拉麵🍜本身個湯底正，加埋蜆嘅鮮甜，真係令人食指大動😍每次都唔例外，湯都飲埋😋再叫多份青蔥沙律醬餃子🥟如果多蔥會再開心啲，但個人都係比較喜歡食關西風味餃子多啲😜

酷熱天氣警告生效 不知道那裏來的勇氣排隊當日講緊係11點9到門口但已經有三個人排緊 而舖頭係開12點 有無咁誇張 排緊隊嘅時候 店員會比餐牌你諗定食咩 我一早就睇定要食貝丸 因為係限量賣哂就無同埋每日2點前就會無哂 排咁前緊係唔好錯過十二點正 我地2位都可以頭一輪就入到去 但裏面得一張長吧檯 所以要排長龍真係不為過 坐低之後望左下裝修 好似返左日本咁 加上連主理拉麵嘅都係日本人 好親切啊青蔥沙律醬特掣餃子$40賣相同係日本嘅小店一樣 外層脆卜卜 好香口餃子嘅餡料係豚肉 4舊都大大舊貝丸配蝦味$118等左十五分鐘 主角終於上檯啦 內心嘩左聲 💛湯底揀左蝦味 加上有鮮蛤令到成個湯底 鮮上加鮮 💛鮮蛤有四大隻 每隻食落去都有股淡淡嘅海水味 十分鮮味💛豚肉無追加的話本身會有三片 但食完一塊之後我強烈建議追加 因為豚肉煮得好淋身 又好入味 💛而麵底我都偏向揀粗麵 貴店嘅拉麵口感比較實同厚 所以好掛湯蝦丸$98朋友對於蝦丸嘅評價同貝丸一樣覺得出色 另外對於係麵上面加左大量櫻花蝦覺得好有創意 脆卜卜有咬口同時令到湯底嘅蝦味更加出💛唯一想講就係如果可以加麵嘅軟硬度就更加好啦

有朋友介紹話好味，睇了某短片介紹，一位年輕日本人開的拉麵小店，所慕名拜訪.很細的小店，十分似東京旺區的拉麵店!很多人在店外排隊，店主安排很好， 清指示排隊的方向，排隊之際有職員派餐牌，點餐紙，揀定要咩，入座後不能加單.咁都好，大家可以快d有得入去食，贊成!入座d女服務员都有礼，協助放好个袋在櫈下的籃內。可惜櫈太高，要彎腰寒背來食!後生日本人努力準備拉麵，堅持自己親手放碗麵在你枱上，不讓客人接過。很日本人的服務呀！我今次試蝦+豬骨湯义燒+半熟玉子拉麵，濃郁湯底，好香蝦味，半熟玉子十足日本食的咁，真係流心的，薄义燒很軟，新鮮，好味!有齊調味配料可選取!正!再叫了个葱花沙律醬餃子，餃子皮薄，十足日本食的，煎到剛好，底皮脆，上皮軟，䓤很新鮮，好味!有新意!希望keep到水準!

₍ᐡ-᷅ ·̫ -᷄ᐡ₎┈┈┈┈┈┈┈┈┈┈┈┈┈┈日本人主理人氣拉麵小店✨大角咀其實好多隱世食店，今日就同朋友去左人流日日旺盛既大丸拉麵食晚餐小店地方不大，只有大概十個吧枱座位，可以望到師傅整拉麵，似足日本傳統拉麵店🍜但勝在好近地鐵站，位置算係方便易搵┈┈┈┈┈┈┈┈┈┈┈┈┈┈𐂐 ⠜貝丸（海鮮豚骨）$118 (4/5)佢有蛤又有豚肉的拉麵，湯底都有三款(塩味，蝦味，醬油味)，麵都有得揀粗幼tim 。我揀左塩味，而朋友揀左蝦味~個人比較中意食粗麵，完全無令我失望🥰麵質好有嚼勁！塩味清湯加少油關係，湯底無乜油膩感，但我覺得湯底同蛤肉調味略鹹🙈重點係糖心蛋，蛋黃色澤好鮮艷，流心效果一流，有蛋香！相信係用左蘭王蛋😳┈┈┈┈┈┈┈┈┈┈┈┈┈┈𐂐 ⠜白丸 （鹽味豚骨）$88 (4/5)呢個係朋友點的，揀左粗麵✨一致認同麵質很好很有嚼勁！白丸仲可以揀加唔加檸檬片，加了影相感覺更日式🍋┈┈┈┈┈┈┈┈┈┈┈┈┈┈𐂐 ⠜青蔥沙律醬日式餃子 $40 (3/5)因為我好中意食蔥所以好岩我胃口😍蔥嘅份量真係好多，舖滿全部餃子🥟加左沙律醬既關係令到啲蔥唔會一夾就跌，不過餃子我就覺得有啲鹹了┈┈┈┈┈┈┈┈┈┈┈

