多賀野 (新城市廣場一期)

營業中

休息中

兩年前係k11 musea 食過，果時仲吹奏到好勁好多人排隊，都有去食過！但果時都冇咩問題 , 各方面都還好， 但隔咗咁耐喺新城市呢度食就出現問題!嗰日我仲要排隊等位先食到大約15至20分鐘😌😌滿心歡喜期待食沾麵，當佢出嘅時候真係好失望!嗰碗湯已經用嗰啲好細嘅蠟燭去座熱，諗住佢會keep 到溫度，點知第一啖放入口已經係低於常溫！一d 都唔熱！我仲帶咗朋友去食仲要講到佢好好食咁,搞到我顏面何存😌😌本身以為剩係得我哋嗰枱嘅湯放涼咗， 點知都聽到隔離枱講話啲湯係凍嘅, 相反熱嘅拉麵就好食好多😌😌講到攞晒獎咁樣但竟然有呢一個問題，我覺得有啲唔能夠接受!😡另外我哋有叫到炸雞食,今次呢一個就熱嘅, 完全無問題！😌😌但我期待嘅係食碗沾麵而唔係個炸雞囉，真心令我覺得好失望，唔敢再去食！

本身Happy Friday就想食個拉麵到lunch去到沙田就諗住試吓呢間日式拉麵入到去環境好闊落，而且每個位都有一對木門窗隔住，如果你係買個人一枱，就可以打開個窗食但如果係自己一個去食，就會關埋個窗私隱度極高，自己食都可以好Relax佢既menu 選擇唔算多而我就要左個醬油叉燒拉麵同一個日式炸豆腐小食佢既麵底唔係平時食既拉麵底，佢食落去有啲似蕎麥麵，而且佢兩塊叉燒好大塊同厚身仲配埋啲生蔥蒜同醃咗嘅筍，味道太夾啦。叉燒唔會好喊，再配味個湯就岩岩好而佢既炸豆腐係內滑外脆架，份量都唔係細。佢面頭鋪左啲木魚，再係底到淋左啲甜甜地既湯汁⋯⋯我食食下就食晒啦而且服務員好貼心同好友善。下次絕對要返黎再食過❤️

❒ 多賀野醬油拉麵 $128多賀野招牌之選既醬油拉麵食落鮮甜又唔會太油太鹹🫣 講真都幾surprise🤣 幾鐘意佢哋又軟又夠滑既叉燒🐖 超滿足但又唔會太邪惡😆 拉麵既軟硬度適中配埋個湯底都算唔錯🤤 可以一試✨Takano Soy Sauce Ramen is one of the signature choice of Takano🤩 Using fresh seafood🐟, chicken🍗 and pork bones🍖, the broth was sweet but not salty and heavy yet👌🏻 Loved their soft and fatty pork too!🐷 The texture of ramen was nice and paired well with the broth🍜 Worth a try🥰評分: 8.5/10🌟————————————————————————————多賀野 (新城市廣場一期) (沙田)沙田沙田正街18號新城市廣場一期1樓167號舖𓍼 #foodietiffhk 𓍼 #foodietiff推介𓍼 #foodiet

男友對沾麵情有獨鍾作為廿四孝女友當然要陪佢周圍試！多賀野連續幾年拎米芝連 所以都帶住期望嚟呀😋簡介話佢哋嘅拉麵採用四種日本專業麵粉製作 確保拉麵經過一夜的發酵仍十分勁道有嚼勁有幾多隻麵粉我應該食唔出 但採用日本原料 感覺有一定質素保證😂 另外 話就話做好心理準備親眼見到近乎$200一碗沾麵都真係⋯好有感覺🙉餐廳環境裝潢俾到喺日本嘅感覺 座位亦唔算好密 加上啲凳都坐得舒服😌每張桌都放有一塊牌仔 講解沾麵食法😳黑松露沾麵 $168配半隻溏芯蛋 一碟炸物同幾粒肉炸物全部都係菇 肉就細細粒 無咩特別黑松露湯汁味道夠 唔太咸重點係麵底 真係有咬口又彈牙好高質🤩蟹皇沾麵$188 有附一小碟蟹皇試咗撈落湯汁/ 加落一匙羹拉麵食 後者味道更濃郁 加咗蟹皇口感即時昇華 好感動🥲食完麵可叫店員加湯 飲埋啲湯汁有興趣可以試吓🤓隔段時間再嚟試埋其他！

