多賀野 (K11 Musea)

營業中

休息中

今日又嚟咗尖沙咀搵嘢食，今日想食日本拉麵。原來呢間多賀野，見有五六個人喺門口排緊隊。應該有啲質素。等咗10分鐘左右就有位。入邊嘅裝修都好有格調，坐得好舒服。一去見餐牌有一個期間限定，和牛冷麵。用A5和牛做既。我同朋友叫咗一份和牛冷麵，同埋一個招牌豚鴨沾麵😋個冷麵用咗柚子啫喱，有啲酸酸地嘅感覺，好清新。和牛亦都入口即溶， 100分！豚鴨沾麵都好出色，佢用嘅手製麵係粗麵，好彈牙👍🏼👍🏼十分推介。值得花少少時間等位。

今次朋友選了K11的東京拉麵店【多賀野】是日本東京米芝蓮連續四年推介當然要看看網絡上的評論評論都是好壞參半有些說湯麵的湯汁味道較為淡而沾麵的濃湯就較出色那今次就直接前來一試・⭐多賀野醬油拉麵⭐粟國塩味拉麵⭐豚鴨沾麵⭐土佐豆腐⭐自家制黑胡椒炸雞・店家的湯汁是嚴選豚、鴨、雞、海鮮等天然食材每天慢煮不少於五小時製成餐牌裡都寫著：每一啖都充滿著豚、鴨、雞、魚的香味有如網絡上的評論 沾麵的湯汁的確相當濃郁我也吃得到用心熬的鮮甜 較為明顯的味道就是豚與海鮮的味道沾麵的湯汁相當出色 裡面還有入口溶化的豚肉粒🤤・但明顯地湯麵的湯汁就沒沾麵這麽出色朋友的塩味與醬油的湯汁反觀就較為淡口說到拉麵的麵質大家都很滿意是自家製的拉麵 屬粗身 有煙韌的咬口另一樣令大家都豎起拇指讚的就是溏心蛋蛋香濃郁 完全是日本蛋的味道 可惜沾麵只配上半隻・小食方面 點了這兩款都很不錯尤其是黑胡椒炸雞 炸後都很嫩滑兼保留肉汁

When I came in the restaurant , the staff was so polite to greet me. I ordered the sesame ad spicy Raman and tofu salad for lunch . There is a promotion. You can enjoy half price of selected snacks if you order a ramen. I was arranged to sit in a hidden area . It has a sense of high privacy .There is huge white spring onion on top of the ramen . It’s really refreshing to go with the ramen . Also , there are several slices of chasiu and diced of pork . The chasiu are fat enough and they taste goo

之前係中環食過果間圓圈三角我以為個價錢已經係拉麵店既頂點但原來有一間開係K11 musea既拉麵店係仲更加貴呢間叫做多賀野果日睇完黑寡婦就走左去試下聽講岩岩開果時係大排長龍我地星期六一點九左右去到都要排十個八個左右大約等左十五分鐘左右多賀野本店係東京tabelog都仲有3.91分算高分既亦都係日本前必比登推介既餐廳而家香港呢間話係多賀野第一間海外分店由嚐高美集團引入風格望落去就完全唔同呢間多賀野廚房係門口附近企係門口都可以望到少少有幾個類似bar檯既座位而我地就坐普通既二人檯未至於叫做同格離搭檯但個距離係好近好近完全聽到格離講乜佢仲有梳化位既關左中間隻窗就會變左單邊座位日本多賀野係一間中華拉麵主打豚鴨沾麵係google map睇相見到賣1100YEN而家香港賣168蚊價錢足足係日本既兩倍另外仲有個限定蟹皇沾麵再貴多廿蚊個價位就已經唔係圓圈三角既級數追到餐廳廚房就唔算好開放式但製麵機就大大部比人欣賞食足咁耐師傅就整足咁耐麵唔知佢係咪會玩足一日另外餐廳有個優惠like左佢地社交平台就可以用半價叫小食但條件係要點一樣正價飲品講到尾其實即係叫小食送野飲咁聽講佢地個蟹肉薯餅幾好食就叫左一份一份有

昨天同太太去K11 musea，因為為她喜歡的姜B買club口罩的顏色，買完之後，就去這間仰慕了很久大名的拉麵店食。叫了兩碗拉麵(鹽味及醬油味)及一碟餃子。但拉麵就真的一般，普通過普通，更失望係餃子等了很久，唔知是否同其他客叫先一齊煮。如好味都冇所謂，但個底又煎燶及肉又冇味，普通一間拉麵店都好食過這裏。但這裏有兩點可比讃，服務員招呼很好及有禮貌。而且環境一流，感覺到高級的餐廳。我估可能食沾麵是這間的主打，但我就不喜歡食沾麵，永遠是拉麵的支持者。

