多賀野 (新城市廣場一期)

營業中

休息中

首先！我要為呢間野沉冤昭雪！好多負評都係話呢間野整得D沾麵太凍，食得唔舒服。但係其實沾麵本身，日本仔發明嗰陣真係冷麵黎，佢哋覺得過完冷河嘅麵更加爽滑彈牙，同熱湯結合之後，適中嘅温度令人食得舒服（僅代表日本仔意見）。所以你地唔可以因為D麵凍就怪呢間野，除此之外，其實佢都知你地食唔慣架啦，如果D湯凍左你可以叫佢加番熱。我講左咁多，你係咪以為我好推薦佢呢，其實！中規中矩啦。$148 豚鴨沾麵比幾個月前差左好多，經典開店巔峰，幾個月就水準下滑，大家再遲D食就應該到谷底。湯底已經失去左層次，有一DD死咸嘅感覺，鴨油嘅香氣已消失不見，同剛開店時不同。蛋！OK！叉燒！不過不失！最後加湯飲！垃圾！甘甘地，完全冇想繼續飲嘅感覺。PS Mmmmmmmm，雖然講到好似好垃圾，其實都ok啦，可以一試嘅。

📍多賀野 @Shatin, Hong Kong 🖤好食 (quality)：😋😋😋😋😋🤍環境 (environment): ⭐️⭐️⭐️⭐️⭐️🤎服務 (service): 💗💗💗💗佢哋個黑松露拈麵真係好好味😋我已經返去食咗第二轉🤡 其實都幾大份吓，食完之後滿足感UP😆😆 個黑松露湯底味道好濃郁🥴 啲麵仲好彈牙😋 仲有一啲炸嘅蘑菇，可以點住湯黎食😎盡量唔好飲太多他們的湯，雖然好飲，但是好鹹😂服務都幾好，佢哋都好細心，有問我哋想唔想要圍裙（因為有可能啲湯會彈到啲衣服）Overall，幾好呀～

今日去沙田食「多賀野」相信唔少人都食過～環境、服務質素都好好 因為坐位都尚算舒服和自在 而且侍應生會主動為顧客添水/茶 而我今次食醬油拉麵🍜雖然味道對我黎講有d鹽 但很清新 因為有好多碎洋蔥 感覺唔肥膩 ⭐️重點推介：糖心蛋好好味👍🏻😋 當一夾個黃就會有凝固既情況出現 而且個蛋白係軟綿綿既☺️ 暫時係我食過最好味既糖心蛋👍🏻總結而言，今餐讓我食得好開心😁環境令人好舒服 同埋當時唔洗排隊 好快就入席 食物都唔需要等候太耐 （感覺良好🥰）今次仲要比我撞到好friendly既外國人，都係呢間野食得好滋味😋好味指數👍🏻👍🏻👍🏻👍🏻👍🏻

開店已經有一段時間，但每次行經都好多人等位🥹 難得假期家人預先攞了位♥️, 有機會一嚐傳說中：東京開業已廿多年 + 榮獲米之蓮連續4年推介+ Tablelog 全日拉麵大獎🫢🩵豚鴨沾麵🍜 $168豚，鴨 ，雞 ，魚正正因為每一啖都有幾個口味，很豐富又層次鮮明，在汁內都有肉肉+蔥粒，而且沾麵較其他店的爽口，不會很濟的感覺， 叉燒嫩滑👍🏻本來想試極上蟹皇沽麵，家人說🦀味的確很重，不過整碗都🦀又有點兒漏，推介了我試先試豚鴨， 而同行家人還吃了辛辣🌶沾麵很特別是帶有麻辣直衝味蕾🤭 雖然價錢真係偏貴🤌🏻， 不過食物出品值得呢個價，下次有機會會再試其他味💛P.S.: 用餐時間只有60分鐘喔要讚一讚職員好用心經常加水，要加分👏🏻✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ▫️ 多賀野 (新城市廣場一期) (沙田)📍 沙田沙田正街18號新城市廣場一期1樓167號舖✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿

