多賀野 (K11 Musea)

營業中

休息中

拉麵只係一般，湯底只係暖唔夠熱。室內溫度超高，可能而家限聚令想多做生意，溫度高可以令客人感到悶熱而快些離開。跟待應講可否開大些冷氣，待應説‘係咁架啦，商場冷氣，冇辦法’，如果夏天三十幾度怎辦呢？想返桌率高都應該改善質素及員工服務態度呢！

一訓醒就出尖沙咀去到已經3點3🤣 人地下午茶我地食lunch~ 係早餐、午餐🧏🏻‍♀️我當埋晚餐架啦☺️ 麪條好好咬由於醬汁唔係痴身係湯水都沾唔到😂～不過湯汁算濃香☺️個人幾鐘意叉燒肥瘦度剛好，可以再嫩口啲而且因為唔係熱湯，分開上比較凍都有啲影響，但會再去🥰🥰蟹肉薯餅好足料，唔會剩係得薯仔泥內面仲有啲洋蔥咁更加香～個醬汁偏酸好開胃感覺似自製既醬汁🙌🏻 兩個人兩個餐我叫左係豚鴨沾麵，👦🏽叫左辛辣～我都試左少少辛辣既比較麻個人覺得香度唔夠第一啖食完全有種酸辣薯粉個種味😂😂😂之後就剩係麻🧏🏻‍♀️ 咁就食左接近$500我諗節日都可以既我呢啲窮L成日食既真係食唔起～14-18年東京米米人推介仲有大獎見人見智啦就🙌🏻😂😂話特別好食又未到但唔錯既🤧都可以試下咁

這是我第二次在多賀野進食午餐！由於第一次和朋友吃過鴨湯沾麵以及蟹肉薯餅及餃子小食後吃過返尋味, 今次打算推薦另一位朋友在吃另一個口味！多賀野中午12點便開店, 如果想不用排隊就能進餐, 建議一開店就到步否則就會有長長的人龍! 今天天氣比較冷, 所以點了一碗叉燒辣拉麵, 但是今次沒有上次那麼好吃, 它的湯底是依然濃味, 他的洋蔥還有大蔥下的份量太多, 吃完拉麵後整個口腔都是佈滿蔥的味道...... 而且湯底較少, 麵都還未吃完的底下已經沒有湯了><但重申一次它是屬於好吃的拉麵, 恰好這個味道不太適合自己吧, 價錢偏貴啊, 感覺吃晚餐比較化算!

成日見呢間野排隊所以一直都無試過。點知今日唔洗排咪試下囉。叫左個最基本既醬油拉麵。麵硬，湯味沒有層次，筍又太硬。想點。叉燒極普通。一路食一路無聲出。太太問我好吃嗎？兩個字：難食我太太叫了個沾麵湯是凍的。麵粗而粉。偷聽到隔離枱話要加熱湯。滿心歡喜叫了個炸雞味道還可以炸粉漿硬度勁硬好像咬石頭一樣旁邊的粟米太太話難食過大陸自助早餐的粟米Open rice 要我打二百字才可以平分佢難食。我好毫不猶豫打夠二百字。好在我命硬一個字： __！

