夏麵館 (荷里活廣場)

營業中

休息中

同朋友喺鑽石山食飯，因為想食上海菜，所以決定食夏麵館。星期六晚黎講都唔算好多人等位，我哋只係大概等左10分鐘到就有位。餐牌上面都有好多選擇。我地揀咗一陣，最後叫咗嫩雞煨麵同埋三鮮煨麵。兩碗煨麵都好大碗，麵量好多之餘，湯底都好濃郁。佢啲雞肉都好嫩滑，咬落好林，好好食。三鮮煨麵除咗雞肉，仲有蝦仁同金華火腿，令到個麵更加鮮甜。之前試過佢嘅其他小食，例如水晶肴肉、雞絲粉皮，都幾有水準，大家如果有機會就試吓啦。

$508四人套餐:魚羹,一人唔止可以分到一碗,份量老虎一族係滿意,材料都呃唔到人,十分足料上海醬鴨,涼菜黎講分數非常高海蜤炒鱔絲﹑回鍋肉,兩個小菜普遍多油,但最抵死係呢兩個菜唔夠油係唔會好食干煸四季豆上海擔擔麵小龍包四隻甜品 桂花拉糕。本身舊糕就無咩味道,全靠個桂花味糖漿,味道都可以,唔算太甜外加:紅油抄手﹑一籠小龍包﹑高力豆沙夏麵館整體評分 8.0 /10推介: $508四人套餐, 套餐內容豐富,一家大細都夠飽,同時又試到唔同既菜,價錢實惠(五分滿)老虎乸滿意指數：🐯🐯🐯🐯(五分滿)老虎回頭率：🐯🐯🐯🐯🐯

After work tdy, meet my friend in Hollywood. The restaurants there are crowded. Want to choose something that is less spicy, finally choose this restaurant as I really like Shanghai food. The 雞絲粉皮 tasted good with lots of sauce, we finished it quickly The 小籠湯包 skin wasn’t thin enough, but the soup inside is hot and juicy. The 上海炒年糕wasn’t cut thin enough. Hope next time try other food.

見openrice咁多好評，今日專乘帶我熱愛食上海菜既父母親大人去一試，結果極之失望。首先小籠包皮厚肉粗，但都叫有啲汁；但生煎包入面完全汁，底又唔脆，同菜肉包差唔多；雪菜粉皮完全無雪菜既鮮味，只食到油味；最後個賽螃蟹，係最唔掂既，完全無味道，懷疑佢無落鹽，無鹽都唔緊要，本來落啲醋就可以補救返，但佢居然無食賽螃蟹一定要有既鎮江香醋(即好黑好濃個隻)，佢只有啲唔知咩醋，淡色透明既唔香(其實超市買支鎮江香醋，好平啫)，完全唔掂，以前叫咁多次賽螃蟹都未試過食唔晒，今次完全唔想食，食剩好多。全餐唯一ok 既係個燻蛋，食得下，但最後埋單時佢居然計咗我兩份錢，好在有睇一睇張單。結論……呢間餐廳已經俾我哋打落十八層地獄，永不超生，唔會再幫襯。但真想知點解openrice上面有咁多好評。

平時有時都見團購有賣夏麵館既優惠coupon，但今次黎食雖然無買coupon, 但麵覺得好抵食！二人餐係26x蚊，不過環加一同茶錢，最後都要3xx蚊！二人餐好抵，包左2個小食、1個餸、1個飯/粉/年糕、1個甜品再加2碗湯！都好抵！而且每一碟份量都好大！味道都唔錯！好耐無食過獅子頭，肉質好似肉丸咁，又無咩肥豬肉，好味！而且有好多菜伴碟，砌得好靚！瑤柱蛋白炒飯，其實好多地方都有得食，但炒得好味都有點學問。呢度既飯炒到剛好收水！每一粒飯都好有咬口，唔錯！2碟既小食都好大碟，出乎意料之外！不過糖醋排骨比我想像中無咁好味，因為肉質唔夠滑，麻麻地！味道好似薑醋味！海蜇好大條，味道不過不失，唔係特別好味！酸辣湯偏辣，好多料，都ok! 甜品，高力豆沙好新鮮，好熱，內軟！好味！服務一流，好有傳統酒樓既感覺，雖然佢地好多客，但店內職員都好有禮貌，好好！座位比較迫！環境佈置好精緻！畫好有趣！