今日去食拉麵，見沙田呢間幾多好評，再決定去一試。呢度無論沾麵定係拉麵，麵條都好好食，有小麥味，又彈牙，又唔會煮太耐，淥得啱啱好。不過湯底就麻麻哋，無論沾麵同埋拉麵兩款個湯底都比較淡，所以成個面都會比較清淡。糖心蛋能夠做到流心，生熟度啱啱好，但係都唔夠入味，叉燒亦都係同樣嘅問題，送到上嚟嘅時候好靚仔，不過食落去都係冇乜味，整體來講呢間餐廳啲嘢食係唔夠味，冇傳說中咁好食炸物就一般般啦唔通我真係咁重口味

因為每日攝取卡路里係有限嘅 呢個價錢食呢個質素 好過食啲平但味道差嘅拉麵🍜行新城市廣場唔知食咩好 決定食呢間拉麵餐廳內好多兩人自閉位 但啲侍應都好take care到每枱客人推介⚡️招牌醬油叉燒拉麵叉燒肥瘦相間 兩塊嘅size都幾大口感軟腍又保持到肉嘅質感 肥而不膩醬油湯底整體味道清而不淡 濃稠度啱啱好 飲落好油潤舒服要配合仲煮到有少少流心嘅溏心蛋 同啱曬掛湯嘅拉麵 大量嘅蔥 食曬一碗真係好滿足😋 高卡路里都好值得！不過份量比較啱女仔食 男朋友就覺得有替玉就好啦🤣

1。服務好好 好有禮貌2。食飯好一般。炸物亦都冇其他食評講到咁好食3。麵份量細 好肚餓既話唔好食呢間4。因為用餐時間得60分鐘，waiters見你一食完就立即收走5。食食下有蚊食左一次就算，冇原因要再幫襯。

之前同朋友係新城市廣場午市覓食，走到底層，發現除左中庭一大堆食肆外，角落頭收埋左一間拉麵店。好快被帶領入座，內裡裝潢很雅致，令人感覺放鬆。我自己很喜歡鹽味拉麵，所以一黎就揀左粟國塩味拉麵。🍜湯底濃淡得宜，咸香出色但唔會死咸，亦唔會過份油膩，係我理想中清爽嘅鹽味湯底。麵身小麥香氣非常吸引我，而且唔會好快變軟，係本人喜歡嘅口感。至於配料，個人認為叉燒略肥，畢竟個人只喜歡瘦肉，但燒過之後香氣幾出；當中以溏心蛋最為吸引，加上白芝麻鋪面，更有層次。朋友點嘅多賀野醬油拉麵，大家都認為幾唔錯，尤其麵嘅小麥香氣令人回味無窮。另外，我地仲叫左真澄柚子酒。柚子味好香好突出，同酒味都幾融合，兩者平衡，順口好飲。店員介紹及服務都非常好。整體用餐體驗都覺得好滿意，

成日食拉麵，沾汁麵比較少食。今次同男友晚餐揀左呢間多賀野，出名食沾麵嘅連鎖店。叫左黑松露沾麵，極上蟹皇沾麵同日式炸豆腐。先黎個炸豆腐，外脆內滑，面頭有少少辣味明太子，味道豐富。越食越開胃！沾麵份量唔細。個汁重有蠟燭熱住。。松露好香好濃豬骨湯味。個汁味道唔錯，不過油脂極豐富。食兩啖已經有d膩。配料方面菇天婦羅同半隻溏心蛋，雖然唔知係咩菇。不過好好食。脆得黎又鮮味而另一款蟹皇沾麵。魚湯算濃郁。不過好普通。。雖然有鮮味，味道同麵X武藏嘅魚湯有d似。。只係多左d蟹肉同蟹糕。。🤦🏽‍♀️配料炸軟殻蟹炸得非常出式，鬆脆好食，又唔會太乾。炸物非常出色，成餐最滿意。沾麵大大份，麵質彈牙掛汁。係唔錯嘅。個湯汁味道就比較遜色。。不過用蠟燭熱住係細心嘅價錢唔平，偶然一試就夠了🙈

知道k11有間米芝蓮拉麵店，長期大排長龍，今次喺沙田開第一間分店，梗係要朝聖一下, 當日唔需要排隊，十分開心，位置喺”鼎泰豐”旁邊, 餐牌選擇不多，只有幾款拉麵🍜🌈日式炸豆腐（四件）$48看似好普通嘅小食，真係有唔同，有驚喜，炸豆腐炸皮超級薄，豆腐十分之滑，加埋個鰹魚醬汁，不得了！🌟🌟服務十分貼心，已經預知食麵有機會湯汁四飛，提供圍裙，避免污染衣服， 大讚🌈芝麻香蔥叉燒拉麵$138🌶️有啲食擔擔麵嘅感覺，個人認為小小辣🌶️，同行友人話非常辣🌶️🌶️🌶️，一碗好味嘅拉麵，個人認為一定要夠熱♨️，呢碗麵非常之熱♨️，食到最後都係熱♨️，叉燒30%肥70瘦，比例啱啱好，好大塊叉燒，拉麵麵質零舍唔同，煙韌滑度比例啱啱好！🌈山椒香蔥叉燒拉麵$138🌶️味道有啲似酸辣麵，酸酸辣辣好醒胃，超級多蔥，好香口！ 米芝蓮拉麵當之無愧！

