多賀野 (新城市廣場一期)

多賀野主打日式沾麵，這次我品嚐了軟殼蟹沾麵，整體體驗合格。麵條粗身有彈性，口感十足，帶有淡淡麥香，即使浸入濃郁的沾汁後依然保持咬口。沾汁以魚介及豚骨為基底，味道層次豐富，入口鹹鮮中帶微微甘甜，不會過於膩口，與麵條非常合拍。配菜方面，軟殼蟹炸得不太脆，但香口不油膩，每一口都能吃到蟹肉的鮮味。半熟溏心蛋流心適中，蛋香濃郁，配合脆爽筍乾和蔥花，令整體味道更有層次。旁邊還有兩款佐料：魚子與蟹肉，加入沾汁後更添鮮味。…查看更多

每次行過沙田，腳板底好似被 「多賀野 」嘅香氣勾住咁，一定要入去醫下個肚🤤講到呢度嘅招牌蟹皇沾面，真係食過番尋味次次嚟都必點，唔食唔安樂！！😍【招牌蟹皇沾麵🦀】呢碗麵一上檯濃到化唔開嘅蟹鮮味就撲面而來🌊湯頭鮮甜到好似將成個大海嘅精華都煲埋入去，creamy 得嚟又唔會腥，飲落喉即刻暖笠笠☀️軟殼蟹炸到酥脆，蟹肉嫩滑多汁，仲有滿瀉嘅蟹黃咬開直接爆漿💥蟹膏同蟹肉係分開上碟嘅想點食就點食～麵每日新鮮整，煙韌得嚟唔會咬到牙都酸，嗦起嚟超過癮！而且個湯爐一直 keep 住火，食到最尾都熱辣辣🔥食完麵再叫店員加碗高湯，將濃郁湯底飲到一滴都唔剩！【黑松露雞白湯拉麵🍄】配料豐富到好似開聖誕禮物咁🎁嫩滑雞肉、黑松露叉燒香到入心入肺，自家包嘅雲吞皮薄餡靚，溏心蛋切開個蛋黃緩緩流出，睇見都流曬口水😋湯頭濃郁飲落絲滑順喉，完全唔會覺得膩！每啖麵都掛滿湯汁最後用【煎餃🥟】收尾煎到金黃酥脆嘅外皮，咬開肉餡鮮香爆汁💦配埋前面嘅拉麵，呢一餐真係從頭幸福到尾，食到捧住個肚出門口👍🏻…查看更多

第一次嚟新城市食拉麵，諗住試吓新嘢，但係得出都係普普通通。麵質比較幼，湯底算濃郁，但份量真係比較少，食完都覺得好似唔夠飽。此外，價錢亦唔平，我覺得性價比唔高，唔會想再試。…查看更多

 豆乳濃蝦湯拉麵 （期間限定）湯底：飲一啖就嘗到濃郁嘅蝦殼味道，比平時嘅蝦湯多咗一陣烤過嘅味道，幾香，又冇一般蝦湯底咁heavy 咁膩。食唔到豆乳味，不過唔影響。係好味嘅。麵條：質感爽滑唔錯叉燒：有兩款，一款係煙熏味，幾軟滑。另一款係傳統嘅叉燒，幾肥美同香口。魚蛋：自家製嘅質感，比較重Dill 香草味。🥵香蔥山椒叉燒拉麵 $138點果陣以為係柚子胡椒味，結果係麻辣味。湯底：帶少少酸酸地嘅味道，再加辣味。有啲似酸魚湯嘅味道。都好辣下。唔多似日式拉麵嘅感覺。麵條：質地爽硬。…查看更多

拉麵最緊要係湯底~今日夜晚過開沙田新城市廣場呢邊，就行吓街，搵吓嘢食啦。咁啱見到地層有啲餐廳，就走嚟望吓啦。咦，有間食拉麵喎，不如試吓啦。等咗一陣就可以入座。 呢度主要嘅係食麵嘅，即係拉麵，沾麵等等。我揀咗個塩味拉麵。 塊紫菜都緊要嘅，成個拉麵嘅外貌就係因為有咗塊紫菜，靚仔晒。麵質好好嘅，叉燒醬正，而小編覺得個湯底真係好緊要，食唔停，有種想飲晒成碗湯嗰種感覺。 美味指數5粒星😋。下次，如果有機會嘅話會試埋個沾麵。…查看更多