睇左大島與龍威介紹而來的，開門時間12點來等左30分鐘，環境細就一定，一個人去叫了拉麵及餃子，枱面好迫，食得辛苦！叫了貝丸拉麵，選了幼麵及鹽湯底，貝丸好細粒，跟龍威的差好遠，龍威食的具丸好大粒的，貝丸不新鮮麻麻地，湯底偏咸，另外還有關西餃子，這個好味！總結來講，有點失望，不會有下次了，拉麵不太好吃，不推薦！環境也很迫，那二位女性侍應生見你食完牙簽撩牙就問你收錢了，冇講到出口但態度明顯想你走，唉！牙都未撩完，趕頭趕命，賣單$145，又唔係平，仲要受氣！

在一個炎熱嘅夏天喺拉麵店門口，等待食拉麵真係一個煎熬。好在等待嘅時候係一個夜晚唔會好似晏晝咁曬。拉麵店非常近奧運地鐵站。一出到匯豐銀行大廈近門口就會見到呢一間大院拉麵店。入面嘅廚師都係日本人。記得等咗大概30分鐘左右就已經有得入去食，不過好在嚟得早，原來我哋已經差唔多係最後一台客人。喺拉麵店食完出嚟就見到佢哋擺左一個告示牌，話個湯底已經賣晒啦。入到去嘅時候見到店面好細，都係吧枱形式嘅裝修。所以其實張凳亦都幾高，而且每張凳嘅底亦都有個籃，可以俾客人放低自己嘅隨身物品。開放式嘅廚房可以令客人見到廚師料理既過程。喺排隊嗰陣時我哋已經點好咗要食個拉麵先。所以基本上係一入到去已經有得食，唔使等太耐。我點嘅一款就係白湯，當中成個拉麵係根據個圖片去製成。圖片真係可以當作參考非常開心。店內亦有提供嘅冰麥茶比客人自己斟嚟飲，如果客人要飲汽水嘅話就要加錢。湯底非常濃郁油光喺湯麵上面飄浮。中間擺放左一塊檸檬，所以我覺得有檸檬嘅加持，個湯底都尚算係清新。紫菜一共有兩塊、叉燒有三塊、蛋有半個同埋有大量嘅蔬菜。由於佢俾嘅麵非常足料，所以我食到一半已經飽左，剩低嘅個一半我要慢慢一啖茶一啖面咁樣食。個半熟糖心蛋有淡淡

大丸拉麵經過大島與龍威介紹後，廣為大家認識，吸引咗好多特登渣車嚟嘅人，上次一早排晒長隊，目測都20幾個人，仲要日頭勁晒，最後同朋友放棄咗排隊，第二次3點幾去睇下洗唔洗排隊，點不知賣晒拉麵提早拉咗半閘😅，今日星期四平日晚市，我5點半去到，我排第八個啊，心感興奮😆👏🏻我就選咗貝丸拉麵，蝦🦐味湯底，幼麵我男友都係選咗貝丸拉麵，醬油湯底，粗麵我哋另加咗原味餃子，關西風味餃子🥟首先講拉麵🍜，湯底好濃蝦味，貝丸好新鮮，加咗蒜蓉就更加突出咗個香味，原味餃子就正常日本風味原味餃子，無乜特別嘅，我都試咗男友個碗醬油味粗麵，湯底就咸香醬油味，反而我覺得粗麵比較好食，如果大家想去食，建議食粗麵👍拉麵湯底我覺得偏咸，唔知係味配合返香港人口味，最後我要飲兩杯麥茶解解咸，呢間拉麵店老闆同員工服務態度非常有禮，呢樣真係要比十個讚揚👍👍👍👍👍👍👍👍👍👍

首先我係因為大島與龍威youtube chanel以嚟咗.小店開12點，於是乎我11:45嚟到.預咗都要排隊㗎啦，咁我就排喺第二隊度，佢係會叫你事前點左餐先，因為入到去就唔可以加單。呢啲都明嘅叫咗貝丸，蝦湯，幼麵。再加多咗個關西風味餃子。但係我食唔明喎，我叫咗少油，嚟到係超級油，我個朋友叫咗正常油，但係仲小油過我。飲咗個湯，冇乜蝦味，佢成個拉麵都鹹得好緊要，係得個死鹹，無乜鮮味，餃子就係普普通通。食完呢餐全日都係好口渴，好辛苦所以真係食唔明，如果夏天又熱又焗帶住個口罩真特登要過嚟，然後要排隊排咁耐去食，可能要諗一諗你係咪OK喇。