🍽餐廳介紹🍽東京過江龍已於日本開店二十多年，連續四年獲得米芝蓮推介，仲拎過Tabelog全日本拉麵大獎首間分店開設於K11 Musea第二間就係沙田新城市🔶多賀野醬油拉麵 $128醬油湯底清澈，帶鰹魚及醬油香，唔會死鹹溏心蛋流心，叉燒半肥瘦，唔會太油膩重點係！佢既拉麵係用4款日本麵粉+2款蕎麥製成！仲會根據當日氣溫去調整水分+麵粉既比例，確保麵條既煙韌性食落好有麥香，口感煙韌好食！不愧係曾經在日本受訓既香港製麵師傅！依個價錢同普通香港拉麵店一樣，抵食🔶 極上蟹皇沾麵 $188原隻軟殼蟹湯底食落好鮮甜，大量蟹肉碎令人食得好滿足食完仲可以叫店員加湯飲埋佢另外配有兩小碗蟹肉同蟹膏$188食到全蟹宴，貴得嚟都算食得幾舒服不過，佢上菜時湯底有蠟燭維持微熱唔好預期佢會全程熱辣辣個湯就比平時既沾麵汁稀，做唔到杰身掛汁未必人人鍾意我覺得佢唔會太杰但依然香濃，唔會食到有負擔味道：❤️❤️❤️❤️🤍環境：❤️❤️❤️❤️🤍CP值：❤️❤️❤️🤍🤍用餐體驗：❤️❤️❤️❤️🤍bookmark：🔖 🔖🔖🤍🤍

一行三人5時多來到，太好，不用排隊。三人行但有一名友人不吃東西，店員說最低消費是按人頭計每人$100 ，可以叫2個餐和小食，不必每人最少叫一個餐，我們斬 ok 便進入店舖了。首先店員先用一杯熱茶來打招呼。我們慢慢選擇食物便叫店員下單。食物來的速度也十分快。食物方面，本人覺得沾麵的湯底鮮甜，但有些肥肉在湯裡（先說明一下湯是有油的），本人覺得肥肉還可接受的。，配上微焦的叉燒，一口麵一口湯，不經意整碗麵便吃完了。最後的芝士蛋糕味道正常。還有值得一讚的是服務，員工在上餐時都簡單說明一下食法，十分貼心，而且十分勤力地添茶，常常有熱茶飲，真是幸福！

最近去多左沙田，成日經過呢間拉麵店，但就一直無去到食。有日放假兩個人係沙田行完街買完餸又有啲餓，見到門口唔算好多人排隊，一於試試佢！醬油拉麵係呢間餐廳嘅皇牌，經過多次去日本食拉麵嘅經驗，點醬油拉麵就穩陣，醬油加上鏗魚味道濃郁但又唔會太油膩，味道唔錯。拉麵本身係幼身，口感彈牙搭配湯汁啱啱好，食完一啖接一啖。配料嚟講都算豐富，有兩片微微燒過嘅叉燒、半隻熟蛋同埋香筍。環境相對上比較暗，同埋土地問題令到枱同枱之間相對上比較近。加上當日係周末同埋午市時間，所以店員們都比較忙，上菜稍微有少少耐但依然係可以接受嘅程度。

今次黎呢間連續4年米芝連推介嘅多賀野🤩食佢哋嘅No.1招牌多賀野醬油拉麵 ($128)😋本身以為會好普通，但佢個醬油湯底唔會太鹹又唔會太淡。好啱我胃口，好味！

最難食嘅拉麵，仲夠膽話自己係米之連都唔知點樣拎番黎嘅隻蟹明顯翻炸成口油湯就唔夠熱，麵就硬邦邦叫極個女經理落單就十問九唔應就咁出番門口企，再唔係就同出餐個同事係度嘻嘻哈哈，番工定拍拖㗎到底，行過仲要聽到廚房講嘢勁粗俗，係得四眼同黑衫兩個男經理算真係做嘢，黑衫男經理都貼心既主動比圍裙我，落單都會介紹餐牌，食物質素有待改善，同時員工培訓都好重要

