夏麵館 (荷里活廣場)

營業中

休息中

朋友好鐘意食中式，所以我地不時會去夏麵館，我地個日點左雞絲粉皮、皮蛋拌豆腐、三鮮湯年糕同酸辣湯麵。雞絲粉皮好開胃，花生醬調得啱啱好，唔會太濃同太油，雞絲尚有雞味，而且條條唔同，似乎真係手撕出黎。粉皮透明晶螢，質感又滑又爽。皮蛋拌豆腐一樣唔錯，豆腐好滑，配合冰涼嘅皮蛋，令人胃口大開。至於酸辣湯面湯底唔算辣，但味道幾好，面質吾會太軟，算係不過不失。最後食嘅係每次必點嘅三鮮湯年糕，湯底味道鮮甜，年糕彈牙，再配合雞肉、蝦仁及金華火腿等配料，的確令人食指大動。再加上不同嘅菜，整體感覺好健康。

今日同朋友去到荷活里廣場隨便走入一間食店，食午餐都無入錯需要要加一服務費我同朋友每人叫左一個雞扒擔擔麵同排骨擔擔麵個湯底好香芝麻醬味唔試唔知原來要落單的時候要講聲辣或不辣，如果你唔出聲就會是辣的！大家要小心

今日同仔仔係鑽石山上興趣班，上完就順便係荷里活廣場lunch. 我見尼間餐廳野食都幾啱小朋友食，就入左去試下我地叫左酥炸大排面（$55）同埋豆沙鍋餅（$36）大家share. 酥炸大排即是炸豬排，上面有層炸粉。炸得都幾香脆但係略嫌有點燶。 個麵就正正常常無乜特別，麵質都唔錯，湯底就比較淡無乜味道。豆沙鍋餅幾好味。 個皮好似春卷皮甘薄薄脆脆的。個豆沙涵都唔錯幾香幾滑！埋單一百蚊度，有茶錢（$4/位）有加一。都ok啦！

今天中午在夏麵館用膳，第一次光顧，一點多坐落，還有空位，沒多久就要排隊，可能我們在唔使與下午茶的臨界時間入座。餐廳裝潢簡潔，座位比較闊落，多數客人為一家幾口。我們點了炸醬牛肉拌麵 $48，炸醬麻辣且香，麵質地軟但唔係唸，撈起黎食，好味。酥炸大排麵轉淮山麵 $55+$5=$60，個麵幼身，香且滑，湯底清甜，炸大排香脆但濃左少少，整體OK，尤其個麵。生煎包 $36，叫了一次然後追加，連小朋友都中意，皮香肉嫩，夠乾身，推薦。豆沙鍋餅 $36，連台紙都印此物，應該係招牌菜，但我反而覺得比起其它來說沒有咁出彩，不是說不好，而是感覺普通，當然它也是外脆內軟的，喜歡紅豆的朋友可以試試。

今日兩個人去食午餐，因為未到下午茶時間，午餐又唔太啱食，所以正價叫嘢食。首先一個排骨擔擔麵，份量夠，排骨OK。仲有鱔糊淮山麵，鱔糊就得幾條、筍就一大堆，唔抵食。淮山麵就夠爽但味淡。另外加咗個涼拌木耳，木耳爽口，又夠入味，係最好味嘅一樣嘢。另外仲叫咗蟹粉小籠包，小籠包係夠juicy，但個皮就厚同硬，仲要當你食曬碗麵至嚟到，都飽曬啦，仲邊覺得好食啫。飲品就叫咗兩杯豆漿，每杯盛惠十四蚊，豆香唔夠，街邊幾蚊杯貨色可以好過佢。

屋企人鍾情於上海菜, 剛剛的星期日就一行六人約去夏麵館開餐.4:45PM入座, 仲可以趕到係5點前點佢地嘅下午茶餐, 平少少, 仲多杯嘢飲, 同埋可以特價加小籠包&鍋貼.點齊全家嘅 favor :老上海粗炒 : 味道ok, 但嫌吾夠配菜, 多少少肉絲就好了.上海擔擔麵 : 好味, 少少辣雪菜肉絲炒年糕 : 呢碟好足料, 年糕又夠林嫩雞煨麵 : 麵有少少硬, 但個湯好好味, 菜絲同雞絲都夠多韮黃炒鱔絲 : 有水準, 鑊氣夠, 只係太多筍絲, 如果多返D芽菜, 少返D身筍絲會更好醉雞 : OK, 吾差五小碟 --- 蒜香四季豆/海蜇/雞絲粉皮/水晶肉/素鵝 : OK正常小籠包 : OK正常鍋貼 : OK好味食左咁多嘢, 叫埋嘢飲都係HKD605, 好抵呀!!