尖沙咀區著名的排隊食店之一，假日較難等位，今次趁平日6點經過附近，專誠到訪，幸運地等2張飛就有位 😍用餐位置寬敞，不會坐得很逼，在掛燈和座位設計上也盡顯高級和風氣派。今次被安排到近門口的座位，很有趣的樹下進餐體驗，打卡一流。點了最有名的蟹王沾麵set，除香脆厚肉的軟殼蟹，還有蟹膏和蟹肉另上， 沾麵的湯底蟹味濃郁， 入面還有蟹肉絲，入口鮮味十足。總結是令人滿意的一餐，只是價錢偏高，間中滿足一下都不錯。

利申：我係依間野啱啱開左無幾耐黎幫襯🤣。個陣我排左成個鐘先食到依間拉麵店😂。其實無想像中咁好食，同埋都算幾貴，應該唔會再食🤔。唔知點解好多間日本過江龍黎到香港都麻麻地🥲。佢得幾舊叉燒，同埋一個半熟蛋黃，真係唔算足料🤦🏼‍♀️。好嘅係佢啲麵幾好食，麵條粗幼適中，掛湯度OK🤗。另外，沾汁濃郁，幾有層次感，值得一讚👍🏻。麵嘅分量一個人食啱啱好😆😆。 🍽粟國鹹味沾麵：HK $148好味指數👅：🌸🌸🌸

呢間拉麵喺日本連續4年拎到米芝蓮，嚟到香港定價比較進取，味道確實唔錯，但份量唔多，性價比麻麻，Encore 可能性就低啲啦🤔⭐ 香蔥山椒叉燒拉麵 $138⭐👧🏿👦🏻:拉麵上面有海量嘅香蔥絲同洋蔥，湯底嘅山椒味好濃好出，而辣度係冇得揀嘅，但食埋比一般嘅日本拉麵辣，唔太食得辣嘅人士要注意‼️總體嚟講個拉麵味道有層次，唔會死辣，但偏向川菜風味，感覺有啲怪😅叉燒簿身，肉質偏肥，冇咩記憶點😉⭐豚鴨沾麵 $168⭐👧🏿👦🏻:湯式甜甜咸咸，入面有啲肉粒同大量蔥粒，味道有驚喜，唔會油膩，如果濃稠啲會更好。麵底以沾麵嚟講都算幼身，配埋稀身嘅湯底，掛湯能力一般般。

在日本起家，連續四年東京米芝蓮推介，二十多年來獲獎無數。這家日本過江龍拉麵店進駐了K11 Musea，每次經過都有人龍。<芝麻辛辣拉麵> 單看外觀已令人食慾大增。拉麵上一座香葱山，上面撒上了辣椒油和芝麻，非常精緻，打咭一流。吃拉麵首先要嚐湯底，此湯底非常濃稠，每一啖都充滿濃濃花生醬和辣油香氣，是和風擔擔面呢! 拉面爽口彈牙，軟硬適中。可留意餐廳內有一間玻璃房，放置了拉麵的製作機器，不知道拉麵是否在此製作呢？除了拉面上的叉燒，拉面中亦夾雜了大量，對，是大量豬肉粒，絕對不吝嗇食材。還有，值得一讚的是店員，看見我穿著白色衣服，主動提供圍裙，非常貼心。而且店員殷勤，只要一舉手， 10秒內就會有店員來到服務。• Spicy Sesame Ramen $138• Takano Soy Sauce Ramen $128• Creamy Croquette $68

星期五要食餐好☺️呢間鋪係連續4年獲得日本米芝蓮推介💕佢既期間限定款式都好有驚喜！早前既期間限定係蟹黃沾麵，已經好好味😍今日去，佢既期間限定已轉為A5佐賀和牛柚子冷麵😆個A5和牛好正呀🤤💡粟國塩味沾麵 $148呢間鋪既沾麵好好味！湯底濃但唔會好鹹，叉燒嫩滑😍 麵條粗而有彈性，掛湯力幾好！麵個份量都多😋💡A5佐賀和牛柚子冷麵 $258A5和牛果然名不虛傳呀！大概5成熟，入口即溶🤤冷麵幼滑，配上柚子汁好fresh，好岩夏天食😆 如果你都係New world club member而又拎左好多k dollar，記得用埋佢呀😆因為呢間鋪仲可以用K dollar比錢架☺️