有日喺沙田新城市廣場，我話請個日本小朋友食日本嘢，俾佢話事去邊度食，佢帶咗我嚟呢間餐廳。橫掂都未嚟過，即管試吓啦。店員帶咗我哋三個人入到餐廳最入面，個小朋友見到張四人枱中間有度趟門，可以分隔變兩張二人枱，已經好興奮。我哋三個人都叫同一樣嘢：多賀野醬油拉麵，$128一碗，仲有加一，其實都幾貴$$$，不過認承咗個小朋友，貴都冇辦法啦。好彩個麵賣相同味道真係好okay。醬油湯底唔會太鹹，望落去好似清湯，最重要唔會肥到一層油喺面頭，啲叉燒嫩滑，啲面少少煙韌，有啲意粉嘅Al Dante feel😋。值得一提嘅係，我個日本朋友話呢度有啲嘢好貼日本當地文化。例如：佢哋俾你抹手嗰條真係毛巾，唔係濕紙巾。另外，隻碗底有句message，不過你要飲哂啲湯先見到。😂講到尾，貴就貴咗啲，不過都值得一試。😋

之前係K11食過一次，極上蟹皇沾麵$188，今次去沙田食個鹽味拉麵$128。拉麵質地唔會太硬，幾啱我口味，叉燒有兩片，有火灸過叉燒聞到好香油脂味，食入口豬肉味都有既，鹽味拉麵湯底清清地，相對地對於醬油拉麵無咁突出。性價比一般，唔洗排隊都會入嚟食多次。

呢間野好到不得了！兩個女經理一個就掛住同廚房傾計，一個就掛住同另一個男店員纏綿傾計咬耳仔直頭可以用旁若無人黎形容，無茶舉手叫極都無人理，落單又無人理，當時又唔多客，你地係咪做生意架？另一個男經理就幫緊其他客落緊單，好似得佢一個做野咁，等左5，6分鐘，個男經理幫完其他客落單，好彩佢見到我地未有野食主動過黎問我地咋，唔係真係等到想走，講番個麵先，沾麵汁溫度就尚可接受因為落單嘅時候都有溫馨提示過有70度左右，不過不失啦，麵都唔錯係冷麵黎軟硬適中，不得不讚男經理好貼心咁比圍裙我地，貼心情度值得加分。

第一次試多賀野😌沙田店位處商場內在一個轉角位非常不顯眼但裝修是十分舒服的有種日本的古典風味👍一打開menu最吸引我眼球嘅一定是呢個蟹沾麵!($188)價錢好似係最貴的一款😄😆出餐神速的快附送蟹肉蟹膏都吸引湯味道不錯的也有用蠟燭熱住但不夠杰身掛汁能力一般😔辛辣沾麵($158)味道可以但兩碗有相同問題就是麵太凍太硬湯同樣掛2到汁有少少可惜😶唯一要力讚是店員非常有禮貌坐位舒服✨不過呢個價錢來講性價比就差一點點了

出貨極慢，等15分鐘都未有簡單一碗麵，前線員工發呆，問及是否有漏單才捧出，點咗鹽味同山椒兩碗，兩碗湯底濃（過鹹），山椒味鹹到無酸辣味。麵身可以，性價比低。雖然有米之連推介，但睇嚟米之連只係推貴咗個價錢。

沒想到一間沾麵店做唔到沾麵的效果， 首先湯完全做不到掛面的效果，係十分之稀， 感覺似食湯麵，但湯完全不熱， 雖然已經在下面放了蠟燭保溫， 但本來湯都已經唔熱嘅時候仲點樣保溫呢，再者麵是凍的，不是喛，是凍，除了麵質做得好外,其他完全敗筆，連配搭的炸物，叉燒等等都是凍的，感覺像放在室温長時間明明沾麵店最出色應該係麵加湯底，點知依家最差就係湯底，而且湯底落得太多洋蔥，令到 湯底帶出的不是鮮甜味而係一種蒽甜味，正因 湯底不熱到整個品嘗效果十分之差， 雖然嘗到湯底入面有很多味道， 可能不熱的關係，感覺更像味精。 而且只食了幾口已經令到我感到很 膩