上海菜的狂熱粉絲又出洞啦連續比幾間所謂傳統既上海菜小店伏左既我，今次揀左間連鎖店。因為中左幾次伏，對香港仲有冇整得好食既上海菜心存質疑，所以都冇抱任何期望。點知，今次反而有驚喜喎12點左右啦，都幾多客，揀左兩個午市套餐等食啦。一個套餐係炸醬牛肉拌麵配涼拌粉皮加熱豆漿炸醬牛肉拌麵單睇賣相，見到面頭有唔少肉碎，麵既份量都幾多(係真係好多!）麵質落order果陣叫左煙韌，但因為佢麵條算係幼細，未做到好彈牙果種，但唔會煮得太耐過淋、似食緊麵糊，麵質黎講質素平平，不過接受范圍內。配料有大量肉碎同薯仔粒不得不提，薯仔切到好細粒、四方型，但食落係煮得啱啱好，就算勁算粒都食得出係薯仔既質感同味道值得一讚肉碎冇食過就唔知啦見到個底都有一層汁定唔知油既野，撈完食會惹味啲，同行朋友話食完係唔會覺得漏既。我試左一啖，唔會太重口味，都ok既。涼拌粉皮，粉皮仍然有少少凍，質感都彈牙既，但未係食過最爽口果種。因為都食過啲好漿既粉皮，所以哩個質素算中或中上；青瓜絲就普通野，無特別，解下漏咁；麻醬杰身，食得出甘味，唔錯。好彩落左唔多麻醬，如果唔係就會重口味好多整體表現唔差，但無驚喜，正常發揮。豆漿，㨂左熱既。飲落少少杰

假日同朋友行街, 下午茶時段去左夏麵館食tea....而星期六日假期, 所有下午茶套餐都要加HK$4, 但價錢還是比晚市更實惠呢~價錢都係平均HK$40-HK$50, 仲跟野飲, 抵!我就揀左酸辣湯麵+凍豆漿份量比晚市的一樣大碗, 湯底杰, 而且材料多令口感層次豐富, 拉麵索左個湯底都唔會太糊, 麵質容易掛湯, 每啖都食到酸酸辣辣, 很醒胃!凍豆漿, 雖然豆味不太濃郁, 甜度亦不算太重, 中規中舉最後加左HK$20食埋紅油抄手, 皮稍為厚左少少, 料又少左D, 但整體配上豉油同炸蒜, 甜甜地, 呢個價錢算係咁啦!總括而言, 只會下午茶時段先會幫襯夏麵館, 事關份量同味道都一樣, 下午茶仲抵食!

好耐冇食上海野啦，見到夏麵館咁多食物選擇就試下啦首先，我地點左夏味燻蛋。張餐紙寫住係上海名菜，果然係非一般好食佢既溏心效果做得岩岩好，而且有香燻既味道，好適合用黎做開胃小菜*夏味燻蛋 $13*跟著點左一碗三鮮豆腐羹。豆腐羹好足料，有雞肉、蝦仁同火腿，調到個自然鮮味出黎，亦都唔會太稀，每啖都有啲咬口*三鮮豆腐羹 $28*食上海菜點少得小籠包，呢度有兩種小籠包可以揀，一款係蟹粉，而另一款就係平啲既普通小籠包。今次就點左普通款既鮮肉小籠包，皮夠薄、汁夠多而又唔會整穿小籠包，完全合格*鮮肉小籠包 $38*最後我地一人點左一款主食，有XO醬豬頸肉麵同排骨菜飯。麵方面，我地加左$10轉擔擔湯底，湯底好正，有香濃既花生味個人認為擔擔湯底最緊要唔係得個辣字，一定要有花生醬香味，而呢個湯底就做得非常好，夠曬香濃細滑！而豬頸肉就普普通通，冇太特別驚喜。另外，排骨菜飯就相對地失色。排骨好似炸左好耐咁，表面濕濕稔稔，唔夠香脆可口*排骨菜飯 $62**XO醬豬頸肉麵 $48（轉擔擔湯底 $10）*總括黎講，夏麵館食物算係唔錯。而當我地離開既時候，出面已經有好多人排隊等緊位嚕