而家去食個拉麵都真係好貴，要成差不多$170一碗，但見一場嚟到又唔知食咩，即管試下啦！本身唔係好鍾意拉麵或者沾麵，因為覺得太濃味，好咸。但我叫嘅依個栗國鹽味拉麵講明食完都唔會口渴，啱晒我e啲怕太咸嘅人。另外依間餐廳食嘅拉麵種類都好特別，同埋好多辣味嘅拉麵。另外佢如果like咗個instagram就可以有秋葵或者果汁買一送一，因為怕食拉麵會口渴，所以就同朋友叫咗一支梨汁，一枝葡萄汁，佢係100%果汁無糖無添加，但都好甜，仲有果肉喺入面。個鹽味拉麵都好正，佢啲麵係半麥麵，所以比較乾身，但唔會好鞋身，不過就有啲難吸個沾麵湯底。至啲叉燒都係瘦叉同埋煎得比較乾身，初頭食會覺得好香，但食到第二塊就開始覺得有啲難咬，唔知係咪因為凍咗。至於個沾麵湯底，初頭仲諗住會唔會好似其他拉麵店咁要之後加湯飲埋佢，但其實佢一啲都唔濃，已經可以直接飲用，所以其實可以當拉麵咁食。佢做得好好，真係好清唔會令人覺得口渴，但同時亦夠味配合個麵同叉燒。環境方面，因為2人限聚，所以佢卡位之間落咗原有設計嘅屏風，但我做靠牆嗰邊我就覺得非常焗促，好似完全冇風咁。本來諗住冬天食碗熱嘢，但坐低咗咁焗真係食慾大減呢。

路過見到佢店面寫住係米芝蓮嘅拉麵店，又冇乜人排隊所以好奇入去一試。餐廳感覺尚算寬敞，加上因為限聚令，更加少人。叫咗六款食物，包括香蔥山椒叉燒拉麵、多賀野醬油拉麵、自家製原味炸雞、煎餃子， 同2樽果汁。多賀野醬油拉麵嚟到見到個湯好清，飲落去個湯都孫幾清甜，唔會太油太鹹，值得加分。至於配料就普普通通，拉麵方面食得出係自家製作，因為同大部份嘅拉麵店唔同，咬落去煙煙韌韌，可惜個麵好似煮得唔夠耐，食落去好硬。點菜嘅時候侍應已經提醒香蔥山椒叉燒拉麵係比較辣，個拉麵一嚟到飲咗一啖湯已經發現個侍應所言非虛，因為個湯真係幾辣，食落都算惹味，不過唔食得辣嘅就千祈唔好叫喇，因為會越食越辣，而且食咗一輪之後仲開始覺得好油，至於個拉麵都係同個香蔥山椒叉燒拉麵一樣 - 咁硬。自家製原味炸雞味道唔錯，見雞都算炸得幾juicy，而且仲配埋一個小小嘅日式沙律，不過提議佢啲雞嘅size可以細d，咁食落可以避免太滯。煎餃子就普普通通，感覺餃子煎得唔夠脆。服務方面，侍應生略嫌不夠細心，同佢講話要水，明明一枱有兩個人佢竟然比得一杯。加上坐嘅地方比較鄰近佢嘅員工休息室(或者唔算係佢嘅員工休息室因為佢只係將用餐嘅一部份地方用簾拉起

疫情期間去K11Musea 閒逛，之前搜集資料，看到多賀野在日本的拉麵非常有名，所以決定去試一下。其實在近期食評中，看到很多人的資訊都比較負面，但在我來說，日本拉麵真的未試過不好，日本拉麵點會唔好食？所以決定試吓，下午午餐時間，冇人排隊，完全不用等位，我們點了網上食評說湯底好味的沾麵和一個粟鹽叉燒拉麵。拉麵沒有什麼特別的味道，叉燒也不見得好吃，百零蚊一個面其實算是貴。另一碗就是沾麵，原來是一碗冷麵，碗是熱但湯只是暖，原先預計拉麵應該彈牙，但原來只是「硬骨骨」，比飛機餐的冷麵更硬，完全不彈滑，真的沒有食過這樣難吃的拉麵，此店名過其實。比較好吃的是胡麻炸雞，二人吃了四百幾蚊，完全不值，這間店真的不會再幫襯。

經過K11 Musea就打算試試依間拉麵店(而寫緊食評先發覺原來依間拉麵店係獲東京米芝蓮連續四年推介!) 🍜 餐廳寬敞，有幾棵幼樹做佈置，而卡位設有屏風，有需要搭台都仍有私人空間~整體湯底味道上係偏淡，唔會太鹹或油膩; 而麵係有喬麥成份，有煙韌口感 ✨ 醬油拉麵相較普通，不過不失 🤔 豚鴨沾麵非常足料，叉燒之外湯入面有鴨肉 🤩 湯底係由豚、鴨、雞、魚做，雖然唔係食得出所以材料嘅味道，但都幾有特色 👍🏼 價錢上加一後偏貴，但如果有日係商場經過都值得一試 ✔️

