多賀野 (K11 Musea)

營業中

休息中

週一來K11 Musea， 人算係松。看完電影🎬後，想吃一份簡餐。決定來試試這家週末都排隊的拉麵店。星期一1:30PM來，所以有位直接坐下。今天我們一大一小，所以叫的不多，一起分享。日式餃子 -有點失望，好像是一早煎好的，上菜時已經是溫溫的了。裡面的餡，和其他的拉麵店味道差不多。鹽味拉麵🍜-我女兒覺得很得意，麵端上來像一個smiley face。所以她一直giggle😊。 個人認為這個叉燒肉有些偏肥，但是我女兒又覺得很好吃。 蔥有點放多了，整碗麵的蔥味有點重。這家拉麵🍜店，沒有其他配菜給拉麵的，有點失望。蟹肉薯餅-剛炸出來，很香脆。建議趁熱吃。

#多賀野主要都係食日本美食，拉麵嘅舖頭，佢而家期間限定：極上蟹皇沾麵。如果你鍾意食蟹嘅話咁就啱晒啦🥰食蟹最麻煩就係剝殼，而佢已經幫你拆晒肉出嚟，等你食嘅時候都係淡淡食蟹肉口感非常之滿足，套餐裏面除咗有蟹肉仲有蟹子，蟹膏，炸軟殼蟹，而佢嘅上湯裏便都佈滿左蟹肉同蟹膏等你鍾意食蟹嘅可以一嘗口感之福😋粟國塩味拉麵🍜麵質爽口彈牙，配上厚厚嘅叉燒和滋味十足嘅流心蛋食完簡直回味無窮🥳而佢嘅飲料亦都好特別，有靜岡綠茶可樂，完熟水蜜桃汽水🥤而佢嘅座位非常闊落，仲可以擁有me time嘅座位，服務亦非常好👍🏻所以值得一試⭐️⭐️⭐️⭐️⭐️

第二次黎呢度食拉麵🍜 今次叫蟹味湯 湯底濃郁 足料 配菜都好好食另外叫左個豆腐沙律 以為會得好細碟 但都好足料🥗 炸雞正常發揮🍗 下次可再試其他拉麵😚店員服務質素好 觀察到客人的需要

二人晚餐都各自點了沾麵及以甜品雪芭作結。食物質數不過不失，環境尚算不錯，開頭waitress安排了面壁位給我們，後來我們覺得實在太自閉，主動要求坐在樹下高枱，咁樣先有番D新氣。

之前見呢間成日都排長龍 一直都冇去試今日平日見到冇人排隊就即刻去試吓啦入到去都差唔多坐到full晒見到有期間限定 極上蟹皇沾麵好似好吸引就叫咗個嚟試吓另外叫咗個好多人推介嘅豚鴨拉麵加個自家製蟹肉薯餅蟹黃沾麵有一隻軟殼蟹 有蟹膏 蟹子味道OK 有蟹嘅味 都幾好食不過冇太驚喜嘅感覺 同埋個湯唔夠熱豚鴨沾麵 個麵好食有煙韌嘅口感 不過我覺得個湯唔夠濃 又唔夠熱隻蛋熟咗少少 3塊叉燒肉質OK不過都幾薄 寧願俾一塊厚嘅蟹肉薯餅 食得出有蟹肉 薯蓉薯仔粒個口感唔錯 幾好食

週日同屋企人一齊去K11 musea 行街，發現依間舖頭12點就已經有人排隊，所以我哋都去咗試吓，都排左不少時間，雖然依間野係出名係沾麵或者係拉麵，但係我就叫咗鰻魚飯set😊, 鰻魚呢都好大舊，而且都好厚生有四片，真係都唔錯，而且食唔到有骨，最怕食到鰻魚有骨，另外再配左個沙津同湯😙真係好好味，好似返左日本🇯🇵咁，大家下次去嘅話都可以試吓鰻魚飯😉

香蔥山椒拉麵本身山椒口味已經令人感覺佢屬於川風，佢仲要加榨菜！我真係好好奇設計呢款拉麵既人係邊到人？榨菜既酸味完全破壞曬成個湯底，我第一啖食落去以為佢過咗期，成個配搭簡直令人覺得九唔搭八！醬油拉麵冇令人眼前一亮既感覺，湯底偏清淡，只能話尚可拉麵質地算係比較好，爽口，彈牙，有質感，追求口感的朋友可以試下日式餃子非常普通既日式餃子，冇任何特色整體覺得米芝蓮之名名不副實，可能名頭太大，落差感太重，所以今次體驗真係比較失望

⁑📌 𝙏𝙖𝙠𝙖𝙣𝙤 𝙍𝙖𝙢𝙚𝙣 多賀野尖沙咀梳士巴利道18號K11 Musea 2樓220號舖•無意間發現呢間日本過江龍拉麵🗾，聽人講幾好食，所以決定試吓😋•粟國塩味沾麵💰148正如呢碗麵嘅description所講，沾麵湯汁唔會太鹹，而且鮮甜，食完無覺得口渴🍜麵條比一般嘅湯拉麵粗，能夠中和濃郁嘅湯汁，唔會咁容易漏😚而且麵條食得出淡淡清香麥(?)🌾嘅味道，後尾食完上網睇翻先知佢啲麵條係舖頭自己整嘅，十分有誠意😆最後想讚埋叉燒燒得幾香🐖同埋配料都比得好多🤩 雖然食物質素好，但係同唔小人一樣，我都認為呢間店舖嘅定價真係有啲太高啦(咁可能租金都佔咗部分因素💸)，而且有啲$100左右嘅拉麵絕對唔會輸俾佢嘅，所以我認為真係試一次就可以啦🤧🎏推薦指數: 7.5/10•🧮有加一服務費哦 *･゜ﾟ･*:.｡..｡.:*･ ･*:.｡. .｡.:*･゜ﾟ･* ･*:.｡..｡.:*･ ･*:.｡. .｡.Disclaimer: 以上全屬我誠實意見，謝謝*･゜ﾟ･*:.｡..｡.:*･ ･*:.｡. .｡.:*･゜ﾟ･* ･*:.｡..｡.:*･ ･*:.｡. .｡.