✿ 多賀野醬油拉麵 $𝟏𝟐𝟖呢個醬油拉麵既湯底好清完全唔膩 醬油既調味適中🍜配料有兩片半肥瘦叉燒、糖心蛋同埋紫菜🥚麵條帶小麥香 食落偏硬身 掛湯能力都唔錯呢度既員工服務態度都幾好～拉麵黎到之前會講解點食係最好味 之後亦都會問返食客滿唔滿意自己點嗰碗拉麵 遲啲都會再黎食喔!!

…. 心諗（3點幾4點下午茶時間當然要食tea啦！慳d ma，tea time wow 🤔但是老公想食😣）🥹點知有驚喜 ☺️正正下午茶時間餐廳唔多人可以慢慢食。極上蟹皇沾麵好滿足呀！睇得又食得，湯底濃濃蟹肉湯底，但初初沾麵湯底不夠熱（店員馬上幫忙加熱👍🏻）不過真係有d貴$188，仲要糖心蛋得半隻🤨！醬油拉麵👍🏻👍🏻👍🏻湯底清甜，一試愛上🍜，仲有一隻糖心蛋😋😋本人一向唔太識欣賞拉麵，因為覺得拉麵未必間間食得飽又貴又唔一定好食，日式叉燒好一般般所以… 真係少食。好彩今次沒有失望。☺️有機會可以再來試吓湯麵🍜

一家大小 這家拉麵🍜店最好，因為有兒童餐份量剛好 賣相吸引，配益力多 小朋友更開心🥳解決了家長幫小朋友諗食邊款多賀野醬油拉麵🍜住家製作嘅清湯底拉麵粗身麵條富彈性 靭力，湯底清澈鮮甜，而且一啲都唔油膩，醬油味都恰到好處，質素高搭配半肥瘦叉燒，肉感幼軟，配糖心蛋，超好吃😋自家製蟹肉薯餅 酥脆鬆化的炸皮，蟹肉夾住軟綿綿薯蓉 食到蟹肉 不是仿蟹肉般質感，非常可口😋日式煎餃子五件煎餃子，金黄色外皮🥟香脆可口，肉餡咬落去有豐富湯汁，味道不錯👍🏻香葱山椒叉燒拉麵🍜鍾意食濃味既我，試左呢個好似擔擔麵湯，大量香葱鋪滿拉麵🍜上面 惹味十足😍

安排入坐後，糾結緊食拉麵定沾麵之際，眼見隔離左右每一枱都點蟹皇沾麵‧就諗緊係咪要試一試佢，橫掂個人比較鍾意食沾麵。但頗貴,極上蟹黃沾麵$188計埋加一,，要成200蚊一碗。 一上枱，見到果set 野，以多賀野既定位，係值呢個價。配料方面超級豐富，有一隻軟殼蟹，青蔥,，筍，蟹膏，蟹籽蟹肉 。湯入邊有海閏蟹肉同埋蟹膏，一口蟹濃湯配上Q彈既麵條，回味無窮 。另外餐廳貼心位，知道啲湯會愈食愈凍，專登加咗個火㷫住碗湯，keep 住每一注每一啖都係熱的，加分。不過希望餐廳可以考慮一下比客人揀麵量, 對一個女仔黎講，份量有啲多，食唔唒就浪費了。

在沙田附近想攪日本野食，search openrice見到呢間沾麵，見唔洗排隊挑戰一下。一個人坐Bar檯，點了豚鴨沾麵，麵唔算多，小肚嘅我啱啱好，湯頭偏清甜，味道OK，直接飲都可以，個人覺得配沾麵可以濃啲啲，佢湯碗下面有個小蠟燭保溫，但湯放低時已是暖嘅狀態（冇出煙)，小蠟燭都救唔到。最驚喜係配菜，我本身唔特別喜歡溏心蛋同筍，佢呢兩樣都做得好好，筍沒有我怕的”壓”味，溏心蛋好入味好好食，高水準！加埋松葉蟹肉蟹籽沙律(冇特別)同埋可樂，埋單$279