#多賀野 高質拉麵🍜 店舖特色裝修 拉麵新體驗 🍚飯桶人 真係好少食拉麵（同埋唔鍾意食豬- 因為豬臭so 味）今日陪人 🤷🏼‍♀️ 意外地覺得正 🔥1. 豚鴨沾面（*期間限定配吉列蠔 yay 🎉 平時係配日式叉燒 💰$168湯： 全晚嘅高潮： 清甜而又濃郁 點個面食 夠味得黎唔會過鹹 ！ 唔會有豬臭味！湯肉有好多肉碎（似係煲爛晒嘅肉，唔係一粒粒嗰啲肉碎* post 內付video, 唔係平時超鹹 重口味湯底！無重味精 已經好開心 🥳🦪 吉列蠔炸得出色，皮唔厚 冇油益味 入面Juice + 厚肉。 2.蟹肉炸薯餅 🔥同樣地個皮做得好 脆而不厚🙏🏻 內面：🦀蟹肉份量多 唔會係一劈薯仔3.醬油味叉燒拉麵 🍜 湯幾好 面好 前面打太多， 懶了 。 飲品： juice 🧃 1.生薑蘋果 2.梨汁 💯

距離2021年仲有唔夠2個月大家係唔係都好掛住日本？2020年 我剩係返左一次鄉下😭呢鋪癮好大🙄🙄 係呢個艱辛抗疫期間 搵到鄉下鋪頭真係好重要！正所謂睇下當去左！咁係香港唯有食下當返左鄉下😝係尖沙咀商場K11 Musea我搵到佢！「多賀野」🍜🍜 日本東京人氣拉麵店，今次試左粟國鹽味拉麵同鴨肉沾麵。份量十足！一入店就見到好大個玻璃工作室，原來店內更自設製麵工場、所有拉麵以機器反覆壓制６次再裁出麵條，口感煙韌，帶淡淡麥香。粟國鹽味拉麵湯底加入沖繩海鹽，芝麻及碎洋蔥一齊熬製，味道鮮甜清新。湯底清澈不油膩！豚鴨沾麵湯底用上鴨肉、鴨骨、雞、蜆、菇等材料熬煮再撞鰹魚乾精華湯，但唔會太鹹。鴨味非常突出！沾麵麵條比較粗，湯底唔算杰身，所以唔會好掛湯。不過份量真係好多！另外溏心蛋都好驚喜！應該用醬油煮過！非常入味😋 好食👍🏻👍🏻

我還是最近才聽聞過「多賀野」這間，曾經在日本「米芝蓮」赫赫有名的拉麵店，所以我直到現在，還不知道究竟「多賀野」有什麼值得一試的拉麵食品。所以我在還未完了解「多賀野」的情況下，先嘗試在下午茶時間第一次光顧位於商場「K11 Musea」，只食「多賀野」裡面，屬於招牌拉麵食品的「多賀野醬油拉麵」。我發現原來「多賀野」沒有屬於自己的自助點餐紙，所以食客光顧「多賀野」，沒有機會決定自己拉麵食品裡面的「湯底」濃淡度，也沒有機會選擇麵條，包括實際粗幼、軟硬或者曲直度在內的「口感」設定。食客在「多賀野」裡面，不單只無權決定湯底濃淡，無權決定麵條口感，甚至沒有機會為自己的拉麵，決定是否加入「鮮筍乾」。結果我只是點了一碗「多賀野醬油拉麵」，「鮮筍乾」已經堆滿在拉麵的表面上。偏偏我因為身體對食品存在敏感的問題，所以不能夠享用「鮮筍乾」，偏偏「多賀野」硬塞大量「鮮筍乾」給我，我卻無法享用，被迫丟棄碗裡面所有的「鮮筍乾」。其實餐廳只要提供自助點餐紙，就有機會讓食客自由選擇是否需要「鮮筍乾」，可惜「多賀野」沒有這樣做，無疑是有點讓我感到有點失望。至於「多賀野醬油拉麵」裡面的醬油湯底，我覺得湯底味道稍嫌有點過鹹，或