今曰lunch 周圍都要排隊，但依間唔駛排，所以就試吓la… 剛剛開業時試過一次，之後就無再嚟過la 今日我叫咗一個醬油拉麵，另外嗌咗個山椒辣嘅拉麵，咁等咗一陣間就有啦。山椒辣嘅拉麵個味都唔錯，但啲麵可以再硬少少。另外個醬油拉麵整體都算OK，溏心蛋都做得幾好食，略嫌嗰個豚肉就韌咗少少，如果可以做到腍啲，我諗整體表現會更加好。 位與位之間有點近，有點扣分。…查看更多

🍜 豆乳龍蝦湯拉面(期間限定)🥛🦞 呢款限定拉面用上豆乳同龍蝦湯底，湯底濃郁順滑，豆乳嘅香濃同龍蝦嘅鮮甜結合，不過我自己覺得佢豆乳味唔算好出,有少少俾龍蝦搶過。🤔佢嘅拉面用幼面,掛到多D湯汁，每一口都有唔同味道層次,如果加昆布食又有另一種味，不過我自己覺得佢豆乳味唔算好出,有少少俾龍蝦搶過,同個湯底比想像中無咁特別。豆乳龍蝦湯拉面係期間限定供應嘅，所以有興趣都可以試吓~🍜 辛辣沾面呢款沾面有三種味,其實三個湯底都係同一個BASE,只係再加多D野~我就好辣,但又唔食得太辣,所以就叫左小辣🌶️個人覺得沾面好食過拉面~佢個辛辣湯汁先用鍋熱住,食到最後都可以保持溫度~沾面熱食好好食!湯入面仲有唔少豬肉~全部都好淋,好好食!!佢仲有半熟日本蛋同炙燒叉燒,再加好多蔥~D麵彈牙有咬口，配合辛辣嘅沾醬，一啖咬落去，辛辣刺激但又唔會過火，令人食完一口又一口，食慾大增。…查看更多

呢間嘢開咗好耐第一次食除咗係連續4年東京米芝蓮指南推介Tabelog 全日本拉麵大獎Ramen Walker 多年日本最優秀拉麺請表弟食兩個人$316 多賀野醬油拉麵x2 256日式煎餃子半價 $29講真，日本啲餃子間間餐廳，甚至係自己屋企煮，全部味差唔多😂每次食親拉麵，都習慣咗要落沙律醬，所以另外問職員攞😌 醬油味唔係好重，湯底都唔係嗰種油淋淋，比較稀，糖心蛋同出面啲味道一樣。拉麵都唔算多，食完都唔飽。叉燒有兩大塊，都好食。但係食完唔會話特別滿足。…查看更多

這間拉麵店已經是連續4年的米芝蓮推薦也是東京Best 10的拉麵店其中之一𓍯粟國鹽味沾麵是我吃過最淡雅的沾麵🤣很清爽的鹽味湯底 裡面有生洋蔥 很特別的搭配但完全不會感覺到刺激 神奇的是湯不是很濃稠 但麵的掛湯能力還是不錯呢🤣麵條是冷面 但依舊很有嚼勁 很貼心的是湯會持續加熱 溫度會一直保持🫶🏻𓍯銀鱈魚西京燒定食哇 這個魚的份量真的有被嚇到很大一塊 調味適中 能吃到焦香同時也吃到魚本身的膠質📍 沙田沙田正街18號新城市廣場一期1樓167號舖…查看更多

由以前第一間舖來香港已經食，食咗咁多年，一次店員工傾開食評，所以有衝動寫返一篇。剩係門面日式夠寬敞，環境已經一流。個人好鍾情食拈麵，唯獨呢間會加個蠟燭保持湯汁溫度，呢方面絕對世一，好多舖頭都係就咁比碗湯你，只會越食越涼。所以多賀野呢方面好細心，好體貼。最重要係個麵底，真係好食到不得了，煙un有香味，最重要係粗麵，配上獨特湯汁，食過返尋味仲有個炸雞一定要試，多汁又香口，並非普通嘅炸雞，一定一定一定要食…查看更多

今日一行人黎到新城市廣場，其中一位係拉麵愛好者。 記得呢間好味，自然就話要encore但另外一位友人話食過其他分店，印象味道麻麻最後我決定比多次機會等我試下！ 到底係好食定唔好食我叫左蟹皇沾麵套餐，一set 連加一都差唔多兩百。 黎到好震撼，大份同足料有蟹肉蟹膏，軟殼蟹同埋沾麵大家最後都話非常之正，朋友話唔好食嘅係"鹽麴"味，我估都係個人口味唔同，但首選一定係叫蟹…查看更多