第一次到k11戲院睇看戲，買了7:30pm戲票，便到這間店食晚飯。由於是星期三，所以店內沒有太多的人流，我們在門外不用等便直接進店。餐牌有很多選擇，皇牌是蟹沾麵，也有定食。我們選了沾麵和鰻魚飯。一上菜，份量都很多，對得上這個價錢。首先說說沾麵，味道不錯，但吃得多有點漏。鰻魚很新鮮，而且每塊鰻魚都很肥美，但與沾麵一樣，吃兩塊就足夠，份量太多了。值得一提的是，蘋果汽水很好喝。可能很多人都不會單點汽水，只喝餐廳提供的茶，但餐牌的飲品真的很吸引。雖然是貴，但一定值得這個價錢。店員的服務態度也很好，環境優美，很適合聊天。而且餐廳會提供即棄抹手毛巾，很衞生。如果價錢不是僱貴，相信與朋友再相約吃第二次。

日本東京人氣拉麵店 —♡︎多賀野♡位於尖沙咀𝙼𝚞𝚜𝚎𝚊︎，店內既食材係日本直送，而醬料係人手調配，好有誠意。希望下次可以去日本試試😊粟國塩味沾麵 $148沾麵湯汁唔會太咸，味道清清地，食完後唔會有口渴既感覺，不過湯汁暖唔夠熱。叉燒幾香，麵質硬度適中，口感煙韌，份量都幾多🥰多賀野醬油拉麵 $128醬油湯底幾清甜，糖心蛋同筍都唔錯！♡︎個人比較鍾意食沾麵♡︎

在K11 MUSEA大部分餐廳🍴都要等位，趕時間因此選擇實在不太多。呢間榮獲連續多年🌟米芝蓮推介嘅拉麵🍜，向來都好壞參半，不試不知箇中感覺，不過一試就知佢咩料🤔———————————————————————————🍜香蔥山椒叉燒拉麵🌶💬說真的，香蔥如相中所見真的超多，因為加入了醋變得又酸又辣，當中仲包括唐辛子、花山椒、胡椒，實在辣過正常嘅辣度🌶，附有兩片炙燒過嘅薄叉燒，但碗底加入大量炸菜，不知道確實有幾多人喜歡這種風格🤔.🍜多賀野醬油拉麵💬如不喜歡辣嘅朋友，很抱歉，只有醬油同鹽味可供選擇，坦白說實在超級難揀🥺。醬油湯底係唔太油，值得加分，但味道卻沒甚驚喜，溫泉蛋🥚、叉燒、紫菜等基本感覺，肉質屬幼身並不太過有口感🤔

週一來K11 Musea， 人算係松。看完電影🎬後，想吃一份簡餐。決定來試試這家週末都排隊的拉麵店。星期一1:30PM來，所以有位直接坐下。今天我們一大一小，所以叫的不多，一起分享。日式餃子 -有點失望，好像是一早煎好的，上菜時已經是溫溫的了。裡面的餡，和其他的拉麵店味道差不多。鹽味拉麵🍜-我女兒覺得很得意，麵端上來像一個smiley face。所以她一直giggle😊。 個人認為這個叉燒肉有些偏肥，但是我女兒又覺得很好吃。 蔥有點放多了，整碗麵的蔥味有點重。這家拉麵🍜店，沒有其他配菜給拉麵的，有點失望。蟹肉薯餅-剛炸出來，很香脆。建議趁熱吃。

#多賀野主要都係食日本美食，拉麵嘅舖頭，佢而家期間限定：極上蟹皇沾麵。如果你鍾意食蟹嘅話咁就啱晒啦🥰食蟹最麻煩就係剝殼，而佢已經幫你拆晒肉出嚟，等你食嘅時候都係淡淡食蟹肉口感非常之滿足，套餐裏面除咗有蟹肉仲有蟹子，蟹膏，炸軟殼蟹，而佢嘅上湯裏便都佈滿左蟹肉同蟹膏等你鍾意食蟹嘅可以一嘗口感之福😋粟國塩味拉麵🍜麵質爽口彈牙，配上厚厚嘅叉燒和滋味十足嘅流心蛋食完簡直回味無窮🥳而佢嘅飲料亦都好特別，有靜岡綠茶可樂，完熟水蜜桃汽水🥤而佢嘅座位非常闊落，仲可以擁有me time嘅座位，服務亦非常好👍🏻所以值得一試⭐️⭐️⭐️⭐️⭐️