行行下街心血來潮想食下上海野，發現荷里活廣場有夏麵館！午市套餐都抵食，價格係根據選擇嘅主菜而調整，決定叫一個黎試吓。鮮肉小籠包(2隻) + 炸醬牛肉拌面 + 凍西洋菜蜜 $56小籠包既皮唔算厚，但湯汁唔多，好彩食落都唔會好乾炸醬麵既麵條幾彈牙，偏辣偏油另外仲叫左一個 自選涼菜五小碟 $108我覺得好值得叫，可以一次過試到5款菜式，份量都唔少！最好食係糖醋小排，雞絲粉片。而美味海蜇，涼拌小木耳，雖然冇咩驚喜但都唔錯！

晚飯前有啲口痕，所以黎左夏麵館食啲小食。兩個人叫左一碟涼拌五小碟， 有大概七八樣野比你揀，而我地就揀左雞絲粉皮，海折，四季豆，木耳同凍豬肉。每樣食物份量精緻，岩曬唔太肚餓，但又想試唔同野食既人。五樣野食全部都好滿意，品道好適中，唔會過鹹或過酸，再配熱茶，一邊傾計，一邊品嚐，都幾滿足。木耳，四季豆，海折，冰凍爽脆。雞絲粉皮，花生適分量，剛剛好，足夠來拌所有粉皮。凍豬肉幾特別，比較少食呢道菜，有啲似食啫喱咁。

星期日荷里活廣場有活動，約埋朋友一齊來參與，參加完活動又覺得肚餓，於是就去廣場附近的夏麵館，又遇啱下午茶時間，好彩剛剛開始下午茶時間，唔駛等，接著已經見有人在門口排隊。下午茶選擇都幾多，我揀左我最鍾意的酸辣湯餛飩麵，再加杯凍豆漿，估唔到碗麵都幾大碗，啱晒我未食午餐，先試酸辣湯，唔夠辣又唔夠酸，但就有好多酸辣湯料，而餛飩係麵下面，發現都有五隻餛飩，餛飩係菜肉，不過唔算特別，而麵質就煮得過腍，變得唔好食，雖然下午茶時段，但價錢都唔算平，應該都唔會再有下次。

其實荷里活有咩好食，好肯定話你知，係無！因為我做野響呢度附近都有一段日子，基本上，咁多間已經食均晒。仲食過樂多次。不過見到食評基本上全部一面倒我又覺得未至於會咁嘅。我估大概係因爲太大期望，呢間野全部點最普通嘅就最安全。最普通個隻小籠包，炸銀絲卷，小食拼盤，雞絲粉皮，如果你叫呢啲，咁一定實無死。蟹粉小籠包個啲算啦，我都食過，有蟹粉等於無，味道唔出，咁何必食咁貴。如果懷住至在有個地方，過下口癮，坐低，傾下計，咁會比較好

黎鑽石山睇戲貪佢有得免費泊車 睇戲順便食埋野今次黎食夏麵館 因為係假曰關係 黎到門口已經企滿曬人係到等位 等左3，4個字到終於入得去 時間無多 坐低立即睇下menu有咩食先我地叫左4樣野 落完單格左陣野食就到啦 速度都算幾快！！服務員服務態度都幾好 久唔久就幫我地收拾食完既碟 等我地多d位置放食物 唔錯首先黎既係前菜。之後到酸辣牛肉麵 酸酸辣辣幾惹味再黎炸銀絲卷 炸🉐️好香脆 食落好有層次感蟹粉小籠包 本人覺得普通版仲好食 價錢仲要貴成倍 完全唔值

寫咁多篇食評第一次真係有一間難食嘅餐廳!我去過樂富分店既夏麵館， so far so good。 但係鑽石山呢間真係非常難食！首先，一間上海餐廳既小籠包應該係最出色，但係呢度既小籠包皮厚、賣相唔靚、肉汁冇味、豬肉嚡霎霎 ，真心未食過咁難食嘅小籠包 ！鹹肉菜炒飯飯粒又硬又油， 而且仲食到一條眼睫毛 ! 同一條不知名物體！!諗起都嘔心!豆沙鍋餅 係就係熱辣辣，但係塊皮硬度好似擺咗喺度幾日咁 ！勉強食兩舊已經唔想食!上海菜嚟講夏麵館係價錢比較平， 但都要畀茶介同埋加一 。 同翡翠真係爭幾班 ！ 奈何成個荷里活商場只有呢間上海菜，囝囝又非常想食上海菜， 無可奈何先至選擇佢。唯獨最好嘅就係經理服務態度好， 但咁嘅食物質素就算唔使錢都唔會再光顧。