經過沙田，進去叫了碗拉麵試試。鹽味拉麵不過不失。沒有什麼特別過人的地方。至於服務，也是沒有的，雖然收了10%小費。付錢的時候，我等了很久都沒有服務員過來。最後我走到入單的地方讓那位在玩手機的服務員收錢。店內裝修普通。真的沒有什麼好說的。餐牌的字寫錯了。鹽味拉麵的英語和中文都寫對，但日語卻寫了そば（蕎麦)，搞得我要問服務員這碗是什麼麵。 這個價位，$141連小費的一碗鹽味拉麵，其實外面很多拉麵可以選了，所以我是不會再回來這家店吃。 …查看更多

Lunchtime係沙田新城市廣場搵嘢食，被餐廳門口米芝蓮推薦圖示吸引左，仲要拎咗四年米芝蓮，決定入去試下🥢🙌🏻🍜粟國塩味拉麵 ($128)味道好普通🥲，湯底有啲清淡，感受唔到鮮甜，亦都食唔到鹹香不過食落口味清啲無咁漏，感覺相對少啲負擔麵條屬偏軟身，無特別Q彈，份量就正常操作湯底同麵條都無咩記憶點，性價比唔高，小失望叉燒口感唔錯，入口就半溶狀態，有燒過嘅香味，肉質好滑嫩🥚糖心蛋都係做得好食嘅，碗入面嘅🧅碎洋蔥都幫咗提升口感朋友叫咗招牌醬油拉麵($128)，同埋豚鴨沾麵($168)一致認同都係普通之作，無咩驚喜(・_・)…查看更多

喺新城市搵食預咗唔會平得去邊。多賀野打住米芝連旗號，諗住價錢就算比較高，食物質素應該可以打返個和，點知有少少失望。叫咗兩個麵，分別係招牌嘅醬油拉麵同埋極上蟹黃沾麵。先講醬油拉麵，麵質爽彈，湯底清清哋唔算油膩。叉燒厚薄適中，但略嫌有些微嚡口。整體味道OK。但以$128嚟講，又唔覺好突出嘅地方。另一個極上蟹黃沾麵，上菜時沾面湯用蠟燭keep住溫度，但略嫌溫度唔夠熱，令湯只係keep住微熱，相信湯熱啲會再好食啲。但沾麵湯本身幾出色，蟹味香濃，湯嘅濃稠度適中，做到掛面效果。麵質幾出色，煙韌彈牙，同沾湯配合得好好。最出色嘅係蟹膏同蟹肉小碟。蟹膏有少少調味，但又唔會掩蓋蟹膏本身嘅鮮甜。蟹肉冰凍新鮮爽甜。反而炸蟹部份冇乜驚喜，蟹身有些微腥味。雖然味道OK，但索價$188又真係CP值唔高。值得一讚店員服務周到，經常買枱檢查客人茶杯係咪需要添茶。而且上沾麵時，亦詳細講解點樣品嚐。如果想試吓米芝蓮拉麵，不妨試吓。…查看更多

多賀野餐廳位於新城市廣場一期，最近去品嚐了他們的招牌醬油拉麵，這碗拉麵不僅美味，而且多賀野餐廳還連續四年獲得米芝蓮評鑑，這實在是令人驚喜。招牌醬油拉麵是多賀野餐廳的招牌菜，而且我可以理解為什麼他們贏得了米芝蓮的認可。這碗拉麵的湯頭濃郁香濃，充滿著醬油的風味，讓人一口接一口欲罷不能。麵條煮得剛剛好，有著彈牙的口感，非常入味。配料方面，豐富的燒豬叉燒、溏心蛋和青蔥增添了層次感，使整碗拉麵更加豐富美味。我真心推薦這碗招牌醬油拉麵，它絕對是一個令人驚艷的美食體驗。除了招牌醬油拉麵，多賀野餐廳的菜單也適合成人的口味。他們提供了多種精緻的日式菜品，從和牛芝士丸及炸雞，每一道菜都展現了廚師的專業技藝和用心。如果你喜歡日本料理，這裡絕對是一個不容錯過的地方。然而，值得一提的是，多賀野餐廳的菜單對於小朋友來說選擇不多，只有一款兒童餐。如果你帶著小朋友一起前往，可能需要考慮他們的口味和喜好。不過，服務員們很樂意提供建議和調整菜單，以滿足小朋友的需求。總的來說，多賀野餐廳的招牌醬油拉麵絕對是一道美味的佳餚，值得一試。連續四年獲得米芝蓮的認可也是他們菜品品質的明證。如果你是個成人且喜歡日本料理，這裡絕對是一個值得光顧的餐廳。不過，如果你帶著小朋友，可能需要考慮菜單的選擇。…查看更多