位於尖沙咀 K11 MUSEA 的多賀野發源於東京品川，以日本直送的材料，配上店內製作的麵條作主打。豚鴨沾麵的沾麵汁以鴨、豬、雞等等材料熬製而成，比一般沾麵汁稀身，薄薄的依附在粗身麵條上，能同時感受到湯汁的香濃和麵條的彈牙口感。

之前嚟過食一次豚鴨沾麵，念念不忘今次專登嚟再試一次，排咗幾個字隊就入得去，今期嘅期間限定係蟹沾麵，睇圖已經覺得超吸引期間限定 - 🦀蟹肉沾麵 🌟🌟🌟🌟🌟超級推介‼️超級推介‼️一飲啖湯已經有濃郁嘅蟹味，配料方面超級豐富，有一隻軟殼蟹、蟹膏、蟹籽蟹肉，配上彈牙爽口既麵條，再搭上一口蟹濃湯，口腔徘徊住淡淡蟹美，真係想再食唯一小缺點就係湯唔夠熱豚鴨沾麵 🌟🌟今次食豚鴨拉麵既湯，令人好失望，完全感覺唔到團豚鴨味，冇第一次食咁香濃，好清懷疑係唔係人多，加水溝淡晒，專登嚟食多次，但大失所望

聽說多賀野拉麵很有名，所以行過就試一試。午市有三款特價小食，點了2款，分別是胡麻豆腐野菜沙律(半價$26)，及蟹肉薯餅(半價$34)。蟹肉薯餅很出色，是自家製，食得出有蟹肉，不是蟹柳條的仿蟹製成品。沙律很清新，半價真是抵吃。說到主食拉麵，點了醬油拉麵及芝麻辛辣醬。拉麵很爽口彈牙，是餐廳自家製作，客人可看見製作過程。辛辣麵不算太辣，所以覺得芝麻辛辣麵較香口，味道更好，還可以加溏心蛋($15)，所以一定夠飽了。

星期日帶小朋友出街周圍行吓，咁啱呢個商場有好多藝術裝置，就帶小朋友嚟培養下佢嘅藝術細胞。都搵食時間，你個商場有超多嘢食，最後揀咗日本野，因為小朋友鍾意食。雖然呢間係一間拉麵舖，主打拉麵，但係佢都有定食適合小朋友。老婆叫咗個辣拉麵，我唔係好記得個名，但係總之就係擔擔麵風格嘅日本辣拉麵。唱到枱嘅顏色真係好紅，最初以為日本弍辣唔會太誇張，但係食落真係超辣，聽我老婆咁食得辣嘅都頂唔順， 要叫佢哋俾啲唔辣嘅湯我哋溝稀佢😅另外我就叫咗銀雪魚西京燒定食，因為小朋友鍾意食嘢，另外我哋亦都叫咗一個原味炸雞，同埋支豆。銀雪魚西京燒非常好味，炸雞差得外脆內軟，好Juicy。值得一提嘅係佢哋伴碟嘅沙律都好有誠意，非常好味。另外我哋仲叫咗一支雪梨汁俾小朋友，總括嚟講吸餐非常美味，只係個辣麵估唔到咁辣。

每次行K11 Musea都見到呢間拉麵店, 裝修得好靚! 今日諗唔到食咩就決定試下佢一坐低, 已經好多飛飛野..又有烏蠅...都唔知係我黑仔定點..即刻無晒食慾...但已經叫左野食...所以頂硬上....叫左鹽味拉麵, 坦白講, 碗拉麵正常, 但收得128蚊我expect要係好味d 同埋至少個衛生環境會好d....我諗我應該唔會再黎了😞

之前食過覺得幾好食，經過再食多次。今次叫咗蟹肉沾麵。D料好足， 個汁入面係啖啖肉，炸蟹熱辣辣,另外再配埋蟹膏。真係落足料，真係飽到嘔。不過我自己唔係好食得慣沾麵。今次食完先知原來d麵係佢哋自己整。

尖沙咀K11 musea 都唔係第一次黎，這商場都幾多嘢食，不過有幾間鋪頭都幾多人排隊，心血來潮想食沾麵，於是就揀這間。門口見都係10幾個，但最後排左半個鐘。order左兩款麵。這個豚鴨沾麵，價錢$168。湯底好入味濃郁，肉質都鮮嫩，蛋都唔錯，沾麵硬度就適中。不過都係中目黑果間好食好多。另一樣，醬油拉麵，價錢$128。這個拉麵同湯底就普通些，不過比一籣好少少，蛋都合格。總結係沾麵好過拉麵，但係都係個人喜好。我都係掛住日本嘅沾麵拉麵多些。