東京米芝蓮拉麵店，初開業時次次經過都見排隊人龍誇張到不得了。一直都想試下呢度d拉麵到底有幾出色，今日行街行到4:00pm都未食lunch，突然諗起呢間拉麵店，不如試試😛平日4pm 只有1枱客，order最signature 的醬油拉麵和鹽味拉麵🍜先飲一啖湯，不油膩但味道略鹹。有一隻溏心蛋和2塊叉燒。溏心蛋有淡淡醬油味，溏心效果都整得唔錯。叉燒厚薄肥瘦均勻，油脂感豐富😋拉麵每日新鮮即製，口感彈牙，份量十足👍🏻另加一款炸蠔，粉漿炸得酥脆而且好薄，大大隻蠔咬入口啖啖肉而且唔會過熟，呢個反而有驚喜😍總括來講拉麵係幾好食但價錢偏貴，佢好食的程度未去到令人驚艷。如果要排隊來食就未必會來，可能之前被人吹捧得太勁，落差才會咁大😅

跟朋友很久沒見，她想吃日本料理，拉麵也可以，由於星期五晚上，到處都要排隊，位於k11 musea 的多賀野也不例外需要排隊，但人龍不算長，而且座位都算多，所以大概排20分鐘就能入座。 朋友比較喜歡有湯的，她點了醬油拉麵🍜（$128）湯底是魚介湯底 感覺較清 不會油膩的 也不過不失最近有promotion follow FB/ig飲品便買一送一，便點了兩支梨汁（$48），是日本飲料🥤而我則點了signature 廣島蠔豚鴨沾麵（$168） 我比較喜歡吃沾麵 但湯底不太感覺到鴨味 豬骨味較多 廣島蠔也炸得剛剛好 麵底份量也充足整體而言，服務不錯，食物質素不過不失、尚算穩陣之選 尖沙咀想吃拉麵也可考慮

5:45pm諗住去食晚餐，但一問之下冇沾面要30分鐘後先有，所以我地等到6:15pm再去，好彩唔洗排隊一坐底先叫左二個沾面，一個係豚鴨沾面，另一個唔知咩名，仲叫左餃子主餐未到，餃子先到，餃子煎到出面好脆，一咬入去入面超級熱，不過好好味，我平時唔太中意食餃子都覺得好味（可能肚餓）主餐到 豚肉一片片 佢煎到好香口 但有少少肥成塊一齊食會比較好食 （本身我都唔太中意食）面好彈牙，有咬口，我覺得偏硬沾面個湯 我覺得我豚鴨果款 比較油另一款我沾過黎食，我個人比較中意另一款，可能因為辣（我中意食辣野）總括黎講 ： 正正常常，冇乜特別以上只係個人意見

今日到訪K11 Musea, 本身係食道頓堀的，但係朋友竟然去錯地方，誤打誤撞之下試了這間的吉列蠔原味沾麵🍜，百幾蚊份，未加一，算幾貴，不過分量好大，面質彈牙，沾麵汁不會過濃，係可直接入口的濃度。吉列蠔則普普通通，就係一般日式料理鋪頭整既雪藏蠔味道。店鋪裝修幾整潔，但無特色。不過另外叫既湯拉麵真係好淡好清，可以話比沾麵遜色好多倍，不太建議點，除非你想食好清，但係去得食拉麵都唔會想食清淡啦不過不失，略貴，不會再光顧了