Daimaru is a a Japanese chef-owner run ramen restaurant next to the Olympic station. There is often a long queue outside especially on weekdays during lunch hours.Their soup has no MSG but still very thick and flavorful. The $98 えび豚骨拉麺 has a very rich tonkotsu and sakuraebi flavor, can finish the whole bowl at ease lol. The ajitsuke 暁 akatsuki egg is marinated and cooked nicely. Very jammy with the runny golden orange egg yolk that will never disappoint you!Fair price, outstanding food. Totally

兩個人都要貝丸，一個鹽味，一個蝦味。朋友說蝦湯很好。可惜我不好豬骨湯底，也許是豚王的濃稠油膩嚇壞了。蜆大隻飽滿，鮮甜有海水味。叉燒是薄薄的那種，溏心蛋一流，幸好有加多一隻😋。整碗拉麵水準很高，用心之作。叫了一個關西風的餃子，不錯，沙律醬加木魚本就是我喜歡的配搭。但一碗拉麵實在太飽，下次要先吃餃子，試清楚味道。晚市六點開門，如果六點到，都已經要等第二轉。

這間長期要排隊的日本拉麵店，由一個日本拉麵師傅主理的。原本以為係店開門前40分鐘到達應該不會等好耐啦，不過最後等咗2小時，好彩美女店員們有供應冰水咋！當我前面有10個人左右，美女店員就會提供餐牌和點餐紙，到入坐時不用等太久就有得食啦～蝦丸拉麵 (HK$98) 和 半熟蛋 (HK$12/1隻)．橙黃色湯底好吸睛，上面仲鋪咗好多櫻花蝦，飲啖湯先，好鮮甜，蝦味濃郁，湯裡看不到一點油．本身已經有半隻半熟蛋，不過另外加多一隻係啱㗎，因為隻蛋煮得剛剛好，橙紅色的蛋黃，半透明啫喱狀，好美味呀😋．揀咗太麵，是粗卷條的，掛汁，有少少煙韌口感，正～．豚肉，神奇地有3大片，好香油脂味呀．喜歡多青蔥多爽脆木耳店內目測12個座位左右啦

老公帶我去食好西，6:30去到以為會少人。點知諗錯左，都已經有好多人排隊。專程去冇理由走。唯有死死氣去排隊食。排左一個鐘，終於到我哋入去啦～好彩有人陪排，唔係都幾難挨。係排隊時已經要落單，冇得加單，有可能太多人排隊關係。我哋就叫左2個蝦丸（原本老公想叫貝丸，點知晚了，限定每日十幾份）同2份餃子。真心係好食。湯底好濃香。餃子味道啱啱好。確實唔錯。（有比較有傷害，之後本身晏晝想再黎食多次，點知都係要排隊，於是走去斜對面間拉麵舖食就覺得2間係唔同層次）總結來講呢間拉麵店係正嘅，不過位就小左啲，目測應該二十個位內。又有咁多人排隊，所以佢都算係質素唔錯。

白丸（鹽豚骨拉麵）蝦丸（蝦豚骨拉麵）餃子（關西風味）呢道主要喺個湯底做得比出面好，而2款湯底都好好飲，好黏好膠，會想飲完再飲。不過如果腸胃唔好，飲唔到太油嘅湯，就記得揀小油。我個人比較鍾意白丸（鹽豚骨），因為湯濃，但唔會死咸。最後留返小小湯，加埋個鏗魚汁就再有一翻味道。

大角咀真係好多隱世小店，呢間大丸拉麵🍜相信都好多人聽過，而我每次經過都見到門口大排長龍，一係就湯底賣哂了🫠今次終於的起心肝，揀個星期一諗住平日會少啲人，中午十二點半黎到，目測前面已經十零人等緊，排左大約一個鐘，終於都等到了！幸好沒放棄！係排隊等候期間，店員出黎會俾點餐紙你睇下食咩，之後仲遞上冰水俾等候嘅客人，等大家解解渴消消暑，呢個位我覺得幾窩心❤️入到餐廳，餐廳座位不多，排排坐係吧枱，望著師傅煮拉麵，別有一番風味。今次叫左個蝦丸拉麵，粗面，油量揀左普通。叫左小食，餃子🥟揀左關西風味拉麵一黎到，已經忍唔住飲左啖湯😍果然沒令我失望！湯底好濃的蝦味，濃而不膩，係會令人不自覺飲哂成碗湯😂麵質彈牙，軟硬適中，唔會過淋，好好食😋溏心蛋出色～餃子都幾好味如果唔洗排隊，我應該會日日去食😂下次仲想試埋佢貝丸拉麵🍜