友人當中有位是蟹癡， 每到秋天便會籌組蟹季飯局，而這次的飯局是個大閘蟹套餐團購－夏麵館7道菜「至尊大閘雙蟹」盛宴。同樣是一名蟹痴， 不過是廣東式薑蔥炒蟹的那種， 至於大閘蟹以前是完全不沾的， 後來因常到上海、江蘇一帶， 因利成便才吃起大閘蟹來。 大閘蟹向來不是便宜之物， 近幾年價格更是倍數攀升，昔日市面大閘蟹任食已絕跡，而剛在上月到陽澄湖吃過真正大閘蟹，深信本地日後更難以優惠價吃到質素相當的了。雖然對友人推薦的團購質素成疑，但撇除蟹的來源、斤量，大閘蟹套餐價錢確是挺吸引的，加上友人實在是很想試試團餐， 盛情難卻下也就一試吧！想起來也有些時日沒有光顧團購套餐了。說起夏麵館， 霖迪很喜歡上海總店， 風格平實但囗味最為正宗， 特別鍾情於夏麵館的蔥油拌麵， 別家總是吃不到相同的風味。 雖然香港店的口味跟上海店有不少距離， 但像這種滬式麵食饒有特色， 因此成了香港夏麵館的常客。這一團購餐需要預先致電訂座， 甫一坐下店員就會遞給我們特別餐牌， 附近的食客都向我們投以注目禮， 只因我們桌上已有套吃蟹餐具， 而這個團購餐已告結束，也許在場食客會有「相逢恨晚」之感。先上桌的是一式兩款的前菜， 分別是香煎

是晚一家人到荷里活廣場逛逛適逢家人生日,荷里活廣場咁多野食,問佢想食咩佢話想食上海菜, 我地就2話不說入左夏麵館。因為太耐無食過,唔知有咩食最後我地選擇左四人餐(好抵食!!)首先係個湯, 我地簡左醃篤鮮其實醃篤鮮就係筍呀菜呀咸五花肉呀一起煮既湯黎醃=醃製過的鹹肉鮮=新鮮的肉類篤=用細火燜味道不錯呢!而且係一大鍋涼菜A我地簡左糖醋小排骨一睇D汁就知道幾入味, 食過番尋味,唔洗一陣就食晒涼菜B我地簡左皮蛋拌豆腐又係好好食, 豆腐冰凍夠滑,而皮蛋是溏心拌埋D汁真係無得彈小菜A簡左川味口水雞辣到越食越過隱小菜A可以簡2款,第2款簡左蔥爆牛肉蔥味夠香濃,牛肉夠滑,份量真係大小菜B簡左干煸四季豆還有一籠小龍包呢! 一籠四隻,岩岩好一人一隻唔夠喉,我地又叫多左一籠$38一個四人餐都係$508叫到成檯都係野食還未上甜品呢~ 甜品都係包埋嫁~係WOR, 重有個飯/麵/年糕我地簡左上海擔擔麵份量超多,湯汁夠濃,而且花生味同辣味調得剛剛好另外重點左一份紅油抄手,甜甜的味道,好特別甜品到, 豆沙鍋餅總括呢一餐飯真係超值,生日既長輩又食得開心埋單都係$660 (你知嫁啦, 侯生請食飯, 埋單食得貴,長輩又會肉痛

入到餐廳坐位都算寬敞舒服由一開始唔係好鍾意食到而家覺得好好味的上海菜 星期一至五 優惠 午餐 都算優惠 啲上海麵好煙韌 湯底都好正 炒飯都唔錯 炒到一粒一粒好夠火候 紅燒牛肉撈麵有少少辣好惹味好好食 最正都係煙燻蛋 蛋白好夠入味 蛋黃流心 食咗一隻都唔夠 忍唔住食咗三隻 小食 雞絲粉皮 海蜇 好好味 午餐三四個人點佐3嗰餐已經食到好飽了; 上海小籠包 皮薄 好多汁 好甜呀啲汁 排骨擔擔麵 排骨大大件 炸到啲排骨 外脆內滑 連 八十幾歲嘅老人家都覺得好好味！ 總括嚟講可以值得食食

鋪前睇唔倒裏面 一直以為係細鋪 進內好大地方 環境舒服唔嘈 有服務閒日午市免茶錢 要加一清茶用茶壺上(冇茶葉) 大熱 有午市餐 & 套餐有折加$14 油菜加$12 豆沙鍋餅 但漏咗單 呆坐等待雞扒担担麵餐+小籠包2個+可樂罐裝 加10% $76担担麵~ 大大碗份量多 但唔好味麵條腍 湯底淡/冇味 獨有花生麻醬味 肥膩難嚥 👎炸雞扒~ 夠大塊 但油浸雞扒咁 皮唔脆 肥淋淋👎放在麵面嘅配菜有沙小籠包~ 好味 皮薄軟 有湯汁飲品~ 多選擇 (冇奶茶咖啡檸檬茶水)可選 凍/熱豆漿 酸梅湯 西洋菜蜜罐裝可樂/雪碧/忌廉

和男友來鑽石山看咖啡用品！看之前先吃個晚飯～看商場指示牌知道這邊有一間上海餐廳，二話不說就決定光顧這一間。在門口等了大約10-15分鐘就可以入坐，以平日晚飯時間來說，也算是很快。我們點了皮蛋豆腐、排骨擔擔麵和津白肉絲湯年糕。皮蛋豆腐：不錯，豆腐很冰凍～皮蛋是溏心的。份量也不少，夠二人一起吃！排骨擔擔麵：份量很多，花生味和辣味很夠。排骨有點乾，但是肉也不會太硬。津白肉絲湯年糕：夠熱，湯底很鮮甜！我們差不多把湯都喝光了！

一個人到鑽石山行街，突然想吃上海菜，就不如試下夏麵館啦！ 看見餐牌上都有很多不同種類 食午市套餐， 選擇困難症的我很難才選好，最後點了排骨擔擔麵+兩隻鮮肉鍋貼+凍豆漿 $68加一。 擔擔麵的湯底有濃濃的花生味，帶有少少辣，麵質煙韌，份量非常之多。 排骨醃得好入味，外層有少少脆，食落香口惹味！鮮肉鍋貼上枱的時候凍凍的，皮比較硬身，肉質亦冇juicy的感覺。豆漿不算太甜，味道適中。今次一個人到這裏吃午餐，不能夠試太多款式， 下次會再與朋友或家人到來，嘗嘗夏麵館其他的美食。

平時好少食中菜，今日試下轉一轉口味，哈哈，試下呢間上海菜呀。夏麵館環境麵算ok, 一入門口覺得好有中國風，一班人黎食既話都唔會算迫。食上海野點會少得擔擔麵呀！所以諗都冇諗就叫左個黎試！去圖～😊先講個湯底，都幾香花生味，微辣，愈食愈上癮呀。麵質都算幾好，唔會太腍呀。仲叫多左個夏味熏蛋，好欣賞呢個小食！個蛋白好入味，蛋黃係流心又香，唔知點樣先可以整到呢個效果？因為茶葉蛋蛋白入味，但蛋黃就會熟曬。所以唔知點先整到呢！推薦大家可以試下呀，價錢唔算太貴！

2大2細食咗4舊幾水，食完極之失望，蒜泥白肉無蒜泥唔特止，白肉仲鞋十十，素燒鵝唔係傳統嗰種、d麵軟淋淋，一d都唔彈牙.....小朋友唔鍾意食就知瀨嘢啦，無下次！

今日朋友係鑽石山附近做野，佢放lunch就一齊去荷里活食啦。行過見到夏麵館午市套餐都幾抵，就試一試啦。Set lunch係$60-70左右咁既價錢，佢包左一碗麵/飯+一個小食+同野飲。係商場黎講咁大份量野食真係好少見😂 所以決定兩個女仔share黎食，再加小食就算數啦。我地叫左個菜埔肉碎炒飯set lunch（$60），嘩估唔到幾大碟，飯粒粒分明，炒得好香又唔多油。炒飯最緊要飯粒夠咬口，又真係唔差！然後小食就加左$30 要個海蜇，因為我本身幾鍾意食，朋友又話冇咩所謂😜海蜇就普普通通，不過不失，唔夠個炒飯好食！我地仲叫多左個炸饅頭！個人認為好食過平時酒樓😜平時酒樓炸饅頭咬落去成口油，呢個炸饅頭咬落去唔會出油，皮又幾脆口！所以算係幾好食既炸饅頭，有驚喜☺️！總既黎講，覺得佢既午市套餐大份又抵食，細食既女仔應該一定食唔曬😂😂男仔就一定夠飽！食物質素都唔錯😊

夏麵館算係數一數二既地道上海菜，菜式簡單為主，冇太多花樣，味道較為清淡。岩哂一家大細。放工去到門口，原來有落場時間，要6點先開番。點知行完一個圈番黎，坐到滿哂咁濟！我地要坐近門口位TIM！ 我地本身話輕食，叫叫下都叫左好多野食。因為樣樣都好想食，哈哈！ 薰蛋(4/5)我人生食薰蛋有兩次，但依次出色好多。味道、熟度、賣相都好好。不過一人食一邊就夠，因為食多會好濟。 烤夫(3.5/5)有木耳、金針同埋青豆，味道偏咸，但唔會咸到苦，開胃小菜都幾好。 排骨擔擔麵(4.5/5)排骨好香好有肉汁，另外擔擔麵份量好多，湯頭有好重花生味。不過慢慢嘆既話，食到後尾Ｄ麵會索哂Ｄ湯，食到後段麻麻地。 小籠包(3.5/5)有湯汁，麵團頂較厚。 雪菜肉絲炒年糕(5/5)配料同年糕比例岩岩好，唔會食到尾得番年糕，可以再煮熱少少。好似有Ｄ攤凍左。 看著牆上既人生勉言，再呷一口清茶，格外有意思。雖然唔會話特別好食，但就係依種平平凡凡既感覺，讓你的晚餐結束辛勞的一天，帶給你一片寧靜。